ვენტოდუო 100/50მკგ 200დ საინჰ
46.00
₾მახასიათებლები
პროდუქტის დეტალები
აღწერა
ვენტოდუო 100 მიკროგრამი/50 მიკროგრამი
საინჰალაციო სუსპენზია შესასხურებელი მოწყობილობით
1. ვენტოდუო და მისი გამოყენება
ვენტოდუო შეიცავს ორ აქტიურ ნივთიერებას, სალბუტამოლს და ბეკლომეტაზონის დიპროპიონატს.
სალბუტამოლი არის ხანმოკლე მოქმედების ბრონქოდილატორი. ბრონქოდილატატორები ადუნებენ ფილტვების ჰაერგამტარი გზების კედლებში არსებულ კუნთებს, რაც აადვილებს ჰაერგამტარი გზების გახსნას, ეს კი იძლევა უკეთესად სუნთქვის შესაძლებლობას.
ბეკლომეტაზონის დიპროპიონატი არის კორტიკოსტეროიდი, რომელიც იწვევს ფილტვების ანთების და გაღიზიანების შემცირებას.
ვენტოდუო ნაჩვენებია ასთმის სამკურნალოდ პაციენტებში, რომლებიც საჭიროებენ კორტიკოსტეროიდებს და ხანმოკლე და სწრაფი მოქმედების ბრონქოდილატატორებს.
2. ვენტოდუოს მიღებამდე გასათვალისწინებელი ინფორმაცია
არ მიიღოთ ვენტოდუო
- თუ ალერგიული ხართ სალბუტამოლის, ბეკლომეტაზონის დიპროპიონატის ან ამ მედიკამენტის რომელიმე სხვა კომპონენტის მიმართ (ჩამოთვლილი მე-6 პუნქტში).
გაფრთხილება და სიფრთხილის ზომები
ვენტოდუოს მიღებამდე მიმართეთ თქვენს ექიმს ან ფარმაცევტს შემდეგ შემთხვევებში:
- თუ გქონდათ აფთები პირის ღრუში.
- თუ გაგიუარესდათ ასთმა ან გიჭირთ სუნთქვა. თუ შეამჩნევთ «ხიხინს» ან მოგუდვის შეგრძნებას ან მედიკამენტი უნდა გამოიყენოთ ჩვეულებრივზე უფრო ხშირად. ჩამოთვლილთაგან რომელიმე შემთხვევაში დაუყოვნებლივ მიმართეთ თქვენს ექიმს.
- თუ აღგენიშნებათ აქტიური ან ლატენტური ტუბერკულოზი.
- თუ აღგენიშნებათ გულისა და სისხლძარღვების სერიოზული დარღვევები (მძიმე კარდიოპათია, გადატანილი გაქვთ გულის დაავადება, არარეგულარული გულის რითმი, სტენოკარდია ან მძიმე და არანამკურნალევი ჰიპერტენზია). თუ გაწუხებთ ტკივილი გულმკერდის არეში ან გაუარესდა გულის დაავადებების სიმპტომები, დაუყოვნებლივ მიმართეთ თქვენს ექიმს.
- თუ აღგენიშნებათ თირეოტოქსიკოზი (ფარისებრი ჯირკვლის გადაჭარბებული აქტივობა), ჰიპოკალიემია (კალიუმის დონის დაქვეითება სისხლში), დადგენილი გაქვთ ანევრიზმა (არტერიული გაფართოება) ან შაქრიანი დიაბეტი (მკურნალობის დაწყებამდე ექიმმა შეიძლება ჩაატაროს გლუკოზის დამატებითი კვლევები).
- თუ აღგენიშნებათ ფეოქრომოციტომა (თირკმელზედა ჯირკვლის ტვინოვანი შრის სიმსივნე).
- თუ აღგენიშნებათ მწვავე ასთმა. ამ მედიკამენტმა შესაძლოა გამოიწვიოს კალიუმის დონის დაქვეითება, რაც შეიძლება გამწვავდეს ჰიპოქსიით (მცირე ჟანგბადი).
- კალიუმის დონის დაწევა, რაც შესაძლოა ამ მედიკამენტით იყოს გამოწვეული, შესაძლებელია უფრო გაღრმავდეს ასთმის სამკურნალო მედიკამენტების მეშვეობით.
- თუ მანამდე მკურნალობდით პერორალური კორტიკოსტეროიდებით. ექიმმა შესაძლოა მოითხოვოს თირკმელზედა ჯირკვლების ფუნქციის რეგულარული შემოწმება და მკურნალობის დოზის კორექტირება. შესაძლოა საჭირო გახდეს დამატებითი სიმპტომური მკურნალობა.
- ინჰალატორის მოხმარების ინსტრუქციის ახსნა ხდება ექიმის მიერ. მედიკამენტი უნდა გამოიყენოთ მაშინაც კი, თუ სიმპტომები არ გაქვთ.
- ყოველთვის დაიცავით ექიმის მიერ მითითებული დოზა. არ გაზარდოთ დოზა, რადგან ამან შესაძლოა გამოიწვიოს უარყოფითი შედეგები.
- ვენტოდუოთი მკურნალობა არ უნდა შეწყდეს ერთბაშად, შეწყვეტა უნდა მოხდეს თანდათანობით. მკურნალობის შეწყვეტა უნდა მოხდეს ექიმის რეკომენდაციის მიხედვით.
მიმართეთ ექიმს, თუ გაქვთ მხედველობის დაბინდვა ან მხედველობის სხვა დარღვევები.
ბავშვები
ბავშვებში, რომლებიც ხანგრძლივად მკურნალობენ საინჰალაციო კორტიკოსტეროიდებით, რეკომენდებულია სიმაღლის მუდმივი კონტროლი.
გამოყენება სპორტსმენებში
მედიკამენტი შეიცავს სალბუტამოლს, რომელმაც შესაძლებელია დოპინგ კონტროლის პროცედურისას აჩვენოს დადებითი შედეგი.
ვენტოდუოს მიღება სხვა მედიკამენტებთან ერთად
აცნობეთ თქვენს ექიმს, თუ იღებთ ან ახლახან იღებდით სხვა მედიკამენტებს, მათ შორის ურეცეპტოდ გასაცემ მედიკამენტებს.
ზოგიერთმა მედიკამენტმა შესაძლოა გაზარდოს ვენტოდუოს მოქმედება, ამიტომ ექიმი ყურადღებით გააკონტროლებს თუ იღებთ ამ მედიკამენტებს (მათ შორის აივ ინფექციის სამკურნალო ზოგიერთ მედიკამენტს: რიტონავირი, კობიცისტატი).
აცნობეთ თქვენს ექიმს თუ იღებთ შემდეგ მედიკამენტებს:
- გულ-სისხლძარღვთა სამკურნალო საშუალებები, რომლებსაც შეუძლია სასუნთქი გზების შევიწროება (β-ბლოკატორები, როგორიცაა ატენოლოლი, პროპრანოლოლი).
- სხვა ბრონქოდილატატორები.
- დეპრესიის სამკურნალო ზოგიერთი მედიკამენტი, რომლებიც ცნობილია, როგორც მონოამინოქსიდაზას ინჰიბიტორები (მაგ. მოკლობემიდი) და ტრიციკლური ანტიდეპრესანტები (მაგ. ამიტრიპტილინი).
- ანესთეტიკები (მგრძნობელობის ნაწილობრივი ან სრული დაკარგვის ინდუქტორები), როგორიცაა ჰალოტანი.
- არარეგულარული გულისცემის სამკურნალო საშუალებები, როგორიცაა დიგოქსინი.
- ქსანტინის წარმოებულები (გამოიყენება სუნთქვის დასახმარებლად), როგორიცაა თეოფილინი.
- დიურეზული (შარდმდენი) საშუალებები, როგორიცაა ფუროსემიდი.
- დისულფირამი ან მეტრონიდაზოლი.
- სხვა კორტიკოსტეროიდები.
- აივ ინფექციის სამკურნალო მედიკამენტები (მაგ., რიტონავირი, კობიცისტატი).
ორსულობა და ლაქტაცია
თუ ხართ ორსულად ან ლაქტაციის პერიოდში, ფიქრობთ, რომ შესაძლოა ორსულად იყოთ ან აპირებთ დაორსულებას, ამ მედიკამენტის მიღებამდე კონსულტაცია გაიარეთ თქვენს ექიმთან ან ფარმაცევტთან.
ორსულობის ან ლაქტაციის პერიოდში ვენტოდუო ინიშნება მხოლოდ იმ შემთხვევაში, როდესაც სამედიცინო შეფასებით, დედისთვის შესაძლო სარგებელი უფრო მეტია, ვიდრე ნაყოფის შესაძლო რისკი.
სატრანსპორტო და მექანიკური საშუალებების მართვა
მიუხედავად იმისა, რომ სატრანსპორტო და მექანიკური საშუალებების მართვის უნარზე ზემოქმედება არ არის მოსალოდნელი, მხედველობაში უნდა იქონიოთ თავბრუსხვევისა და კანკალის ალბათობა.
3. ვენტოდუოს მიღების წესი
ზედმიწევნით დაიცავით ექიმის მიერ მოცემული ინსტრუქციები მედიკამენტის მიღების შესახებ. რაიმე სახით დაეჭვების შემთხვევაში, ხელახლა მიმართეთ თქვენს ექიმს ან ფარმაცევტს. ვენტოდუს მიღება ხდება ინჰალაციის გზით.
რეკომენდებული და მაქსიმალური დოზები
მოზრდილებში და მოზარდებში (12 წლიდან)
რეკომენდებული დოზები: 2 ინჰალაცია (200 მიკროგრამი სალბუტამოლი და 100 მიკროგრამი ბეკლომეტაზონის დიპროპიონატი) 1 ან 2-ჯერ დღეში.
მაქსიმალური დოზები: 2 ინჰალაცია (200 მიკროგრამი სალბუტამოლი და 100 მიკროგრამი ბეკლომეტაზონის დიპროპიონატი) 3 ან 4-ჯერ დღეში.
ბავშვები 5-დან 11 წლამდე
რეკომენდებული დოზები: 1 ინჰალაცია (100 მიკროგრამი სალბუტამოლი და 50 მიკროგრამი ბეკლომეტაზონის დიპროპიონატი) 1 ან 2-ჯერ დღეში.
მაქსიმალური დოზები: 2 ინჰალაცია (200 მიკროგრამი სალბუტამოლი და 100 მიკროგრამი ბეკლომეტაზონის დიპროპიონატი) 2-ჯერ დღეში.
არ გაზარდოთ დოზა ან მიღების სიხშირე თვითნებურად, რადგან ზედმეტად მაღალი დოზების მიღებისას შესაძლებელია, გამოვლინდეს გვერდითი მოვლენები.
გამოყენების ინსტრუქცია
(ნახ. 5).
ა) მოხსენით სახურავი (ნახ.1). თუ ის ახალი ინჰალატორია ან რამდენიმე დღეა არ გამოგიყენებიათ, შეანჯღრიეთ აეროზოლი (ნახ. 2) და დააწკაპეთ, რათა დარწმუნდეთ რომ ინჰალატორი გამართულად მუშაობს. თუ ინჰალატორს ხშირად იყენებთ მიყევით შემდეგ ინსტრუქციებს:
ბ) შეანჯღრიეთ ინჰალატორი (ნახ. 2).
გ) რაც შეიძლება მეტი ჰაერი გამოუშვით ფილტვებიდან.
დ) აეროზოლი მოარგეთ პირს ნახატზე მითითებული პოზიციის მიხედვით (ნახ. 3).
ე) ჩაისუნთქეთ რაც შეიძლება ღრმად. სანამ ჩასუნთქული გაქვთ მოწყობილობას ხელი უნდა დააჭიროთ ნახატის ისრების მიხედვით (ნახ. 4).
ვ) გამოიღეთ აეროზოლი პირიდან და შეეცადეთ შეინარჩუნოთ ჰაერი ფილტვებში რამდენიმე წამის განმავლობაში.
ზ) პერორალური აეროზოლის პულსატორ-ადაპტორი უნდა გაირეცხოს პერიოდულად. ამისათვის მოხსენით პულსატორი და გაწმინდეთ ქსოვილით ან ქაღალდის ხელსახოცით.
თ) დაახურეთ თავსახურით მტვრისგან და ჭუჭყისაგან დასაცავად.
ი) ყოველი გამოყენების შემდეგ სასურველია პირი გამოირეცხოთ წყლით.
ინჰალატორს აქვს დოზის ინდიკატორი, რომელიც ჩანს ღილაკზე არსებული პატარა ნასვრეტში ან ფანჯარაში და მიუთითებს რამდენი შესხურება დარჩა. ახალი ინჰალატორის ამ ინდიკატორში პულსატორის ფანჯარაში შესაძლებელია წაიკითხოთ «200» ეს რიცხვი შეესაბამება ინჰალატორში დარჩენილ დოზებს. ინჰალატორის გამოყენებისას დოზის ინდიკატორი ბრუნავს ქვემოთ ყოველი 5-7 შესხურებისას, სანამ არ მიაღწევს 0-ს.
როდესაც რჩება დაახლოებით 40 დოზა, ინდიკატორის შეფერილობა იცვლება მწვანედან წითლად (იხ. ნახ. 5), რათა შეახსენოს პაციენტს, რომ მკურნალობის გაგრძელებისა თუ ხელახალი რეცეპტის გამოწერის თაობაზე მიმართოს ექიმს.
გადააგდეთ ინჰალატორი, როგორც კი მაჩვენებელი მიაღწევს "0-ს".
თუ მიიღეთ საჭიროზე მეტი ვენტოდუო
მნიშვნელოვანია, რომ დოზები მიიღოთ ექიმის დანიშნულების მიხედვით. ექიმის მეთვალყურეობის გარეშე არ გაზარდოთ ან არ შეამციროთ დოზა. რეკომენდებულზე მეტი დოზის მიღების შემთხვევაში შესაძლოა, განვითარდეს ნერვ-კუნთოვანი დარღვევები, დაწყებული კუნთების სისუსტიდან დამბლამდე და სუნთქვის უკმარისობამდე. ასევე შესაძლებელია აღინიშნოს ცვლილებები ელექტროკარდიოგრამაში (ეკგ) და გაიზარდოს მიღებული სხვა მედიკამენტების (დიგოქსინი) ტოქსიკურობის რისკი.
დოზის გადაჭარბების შემთხვევაში დაუყოვნებლივ მიმართეთ ექიმს ან ფარმაცევტს ან მიღებული მედიკამენტის და რაოდენობის მითითებით დაუკავშირდით ტოქსიკოლოგიის სამსახურის საინფორმაციო განყოფილებას, ნომერზე: 91 562 04 20
თუ დაგავიწყდათ ვენტოდუოს მიღება
გამოტოვებული დოზის საკომპენსაციოდ არ მიიღოთ ორმაგი დოზა.
4. შესაძლო გვერდითი მოვლენები
როგორც ყველა მედიკამენტს, შესაძლებელია ვენტოდუოსაც ჰქონდეს გვერდითი მოვლენები, თუმცა ისინი ყოველთვის ყველასთან არ ვლინდება. ქვემოთ მოცემულია ვენტოდუოსთან დაკავშირებული გვერდითი მოვლენები, მათი სიხშირის მიხედვით.
ძალიან ხშირი (შესაძლოა განვითარდეს 10-დან ერთზე მეტ ადამიანთან)
- კანდიდოზი პირის ღრუში და/ან ყელში (აფთები).
ხშირი (შესაძლოა განვითარდეს 10-დან 1 ადამიანთან)
- კანკალი, ძირითადად ხელების, რომელიც დაკავშირებულია დოზასთან.
- ცეფალგია (თავის ტკივილი).
- თავბრუსხვევა.
- ხმის ჩახლეჩვა და/ან ყელის გაღიზიანება.
- ტაქიკარდია (სწრაფი გულისცემა).
არახშირი (შესაძლოა განვითარდეს 100-დან 1 ადამიანთან)
- პალპიტაცია (სწრაფი ან არარეგულარული გულისცემა).
- კუნთების გარდამავალი კრუნჩხვები.
- გამონაყარი კანზე, ჭინჭრის ციება, ქავილი და/ან ერითემა, ჰიპოტენზია.
იშვიათი (შესაძლოა განვითარდეს 1000-დან 1 ადამიანთან)
- ჰიპოკალიემია (სისხლში კალიუმის დაბალი დონე).
β2-აგონისტებით თერაპიამ შესაძლოა გამოიწვიოს პოტენციურად მძიმე ჰიპოკალიემია და ეს ეფექტი შესაძლოა გაიზარდოს სალბუტამოლისა და კორტიკოსტეროიდის ერთდროული მიღებით.
- ეოზინოფილური პნევმონია (ფილტვის პრობლემა).
ძალიან იშვიათი (შესაძლოა განვითარდეს 10 000-დან 1 ადამიანთან)
- ალერგია, რომელიც ვლინდება ქუთუთოების, სახის, ტუჩების და/ან ყელის შეშუპებით (ანგიონევროზული შეშუპება).
- რესპირატორული დარღვევები, როგორიცაა ქოშინი (ჰაერის ნაკლებობის შეგრძნება ან სუნთქვის გაძნელება) და/ან ბრონქოსპაზმი (ბრონქების კედლების შევიწროება ჰაერის შემცირებით).
- ანაფილაქსიური ან ანაფილაქსოიდური რეაქციები (მძიმე ალერგიული რეაქციები, რამაც შესაძლოა გაართულოს სუნთქვა ან დააზიანოს ცნობიერების დონე).
- ვენტოდუომ შესაძლოა გამოიწვიოს სტეროიდული ჰორმონების ჭარბი მოქმედებით გამოწვეული ეფექტი, განსაკუთრებით იმ შემთხვევაში, თუ იღებდით მაღალ დოზებს დიდი ხნის განმავლობაში. გვერდითი მოვლენები მოიცავს:
- ზრდის შეფერხება ბავშვებში და მოზარდებში;
- ძვლის მინერალური სიმკვრივის დაქვეითება (ძვლების შესუსტება);
- კატარაქტა და გლაუკომა (თვალის წნევის მომატება);
- კუშინგის სინდრომი (მთვარისებრი სახე).
- შფოთვა, ძილის დარღვევა და განწყობის ცვლილებები, მათ შორის ჰიპერაქტიურობა და გაღიზიანება (ძირითადად ბავშვებში).
- გულის არითმიები, მათ შორის წინაგულების ფიბრილაცია, სუპრავენტრიკულური ტაქიკარდია და ექსტრასისტოლები (გულის რითმის დარღვევები)
უცნობი სიხშირით
- დეპრესია ან აგრესია. ეს გვერდითი მოვლენები უფრო ხშირად ვლინდება ბავშვებში.
- მიოკარდიუმის იშემია (გულში სისხლის ნაკადის ნაკლებობა).
- მხედველობის დაბინდვა.
ხმის ჩახლეჩვის ან ყელის გაღიზიანების მქონე პაციენტებში შესაძლოა სასარგებლო იყოს ინჰალაციის შემდეგ პირის ღრუს დაუყოვნებლივ წყლით გამორეცხვა.
სხვა საინჰალაციო თერაპიის მსგავსად, გასათვალისწინებელია პარადოქსული ბრონქოსპაზმის შესაძლებლობაც. ვენტოდუოთი მკურნალობა დაუყოვნებლივ უნდა შეწყდეს, პაციენტი შეფასდეს და, საჭიროების შემთხვევაში, დაინიშნოს ალტერნატიული თერაპია. აღნიშნული დაუყოვნებლივ უნდა მოხდეს ხანმოკლე მოქმედების ბრონქოდილატატორით, რომელიც ინიშნება ინჰალაციის გზით.
გვერდითი მოვლენების შესახებ შეტყობინება
ნებისმიერი სახის გვერდითი მოვლენის გამოვლენის შემთხვევაში, მიმართეთ თქვენ ექიმს ან ფარმაცევტს, მათ შორის ისეთ გვერდით მოვლენების გამოვლენისას, რომლებიც წინამდებარე ანოტაციაში არ არის მოცემული. გვერდითი მოვლენების შესახებ ასევე შეგიძლიათ პირდაპირ განაცხადოთ ადამიანებისთვის განკუთვნილი მედიკამენტების ესპანეთის ფარმაკოზედამხედველობის სისტემაში:
