თბილღვინო, ამბერ ქისი, თეთრი მშრალი ღვინო, 2021 წ.

დახასიათება

Tbilvino Amber Rkatsiteli თეთრი მშრალი ღვინო დაყენებულია ქვევრში, 100%-ით ქართული ჯიშის ყურძნისგან - რქაწითელისგან. ღვინო გამოირჩევა საშუალო სხეულით, მჟავიანობისა და ტანინის ბალანსით, გამოხატული კომშისა და ჩირის არომატებით. ამბერ რქაწითელი კარგად ეხამება ორთქლზე მომზადებულ კალმახს, ქათამს, ინდაურსა და ბოსტნეულის სალათებს.

ბრენდის ისტორია

თბილღვინო ქართული ღვინის მწარმოებელი ერთ-ერთი ყველაზე დიდი და წარმატებული კომპანიაა საქართველოში, რომლის პროდუქციასაც მსოფლიოს 30-ზე მეტ ქვეყანაში იცნობენ, აფასებენ და ენდობიან. გამოცდილი მეღვინეები, ადგილობრივი ყურძნის ჯიშების ნაირსახეობა და ღვინის დაყენების ტრადიციული მეთოდების ახალ ტექნოლოგიებთან შერწყმა არის ის, რაც კომპანიას შესაძლებლობას აძლევს, ღვინის მოყვარულებს ხარისხიანი პროდუქტი და მრავალფეროვანი არჩევანი შესთავაზოს. თბილღვინოს ისტორია ათეულობით წელს ითვლის და ჯერ კიდევ გასული საუკუნიდან იწყება. 1962 წელს საქართველოში ყველაზე დიდი ღვინის საწარმო გაიხსნა, რომელმაც მალევე დაიმკვიდრა მნიშვნელოვანი ადგილი ბაზარზე და საერთაშორისო აღიარება მოიპოვა. დღეისთვის, კომპანიის სახელზე ორი უდიდესი ღვინის საწარმოა, რაც მას შესაძლებლობას აძლევს, წლიურად 7.5 მილიონი ბოთლი ღვინო აწარმოოს. ამის გარდა, თბილღვინო 226 ჰექატარზე გაშენებულ საკუთარ ვენახებს ფლობს მუკუზნისა და ქინძმარაულის მიკროზონებში, რომლებიც წვეთოვანი სარწყავი სისტემითაა აღჭურვილი. მათი გაშენების პროცესი, იტალიელი მევენახეების კონსულტაციებით, 2013 წელს დაიწყო, 2017-ში კი კომპანიამ შეძლო პირველი მოსავალი აეღო.