თბილღვინო, ხვანჭკარა, სეპაჟი, წითელი ნახევრადტკბილი ღვინო, 2021 წ.

დახასიათება

Tbilvino Khvanchkara წითელი ნახევრადტკბილი ღვინო დაყენებულია 100%-ით ქართული ყურძნის ჯიშებისგან - ალექსანდროულისა და მუჯურეთულისგან. ის დამზადებულია კლასიკური ქართული ტექნოლოგიით და მასში შესანიშნავადაა გამოკვეთილი ჯიშური არომატი, გამოხატული ჟოლოს, მაყვლისა და შავი მოცვის ტონებით, დამახასიათებელი მუქი ლალისფერი შეფერილობით. ხავერდოვანი და ნაზი გემო კარგადაა შერწყმული ბუნებრივ სიტკბოსთან. ხვანჭკარა კარგად ეხამება ალუბლის ტარტს, ბაკლავას, ხილის ასორტსა და ტკბილეულს ნიგვზითა და თაფლით.

ბრენდის ისტორია

თბილღვინო ქართული ღვინის მწარმოებელი ერთ-ერთი ყველაზე დიდი და წარმატებული კომპანიაა საქართველოში, რომლის პროდუქციასაც მსოფლიოს 30-ზე მეტ ქვეყანაში იცნობენ, აფასებენ და ენდობიან. გამოცდილი მეღვინეები, ადგილობრივი ყურძნის ჯიშების ნაირსახეობა და ღვინის დაყენების ტრადიციული მეთოდების ახალ ტექნოლოგიებთან შერწყმა არის ის, რაც კომპანიას შესაძლებლობას აძლევს, ღვინის მოყვარულებს ხარისხიანი პროდუქტი და მრავალფეროვანი არჩევანი შესთავაზოს. თბილღვინოს ისტორია ათეულობით წელს ითვლის და ჯერ კიდევ გასული საუკუნიდან იწყება. 1962 წელს საქართველოში ყველაზე დიდი ღვინის საწარმო გაიხსნა, რომელმაც მალევე დაიმკვიდრა მნიშვნელოვანი ადგილი ბაზარზე და საერთაშორისო აღიარება მოიპოვა. დღეისთვის, კომპანიის სახელზე ორი უდიდესი ღვინის საწარმოა, რაც მას შესაძლებლობას აძლევს, წლიურად 7.5 მილიონი ბოთლი ღვინო აწარმოოს. ამის გარდა, თბილღვინო 226 ჰექატარზე გაშენებულ საკუთარ ვენახებს ფლობს მუკუზნისა და ქინძმარაულის მიკროზონებში, რომლებიც წვეთოვანი სარწყავი სისტემითაა აღჭურვილი. მათი გაშენების პროცესი, იტალიელი მევენახეების კონსულტაციებით, 2013 წელს დაიწყო, 2017-ში კი კომპანიამ შეძლო პირველი მოსავალი აეღო.