ვიტ E ი/მ

ფარმაკოთერაპიული ჯგუფი: ვიტამინური საშუალება.
გამოშვების ფორმა და შემადგენლობა: საინექციო ზეთის ხსნარი ამპულებში. 1 მლ პრეპარატი შეიცავს 100მგ ტოკოფეროლის აცეტატს.
ჩვენება: ჰიპოვიტამინოზი E, კუნთების დისტროფია, დერმატომიოზიტები, გვერდითი ამიოტროფული სკლეროზი, მენსტრუალური ციკლის დარღვევა, ორსულობის შეწყვეტის საშიშროება, მამაკაცებში სასქესო ჯირკვლების ფუნქციის დარღვევა, დერმატოზები, ფსორიაზი. პრეპარატი ფართოდ გამოიყენება გერიატრიულ პრაქტიკაში.
მიღების წესი და დოზირება: ინტრამუსკულური ინექციები. შეყვანის წინ პრეპარატს ათბობენ სხეულის ტემპერატურამდე.
დღეღამური დოზა 0,5-3მლ (50-300მგ) პრეპარატი. მკურნალობის ხანგრძლივობა და კონკრეტული დღეღამური დოზა დამოკიდებულია დაავადების მიმდინარეობაზე და ინიშნება ექიმის მიერ.
წინააღმდეგჩვენება: პრეპარატის მიმართ ინდივიდუალური ჰიპერმგრძნობიელობა. მიოკარდიუმის ინფარქტი მწვავე პერიოდში, ჰიპოტრომბინემია ვიტამინ K-ს დეფიციტის ფონზე.
გვერდითი მოვლენები: შესაძლებელია ინექციის ადგილას განვითარდეს მტკივნეულობა და ინფილტრატი, ადგილობრივი და ზოგადი ალერგიული რეაქციები. რეკომენდებული დოზების გაზრდის შემთხვევაში შესაძლებელია დისპეფსია, თავის ტკივილი და ზოგადი სისუსტე.
ორსულობა და ლაქტაცია: ორსულობის და ლაქტაციის პერიოდში პრეპარატი გამოიყენება მკაცრად ექიმის დანიშნულებით.
შენახვის პირობები: სინათლისაგან დაცულ ადგილას, არაუმეტეს +25C ტემპერატურაზე.
გამოშვების ფორმა: 1ლ 10% ზეთის ხსნარი საინექციო ამპულაში. შეფუთვაში 10 ამპულა.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.