Uzunashvili Mukuzani Cellar, ქისი ქვევრი, თეთრი მშრალი ღვინო, 2020 წ.

დახასიათება

ეს ღვინო დამზადებულია ტრადიციული ქართული წესით ქვევრში. მდიდარია გარგარის, ლეღვის ნოტებით. გემო, მდიდარია ტანინებით. ტრადიციული გრძელვადიანი ფერმენტაცია. მას აქვს ძლიერი დასრულება, მიმზიდველი და დასამახსოვრებელი.

ბრენდის ისტორია

1829 წლიდან ალექსანდრე ჭავჭავაძის მამულში უზუნაშვილები მაღალკვალიფიციურ მეღვინეებად მიიჩნეოდნენ. მას შემდეგ, რაც ჭავჭავაძის ოჯახს ტრაგედია დაატყდა და თავისი მამული რუსეთის საიმპერატორო კარს გადასცა, უზუნაშვილების ოჯახი კვლავ ერთგულად განაგრძობდა მამულის ვენახების მოვლა-პატრონობას და ღვინის დამზადებას, რომელიც ცნობილი იყო როგორც ქვეყნის მასშტაბით, ასევე მის ფარგლებს გარეთ. XX საუკუნის დასაწყისში რუსეთის ბოლო იმპერატორმა ნიკოლოზ II-მ მიხა უზუნაშვილს სიგელი გადასცა "კეთილშობილური და გამორჩეული მეღვინეობისთვის" და დიდი საიმპერატორო მედალი მიანიჭა. საბჭოთა ანექსიის შემდგე უზუნაშვილებს სამეფო წარმოშობის ყველა ჯილდო და მათ შორის ალექსანდრე ჭავჭავაძის მამულში დაკისრებული ფუნქცია - მოვალეობები ჩამოერთვათ. თუმცა, მას შემდეგ ღვინის დაყენების ტრადიცია თაობიდან თაობას გადაეცა, დაიხვეწა და გასრულყოფილდა. „უზუნაშვილის მუზუზნის მარანს“ ვაჟა უზუნაშვილი უძღვება, რომელიც მეღვინეების ოჯახის მე-11 თაობის წარმომადგენელია. მან ცოდნა რუსეთში და საფრანგეთში გაიღმავა. წლების მანძილზე ის სხვადასხვა ღინის ქარხანაში მუშაობდა, მათ შორის: "მუკუზნის ღვინის ქარხანა N2", "Shabo", "GWS", "Royal Khvanchkara" და "Sanavardo Wine". მარანი ცხრა ქვევრს და სადეგუსტაციო სივრცეს აერთიანებს. აქ ღვინო საკუთარ ვენახებში გაშენებული კახური მწვანეს, ქისის, საფერვის და რქაწითელის ჯიშის ყურძნისგან იწაროება. მარანში მოსულ სტუმრებს საშუალება აქვთ გაეცნონ ღვინის დაყენების კახურ ტექნოლოგიას, დააგემოვნონ ოთხი სახეობის ქვევრის ღვინო და ტრადიციული კერძები.