ტომ სოიერი საზღვარგარეთ

ანოტაცია

„როგორ გგონიათ, ტომ სოიერი ჯიმის გათავისუფლებითა და ფეხში დაჭრით – იმ თავგადასავლებით დაკმაყოფილდა, მდინარეზე რომ გადახდა? სულაც არა, პირიქით, მეტი მოინდომა.“ ამ სიტყვებით იწყება მარკ ტვენის ტომ სოიერის სერიის რიგით მესამე წიგნი „ტომ სოიერი საზღვარგარეთ“, რომელიც ქართულ ენაზე პირველად გამოიცემა. ტომ სოიერის თავგადასავალი არ სრულდება ჰეკლბერი ფინის მოგზაურობით, არამედ გრძელდება და ამჯერად ტომი, ჰეკი და ჯიმი მათთვის უცნობი კონტინენტისკენ მიემართებიან, თანაც იმ დროისთვის ჯადოსნური საშუალებით – საჰაერო ბუშტით. ჰეკი მოგვითხრობს, თუ როგორ აღმოჩნდნენ მეგობრები ამერიკიდან აფრიკაში, საჰარას უდაბნოში.