თბილღვინო, წინანდალი, რქაწითელი, თეთრი მშრალი ღვინო.

დახასიათება

Tbilvino Tsinandali Special Reserve თეთრი მშრალი ღვინო დაყენებულია მუხის კასრებში, 100%-ით ქართული ჯიშის ყურძნისგან - რქაწითელისგან. ამ ღვინოში შესანიშნავადაა შეხამებული საღი ყურძნის, თაფლის და ვანილის ტონები, კასრში დაძველებისგან მიღებული ხავერდოვანი ცოცხალი გემო ხანგრძლივი დაბოლოებით. ეს ღვინო ბოთლში განაგრძობს შემდგომ განვითარებას და გაუმჯობესებას წლების განმავლობაში. წინანდალი გ-მ კარგად ეხამება მსუბუქ სალათებს, გრილზე მომზადებულ ბოსტნეულს, ქათამს და ორთქლზე მომზადებულ თევზს.

ბრენდის ისტორია

თბილღვინო ქართული ღვინის მწარმოებელი ერთ-ერთი ყველაზე დიდი და წარმატებული კომპანიაა საქართველოში, რომლის პროდუქციასაც მსოფლიოს 30-ზე მეტ ქვეყანაში იცნობენ, აფასებენ და ენდობიან. გამოცდილი მეღვინეები, ადგილობრივი ყურძნის ჯიშების ნაირსახეობა და ღვინის დაყენების ტრადიციული მეთოდების ახალ ტექნოლოგიებთან შერწყმა არის ის, რაც კომპანიას შესაძლებლობას აძლევს, ღვინის მოყვარულებს ხარისხიანი პროდუქტი და მრავალფეროვანი არჩევანი შესთავაზოს. თბილღვინოს ისტორია ათეულობით წელს ითვლის და ჯერ კიდევ გასული საუკუნიდან იწყება. 1962 წელს საქართველოში ყველაზე დიდი ღვინის საწარმო გაიხსნა, რომელმაც მალევე დაიმკვიდრა მნიშვნელოვანი ადგილი ბაზარზე და საერთაშორისო აღიარება მოიპოვა. დღეისთვის, კომპანიის სახელზე ორი უდიდესი ღვინის საწარმოა, რაც მას შესაძლებლობას აძლევს, წლიურად 7.5 მილიონი ბოთლი ღვინო აწარმოოს. ამის გარდა, თბილღვინო 226 ჰექატარზე გაშენებულ საკუთარ ვენახებს ფლობს მუკუზნისა და ქინძმარაულის მიკროზონებში, რომლებიც წვეთოვანი სარწყავი სისტემითაა აღჭურვილი. მათი გაშენების პროცესი, იტალიელი მევენახეების კონსულტაციებით, 2013 წელს დაიწყო, 2017-ში კი კომპანიამ შეძლო პირველი მოსავალი აეღო.