ვიტ B-1 ი/მ

შემადგენლობა: ყოველი მლ პრეპარატი შეიცავს 50მგ თიამინის ქლორიდს.
ჩვენებები: ვიტამინი B1-ის ჰიპო- და ავიტამინოზი დაკავშირებული მისი ნაწლავში შეწოვის დაქვეითებასთან, შიმშილობასთან, ქრონიკულ ალკოჰოლიზმსა და ღვიძლის ფუნქციის დაქვეითებასთან. ვიტამინის გაზრდილი მოთხოვნილება ორსულობის, ლაქტაციის და ორგანიზმის ინტენსიური ზრდის დროს. ნევრიტების, პოლინევრიტების, რადიკულიტის, ნევრალგიების, პერიფერიული დამბლების დროს. აგრეთვე გამოიყენება ნევროგენული დერმატოზების, კანის ქავილის, პიოდერმიის, ეკზემის და ფსორიაზის სამკურნალოდ.
მიღების წესი და დოზირება: შეჰყავთ კუნთში. მოზრდილებს: 0,5–1მლ (25–50მგ) პრეპარატი ერთხელ დღეში ყოველდღე. ბავშვებს: 0,25მლ (12,5მგ) დღეში. კურსი: 10–30 ინექცია. მაქსიმალური ერთჯერადი დოზა მოზრდილებისთვის 2მლ (100მგ), ბავშვებისთვის 0,5მლ (25მგ).
უკუჩვენებები: პრეპარატისადმი ჰიპერმგრძნობიარობა, ალერგიული დაავადებები.
ორსულობა და ლაქტაცია: უკუჩვენებები არ არის.
სიფრთხილე და განსაკუთრებული მითითებები: პრეპარატის შეყვანა უნდა დაიწყოს მინიმალური დოზებით, რომელთა ზრდა დასაშვებია პრეპარატის კარგი ამტანიანობის შემთხვევაში. სიფრთხილით უნიშნავენ პაციენტებს ნერვული სისტემის მაღალი აღგზნებადობით. პრეპარატის მაღალი მჟავიანობის გამო მისი ინექციები ხშირად მტკივნეულია. პრეპარატის მიღება არ ახდენს გავლენას მექანიზმებთან მუშაობაზე და ავტომანქანის მართვაზე.
ინახება სინათლისგან დაცულ ადგილას, არაუმეტეს +25C ტემპერატურაზე.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.