ვენომიქსი ფლეში 1200მგ 30 ტაბლეტი გრანიო - Granion

ვენომიქსი ფლეში 1200მგ 30 ტაბლეტი >გრანიო - Granion

ქრონიკული ვენური დაავადებების მკურნალობა და პროფილაქტიკა

გრანიოს ლაბორატორიის მიერ შექმნილი ვენომიქსის უნიკალური ფორმულა შეიცავს უმაღლესი ხარისხის მცენარეების, ვიტამინებისა და მიკროელემენტების კომბინაციას, ქრონიკული ვენური დაავადებების სამკურნალოდ და საპროფილაქტიკოდ.

ქრონიკული ვენური დაავადებები (ვარიკოზული ვენები (ვარიკოზი), ვენური უკმარისობა, თრომბოზი, ფილტვის ემბოლია) ვენური სისტემის დარღვევებია, რომლებიც ხანგრძლივი დროის განმავლობაში მიმდინარეობს და პროგრესირებს. ამ მდგომარეობებს საფუძვლად  უდევს ვენური სარქვლების უკმარისობა, რაც იწვევს ვენურ ჰიპერტენზიას (ვენების კედლების გაფართოება, შეშუპება), მიკროცირკულაციის დარღვევას (ქსოვილთა ჰიპოქსია) და ქრონიკულ ანთებას (ფიბროზი, ტროფიკული წყლულები) 

ქრონიკული ვენური უკმარისობის რისკ-ფაქტორებია:

· მდედრობითი სქესი

· გენეტიკური განწყობა

· ჰორმონული პრეპარატების (კონტრაცეპტივების) არაწორი მიღება

· ორსულობა

· მენოპაუზა

· ხანდაზმული ასაკი

· სიმსუქნე, კვების არასწორი რეჟიმი

· კიდურების ტრავმული დაზიანება

· არასწორი ცხოვრების წესი (ხანგრძლივი დროით ფეხზე დგომა ან ჯდომა)

ვენომიქსი ფლეში 1200 მგ  11 მცენარეული ექსტრაქტის, ვიტამინებისა და მინერალების უნიკალურ კომბინაციაა, რომელიც უზრუნველყოფს ვენური ჯანმრთელობის შენარჩუნებასა და სისხლძარღვების ფუნქციის მხარდაჭერას.

· აუმჯობესებს მიკროცირკულაციას

· ხელს უწყობს ვენების ტონუსის შენარჩუნებას

· ამცირებს შეშუპებას

· ამაგრებს სისხლძარღვების კედლებს 

· ხელს უწყობს კუნთების ნორმალურ ფუნქციონირებას

· იცავს უჯრედებს ოქსიდაციური სტრესისგან

· აძლიერებს იმუნიტეტს

ცხენისწაბლას ექსტრაქტი ბუნებრივი საშუალებაა ვენური სისტემის გასაძლიერებლად და სისხლძარღვთა ფუნქციის მხარდასაჭერად, მისი მთავარი აქტიური კომპონენტი ესცინი - მცენარეული საპონინი, აძლიერებს ვენების კედლებს, აუმჯობესებს სისხლის მიმოქცევას, ამცირებს შეშუპებას, ანთებას, სისხლჩაქცევებს და ვენური შეგუბების განვითარების რისკს, ხელს უწყობს სითხის გამოყოფას ქსოვილებიდან, აძლიერებს კაპილარების სტრუქტურას.

თაგვისარას ექსტრაქტი გამოიყენება ვენური და ლიმფური სისტემის ფუნქციის მხარდასაჭერად. მისი ძირითადი მოქმედი ნივთიერებებია რუსკოგენინი და ნეორუსკოგენინი, რომელთაც აქვთ ვენოტონური და ვაზოკონსტრიქტორული მოქმედება, ამცირებს ქვედა კიდურების შეშუპებას, მოქმედებს ლიმფურ დრენაჟზე და აუმჯობესებს სისხლის მიმოქცევას, აძლიერებს ვენების ტონუსს, ამცირებს ვენურ სტაზს, იცავს კაპილარებს მექანიკური ან ბიოქიმიური დაზიანებისგან, ამცირებს მიკროჰემორაგიების რისკს.

შავი მოცხარის ექსტრაქტი ძლიერი ბუნებრივი ანტიოქსიდანტია, რომელიც მდიდარია ფლავონოიდებით, ვიტამინებით, პოლიფენოლებით,  C ვიტამინით და ანტოციანინებით, იცავს სისხლძარღვების კედლებს თავისუფალი რადიკალების ზემოქმედებისგან, ამაგრებს კაპილარებს და აუმჯობესებს მიკროცირკულაციას, ხელს უწყობს ორგანიზმიდან ზედმეტი სითხის გამოდევნას და შეშუპების შემცირებას, განსაკუთრებით ქვედა კიდურებში, გამოიყენება ლიმფოსტაზის და ვენური უკმარისობის დროს.

გინკო ბილობა უმჯობესებს მეხსიერებას, ტვინის სისხლმომარაგებას და მიკროცირკულაციას.

რუტინი ამაგრებს კაპილარების კედლებს, ამცირებს შეშუპებას და ანთებას.

მაგნიუმი ხელს უწყობს კუნთების ნორმალურ ფუნქციონირებას, ამცირებს დაღლილობას.

ვიტამინი E, სელენი, სპილენძი ძლიერი ანტიოქსიდანტებია, იცავს უჯრედებს ოქსიდაციური სტრესისგან.

ვიტამინი C ასტიმულირებს კოლაგენის სინთეზს, ამაგრებს სისხლძარღვებს და აძლიერებს იმუნურ სისტემას.

ვიტამინი B6 მონაწილეობს ნერვული იმპულსების გადაცემაში.

ჩვენება

· ქრონიკული ვენური უკმარისობა, რომელსაც ახლავს: ქვედა კიდურებში სიმძიმის შეგრძნება, ტკივილი, შეშუპება, წვივის კუნთების კრუნჩხვები

· ვენების ვარიკოზული გაგანიერება

· ტროფიკული წყლულები

· ქრონიკული ბუასილის და მწვავე ჰემოროიდული კრიზების ფუნქციური სიმპტომების შემსუბუქება

· ტრავმის და ორთოპედიული ქირურგიის შემდგომი შეშუპების მკურნალობა

· თვალის მიკროცირკულაციის დარღვევისას შეშუპების მკურნალობა

· მიკროცირკულაციის დარღვევა გამოხატული სისხლძარღვთა გამავლობის მოშლით

შემადგენლობა

3 ტაბლეტი შეიცავს: ცხენისწაბლას ექსტრაქტი - 450 მგ, მათ შორის ესცინი - 90 მგ, თაგვისარას ექსტრაქტი - 400 მგ, მათ შორის რისკოგენინი - 40 მგ, შავი მოცხარის ექსტრაქტი - 150 მგ, გინკგო ბილობას ექსტრაქტი - 150 მგ, რუტინი - 77 მგ, მაგნიუმი - 112,5 მგ, სელენი - 50 მკგ, ვიტამინი C - 150 მგ, ვიტამინი E - 12 მგ, ვიტამინი B6 -1,6 მგ, სპილენძი - 1000 მკგ. 

დოზირება და გამოყენების წესი

მწვავე ფაზა - 3 ტაბლეტი დღეში ერთჯერადი დოზით, დისკომფორტის შემცირებისას 2 ტაბლეტი დღეში ერთჯერად, მიიღება 200 მლ წყალთან ერთად, სასურველია შუადღისას. 

გაფრთხილება: 18 წლამდე ასაკის პირებში, ორსულობის და ლაქტაციის პერიოდში, ასევე ანტიდეპრესანტების და ანტიკოაგულატების გამოყენების დროს გამოყენებამდე გაიარეთ კონსულტაცია ექიმთან. 

შენახვის პირობები

შეინახეთ მშრალ, გრილ, ბავშვებისთვის მიუწვდომელ ადგილას. 

გამოშვების ფორმა: N30 ტაბლეტი. არ შეიცავს ხელოვნურ საღებავებს, კონსერვანტებს, არ შეიცავს გლუტენს, ლაქტოზას! 

მწარმოებელი: ლაბორატორია გრანიო/ Granions Laboratoire - საფრანგეთი.

ლაბორატორია გრანიო® - ლიდერი ოლიგოთერაპიაში

ფრანგული ფარმაცევტული კომპანია ლაბორატორია გრანიო® 75 წელზე მეტი ხნის განმავლობაში ქმნის და ავითარებს პრემიუმ ხაზის ინოვაციურ საკვებ დანამატებს, რომელიც მიზნად ისახავს ჯანმრთელობის ზოგადი მდგომარეობის შენარჩუნებას, გაუმჯობესებას, დაავადებების პროფილაქტიკას და მკურნალობას. კომპანიის სტრატეგიული საქმიანობა ეფუძნება ისეთ ძირითად ღირებულებებს, როგორიცაა სრულყოფილება, ხარისხი, გამჭვირვალობა და მომსახურების მაღალი სტანდარტი. კომპანიის კვლევითი და ტექნოლოგიური მიდგომა ორიენტირებულია მიკროელემენტების ზუსტ დოზირებაზე, მათ შორის ბიოქიმიურ ურთიერთქმედებებსა და შეწოვის მექანიზმებზე, რაც განაპირობებს მის წამყვან როლს ოლიგოთერაპიის მიმართულებით. 

ლაბორატორია გრანიო®, როგორც ოლიგოთერაპიისა და საკვები დანამატების წამყვანი ფრანგული ბრენდი, განსაკუთრებულ მნიშვნელობას ანიჭებს ზღვის კოლაგენის შემცველი პროდუქტების წარმოებას. ეს არჩევანი განპირობებულია ზღვის კოლაგენის უნიკალური ბიოქიმიური შემადგენლობითა და მრავალმხრივი სასარგებლო თვისებებით, რაც ხელს უწყობს თმა, კანი, ფრჩხილის, სახსრების და ძვლების ჯანმრთელობის შენარჩუნებას და გაუმჯობესებას.

გრანიოს პროდუქცია იწარმოება საერთაშორისო GMP (Good Manufacturing Practices) სტანდარტების სრული დაცვით, რაც განსაზღვრავს ბრენდის მაღალ სანდოობას,  უსაფრთხოებას და ეფექტურობას.