ვალურესტი ბულარდი

შემადგენლობა: 1 კაფსულა შეიცავს: Sacchcaromyces Boulardii 250მგ. დამხმარე ნივთიერებები: სიმინდის სახამებელი 75მგ, სილიციუმის დიოქსიდი 3,5მგ.

ჩვენებები: მწვავე ინფექციური დიარეა (ბაქტერიული, ვირუსული); მწვავე და ქრონიკული გასტროენტერიტი და გასტროენტეროკოლიტი; ანტიბიოტიკების, ონკოსტატიკების, ქიმიოპრეპარატების მიღებითა და სხივური თერაპიით გამოწვეული დისბაქტერიოზის მკურნალობა და პროფილაქტიკა; Clostridium difficile-თი გამოწვეული მორეციდივე ფსევდომემბრანული კოლიტის  პროფილაქტიკა და მკურნალობა; გაღიზიანებული მსხვილი ნაწლავის სინდრომი; დიარეა, რომელიც გამოწვეულია ზონდით ხანგრძლივი კვებით; მოგზაურთა დიარეის პროფილაქტიკა და მკურნალობა; აკნე (კომპლექსური მკურნალობა).

მიღების წესი და დოზირება: ბავშვებში 12 წლის ასაკიდან და მოზრდილებში 1 კაფსულა 1-2-ჯერ დღეში. საპროფილაქტიკოდ: მოგზაურობის დაწყებამდე 5 დღით ადრე, 1 კაფსულა 1-2-ჯერ დღეში. აკნეს სამკურნალოდ: 3 კაფსულა დღეში. კაფსულები მიიღება საკმაო რაოდენობის სითხესთან ერთად. მკურნალობა გრძელდება დიარეის შეწყვეტიდან რამდენიმე დღის განმავლობაში. ქრონიკული აკნეს შემთხვავაში, სამკურნალო საშუალების მიღება რეკომენდებულია რამდენიმე კვირის განმავლობაში.

უკუჩვენება: მომატებული მგრძნობელობა პრეპარატის რომელიმე კომპონენტის მიმართ. პაციენტებისათვის ცენტრალური ვენური კათეტერით.

შესაძლო გვერდითი მოვლენები: იშვიათად, ჰოსპიტალიზირებულ პაციენტებში, ცენტრალური ვენური კატეტერით, შეიძლება გამოიწვიოს ფუნგემია. ძალიან იშვიათად: მეტეორიზმი, ალერგიული რეაქცია-ქავილი, ურტიკარია. გვერდითი მოვლენებიდან ნებისმიერის გამოვლენის შემთხვევაში, მათ შორის ისეთის, რომელიც არ არის მოცემული ამ ინსტრუქციაში, უნდა მიემართოს მკურნალ ექიმს ან ფარმაცევტს.

განსაკუთრებული მითითებები: პრეპარატის მიღების პერიოდში, განავლის მიკრობიოლოგიური ანალიზის გაკეთებისას, ცრუ-დადებითი შედეგის თავიდან ასაცილებლად, აუცილებელია ლაბორატორიის გაფრთხილება იმის შესახებ, რომ პაციენტი ღებულობს Saccharomyces bourlardii-ის პრეპარატს.
არ მიიღება ძალიან ცივ ან ცხელ საკვებთან ერთად, რადგან შესაძლებელია Saccharomyces bourlardii-ის აქტივობის შემცირება.
არ მიიღება ალკოჰოლთან ერთად.
ურთიერთქმედება სხვა სამკუნრალო საშუალებებთან: ვალურესტი ბულარდი და სოკოს საწინააღმდეგო პრეპარატების (შიგნით მისაღები ანუ პერორალური ან პარენტერალური) ერთდროული მიღებისას, შეიძლება შემცირდეს სამკურნალო საშუალების კლინიკური ეფექტურობა. მონოამინოოქსიდაზის ინჰიბიტორების პრეპარატებთან ერთად მიღებისას, შეიძლება აღინიშნოს არტერიული წნევის მატება

შენახვის წესი: ინახება  ბავშვებისათვის მიუწვდომელ და მზის სხივების პირდაპირი ზემოქმედებისაგან დაცულ, გრილ და მშრალ ადგილას.

ვარგისიანობის ვადა: არ გამოიყენება ვარგისიანობის ვადის გასვლის შემდეგ.

გამოშვების ფორმა: #10 კაფსულა ბლისტერზე.

აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი: გლობალ ფარმა სიემ სპ. ზო.ო. (GLOBAL PHARMA CM Sp. z o.o.), პოლონეთი.