ვაზისუბნის მამული, რქაწითელი, დავარგებული თეთრი მშრალი ღვინო, 2020 წ.

დახასიათება

ღია ჩალისფერი მწვანე ანარეკლით. დამშვენებულია თეთრი თუთის და ტროპიკული ხილის არომატებით. რბილი, ელეგანტური სხეული და ზომიერი მჟავიანობა არომატულ გამას მაქსიმალურად გამოხატვას. მშრალი გემო, მინერალური დაბოლოებით კიდევ უფრო მიმზიდველს ხდის ამ ღვინოს. მიირთვით 8-12 0 C ტემპერატურაზე

ბრენდის ისტორია

ვაზისუბნის მამულის ისტორია იმ დღიდან იწყება, როდესაც იმ პერიოდის საქართველოში სახელგანთქმულმა თავადმა, სულხან სულხან ჭავჭავაძემ, 1891 წელს ვაზისუბნის მამულში იშვიათი სახეობის ვენახები გააშენა. მის შემდეგ, სულხან ჭავჭავაძე მეღვინეობის დარგში ინოვატორად მოიხსენება, რომელმაც ვაზისუბნის მამული საგანმანათლებლო და კულტურულ ცენტრად გადააქცია და მისი განვითარებისთვის უზარმაზარი ძალისხმევა გაიღო. ადგილის ხელახლა დაბადების პროცესი 2013 წლიდან დაიწყო, ვენახები ხელახლა გაშენდა, გაუქმებულ 140 წლის ღვინის მარანს ფუნქცია დაუბრუნდა; რესტავრაცია გაუკეთდა სასახლეს, რომელიც დღეს 19 ნომრიანი ბუტიკის ტიპის სასტუმროა, ულამაზესი ბაღით, სადაც ასწლოვანი ხეები და მცენარეთა იშვიათი სახეობები ხარობს. ვაზისუბნის მამული არის ადგილი ღვინით ტკბობისთვის, განსაკუთრებული მომენტებისთვის, დიდი  გადაწყვეტილებების მისაღებად, საკუთარ თავთან და ბუნებასთან საურთიერთობოდ, სივრცე გარემოსა და ადამიანებზე ზრუნვისთვის.