ვენომია - Venomia 15მგ 28 კაფსულა

ვენომია 15 მგ კაფსულები

მიიღება პერორალურად.

·  აქტიური ნივთიერება: თითოეული კაფსულა შეიცავს 15 მგ რივაროქსაბანს.

·  შემავსებლები:  მიკროკრისტალური ცელულოზა, ლაქტოზა (მსხვილფეხა რქოსანი პირუტყვისგან მიღებული ლაქტოზა), კალციუმის ციტრატი, პოლივინილპიროლიდონი, ნატრიუმის კროსკარმელოზა, ნატრიუმის ლაურილ სულფატი, სილიციუმის კოლოიდური დიოქსიდი, მაგნიუმის სტეარატი, რკინის ყვითელი  ოქსიდი (E172), ტიტანის დიოქსიდი (E171),  კარაგენანი, კალიუმის ქლორიდი, ჰიპრომელოზა.

ეს მედიკამენტი ექვემდებარება დამატებით მონიტორინგს, რაც უსაფრთხოებასთან დაკავშირებით ახალი ინფორმაციის სწრაფი იდენტიფიკაციის საშუალებას იძლევა. თქვენ შეგიძლიათ დახმარება ნებისმიერი გვერდითი ეფექტის შეტყობინებით, რაც თქვენ შეიძლება აღგენიშნოთ. 

ამ მედიკამენტის მიღების დაწყებამდე ყურადღებით წაიკითხეთ მთელი ინსტრუქცია, რადგან ის შეიცავს თქვენთვის მნიშვნელოვან ინფორმაციას. 

   • შეინახეთ ეს ინსტრუქცია. შეიძლება დაგჭირდეთ მისი ხელახლა წაკითხვა. 

   • დამატებითი კითხვების შემთხვევაში მიმართეთ ექიმს ან ფარმაცევტს. 

   • ეს მედიკამენტი დაგენიშნათ თქვენ. არ გადასცეთ ის სხვა პირებს. 

   • ამ მედიკამენტის გამოყენების პერიოდში ექიმთან ან საავადმყოფოში ვიზიტისას, აცნობეთ ექიმს მისი გამოყენების შესახებ.

   • დაიცავით ინსტრუქცია. ნუ გამოიყენებთ თქვენთვის დანიშნულ დოზაზე მაღალ ან დაბალ დოზას.
 ამ ინსტრუქციაში:

1. რა არის ვენომია და რისთვის გამოიყენება? 

2. ვენომიას გამოყენებამდე გასათვალისწინებელი

3. როგორ გამოიყენება ვენომია?

4. შესაძლო გვერდითი ეფექტები.

5. როგორ ინახება ვენომია? 

1. რა არის ვენომია და რისთვის გამოიყენება? 

• ვენომიას თითოეული კაფსულა შეიცავს 15 მგ აქტიურ ნივთიერებას (რივაროქსაბანს).

ვენომია შეიცავს ლაქტოზას (მსხვილფეხა რქოსანი პირუტყვის ლაქტოზა). რივაროქსაბანი მიეკუთვნება მედიკამენტების ჯგუფს, რომელსაც ეწოდება ანტითრომბოზული საშუალებები. ის მოქმედებს სისხლის შედედების ფაქტორის (ფაქტორი Xa) ბლოკირებით და ამით ამცირებს თრომბების ფორმირების ტენდენციას.

ვენომია წარმოდგენილია 28 კაფსულიანი შეფუთვით. შეფუთვაში შემავალი კაფსულები არის ნომერი "3" HPMC კაფსულები, რომლებიც შეიცავს თეთრ ფხვნილს, გაუმჭვირვალე ყვითელი ფერის თავსახურსა და კორპუსს.

• ვენომია გამოიყენება ზრდასრულ პაციენტებში შემდეგი მდგომარეობების დროს:

-  თავის ტვინში (ინსულტი) და სხვა სისხლძარღვებში თრომბების წარმოქმნის პრევენცია გულის არარეგულარული რიტმის შემთხვევაში (წინაგულების არასარქვლოვანი ფიბრილაცია).

-  ქვედა კიდურების ვენებში (ღრმა ვენების თრომბოზი) და ფილტვების სისხლძარღვებში (ფილტვის არტერიის თრომბოემბოლია) თრომბების მკურნალობა, ასევე, ქვედა კიდურების და/ან ფილტვების სისხლძარღვებში თრომბის განმეორებით წარმოქმნის პრევენცია.

2. ვენომიას გამოყენებამდე გასათვალისწინებელი

არ მიიღოთ ეს პრეპარატი და აცნობეთ ექიმს, თუ:

•    გაქვთ ალერგია რივაროქსაბანზე ან ამ პრეპარატის შემადგენლობაში შემავალი რომელიმე კომპონენტის მიმართ,

•    გაქვთ ძლიერი სისხლდენა,

·    გაქვთ დაავადება ან მდგომარეობა, რომელიც ზრდის სერიოზული სისხლდენის რისკს (მაგ. კუჭის წყლული, თავის ტვინის ტრავმა ან სისხლდენა, ბოლო დროს ჩატარებული ოპერაცია თავის ტვინზე ან თვალზე),

·    იღებთ მედიკამენტებს, რომლებიც ხელს უშლის სისხლის შედედებას (მაგ. ვარფარინი, დაბიგატრანი, აპიქსაბანი ან ჰეპარინი), გარდა იმ მდგომარეობისა, როდესაც იცვლება ანტიკოაგულანტებით მკურნალობა ან იღებთ ჰეპარინს ვენური ან არტერიული გზით, მის ღიად შესანარჩუნებლად.

·    გაქვთ ღვიძლის დაავადება, რომელიც იწვევს სისხლდენის რისკის ზრდას

·    ორსულად ხართ ან ხართ მეძუძური დედა. 

არ მიიღოთ ვენომია და აცნობეთ ექიმს, თუ რომელიმე ჩამოთვლილი გეხებათ თქვენ.

განსაკუთრებული სიფრთხილეა საჭირო ვენომიას გამოყენებისას

თუ

 გაქვთ სისხლდენის გაზრდილი რისკი, როგორც ეს შეიძლება იყოს ისეთი მდგომარეობის დროს როგორიცაა:
თირკმლის მძიმე დაავადება, ვინაიდან თქვენი თირკმლის ფუნქციამ შეიძლება გავლენა მოახდინოს მედიკამენტის რაოდენობაზე, რომელიც მოქმედებს თქვენს ორგანიზმში,
თუ იღებთ სხვა მედიკამენტებს სისხლის შედედების თავიდან ასაცილებლად (მაგ. ვარფარინი, დაბიგატრანი, აპიქსაბანი ან ჰეპარინი), როდესაც იცვლება ანტიკოაგულანტებით მკურნალობა ან იღებთ ჰეპარინს ვენური ან არტერიული გზით მის ღიად შესანარჩუნებლად (იხილეთ პარაგრაფი „სხვა მედიკამენტები და ვენომია“),
სისხლის შედედების დარღვევები,
ძალიან მაღალი არტერიული წნევა, რომელიც არ კონტროლდება მედიკამენტებით,
კუჭის ან ნაწლავების დაავადებები, რომლებმაც შეიძლება გამოიწვიოს სისხლდენა, მაგალითად, ნაწლავების ან კუჭის ანთება, ან საყლაპავის ანთება, მაგ. გასტროეზოფაგური რეფლუქს დაავადების გამო (დაავადება, რომლის დროსაც კუჭის წვენი საყლაპავში ხვდება),
თვალის უკანა ნაწილი სისხლძარღვებთან დაკავშირებული პრობლემა (რეტინოპათია),
ფილტვის დაავადება, სადაც თქვენი ბრონქები გაფართოებულია და ივსება ჩირქით (ბრონქოექტაზია), ან ანამნეზში სისხლდენა ფილტვებიდან,
გულის ხელოვნური სარქველის არსებობა, 
თუ იცით, რომ გაქვთ დაავადება, რომელსაც ეწოდება ანტიფოსფოლიპიდური სინდრომი (იმუნური სისტემის დარღვევა, რომელიც იწვევს სისხლის შედედების გაზრდის რისკს), აცნობეთ ექიმს, რომელიც მიიღებს გადაწყვეტილებას მკურნალობის სქემის შეცვლის შესახებ,
თუ თქვენი ექიმი დაადგენს, რომ თქვენი არტერიული წნევა არასტაბილურია, ან დაგეგმილია სხვა მკურნალობა ან ქირურგიული პროცედურა ფილტვიდან თრომბის მოსაცილებლად.
თუ ზემოთ ჩამოთვლილთაგან რომელიმე გეხებათ, აცნობეთ ექიმს ვენომიას მიღებამდე. თქვენი ექიმი გადაწყვეტს, უნდა მიიღოთ თუ არა ეს მედიკამენტი და უნდა იმყოფებოდეთ თუ არა უფრო ინტენსიური მეთვალყურეობის ქვეშ.

თუ გჭირდებათ ოპერაცია:

·  ძალიან მნიშვნელოვანია ვენომიას მიღება ოპერაციამდე და მის შემდეგ ზუსტად იმ დროს, რომელიც ექიმმა მიგითითათ.

·  თუ ოპერაციის დროს საჭიროა კათეტერის გამოყენება ან ინექცია ხერხემლის სვეტში (მაგ. ეპიდურული ან სპინალური ანესთეზიისთვის ან ტკივილის შესამცირებლად):

-  ძალიან მნიშვნელოვანია ვენომიას მიღება ინექციის ან კათეტერის მოცილების წინ და შემდეგ ზუსტად ექიმის მიერ მითითებულ დროს.

-  დაუყოვნებლივ აცნობეთ მკურნალ ექიმს, თუ ანესთეზიის მოქმედების დასრულების შემდეგ დაბუჟებას ან სისუსტეს იგრძნობთ ფეხებში, შეგექმნებათ ნაწლავების ან შარდის ბუშტის პრობლემები. შესაძლოა, დაგჭირდეთ სასწრაფო სამედიცინო დახმარება.

ბავშვები და მოზარდები

ვენომია რეკომენდებული არ არის  18 წლამდე ასაკის პირებში. არ არის საკმარისი ინფორმაცია ბავშვებში და მოზარდებში მისი გამოყენების შესახებ.

თუ ეს გაფრთხილებები გეხებათ თქვენ, თუნდაც წარსულში ნებისმიერ დროს, გთხოვთ მიმართოთ ექიმს.

ვენომიას მიღება საკვებთან და სასმელთან ერთად.

ვენომია მიიღება საკვებთან ერთად.

ორსულობა

ამ მედიკამენტის გამოყენებამდე მიმართეთ თქვენს ექიმს ან ფარმაცევტს.

ვენომია არ გამოიყენება ორსულობისას.

რეპროდუქციული ასაკის ქალებში საჭიროა სათანადო კონტრაცეფციის მეთოდების გამოყენება. 

თუ მკურნალობის დროს დაორსულდით, დაუყოვნებლივ მიმართეთ ექიმს ან ფარმაცევტს.

ძუძუთი კვება

ამ მედიკამენტის გამოყენებამდე მიმართეთ თქვენს ექიმს ან ფარმაცევტს.

არ მიიღოთ ვენომია, თუ ხართ მეძუძური დედა.

ავტომობილის მართვა და მექანიზმების გამოყენება

ვენომიამ შეიძლება გამოიწვიოს თავბრუსხვევა (ხშირი გვერდითი ეფექტი) ან სისუსტე (იშვიათი გვერდითი ეფექტი) (იხილეთ პარაგრაფი 4, „შესაძლო გვერდითი ეფექტებია“). ამ სიმპტომების შემთხვევაში არ უნდა მართოთ ავტომობილი და არ უნდა გამოიყენოთ მექანიზმები. 

მნიშვნელოვანი ინფორმაცია ვენომიას ზოგიერთი ინგრედიენტის შესახებ

ვენომია შეიცავს ლაქტოზას. თუ ექიმმა გითხრათ, რომ გაქვთ ზოგიერთი შაქრის მიმართ აუტანლობა, ამ პრეპარატის მიღებამდე მიმართეთ ექიმს.

სხვა მედიკამენტები და ვენომია

თუ იღებთ შემდეგ მედიკამენტებს:

·  სოკოვანი ინფექციების სამკურნალო ზოგიერთი პრეპარატი (მაგ. ფლუკონაზოლი, იტრაკონაზოლი, ვორიკონაზოლი, პოსაკონაზოლი), გარდა იმ შემთხვევისა, როდესაც ისინი გამოიყენება მხოლოდ კანზე,

·  კეტოკონაზოლის ტაბლეტები (გამოიყენება კუშინგის სინდრომის სამკურნალოდ - როდესაც ორგანიზმი ჭარბად გამოიმუშავებს კორტიზოლს),

·  ზოგიერთი მედიკამენტი, რომელიც გამოიყენება ბაქტერიული ინფექციების მკურნალობისას (მაგ. კლარითრომიცინი, ერითრომიცინი),

·  ზოგიერთი ანტივირუსული მედიკამენტი აივ/შიდსისთვის (მაგ. რიტონავირი)

·  სხვა მედიკამენტები სისხლის შედედების შესამცირებლად (მაგ. ენოქსაპარინი, კლოპიდოგრელი ან K ვიტამინის ანტაგონისტები, როგორიცაა ვარფარინი და აცენოკუმაროლი),

·  ანთების საწინააღმდეგო და ტკივილგამაყუჩებელი მედიკამენტები (მაგ. ნაპროქსენი ან აცეტილსალიცილის მჟავა),

·  დრონედარონი, გულის რითმის დარღვევის სამკურნალო საშუალება,

·  ზოგიერთი მედიკამენტი, რომელიც გამოიყენება დეპრესიის სამკურნალოდ (სეროტონინის უკუმიტაცების სელექციური ინჰიბიტორები (SSRIs) ან სეროტონინის ნორეპინეფრინის უკუმიტაცების ინჰიბიტორები (SNRIs))

თუ ზემოთ ჩამოთვლილიდან რომელიმე გეხებათ, აცნობეთ ექიმს ვენომიას მიღებამდე, რადგან ვენომიას ეფექტი შეიძლება გაიზარდოს. თქვენი ექიმი გადაწყვეტს, უნდა იმკურნალოთ თუ არა ამ მედიკამენტით და უნდა იმყოფებოდეთ თუ არა უფრო ინტენსიური მეთვალყურეობის ქვეშ.

თუ თქვენი ექიმი ფიქრობს, რომ  გაქვთ კუჭის ან ნაწლავის წყლულების განვითარების რისკი, მან ასევე შეიძლება გამოიყენოს წყლულის პროფილაქტიკური მკურნალობა.

თუ იღებთ შემდეგ მედიკამენტებს:

·  ეპილეფსიის სამკურნალო ზოგიერთი მედიკამენტი (ფენიტოინი, კარბამაზეპინი, ფენობარბიტალი),

·  კრაზანა (Hypericum perforatum), მცენარეული პროდუქტი, რომელიც გამოიყენება დეპრესიის დროს,

·  რიფამპიცინი - ანტიბიოტიკი.

თუ ზემოთ ჩამოთვლილთაგან რომელიმე გეხებათ, აცნობეთ ექიმს ვენომიას მიღებამდე, რადგან მისი ეფექტი შეიძლება შემცირდეს.

თქვენი ექიმი გადაწყვეტს, უნდა მიიღოთ თუ არა ვენომია და უნდა იმყოფებოდეთ თუ არა უფრო ინტენსიური დაკვირვების ქვეშ. 

აცნობეთ თქვენს ექიმს ან ფარმაცევტს, თუ იღებთ, ახლახან იღებდით ან შესაძლოა მიიღოთ სხვა მედიკამენტები, ურეცეპტოდ გაცემული საშუალებების ჩათვლით.

3. როგორ გამოიყენება ვენომია

მედიკამენტი ყოველთვის მიიღეთ ექიმის რეკომენდაციის შესაბამისად. კითხვების შემთხვევაში მიმართეთ ექიმს ან ფარმაცევტს.

ინსტრუქციები სათანადო გამოყენებისა და მიღების დოზის/ სიხშირის შესახებ 

თავის ტვინში (ინსულტი) და სხვა სისხლძარღვებში თრომბების წარმოქმნის პრევენციისათვის რეკომენდებული დოზაა 1 კაფსულა - 20 მგ დღეში ერთხელ დღეში. თირკმელების პრობლემების შემთხვევაში დოზა შეიძლება შემცირდეს ერთ კაფსულა - 15 მგ დღეში ერთხელ დღეში.

გულის სისხლძარღვების ოკლუზიური დაავადების შემთხვევაში სამკურნალო პროცედურის ჩატარების (ე.წ. პერკუტანული კორონარული ჩარევა - PCI სტენტის იმპლანტაციით) აუცილებლობის შემთხვევაში, მხოლოდ შეზღუდული მონაცემები არსებობს დოზის შემცირების შესახებ - ერთი 15 მგ კაფსულა დღეში ერთხელ (ან 10 მგ დღეში ერთხელ თირკმლების ფუნქციის დაქვეითების შემთხვევაში) ანტითრომბოციტულ თერაპიასთან, მაგალითად კლოპიდოგრელთან ერთად.

ქვემო კიდურების ვენებში და ფილტვების სისხლძარღვებში თრომბების სამკურნალოდ, ასევე, თრომბების განმეორებით წარმოქმნის პრევენციისთვის, რეკომენდებული დოზა შეადგენს ვენომიას ერთ 15 მგ კაფსულას დღეში ორჯერ პირველი 3 კვირის განმავლობაში. 3 კვირის შემდეგ რეკომენდებული დოზაა ერთი 20 მგ კაფსულა დღეში ერთხელ.

სისხლის შედედების მკურნალობის მინიმუმ 6 თვის შემდეგ, თქვენმა ექიმმა შეიძლება გადაწყვიტოს მკურნალობის გაგრძელება: 10 მგ ან 20 მგ კაფსულა ერთხელ დღეში. 
თუ გაქვთ თირკმელების პრობლემები და იღებთ ვენომია 20 მგ ერთი კაფსულა ერთხელ დღეში, 3 კვირის შემდეგ  თქვენმა ექიმმა შეიძლება გადაწყვიტოს მკურნალობის დოზის შემცირება 15 მგ-მდე ერთხელ დღეში, თუ სისხლდენის რისკი აღემატება თრომბის ხელახლა წარმოქმნის რისკს. 

თავის ტვინში (ინსულტი) და სხვა სისხლძარღვებში თრომბების წარმოქმნის პრევენციისთვის:

თუ ნორმალური გულისცემის აღდგენა კარდიოვერსიის მეშვეობით არის აუცილებელი, მაშინ პრეპარატი ვენომია უნდა მიიღოთ ექიმის მიერ მითითებულ დროს.

მიღების გზა და მეთოდი:

ვენომია მიიღეთ საკვებთან ერთად. კაფსულის მიღება სასურველია წყალთან ერთად.

მიიღეთ კაფსულა ყოველდღე, სანამ ექიმი არ მოგიხსნით.

წამლის მიღების დროის ადვილად დასამახსოვრებლად ეცადეთ, მიიღოთ ყოველდღე ერთსა და იმავე დროს. თქვენი ექიმი გადაწყვეტს რამდენ ხანს უნდა გააგრძელოთ მკურნალობა.

სხვადასხვა ასაკობრივი ჯგუფები

ბავშვები და მოზარდები:

ვენომია რეკომენდებული  არ არის  18 წლამდე ასაკის პირებისთვის. არ არის საკმარისი ინფორმაცია ბავშვებში და მოზარდებში პრეპარატის გამოყენების შესახებ.

ხანდაზმულები:

ხანდაზმულებში პრეპარატი გამოიყენება იგივენაირად, დოზის კორექცია საჭირო არ არის.

გამოყენება განსაკუთრებულ შემთხვევებში:

თირკმლის უკმარისობა:

თირკმლის ზომიერი ან მძიმე უკმარისობის მქონე პაციენტებში გამოიყენება დოზირების შემდეგი რეკომენდაციები:

წინაგულების არასარქვლოვანი ფიბრილაციის მქონე პაციენტებში ინსულტის და სისტემური ემბოლიის პროფილაქტიკისთვის რეკომენდებული დოზაა 15 მგ დღეში. 

ქვემო კიდურების ვენებში და ფილტვების სისხლძარღვებში თრომბების სამკურნალოდ, ასევე, თრომბების განმეორებით წარმოქმნის პრევენციისთვის, რეკომენდებული დოზა შეადგენს ვენომიას ერთ 15 მგ კაფსულას დღეში ორჯერ პირველი 3 კვირის განმავლობაში, შემდგომში - ერთი 20 მგ კაფსულა დღეში ერთხელ. შემდგომში, როდესაც პრეპარატის რეკომენდებული დოზაა 20 მგ დღეში ერთხელ, განიხილება დოზის შემცირება 20 მგ-დან 15 მგ-მდე დღეში ერთხელ, თუ სისხლდენის რისკი აღემატება განმეორებითი ღრმა ვენების თრომბოზის და ფილტვის არტერიის თრომბოემბოლიის რისკს. პრეპარატის 15 მგ დოზით გამოყენების რეკომენდაციები ეფუძნება ფარმაკოკინეტიკური მოდელირებას და არ არის შესწავლილი კლინიკურ კვლევებში.

თირკმლის მსუბუქი უკმარისობის მქონე პაციენტებში დოზის კორექცია საჭირო არ არის. სიფრთხილით უნდა იქნას გამოყენებული თირკმლის მძიმე უკმარისობის მქონე პაციენტებში.

ვენომია არ გამოიყენება პაციენტებში თირკმლის ძალიან მძიმე უკმარისობით.

ღვიძლის უკმარისობა:

ვენომია არ უნდა იქნას გამოყენებული ღვიძლის უკმარისობის მქონე პაციენტებში, გაზრდილი სისხლდენის რისკით.

თუ ფიქრობთ, რომ ვენომიას ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.

თუ მიიღეთ იმაზე საჭიროზე მეტი ვენომია

თუ მიიღეთ საჭიროზე მეტი ვენომია, დაუყონებლივ მიმართეთ ექიმს ან ფარმაცევტს.

ჭარბი რაოდენობით ვენომიას მიღება ზრდის სისხლდენის რისკს.

თუ დაგავიწყდათ ვენომიას მიღება

თუ იღებთ ერთ 20 მგ ან 15 მგ კაფსულას დღე-ღამეში ერთხელ და გამოტოვეთ დოზა, მიიღეთ იგი როგორც კი გაგახსენდებათ. არ მიიღოთ ერთზე მეტი კაფსულა დღეში გამოტოვებული დოზის ასანაზღაურებლად. მიიღეთ შემდეგი კაფსულა მეორე დღეს და შემდეგ განაგრძეთ ერთი კაფსულის მიღება დღე-ღამეში ერთხელ.

თუ თქვენ იღებთ ერთ 15 მგ კაფსულას დღე-ღამეში ორჯერ და გამოტოვებთ დოზას, მიიღეთ იგი როგორც კი გაგახსენდებათ. არ მიიღოთ ორზე მეტი 15 მგ კაფსულა დღეში. თუ დაგავიწყდათ დოზის მიღება, შეგიძლიათ მიიღოთ ორი 15 მგ კაფსულა ერთდროულად, რათა მიიღოთ სულ ორი კაფსულა (30 მგ) დღე-ღამეში. მომდევნო დღეს თქვენ უნდა გააგრძელოთ ერთი 15 მგ კაფსულის მიღება დღე-ღამეში ორჯერ.

არ მიიღოთ ორმაგი დოზა გამოტოვებული დოზის ასანაზღაურებლად. დოზა. 

თუ წყვეტთ ვენომიას მიღებას

არ შეწყვიტოთ ვენომიას მიღება ექიმთან წინასწარი კონსულტაციის გარეშე, რადგან ვენომია გამოიყენება სერიოზული მდგომარეობის მკურნალობის და თავიდან აცილებისთვის. 

4. შესაძლო გვერდითი ეფექტები

ყველა მედიკამენტის მსგავსად, შესაძლებელია გვერდითი მოვლენების განვითარება  ვენომიას შემადგენლობაში შემავალი ინგრედიენტების მიმართ მგრძნობიარე პირებში.  

თუ შენიშნეთ რომელიმე ქვემოთ ჩამოთვლილი სერიოზული გვერდითი მოვლენა, დაუყოვნებლივ აცნობეთ ექიმს ან მიმართეთ უახლოეს საავადმყოფოს გადაუდებელი დახმარების განყოფილებას. 

სხვა მსგავსი მედიკამენტების (ანტითრომბოზული საშუალებების) მსგავსად, ვენომიამ შეიძლება გამოიწვიოს სიცოცხლისთვის საშიში სისხლდენა. ძლიერმა სისხლდენამ შეიძლება გამოიწვიოს არტერიული წნევის უეცარი ვარდნა (შოკი). ზოგიერთ შემთხვევაში სისხლდენა შეიძლება იყოს ფარული.

სისხლდენის შესაძლო ნიშანი:

დაუყოვნებლივ აცნობეთ თქვენს ექიმს, ქვემოთ ჩამოთვლილი არასასურველი რეაქციების შესახებ:

·  ხანგრძლივი ან ძლიერი სისხლდენა

·  განსაკუთრებული სისუსტე, დაღლილობა, სიფერმკრთალე, თავბრუსხვევა, თავის ტკივილი, აუხსნელი შეშუპება, ქოშინი, გულმკერდის ტკივილი ან სტენოკარდია, რაც შეიძლება იყოს სისხლდენის ნიშნები.

თქვენი ექიმი მიიღებს გადაწყვეტილებას უფრო დეტალური დაკვირვების ან მკურნალობის გეგმის შეცვლის შესახებ.

კანისმიერი ძლიერი რეაქციის შესაძლო ნიშნები:

დაუყონებლივ აცნობეთ  ექიმს, თუ  გაქვთ კანისმიერი რეაქციები, როგორიცაა:

·  ინტენსიური გამონაყარი კანზე, ბუშტუკების ან ლორწოვანის დაზიანებების გავრცელება, მაგ. პირის ღრუსა ან თვალებში (სტივენს-ჯონსონის სინდრომი/ტოქსიკური ეპიდერმული ნეკროლიზი). ამ გვერდითი ეფექტის სიხშირე ძალზე იშვიათია (10000-დან 1-მდე).

·  პრეპარატზე რეაქცია, რომელიც იწვევს გამონაყარს, ცხელებას, შინაგანი ორგანოების ანთებას, ჰემატოლოგიურ ანომალიებს და სისტემურ დაავადებებს (DRESS სინდრომი). ამ გვერდითი ეფექტის სიხშირე ძალზე იშვიათია (10000-დან 1 პაციენტში).

მძიმე ალერგიული რეაქციის შესაძლო ნიშნები

დაუყოვნებლივ აცნობეთ ექიმს, თუ გაქვთ რომელიმე ქვემოთ ჩამოთვლილი გვერდითი ეფექტი:

·  სახის, ტუჩების, პირის ღრუს, ენის ან ყელის შეშუპება; ყლაპვის გაძნელება; ჭინჭრის ციება და სუნთქვის გაძნელება; არტერიული წნევის უეცარი ვარდნა. ამ გვერდითი ეფექტების სიხშირე ძალზე იშვიათია (ანაფილაქსიური რეაქციები, მათ შორის ანაფილაქსიური შოკი; შეიძლება განვითარდეს 10000-დან 1 პაციენტში) და იშვიათი (ანგიონევროზული შეშუპება და ალერგიული შეშუპება; შეიძლება განვითარდეს 100-დან 1 პაციენტში).

ხშირი (შეიძლება განუვითარდეს 10-დან 1 პაციენტს):

·  სისხლის წითელი უჯრედების რაოდენობის შემცირება, რამაც შეიძლება გამოიწვიოს კანის სიფერმკრთალე, სისუსტე ან ქოშინი

·  სისხლდენა კუჭ-ნაწლავის ტრაქტიდან, უროგენიტალური სისხლდენა (მათ შორის სისხლი შარდში და ჭარბი მენსტრუალური სისხლდენა), ცხვირიდან სისხლდენა, სისხლდენა ღრძილებიდან

·  სისხლდენა თვალში (მათ შორის სისხლჩაქცევა კონიუქტივაში)

·  სისხლდენა ქსოვილში ან სხეულის ღრუში (ჰემატომა, სისხლჩაქცევები)

·  სისხლიანი ხველა

·  სისხლდენა კანიდან ან კანის ქვეშ

·  სისხლდენა ოპერაციის შემდეგ

·  ქირურგიული ჭრილობიდან სისხლის ან სითხის გამონადენი

·  კიდურების შეშუპება

·  ტკივილი კიდურებში

·  ცხელება

·  თირკმელების ფუნქციის დარღვევა (შეიძლება გამოვლინდეს ექიმის მიერ ჩატარებული ანალიზებით)

·  კუჭის ტკივილი, საჭმლის მონელების დარღვევა, ავადობის შეგრძნება ან ავადმყოფობა, ყაბზობა, დიარეა

·  დაბალი არტერიული წნევა (სიმპტომები შეიძლება იყოს თავბრუსხვევა ან დაღლილობა ადგომისას)

·  ზოგადი სისუსტე (სისუსტე, დაღლილობა), თავის ტკივილი, თავბრუსხვევა

·  გამონაყარი, კანის ქავილი

·  სისხლის ანალიზმა შეიძლება აჩვენოს ღვიძლის ზოგიერთი ფერმენტის მატება

არახშირი (შეიძლება განუვითარდეს 100-დან 1 პაციენტს):

·   სისხლდენა თავის ტვინში ან თავის ქალაში

·  სისხლდენა სახსარში, რაც იწვევს ტკივილს და შეშუპებას

·  თრომბოციტოპენია (თრომბოციტების რაოდენობის შემცირება, ეს არის უჯრედები, რომლებიც ხელს უწყობენ სისხლის შედედებას)

·  ალერგიული რეაქციები, კანის ალერგიული რეაქციების ჩათვლით

·  ღვიძლის ფუნქციის დარღვევა (შეიძლება გამოვლინდეს ექიმის მიერ ჩატარებულ ანალიზებით)

·  სისხლის ანალიზმა შეიძლება აჩვენოს ბილირუბინის, პანკრეასის ან ღვიძლის ზოგიერთი ფერმენტის ან თრომბოციტების რაოდენობის ზრდა

·  თავბრუსხვევა

·  უსიამოვნო შეგრძნება

·  აჩქარებული გულისცემა

·  პირის სიმშრალე

·  ჭინჭრის ციება

იშვიათი (შეიძლება განუვითარდეს 1000-დან 1 პაციენტს) 

·   სისხლდენა კუნთში

·  ქოლესტაზი (ნაღვლის ნაკადის დაქვეითება), ჰეპატიტის ჩათვლით. ჰეპატოცელულარული დაზიანება (ღვიძლის ანთება, ღვიძლის დაზიანების ჩათვლით)

·  კანისა და თვალის გაყვითლება (სიყვითლე)

·  ლოკალიზებული შეშუპება

·  სისხლის შეგროვება (ჰემატომა) საზარდულის არეში, როგორც გულის პროცედურის გართულება, როდესაც კათეტერი შეჰყავთ ფეხის არტერიაში (ფსევდოანევრიზმა)

უცნობია (არსებული მონაცემების საფუძველზე შეფასება შეუძლებელია)

·  თირკმლის უკმარისობა მძიმე სისხლდენის შემდეგ

·  სისხლდენის შემდეგ ფეხების ან მკლავების კუნთებში წნევის მომატება, რაც იწვევს ტკივილს, შეშუპებას, მგრძნობელობის შეცვლას, დაბუჟებას ან დამბლას (კომპარტმენტ სინდრომი სისხლდენის შემდეგ)

თუ თქვენ გაქვთ რაიმე გვერდითი ეფექტი, რომელიც ამ გამოყენების ინსტრუქციაში  მითითებული არ არის,  აცნობეთ თქვენს ექიმს ან ფარმაცევტს.

5. როგორ ინახება ვენომია

შეინახეთ ვენომია პირველად შეფუთვაში ბავშვებისთვის მიუწვდომელ ადგილას.

პრეპარატი ინახება 25°C-ის ქვემოთ, ოთახის ტემპერატურაზე.

გამოიყენეთ ვარგისიანობის ვადის შესაბამისად.

არ გამოიყენოთ ვენომია შეფუთვაზე მითითებული ვარგისიანობის ვადის გასვლის შემდეგ. 

არ გამოიყენოთ ვენომია, თუ შეამჩნევთ რაიმე დეფექტს პროდუქტს და/ან მის შეფუთვას.

არ გადააგდოთ ვადაგასული ან გამოუყენებელი მედიკამენტები! გადაეცით გარემოს დაცვისა და ურბანიზაციის სამინისტროს მიერ განსაზღვრულ შეგროვების სისტემას.

გაცემის წესი

ფარმაცევტული პროდუქტის ჯგუფი II ჯგუფი, გაიცემა ფორმა №3 რეცეპტით