ხვალ

ანოტაცია

ოლეკსანდრ კრასოვიცკის წიგნი „ხვალ“ ერთგვარი წინასწარი განჭვრეტაა იმ მოვლენებისა, რომლებიც გარდაუვალად დაატყდება თავს რუსეთის ფედერაციას, როგორც „ბოროტების იმპერიას“, მისი ჯოჯოხეთური ქმედებების გამო. ნოველების პერსონაჟები ზედმეტად რეალისტურნი არიან: ყალბი, პარალელური რეალობის შემქმნელი პროპაგანდისტი, უშიშროების სამსახურის ცინიკური და დაუნდობელი თანამშრომელი, შეშლილი ტირანი...

 

ავტორის განმარტებით, „შესაძლოა, სწორედ ამ უმსგავსმა კაცუნებმა მოახერხეს ევროპაში დიდი ომის გაჩაღება. ისინი მთელ მსოფლიოში ფუთფუთებდნენ, ხლართავდნენ წარმოსახვით რეალობას არა მხოლოდ რუსეთის მოქალაქეებისთვის, არამედ გერმანელების, ისრაელელებისა და ამერიკელებისთვისაც. მოისყიდდნენ პოლიტიკოსებს, სოციალური ქსელების მეშვეობით აყალიბებდნენ და აფინანსებდნენ პოლიტიკურ პარტიებს, ერეოდნენ არჩევნებში, ეკონომიკური შანტაჟით არაერთ ქვეყანას აიძულებდნენ, საკუთარი ინტერესების საწინააღმდეგოდ ემოქმედათ“. წიგნს შეიძლება ანტიუტოპიური ვუწოდოთ, მაგრამ მაშინ უნდა ვაღიაროთ, რომ ჩვენ, უკვე დიდი ხანია, ანტიუტოპიაში ვცხოვრობთ. „ეს წიგნი წარსულ ისტორიას არ ეხება, ის

მომავლის შესახებ გვაფრთხილებს“, – ამბობს ავტორი.

 

თარგმნა შალვა ლეჟავამ