ველეულა, უსახელაური, წითელი ნახევრადტკბილი ღვინო, 2020 წ.

დახასიათება

საქართველოს ყველაზე იშვიათი და ძვირფასი ღვინო, დამზადებული უსახელაურის ყურძნისგან, რომელიც მხოლოდ რაჭა-ლეჩხუმის რეგიონში იზრდება. აქვს შესანიშნავი გარეგნობა, ბრწყინვალე ლალისფერია. სურნელებში კი ჟოლოს, მოცვისა და ტყის კენკრის არომატები ჩნდება. ძალიან გემრიელი წითელი ბუნებრივად ნახევრადტკბილი ღვინო, საუკეთესოა სხვადასხვა დესერტთან და ხილთან მისაყოლებლად. საუკეთესოა 12-14 C ტემპერატურაზე მისართმევად.

ბრენდის ისტორია

ველეულას მარანი მდებარეობს ამბროლაურის რაიონის სოფ. ძირაგეულში. ვენახები გაშენებულია როგორც სოფ. ძირაგეულში, ლაზმაურის ფერდობზე, ასევე სოფ. საკეციაში, ჯამში 25 ჰექტარი. დღეისათვის ბრენდი აწარმოებს 200 000 ლიტრ ღვინოს. ველეულას ბრენდმა ოპერირება 2021 წლის დეკემბრიდან დაიწყო. ამ მომენტისთვის 2021 წლის მოსავლის 8 სახეობის ღვინო იწარმოება.