ტერიქსი 10მგ #10ტ

ტერიქსი ® შემოგარსული ტაბლეტები

Teriх®

საერთაშორისო არაპატენტირებული დასახელება : Cetirizine

შემადგენლობა

ყოველი შემოგარსული ტაბლეტი შეიცავს:

აქტიური ნივთიერება : 10 მგ ცეტირიზინის დიჰიდროქლორიდი

დამხმარე ნივთიერებები : სიმინდის სახამებელი, ლაქტოზას მონოჰიდრატი, PVP K 30,მაგნიუმის სტეარატი.

გარსის შემადგენლობა : ეუდრაჟიტი E 100-55,ტალკი,ტიტანის დიოქსიდი, მაგნიუმის სტეარატი, პოლიეთილენგლიკოლი 6000.

ფარმაკოლოგიური ჯგუფი

ჰისტამინური H1-რეცეპტორების ბლოკატორი. ანტიალერგიული პრეპარატი.

ათქ კოდი: R06AE07

ფარმაკოლოგიური თვისებები

ფარმაკოდინამიკა

ტერიქსის აქტიური ნივთიერება-ცეტირიზინი წარმოადგენს H1 ჰისტამინური რეცეპტორების სელექციურ ანტაგონისტს. საშუალო თერაპიული დოზებით ტერიქსი არ გადის ჰემატოენცეფალურ ბარიერს. მხოლოდ მაღალ დოზებსა და იშვიათ შემთხვევებში შეიძლება გამოიწვიოს მცირე სედაციური ეფექტი. ტერიქსი ასევე in vivo  აინჰიბირებს  ენდოგენურ ჰისტამინის რეცეპტორებს. პრეპარატი აფერხებს კანის რეაქციების განვითარებას, რომლის მიზეზებს წარმოადგენენ ვაზოაქტიური ინტესტინალური  პოლიპეპტიდები (VIP) და P-ნივთიერება. ასთმიან პაციენტებში ტერიქსი ამცირებს ბრონქების ჰიპერრეაქტიულობას ჰისტამინის მიმართ. ამავე მეთოდით ამცირებს სპეციფიკურ ალერგიულ რეაქციებს.

ფარმაკოკინეტიკა

შეწოვა : პერორალური გამოყენებისას ცეტირიზინი მაქსიმალურ კონცენტრაციას

პლაზმაში აღწევს 1 საათის შემდეგ.

განაწილება : პლაზმური მონაცემები იცვლება და დამოკიდებულია მიღებულ დოზაზე.

ცეტირიზინის პლაზმის ცილებთან კავშირი, შეადგენს 93%.

მეტაბოლიზმი : ცეტირიზინი მცირე რაოდენობით მეტაბოლირდება ღვიძლში

(’’პირველადი გავლის’’ეფექტი) მეტაბოლიტად, რომელსაც ახასიათებს მცირედ

გამოხატული ანტიჰისტამინური ეფექტი. ნახევარგამოყოფის პერიოდი დაახლოებით 8-11 საათია. ბავშვებში პლაზმური კლირენსი უფრო მაღალია ვიდრე მოზრდილებში.

გამოყოფა: ბავშვებში, როგორც მოზრდილებში , მიღებული დოზის 2/3 თირკმლებით  გამოიყოფა. პრეპარატის 70% შარდის გზით გამოიყოფა, ხოლო 10% განავლით. საერთო კლირენსი შეადგენს დაახლოებით 53მლ/წთ.

ჩვენებები

•პოლინოზი (სეზონური ალერგიული რინიტები და კონიუნქტივიტები).

•ქრონიკული ალერგიული რინიტი და სხვა ალერგიული რინოპათიები.

•ალერგიული ქავილი.

•იდიოპათიური ჭინჭრის ციება.

•კვინკეს შეშუპება.

უკუჩვენებები

მომატებული მგრძნობელობა პრეპარატის რომელიმე კომპონენტის მიმართ.გალაქტოზას თანდაყოლილი აუტანლობა ან გლუკოზა-გალაქტოზური მალაბსორბციის სინდრომი.  თირკმლის უკმარისობის ტერმინალური სტადია (კრეატინინის კლირენსი < 10 მლ/წთ.) ბავშვთა ასაკი 6 წლამდე.

განსაკუთრებული მითითებები

პირებისთვის, რომლებსაც სამუშაოზე მოეთხოვებათ მომატებული ყურადღება, არ შეიძლება რეკომენდებული დოზის გადაჭარბება.

თირკმლის უკმარისობით დაავადებულებს ენიშნებათ სადღეღამისო დოზის ნახევარი.

პრეპარატი სიფრთხილით გამოიყენება :

-ღვიძლის უკმარისობის დროს,

-შარდის შეკავებისკენ მიდრეკილების დროს,

-ეპილეფსიის დროს, ასევე კრუნჩხვების მიმართ მიდრეკილების დროს.

ორსულობა და ლაქტაციის პერიოდი

ცხოველებზე ჩატარებული ექსპერიმენტების დროს არ გამოვლინდა არცერთი

ტერატოგენული ეფექტი. თუმცა, ორსულებისთვის და მეძუძური დედებისთვის ტერიქსი უკუნაჩვენებია.

ლაქტაცია

არ გამოიყენება ლაქტაციის პერიოდში, დედის რძეში გადასვლის გამო.

ზემოქმედება ავტოტრანსპორტის და სხვა პოტენციურად საშიშიმ ექანიზმების მართვის დროს

იმასთან დაკავშირებით, რომ კლინიკური კვლევების დროს, აღინიშნებოდა ძილიანობის შემთხვევები. პრეპარატი სიფრთხილით ენიშნებათ მძღოლებს და იმ პირებს, რომელთა სამუშაოც მოითხოვს დიდ ყურადღებას.

ურთიერთქმედება სხვა სამკურნალო საშუალებებთან

არ არის აღმოჩენილი რაიმე სახის წამლისმიერი შეუთავსებლობა. გამოკვლევებმა, რომლებიც ჩატარდა პრეპარატის დიაზეპამთან და ციმეტიდინთან ერთობლივ გამოყენებაზე, არ გამოავლინა წამლისმიერი შეუთავსებლობა. ცეტირიზინი თერაპიული (სისხლში 0,8გ/ლ)დოზებით,არ აპოტენცირებს ალკოჰოლის მოქმედებას. ტერიქსის და სედაციური, ანტიქოლინერგული საშუალებების ერთობლივი მიღებისას აუცილებელია

სიფრთხილე, რადგან შესაძლებელია ცეტირიზინის გვერდითი მოვლენების გაძლიერება.

მიღების წესი და დოზირება

მოზარდებს და ბავშვებს 6 წლის ზემოთ ენიშნება 10მგ. დღეღამეში. პრეპარატის მიღება საკვების მიღებაზე დამოკიდებული არ არის.

მკურნალობის ხანგრძლივობა განისაზღვრება პაციენტის ჩივილებიდან და დაავადების მიმდინარეობიდან გამომდინარე. პოლინოზის დროს მკურნალობის ხანგრძლივობა შეადგენს ძირითადად 3-6 კვირას.

გვერდითი მოვლენები

სხვადასხვა ორგანოების და სისტემების მხრივ, გვერდითი მოვლენები გვხვდება სხვადასხვა ხარისხის.

მაგალითად : თრომბოციტოპენია,სხეულის მასის მომატება,ანაფილაქსიური შოკი, აგრესია, დეპრესია, შარდის შეკავება, კრუნჩხვები, ფიქრი სუიციდზე, ამნეზია, ასევე სხვა . მეხსიერების მოშლა, მხედველობის მოშლა, ტაქიკარდია, დისკინეზია, გემოვნების მოშლა და სხვა.

ცეტირიზინის სედაციური ეფექტის შესაფასებელი ფსიქომოტორული ტესტების შედეგი უდრიდა პლაცებოსას. ძალიან იშვიათად შეიძლება გამოვლინდეს მომატებული მგრძნობელობა, თავის ტკივილი, ძილიანობა, აგზნებადობა,პირის სიმშრალე და გასტროინტესტინური მოვლენები,ძირითადად სუსტად გამოხატული და გარდამავალი.

საჭიროების დროს შესაძლებელია სადღეღამისო დოზის გაყოფა ორ ტოლ მიღებაზე დილით  და საღამოს.

მოულოდნელი ეფექტების გამოვლენისას მიმართეთ ექიმს.

ჭარბი დოზირება

50მგ ტერიქსის ერთჯერადი მიღებისას პრეპარატმა შეიძლება გამოიწვიოს ძილიანობა და ჰიპოტენზია. დოზის გადაჭარბებისას, სხვა ღონისძიებებთან ერთად, აუცილებელია კუჭის ამორეცხვა. სპეციფიური ანტიდოტი არ არსებობს. ინტოქსიკაციის სიმპტომების დროს,რომელიც დაკავშირებულია ანტიქოლინერგულ მოქმედებასთან, შეიძლება ფიზოსტიგმინის დანიშვნა.

გამოშვების ფორმა

10 შემოგარსული ტაბლეტები ფირფიტაზე. 1 ფირფიტა ინსტრუქციასთან ერთად,

მოთავსებულია მუყაოს კოლოფში.

გამოშვების სხვა ფორმები

ტერიქსი სიროფი 5მგ/5მლ, 100მლ შუშის ფლაკონში.

შენახვის პირობები

ინახება არა უმეტეს 25ºC  ტემპერატურაზე, ბავშვებისათვის მიუწვდომელ ადგილზე. ორიგინალურ შეფუთვაში.

ვარგისობის ვადა

3 წელი

არ გამოიყენოთ ვადის გასვლის შემდეგ.

აფთიაქიდან გაცემის პირობა

ფარმაცევტული პროდუქტის ჯგუფი II, გაიცემა ფორმა N3 რეცეპტით

მწარმოებელი

ალი რაიფ ილაჩ სანაი ა,შ.

იქითელი ოსბ მახალლესი 10 დჯადდე #3/1ა ბაშაქშეხირ/სტამბული/ თურქეთი