ვაზისუბნის მამული, რქაწითელი, თეთრი სადესერტო ღვინო, 2017 წ.

დახასიათება

რქაწითელის ჯიშის ყურძნისგან დამზადებულ ამ განსაკუთრებულ სადესერტო ღვინოს აქვს ქარვისფერ-ოქროსფერი შეფერილობა. სიძველის არომატი კარგად არის შერწყმული ყვავილების და ხილის ჩირის, კერძოდ, ლეღვის, კომშის და სანელებლების სურნელთან. ეხამება უამრავი სახეობის ხილის სალათს, ნიგვზიან შოკოლადს და ასევე მძაფრ გემოებს. შესანიშნავი კომპონენტია საკუთარი რეცეპტით სასმელების და კოქტეილების დასამზადებლად. მიირთვით 14-180C ტემპერატურაზე

ბრენდის ისტორია

ვაზისუბნის მამულის ისტორია იმ დღიდან იწყება, როდესაც იმ პერიოდის საქართველოში სახელგანთქმულმა თავადმა, სულხან სულხან ჭავჭავაძემ, 1891 წელს ვაზისუბნის მამულში იშვიათი სახეობის ვენახები გააშენა. მის შემდეგ, სულხან ჭავჭავაძე მეღვინეობის დარგში ინოვატორად მოიხსენება, რომელმაც ვაზისუბნის მამული საგანმანათლებლო და კულტურულ ცენტრად გადააქცია და მისი განვითარებისთვის უზარმაზარი ძალისხმევა გაიღო. ადგილის ხელახლა დაბადების პროცესი 2013 წლიდან დაიწყო, ვენახები ხელახლა გაშენდა, გაუქმებულ 140 წლის ღვინის მარანს ფუნქცია დაუბრუნდა; რესტავრაცია გაუკეთდა სასახლეს, რომელიც დღეს 19 ნომრიანი ბუტიკის ტიპის სასტუმროა, ულამაზესი ბაღით, სადაც ასწლოვანი ხეები და მცენარეთა იშვიათი სახეობები ხარობს. ვაზისუბნის მამული არის ადგილი ღვინით ტკბობისთვის, განსაკუთრებული მომენტებისთვის, დიდი  გადაწყვეტილებების მისაღებად, საკუთარ თავთან და ბუნებასთან საურთიერთობოდ, სივრცე გარემოსა და ადამიანებზე ზრუნვისთვის.