ვერეზონი - Verezon 24მგ 30 ტაბლეტი

ვერეზონი 24 მგ ტაბლეტი

პერორალური გამოყენებისთვის.

აქტიური ნივთიერება: თითოეული ტაბლეტი შეიცავს 24 მგ ბეტაჰისტინის დიჰიდროქლორიდს, 15,63 მგ ბეტაჰისტინის ექვივალენტურს.

დამხმარე ნივთიერებები: მიკროკრისტალური ცელულოზა, მანიტოლი, ლიმონმჟავას მონოჰიდრატი, კოლოიდური სილიციუმის დიოქსიდი, ტალკი.

მედიკამენტის გამოყენებამდე ყურადღებით გაეცანით პაციენტისთვის განკუთვნილ ფურცელ-ჩანართს რადგან ის შეიცავს თქვენთვის მნიშვნელოვან ინფორმაციას.

შეინახეთ ეს ფურცელი-ჩანართი, შესაძლებელია თქვენ კვლავ დაგჭირდეთ მისი წაკითხვა.
დამატებითი კითხვების შემთხვევაში მიმართეთ ექიმს ან ფარმაცევტს. 
ეს მედიკამენტი დაგენიშნათ მხოლოდ თქვენ. ნუ გადასცემთ მას სხვა პირს. 
ამ პრეპარატის გამოყენების პერიოდში ექიმთან ან საავადმყოფოში ვიზიტისას, აცნობეთ ექიმს რომ იღებთ ამ პრეპარატს.  
დაიცავით პრეპარატის შესახებ მოცემული ინსტრუქციები. არ მიიღოთ თქვენთვის დანიშნულ დოზაზე მაღალი ან დაბალი დოზა.

წინამდებარე ფურცელ-ჩანართში წარმოდგენილია:
1.რა არის ვერეზონი  და რისთვის გამოიყენება ის?
2.რა უნდა იცოდეთ ვერეზონის მიღებამდე?
3.როგორ მიიღება ვერეზონი?
4.რა გვერდითი მოვლენებია მოსალოდნელი
5.როგორ ინახება ვერეზონი?

1. რა არის ვერეზონი და რისთვის გამოიყენება ის?

ვერეზონი 24 მგ ტაბლეტი არის პერორალურად მისაღები, თეთრი ფერის, ორმხრივ ამოზნექილი, მრგვალი ტაბლეტი ჭდით ცალ მხარეს.

ვერეზონი შეიცავს 24 მგ ბეტაჰისტინის დიჰიდროქლორიდს აქტიურ ნივთიერების სახით. ვერეზონი არის "ჰისტამინის მსგავსი" პრეპარატი.

ის გამოიყენება მენიერის დაავადების სამკურნალოდ. მენიერის დაავადების სიმპტომები მოიცავს შემდეგს:

-   თავბრუსხვევა (ვერტიგო) და გულისრევა ან ღებინება;

-   ტინიტუსი;

-   სმენის დაკარგვა ან სმენის გართულება;

თავბრუსხვევა გამოწვეულია შუა ყურის ზოგიერთი ნაწილის, რომელიც აკონტროლებს წონასწორობას,  არასწორი მუშაობით (ე.წ. "ვესტიბულური თავბრუსხვევა").

ვერეზონი აუმჯობესებს შუა ყურში სისხლის მიმოქცევას. ამის შედეგად მცირდება წნევის ზრდა.

2. რა უნდა იცოდეთ ვერეზონის მიღებამდე?

ვერეზონი გამოიყენება მხოლოდ მოზრდილებში

არ მიიღოთ ვერეზონი თუ: 

·   გაქვთ ალერგია (ჰიპერმგრძნობელობა) ბეტაჰისტინის დიჰიდროქლორიდის ან ვერეზონის რომელიმე სხვა ინგრედიენტის მიმართ;

·   ექიმმა გითხრათ, რომ გაქვთ თირკმელზედა ჯირკვლის სიმსივნე (ე.წ. ფეოქრომოციტომა);

თუ ზემოთ ჩამოთვლილიდან რომელიმე თქვენ გიკავშირდებათ, არ გამოიყენოთ ეს მედიკამენტი. თუ არ ხართ დარწმუნებული, გაიარეთ კონსულტაცია ექიმთან ან ფარმაცევტთან ვერეზონის გამოყენებამდე.

განსაკუთრებული სიფრთხილე ვერეზონის გამოყენებისას

ამ პრეპარატის მიღებამდე გადაამოწმეთ ექიმთან, თუ შემდეგიდან რომელიმე თქვენ გიკავშირდებათ :

·   თუ გაქვთ ან ანამნეზში აღგენიშნებათ კუჭის ან თორმეტგოჯა ნაწლავის წყლული;

·   თუ გაქვთ ასთმა. 

თუ ეს გეხებათ თქვენ, თუნდაც წარსულში ან არ ხართ დარწმუნებული, მიმართეთ თქვენს ექიმს ან ფარმაცევტს.

ექიმმა შესაძლოა საჭიროდ ჩათვალოს თქვენი უფრო საფუძვლიანი მონიტორინგი ვერეზონის გამოყენებისას.

ვერეზონის გამოყენება საკვებთან და სასმელთან ერთად

ვერეზონის მიღება შეგიძლიათ საკვებთან ერთად ან მისგან დამოუკიდებლად. თუმცა, ვერეზონმა შეიძლება გამოიწვიოს კუჭის მსუბუქი პრობლემები (მითითებული მე-4 პარაგრაფში).

ვერეზონის მიღება საკვებთან ერთად დაგეხმარებათ კუჭის პრობლემების შემცირებაში.

ორსულობა

პრეპარატის მიღებამდე მიმართეთ ექიმს ან ფარმაცევტს კონსულტაციისთვის.

უცნობია ახდენს თუ არა ვერეზონი გავლენას ნაყოფზე:

·   თუ დაორსულდით ან ფიქრობთ, რომ შეიძლება იყოთ ორსულად, შეწყვიტეთ ვერეზონის გამოყენება და აცნობეთ ექიმს.

·   თუ ორსულად ხართ, არ გამოიყენოთ ვერეზონი თუ ექიმი არ მიიჩნევს ამას აუცილებლად.

თუ მკურნალობის დროს გაიგეთ რომ ორსულად ხართ, დაუყოვნებლივ აცნობეთ ექიმს ან ფარმაცევტს.

ძუძუთი კვება

ამ პრეპარატის მიღებამდე მიმართეთ ექიმს ან ფარმაცევტს კონსულტაციისთვის.

უცნობია გამოიყოფა თუ არა ვერეზონი დედის რძეში.

·   თუ თქვენ იყენებთ ვერეზონს არ კვებოთ ბავშვი ძუძუთი, გარდა იმ შემთხვევისა თუ ექიმის მიერ არ არის რეკომენდებული.

ავტომობილის მართვა და მექანიზმების გამოყენება

სვარაუდოდ ვერეზონი არ ახდენს გავლენას ავტომობილის მართვის ან მექანიზმებთან მუშაობის უნარზე.

თუმცა, უნდა გახსოვდეთ, რომ დაავადებამ, რის გამოც იღებთ ვერეზონს (მენიერის დაავადება ან თავბრუსხვევა, რომელიც გამოწვეულია შუა ყურის პრობლემებით) შეიძლება გამოიწვიოს თავბრუსხვევა ან ღებინება და გავლენა მოახდინოს ავტომობილის მართვისა და მექანიზმის გამოყენების უნარზე ან დავალებების შესრულებაზე, რაც მოითხოვს მაღალ კონცენტრაციას. თუ არ ხართ დარწმუნებული, მიმართეთ თქვენს ექიმს ან ფარმაცევტს კონსულტაციისთვის.

მნიშვნელოვანი ინფორმაცია ვერეზონის ზოგიერთი ინგრედიენტის შესახებ

არ შეიცავს დამხმარე ნივთიერებებს, რომლებიც საჭიროებენ გაფრთხილებას.

სხვა მედიკამენტების მიღება

თუ იყენებთ რომელიმე ქვემოთ ჩამოთვლილ მედიკამენტს, აცნობეთ თქვენს ექიმს ან ფარმაცევტს:

·   ანტიჰისტამინური საშუალებები - ამ მედიკამენტებმა თეორიულად შეიძლება შეამცირონ ვერეზონის ეფექტურობა. გარდა ამისა, ვერეზონმა შეიძლება ასევე შეამციროს ანტიჰისტამინური საშუალებების ეფექტი.

·   მონოამინ-ოქსიდაზას ინჰიბიტორები (მაოი) - გამოიყენება დეპრესიის ან პარკინსონის დაავადების სამკურნალოდ. მათ შეიძლება გაზარდონ ვერეზონის ეფექტი.

·   თუ ზემოთ ჩამოთვლილთაგან რომელიმე თქვენ გეხებათ (ან არ ხართ დარწმუნებული), ვერეზონის გამოყენებამდე გაიარეთ კონსულტაცია ექიმთან ან ფარმაცევტთან.

აცნობეთ თქვენს ექიმს ან ფარმაცევტს, თუ იღებთ ან უახლოეს წარსულში გაქვს მიღებული რაიმე სხვა მედიკამენტი, ურეცეპტო პრეპარატების ჩათვლით.

3. როგორ მიიღება ვერეზონი?

ინსტრუქციები სათანადო გამოყენების და დოზის / სიხშირის შესახებ:

ყოველთვის მიიღეთ ვერეზონი ზუსტად ექიმის დანიშნულების მიხედვით. თუ არ ხართ დარწმუნებული, გადაამოწმეთ ექიმთან ან ფარმაცევტთან.

·   მედიკამენტის დოზას დაარეგულირებს მკურნალი ექიმი, თქვენი განკურნების შედეგების მიხედვით.

·   მედიკამენტის გამოყენება ხდება ხანგრძლივად, შესაძლოა გარკვეული დრო დასჭირდეს პრეპარატის ეფექტის გამოვლენას.

რეკომენდებული დოზაა ვერეზონი 24 მგ ერთი ტაბლეტი 2-ჯერ დღეში.

თუ იღებთ ერთზე მეტ ტაბლეტს, გაანაწილეთ დოზები თანაბრად მთელი დღის განმავლობაში; მაგალითად; ერთი ტაბლეტი დილით და ერთი ტაბლეტი საღამოს.

შეეცადეთ მიიღოთ ტაბლეტები ყოველდღე ერთსა და იმავე დროს. ეს უზრუნველყოფს, რომ ორგანიზმში პრეპარატის რაოდენობა იყოს ფიქსირებული. ასევე, მისი ერთდსა და იმავე დროს მიღება დაგეხმარებათ არ დაგავიწყდეთ წამლის მიღება.

მიღების წესი და მეთოდი:

·   მიიღეთ ტაბლეტი წყლთან ერთად.

ტაბლეტის მიღება შეგიძლიათ საკვებთან ერთად ან მისგან დამოუკიდებლად. თუმცა, ვერეზონმა შეიძლება გამოიწვიოს კუჭის მსუბუქი პრობლემები (მითითებულია მე-4 პარაგრაფში).

ვერეზონის საკვებთან ერთად მიღება დაგეხმარებათ კუჭის პრობლემების შემცირებაში.

სხვადასხვა ასაკობრივი ჯგუფი:

გამოყენება ბავშვებში:

ვერეზონი არ არის რეკომენდებული 18 წლამდე ასაკის ბავშვებში გამოყენებისთვის, უსაფრთხოებისა და ეფექტურობის შესახებ არასაკმარისი მონაცემების გამო.

გამოყენება ხანდაზმულებში:

მიუხედავად იმისა, რომ ამ პაციენტების ჯგუფში კლინიკური კვლევების მონაცემები შეზღუდულია, ფართო პოსტმარკეტინგული გამოცდილების მიხედვით, დოზის კორექცია საჭირო არ არის ამ პაციენტების პოპულაციისთვის.

განსაკუთრებული პოპულაციები:

თირკმლის / ღვიძლის უკმარისობა:

მიუხედავად იმისა, რომ პაციენტების ამ ჯგუფებში არ არსებობს კლინიკური კვლევების მონაცემები, პოსტმარკეტინგული გამოცდილების მიხედვით პაციენტების ამ პოპულაციაში დოზის კორექცია საჭირო არ არის. თუ გაქვთ შთაბეჭდილება, რომ ვერეზონის ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.

თუ მიიღეთ საჭიროზე მეტი ვერეზონი:

თუ მიიღეთ საჭიროზე მეტი ვერეზონი, მიმართეთ თქვენს ექიმს ან ფარმაცევტს.

თუ მიიღეთ საჭიროზე მეტ ვერეზონს, შეიძლება გაგითარდეთ გულისრევა, ძილიანობა ან კუჭის ტკივილი. ასეთ შემთხვევაში საჭიროა ექიმთან კონსულტაცია.

თუ დაგავიწყდათ ვერეზონის მიღება:

თუ დაგავიწყდათ პრეპარატის მიღება, გამოტოვეთ დავიწყებული დოზა. მიიღეთ შემდეგი დოზა ჩვეულებრივ დროს.

არ მიიღოთ ორმაგი დოზა გამოტოვებული დოზის ასანაზღაურებლად.

თუ წყვეტთ ვერეზონის მიღებას:

არ შეწყვიტოთ ვერეზონის მიღება ექიმთან წინასწარი კონსულტაციის გარეშე, მაშინაც კი, თუ თავს უკეთ გრძნობთ. ამ მედიკამენტის გამოყენებასთან დაკავშირებით დამატებითი შეკითხვების შემთხვევაში, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

როგორც ყველა სხვა მედიკამენტმა, ვერეზონმაც შეიძლება გამოიწვიოს გვერდითი მოვლენები მის შემადგენლობაში შემავალი ნივთიერებების მიმართ მგრძნობიარე ადამიანებში.

გვერდითი მოვლენები დაყოფილია შემდეგ კატეგორიებად:

ძალიან ხშირი: შეიძლება გამოვლინდეს 10 პაციენტიდან მინიმუმ 1-ში;

ხშირი: შეიძლება გამოვლინდეს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში.

არახშირი: შეიძლება გამოვლინდეს 100 პაციენტიდან 1-ზე ნაკლებში, მაგრამ 1000-დან 1-ზე მეტ პაციენტში 

იშვიათი: შეიძლება გამოვლინდეს 1000 პაციენტიდან 1-ზე ნაკლებში, მაგრამ 10,000-დან 1-ზე მეტში;

ძალიან იშვიათი: შეიძლება გამოვლინდეს 10,000 პაციენტიდან 1-ზე ნაკლებში;

უცნობი: სიხშირის შეფასება ვერ ხერხდება არსებული მონაცემებით.

თუ გამოვლინდა რომელიმე ქვემოთ ჩამოთვლილი, შეწყვიტეთ ვერეზონის მიღება და დაუყოვნებლივ აცნობეთ ექიმს ან მიმართეთ სასწრაფო დახმარების განყოფილებას უახლოეს საავადმყოფოში:

შემდეგი გვერდითი მოვლენების სიხშირე უცნობია:

·   ალერგიული რეაქციები, სიმპტომები შეიძლება მოცავდეს შემდეგს:

- წითელი ან ამობურცული გამონაყარი კანზე ან კანის ქავილი და ანთება;

- სახის, ტუჩების, ენის ან ყელის შეშუპება;

- არტერიული წნევის დაქვეითება;

- გონების დაკარგვა;

- სუნთქვის გაძნელება.

ეს ყველაფერი ძალიან სერიოზული გვერდითი მოვლენებია.

თუ თქვენ აგეღნიშნათ ერთ-ერთი მათგანი, გაქვთ სერიოზული ალერგიული რეაქცია ვერეზონზე. შეიძლება დაგჭირდეთ სასწრაფო სამედიცინო ჩარევა ან ჰოსპიტალიზაცია.

თუ შეამჩნევთ ჩამოთვლილთაგან რომელიმეს, აცნობეთ ექიმს:

ხშირი

·   გულისრევა

·   საჭმლის მონელების დარღვევა (დისპეფსია) 

·   თავის ტკივილი

უცნობი

·   მსუბუქი პრობლემები კუჭის მხრივ, როგორიცაა ღებინება, კუჭის ტკივილი, მუცლის გამობერვა,  შებერილობა და მეტეორიზმი;

·   კანის  და კანქვეშა  ქსოვილის ჰიპერმგრძნობელობის (ალერგიული) რეაქციები, განსაკუთრებით ანგიონევროზული შეშუპება (ქავილი გამონაყარი და/ან სახის, ტუჩების, ენისა და ყელის შეშუპება), ჭინჭრის ციება (კანის სიწითლე და ქავილი), გამონაყარი და ქავილი.

ვერეზონის მიღება საკვებთან ერთად დაგეხმარებათ კუჭის პრობლემების შემცირებაში. 

ეს არის ვერეზონის მსუბუქი გვერდითი მოვლენები.

თუ შეამჩნევთ რაიმე გვერდითი მოვლენას, რომელიც არ არის მითითებული ამ გამოყენების ინსტრუქციაში, გთხოვთ აცნობეთ თქვენს ექიმს ან ფარმაცევტს.

შეტყობინება გვერდითი მოვლენების შესახებ

თუ გამოვლინდა რაიმე გვერდითი მოვლენა, რომელიც მითითებულია ან არ არის მითითებული ამ გამოყენების ინსტრუქციაში, მიმართეთ მკურნალ ექიმს, ფარმაცევტს ან მედდას. თქვენ ასევე შეგიძლიათ შეატყობინოთ გვერდითი მოვლენების შესახებ გვერდითი ეფექტების შეტყობინების ხაზზე დარეკვით. გვერდითი მოვლენების შეტყობინებით თქვენ შეგიძლიათ დახმარების გაწევა ამ მედიკამენტის უსაფრთხოების შესახებ მეტი ინფორმაციის მოწოდებაში.

5. როგორ ინახება ვერეზონი

შეინახეთ ვერეზონი ბავშვებისთვის მიუწვდომელ ადგილას ორიგინალ შეფუთვაში.

ინახება არა უმეტეს 25°C ოთახის ტემპერატურაზე ორიგინალ შეფუთვაში.

გამოიყენეთ ვარგისობის ვადის შესაბამისად.

არ გამოიყენოთ ვერეზონი შეფუთვაზე მითითებული ვარგისობის ვადის გასვლის შემდეგ.

არ გამოიყენოთ ვერეზონი, თუ შეამჩნევთ რაიმე დაზიანების ნიშანს პროდუქტზე და/ან შეფუთვაზე.

არ გადაყაროთ ვადაგასული ან გამოუყენებელი პრეპარატები! მოათავსეთ გარემოს დაცვისა და ურბანიზაციის სამინისტროს მიერ დადგენილ შეგროვების სისტემაში.

გაცემის წესი:

ფარმაცევტული პროდუქტის ჯგუფი - III , გაიცემა რეცეპტის გარეშე

ასევე, იხილეთ: >Betahistine Normon - ბეტაჰისტინი ნორმონი 24მგ 60 ტაბლეტი