Windows on the World

ანოტაცია

რა მოხდა 2001 წლის 11 სექტემბერს "მსოფლიო სავაჭრო ცენტრში"? "ამის გასარკვევად ერთადერთი გზა არსებობს, - ამბობს ფრედერიკ ბეგბედერი, - უნდა გამოვიგონოთ". ასე იწყება ეს წიგნი, რომელიც მოგვითხრობს მსოფლიოში ყველაზე მასშტაბური ტერაქტის შესახებ, ხსნის მის გამომწვევ მიზეზებს და საუბრობს მოსალოდნელ შედეგებზე.

Windows on the World-ს ორი ძირითადი პროტაგონისტი ჰყავს: რომანის ფრანგი ავტორი და ამავე რომანის ამერიკელი პერსონაჟი, რომელთა თხრობაც იმდენად გადაჯაჭვულია, რომ რიგ შემთხვევაში პასაჟის დასაწყისში ცოტა რთულიც კი არის იმის გარკვევა, თუ ვინ საუბრობს. ამგვარი ლიტერატურული ხერხი, რა თქმა უნდა, შემთხვევითი არ არის. "ამ რომანის დაწერა მისი ჰიპერრეალურობის გამოა ძნელი", - ამბობს ავტორი. სწორედ ამ რეალობის მძაფრად და მთელი სიცხადით გასააზრებლად ერწყმის ნაწარმოებში წარსული აწმყოს, ხოლო გამოგონილი პერსონაჟის თხრობა გამომგონებლის ნაამბობს.

მაშ ასე, 2001 წლის 11 სექტემბერი. მსოფლიო სავაჭრო ცენტრის ჩრდილოეთ ცათამბრჯენზე მდებარე რესტორან Windows on the World-ში ქართიუ იორსტონი თავის ორ პატარა ვაჟიშვილთან ერთად სასაუზმოდ მიდის...