Tornaza - ტორნაზა თვალის მალამო 0.3% 5გ

ტორნაზა 3 მგ/გ თვალის მალამო

ტობრამიცინი

პრეპარატის გამოყენებამდე ყურადღებით წაიკითხეთ ეს ინსტრუქცია, რადგან ის შეიცავს თქვენთვის მნიშვენლოვან ინფორმაციას.

- შეინახეთ ეს ინსტრუქცია. შესაძლოა კიდევ დაგჭირდეთ მისი წაკითხვა.

- დამატებითი კითხვების შემთხვევაში, მიმართეთ ექიმს ან ფარმაცევტს.

- ეს სამკურნალო საშუალება დაგენიშნათ მხოლოდ თქვენ. ნუ გადასცემთ მას სხვას გამოყენებისთვის, შესაძლოა პრეპარატმა ზიანი მიაყენოს მას იმ შემთხვევაშიც, თუ მასაც აღენიშნება მსგავსი სიმპტომები.

- თუ შენიშნავთ ნებისმიერ გვერდით ეფექტს, უნდა აცნობოთ ექიმს ან ფარმაცევტს. ეს ეხება ასევე ეფექტებს, რომლებიც არ არის აღწერილი ამ ინსტრუქციაში. იხილეთ პუნქტი 4. 

გამოყენების ინსტრუქცია შეიცავს

1. რას წარმოადგენს ტორნაზა თვალის მალამო და რისთვის გამოიყენება

2. ინფორმაცია ტორნაზა  თვალის მალამოს გამოყენებამდე

3. ტორნაზა  თვალის მალამოს გამოყენების წესი

4. მოსალოდნელი გვერდითი ეფექტები

5. ტორნაზა  თვალის მალამოს შენახვის პირობები

6. შეფუთვის შემადგენლობა და დამატებითი ინფორმაციები

 

1. რას წარმოადგენს ტორნაზა  თვალის მალამო და რისთვის გამოიყენება

ტორნაზას თვალის მალამოს აქტიური ნივთიერება არის ტობრამიცინი, რომელიც მიეკუთვნება ეგრეთ წოდებულ ამინოგლიკოზიდურების ჯგუფს და აქტიურია მთელი რიგი მიკროორგანიზმების მიმართ, რომლებიც იწვევენ თვალის ინფექციებს. 

ტორნაზას თვალის მალამო გამოიყენება თვალის ზედაპირის და მისი მიდამოს ინფექციების სამკურნალოდ, რომლებიც გამოწვეულია ტობრამიცინის მიმართ მგრძნობიარე ბაქტერიებით უფროსებში და 1 წელზე უფროს ბავშვებში.

2. ინფორმაცია ტორნაზას თვალის მალამოს გამოყენებამდე

არ გამოიყენოთ ტორნაზას თვალის მალამო თუ აღინიშნება შემდეგი:

თუ გახასიათებთ ალერგიულობა (ჰიპერმგრძნობელობა) ტობრამიცინის ან ამ მედიკამენტის შემადგენლობაში შემავალი ნებისმიერი დამხმარე ინგრედიენტის მიმართ (ჩამოთვლილია პუნქტში 6);
გაფრთხილებები და უსაფრთხოების ზომები

ტორნაზას თვალის მალამო უნდა გამოიყენოთ მხოლოდ თქვენი თვალებისთვის.
უნდა შეწყვიტოთ მისი გამოყენება და მიმართოთ ექიმს კონსულტაციისათვის, თუ ამ მედიკამენტის გამოყენებისას აღინიშნება ალერგიული რეაქციები, როგორიცაა ქუთუთოს ქავილი, თვალების შეშუპება ან სიწითლე. ეს ალერგიული რეაქციები შესაძლოა გამოვლინდეს ამ ჯგუფის (ამინოგლიკოზიდურები) სხვა ანტიბიოტიკების გამოყენების დროსაც, როგორც ადგილობრივი, ასევე სისტემური გამოყენებისას. 
მიმართეთ ექიმს თუ ატორნაზას თვალის მალამოსთან ერთად იღებთ სხვა ანტიბიოტიკს.
სხვა ანტიბიოტიკების მსგავსად ტორნაზას თვალის მალამოს ხანგრძლივმა გამოყენებამ შესაძლოა გამოიწვიოს არამგრძნობიარე ორგანიზმების ან სოკოების განვითარება. ასეთ შემთხვევაში ექიმი დანიშნავს სხვა შესაბამის მკურნალობას.
ამ მედიკამენტის გამოყენებამ შესაძლოა დააგვიანოს რქოვანას შეხორცება. 
კონტაქტური ლინზების გამოყენების შემთხვევაში უნდა შეწყვიტოთ ლინზების გამოყენება თვალის ინფექციების ნიშნების და სიმპოტომების გამოვლენისას. ლინზების ნაცვლად გამოიყენეთ სათვალე. არ ჩაისვათ ლინზები სანამ არ გაქრება ინფექციის ნიშნები და სიმპტომები და სანამ არ შეწყვიტავთ ტორნაზა თვალის მალამოს გამოყენებას. 
სხვა მედიკამენტები და ტორნაზას თვალის მალამო

აცნობეთ ექიმს ან ფარმაცევტს თუ იღებთ, მიიღეთ ცოტა ხნის წინ ან აპირებთ სხვა მედიკამენტების მიღებას. 

თუ იღებთ ერთდროულად სხვა თვალში შესაყვან მედიკამენტებს, მაშინ ამ პროდუქტების გამოყენებებს შორის ინტერვალი უნდა შეადგენდეს მინიმუმ 5 წუთს. თვალის მალამო უნდა წაისვათ ბოლოს. 

ტორნაზას თვალის მალამოს გამოყენება საკვებ, სასმელ პროდუქტებთან და ალკოჰოლთან ერთად

არ არის შეზღუდვები.

ორსულობა, ლაქტაცია და ფერტილობა

თუ ხართ ორსულად ან კვებავთ ჩვილს ძუძუთი, ფიქრობთ, რომ ხართ ორსულად ან გეგმავთ ორსულობას, მიმართეთ ექიმს ან ფარმაცვეტს ამ მედიკამენტის გამოყენებამდე. 

ზოგადად ტორნაზას თვალის მალამოს გამოყენება არ არის რეკომენდებული ორსულობის ან ლაქტაციის პერიოდში. ტორნაზა თვალის მალამოს გამოყენება უნდ ამოხდეს მხოლოდ ნაყოფის მიმართ პოტენციური რისკის და მკურნალობის სარგებლის მკაცრი შეფასების შემდეგ.

ავტომობილის მართვა და მექანიზმებთან მუშაობის უნარი

ტორნაზას თვალის მალამოს გამოყენების შემდეგ შესაძლოა აღინიშნოს მხედველობის დაბინდვა. თვალში მედიკამენტის გამოყენების შემდეგ არ უნდა მართოთ ავტომობილი ან მექანიზმები, სანამ არ აღდგება მხედველობა.

ტორნაზას თვალის მალამო შეიცავს მეთილის პარაჰიდროქსიბენზოატს და პროპილის პარაჰიდროქსიბენზოატს

სამედიცინო პროდუქტის ამ ინგრედიენტებმა შესაძლოა გამოიწვიოს ალერგიული რეაქციები (მოსალოდნელია დაგვიანებული სახისაც). 

3. ტორნაზას თვალის მალამოს გამოყენების წესი

ყოველთვის მიიღეთ ეს მედიკამენტი ზუსტად ექიმსი ან ფარმაცევტის დანიშნულების მიხედვით. მიმართეთ ექიმს, თუ რაიმეში არ ხართ დარწმუნებული. 

გამოიყენეთ ტორნაზას თვალის მალამო მხოლოდ თქვენი თვალებისთვის.

უფროსები, ხანდაზმულები (65 წელზე უფროსები) და ბავშვები 1 წლის ასაკიდან

მსუბუქიდან ზომიერამდე სირთულის დაავადებისას რეკომენდებული დოზა შეადგენს მალამოს მცირე რაოდენობას (დაახლოებით 1.5 სმ ზოლი) დაინფიცირებულ თვალ(ებ)ის 2 ან 3 ჯერ დღეში.

რთული დაავადებისას რეკომენდებული დოზირება შეადგენს მალამოს მცირე რაოდენობას (დაახლოებით 1.5 სმ ზოლი) დაინფიცირებულ თვალ(ებ)ის 3 ან 4 ჯერ დღეში პირველი ორი დღის განმავლობაში, ხოლო შემდეგ 2 ან 3 ჯერ დღეში ინფექციის გაქრობამდე.

ჩვეულებრივი მკურნალობის ხანგრძლივობა შეადგენს 7-10 დღეს. ექიმი განსაზღვრავს მკურნალობის ხანგრძლივობას. 

ტორნაზა თვალის მალამო გამოიყენება ასევე პაციენტებში თვიძლის ან თირკმლის დარღვევებით. უსაფრთხოება და ეფექტურობა 1 წლამდე ასაკის ბავშვებში არ არის დადგენილი, ამიტომ ეს პრეპარატი არ გამოიყენება ამ ასაკობრივ ჯგუფში. 

მითითებები გამოყენების შესახებ

1. აიღეთ ტორნაზას თვალის მალამოს ტუბი და სარკე.

2. დაიბანეთ თქვენი ხელები და მოხსენით თავსახური.

3. ცერა თითის და საჩვენებელი თითის მეშვეობით დაიკავეთ ტუბი.

2. გადახარეთ თავი უკან და ჩამოსწიეთ ქვედა ქუთუთო დაბლა. ეს წარმოქმნის ,,ჯიბეს“ თვალის ქუთუთოს და თვალს შორის. მალამოს რაოდენობა უნდა მოხვდეს ზუსტად ამ ადგილას (სურ. 1).

3. მიიტანეთ ტუბის წვერი თვალთან ახლოს. დაიხმარეთ სარკე საჭიროების შემთხვევაში.

4. შეეცადეთ არ მიადოთ ტუბის წვერი თვალს, თვალის ქუთუთოს ან სხვა ზედაპირს. ეს გამოიწვევს სამედიცინო პროდუქტის დაბინძურებას.

5. ფრთხილას დააწექით ტუბს და გამოუშვით ტორნაზას თვალის მალამოს ზოლი (სურ. 2).

6. ტორნაზას თვალის მალამოს თვალში მოთავსების შემდეგ დახურეთ ქუთუთო, დაახამხამეთ თვალი რამოდენიმეჯერ, რომ დარწმუნდეთ, რომ მალამო ჩავიდა თვალში და დაფარა თვალის ზედაპირი. თითით დააწექით თვალს ცხვირის კუთხეში და დააჭირეთ 2-3 წუთის განმავლობაში (სურ. 3). ეს ხელს შეუშლის ტორნაზას თვალის მალამოს გავცელებას სხეულის სხვა ნაწილებში.

6. თუ გესაჭიროებათ ტორნაზას თვალის მალამოს გამოყენება ორივე თვალში, უნდა გაიმეოროთ ეს პროცედურა მეორე თვალშიც, მაგრამ დაიბანეთ ხელები პროცედურის დაწყებამდე. ეს ხელს შეუშლის ერთი თვალიდან მეორე თვალში ინფექციის გადატანას.

7. გამოყენების შემდეგ დროულად დაახურეთ ტუბს თავი მჭიდროდ.

8. გამოიყენეთ მხოლოდ ერთიდაიგივე ტუბი.

თუ ააცილეთ მალამო თვალს, უნდა სცადოთ ხელმეორედ.

თუ გამოიყენეთ ტორნაზას თვალის მალამოს ჭარბი დოზირება

ყოველთვის გამოიყენეთ ეს მედიკამენტი ზუსტად ექიმის ან ფარმაცევტის დანიშნულების მიხედვით. გაურკვევლობის შემთხვევაში მიმართეთ ექიმს.

ზედოზირების შემთხვევაში უნდა გამოიბანოთ თვალ(ებ)ი თბილი წყლით. შემთხვევით მალამოს გადაყლაპვის შემთხვევაში, დაუკავშირდით ექიმს. 

თუ დაგავიწყდათ ტორნაზას თვალის მალამოს გამოყენება

განაგრძეთ მომდევნო დოზირების გამოყენება გეგმის მიხედვით. არ გამოიყენოთ ორმაგი დოზა, გამოტოვებული დოზირების კომპენსირების მიზნით.

თუ გსურთ ტორნაზა თვალის მალამოს გამოყენების შეწყვეტა

მკურნალობის შეწყვეტის შესახებ გადაწყვეტილებას იღებს ექიმი. არ შეწყვიტოთ მედიკამენტის გამოყენება ექიმის ნებართვის გარეშე. წინააღმდეგ შემთხვევაში გამოვლინდება ინფექციის რეციდივი და განვითარდება ტობრამიცინის მიმართ ბაქტერიის რეზისტენტულობის ეფექტი.

თუ იყენებთ სხვა თვალის პროდუქტებს (წვეთებს ან მალამოს), ამ პრეპარატებს შორის მიღების ინტერვალი უნდა შეადგენდეს მინიმუმ 5 წუთს. ტორნაზას თვალის მალამო უნდა გამოყენოთ ბოლოს. 

აღნიშნული პროდუქტის შესახებ დაბადებითი კითხვების შემთხვევაში მიმართეთ ექიმს ან ფარმაცევტს. 

4. მოსალოდნელი გვერდითი ეფექტები

ნებისმიერი მედიკამენტის მსგავსად ტორნაზას თვალის მალამომაც შესაძლოა გამოიწვიოს გვერდითი ეფექტები, თუმცა არა ნებისმიერ პაციენტში. 

შემდეგი გვერდითი ეფექტები აღინიშნა ტორნაზას თვალის მალამოს გამოყენებისას:

ხშირი გვერდითი ეფექტები 

(ვლინდება 10 პაციენტიდან 1-მდე)

თვალის დარღვევები: თვალის დისკომფორტი, თვალის სიწითლე, თვალის ალერგიული რეაქციები, ქუთუთოების ქავილი.

არახშირი გვერდითი ეფექტები 

(ვლინდება 100 პაციენტიდან 1-მდე)

თვალის დარღვევები: თვალის ზედაპირის ანთება, რქოვანას დაზიანება, მხედველობის შეზღუდვა, მხედველობის დაბინდვა, ქუთუთოების სიწითლე, ღამით თვალების ცვლილებები, თვალების და ქუთუთოების შეშუპება, თვალების ტკივილი, თვალების სიმშრალე, თვალების ქავილი, თვალების ცრემლიანობა, თვალში უცხო სხეულის შეგრძნება.

იმუნური სისტემის დარღვევები: ჰიპერმგრძნობელობა

ნერვული სისტემის დარღვევები: თავის ტკივილი

კანის და კანქვეშა ქსოვილის დარღვევები: ჭინჭრის ცხელება, კანის ანთება, წამწამების ზრდა ან დაცვენა, კანზე პიგმენტაციის დაკარგბა, ქავილი, კანის სიმშრალე.

უცნობი სიხშირის გვერდითი ეფექტები

(არსებული მონაცემების მიხედვით შეუძლებელია სიხშირის განსაზღვრა)

თვალის დარღვევები: თვალის გაღიზიანება.

კანის და კანქვეშა ქსოვილის დარღვევები: გამონაყარი, ერითემა (სიწითლე).

გვერდითი ეფექტების შეტყობინება

თუ შენიშნავთ ნებისმიერ გვერდით ეფექტს, უნდა მიმართოთ ექიმს ან ფარმაცევტს. ეს ეხება ასევე გვერდით ეფექტებს, რომლებიც არ არის აღწერილი გამოყენების ინსტრუქციაში.

გვერდითი ეფექტების შეტყობინებით თქვენ ხელს შეუწყობთ მედიკამენტის უსაფრთხო გამოყენების შესახებ მეტი ინფორმაციის მოპოვებას. 

5. ტორნაზას თვალის მალამოს შენახვის პირობები

შეინახეთ ეს მედიკამენტი ბავშვებისაგან მიუწვდომელ და შეუმჩნეველ ადგილას.

ინახება არაუმეტეს 25 °C  ტემპერატურაზე.

კონტეინერის პირველადი გახსნის შემდეგ სამედიცინო პროდუქტის ვარგისიანობა შეადგენს 28 დღეს. 

არ გაყინოთ.

შეინახეთ მჭიდროდ დახურულ კონტეინერში. 

არ გამოიყენოთ პრეპარატი შეფუთვის კოლოფზე აღნიშნული ვარგისიანობის ვადის გასვლის შემდეგ. ვარგისიანობის ვადა ვრცელდება აღნიშნული თვის ბოლო დღემდე.

არ გადააგდოთ ნებისმიერი სამედიცინო პროდუქტი კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს მისი უტილიზაციის შესახებ. ეს ღონისძიებები ხელს შეუწყობს გარემოს დაცვას. 

6. შეფუთვის შემადგენლობა და დამატებითი ინფორმაციები

რას შეიცავს ტორნაზას თვალის მალამო

- აქტიური ნივთიერება არის ტობრამიცინი. ერთი გრამი მალამო შეიცავს 3 მგ ტობრამიცინს.

- დამხმარე ნივთიერებებია მეთილის პარაჰიდროქსიბენზოატი; პროპილის პარაჰიდროქსიბენზოატი; ცვილი, თხევადი, ცვილი, თეთრი რბილი.

ტორნაზას თვალის მალამოს გარეგნული სახე და შეფუთვის შემადგენლობა

თვალის მალამო

ტორნაზა მოთავსებული ლაქირებულ ალუმინის ტუბში, აღჭრუდვილია კანულით, დახურულია პლასტმასის ხრახნიანი თავსახურით.

ერთი 5 გ ტუბი გამოყენების ინსტრუქციასთან ერთად მოთავსებულია მუყაოს კოლოფში.

გაცემის რეჟიმი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით