ტანტუმ ვერდე - Tantum Verde 1.5მგ/მლ 120მლ ხსნარი

ტანტუმ® ვერდე

პრეპარატის სავაჭრო დასახელება - ტანტუმ® ვერდე

საერთაშორისო არაპატენტირებული დასახელება - ბენზიდამინი

წამლის ფორმა: პირის ღრუს სავლები ხსნარი 1.5 მგ/მლ

პირის ღრუს სავლები ხსნარის 100 მლ-ის შემადგენლობა:

აქტიური ნივთიერება: ბენზიდამინის ჰიდროქლორიდი - 0,15 გ (რაც ექვივალენტურია 0,134 გ ბენზიდამინისა);

დამხმარე ნივთიერებები: გლიცერინი, ეთანოლი (96%), საქარინი, მეთილ პარაჰიდროქსიბენზოატი, ნატრიუმის ბიკარბონატი, პიტნის არომატიზატორი, პოლისორბატი 20, ქინოლინი ყვითელი (E 104), პატენტი ლურჯი V (E 131), გასუფთავებული წყალი.

აღწერილობა:

პირის ღრუს სავლები ხსნარი 1.5 მგ/მლ: გამჭვირვალე მწვანე სითხე პიტნის დამახასიათებელი სურნელით.

ასევე, იხილეთ: >ბენეტი პლიუსი გარგლი ხსნარი 200მლ

ფარმაკოლოგიური ჯგუფი: სტომატოლოგიური პრეპარატები: სხვა საშუალებები პირის ღრუს ადგილობრივი მკურნალობისთვის.

ათქ კოდი: A01AD02

ფარმაკოლოგიური თვისებები

კლინიკურმა კვლევებმა აჩვენა, რომ ბენზიდამინი ეფექტურია პირის ღრუს და ხახის ლორწოვანი გარსების ლოკალიზებული გაღიზიანების დროს სიმპტომების შესამსუბუქებლად. გარდა ამისა, ბენზიდამინს აქვს ზომიერი ადგილობრივი ტკივილგამაყუჩებელი ეფექტი.

ფარმაკოკინეტიკა

შეწოვა

პირის ღრუს და ხახის ლორწოვანი გარსით შეწოვა გამოვლინდა ადამიანის პლაზმაში ბენზიდამინის გაზომვადი რაოდენობის არსებობით. თუმცა, ეს დონეები არასაკმარისია ფარმაკოლოგიური სისტემური ეფექტების მისაღწევად.

განაწილება

ადგილობრივი გამოყენებისას ბენზიდამინი გროვდება ანთებით ქსოვილებში, სადაც იგი აღწევს ეფექტურ კონცენტრაციას ეპითელიალურ გარსში შეღწევის უნარის გამო.

გამოყოფა

გამოიყოფა ძირითადად შარდით და უმეტესად არააქტიური მეტაბოლიტების ან კონიუგაციის პროდუქტების სახით.

იხილეთ ბლოგი: >ტანტუმ ვერდე — პირის ღრუსა და ყელის ინფექციების სიმპტომების შესამსუბუქებლად

გამოყენების ჩვენებები

ოროფარინგეალურ არეში ტკივილით ან მის გარეშე მიმდინარე გაღიზიანებისა და ანთების სიმპტომური მკურნალობა (მაგ.: გინგივიტი, სტომატიტი, ფარინგიტი), მათ შორის კონსერვატიული მკურნალობის ან კბილის ამოღების შემდეგ.

უკუჩვენებები

ჰიპერმგრძნობელობა ბენზიდამინის ან რომელიმე დამხმარე ნივთიერების მიმართ.

მიღების წესი და დოზირება

საზომ ჭიქაში ჩაასხით 15 მლ ტანტუმ ვერდეს პირის ღრუს სავლები ხსნარი, გამოიყენეთ 2-3-ჯერ დღეში. გამოიყენეთ განუზავებელი ან განზავებული. განზავების შემთხვევაში დაამატეთ 15 მლ წყალი გრადუირებულ ჭიქაში.

არ გადააჭარბოთ რეკომენდებულ დოზას. პრეპარატის ხანგრძლივი გამოყენებისას რეკომენდებულია ექიმთან კონსულტაცია.

გვერდითი ეფექტები

ქვემოთ მოცემულ ცხრილში წარმოდგენილია გვერდითი ეფექტები, რომელთა კლასიფიცირება ხდება მარეგულირებელი საქმიანობის სამედიცინო ლექსიკონის (MedDRA) სისტემური და ორგანული კლასების მიხედვით. გვერდითი ეფექტები ჩამოთვლილია სიხშირის შემდეგი მაჩვენებლების გამოყენებით: ძალიან ხშირი (≥1/10); ხშირი (≥1/100 - <1/10); ნაკლებად ხშირი (≥1/1,000 - <1/100); იშვიათი (≥1/10,000 - <1/1,000; ძალიან იშვიათი (<1/10,000); უცნობი (სიხშირე ვერ განისაზღვრება არსებული მონაცემებით).

სისტემურ-ორგანული კლასი
სიხშირე: გვერდითი რეაქციები
დარღვევები იმუნური სისტემის მხრივ
იშვიათი: ჰიპერმგრძნობელობითი რეაქციები

უცნობი: ანაფილაქსიური რეაქციები
დარღვევები სასუნთქი სისტემის, გულ-მკერდის და შუასაყარის მხრივ
ძალიან იშვიათი: ლარინგოსპაზმი
დარღვევები კუჭ-ნაწლავის ტრაქტის მხრივ
იშვიათი: წვის შეგრძნება პირის ღრუში, პირის სიმშრალე
დარღვევები კანის და კანქვეშა ქსოვილის მხრივ
ნაკლებად ხშირი: ფოტომგრძნობელობა

ძალიან იშვიათი: ანგიონევროზული შეშუპება

დოზის გადაჭარბება

ინტოქსიკაცია მოსალოდნელია მხოლოდ ბენზიდამინის დიდი რაოდენობით (>300 მგ) შემთხვევით მიღებისას.

მიღებული ბენზიდამინის ჭარბ დოზასთან დაკავშირებული სიმპტომები ძირითადად ვლინდება კუჭ-ნაწლავის ტრაქტის და ცენტრალური ნერვული სისტემის მხრივ. კუჭ-ნაწლავის ტრაქტის მხრივ ყველაზე ხშირი სიმპტომებია გულისრევა, ღებინება, მუცლის ტკივილი და საყლაპავის გაღიზიანება. ცენტრალურ ნერვულ სისტემასთან დაკავშირებული სიმპტომებია თავბრუსხვევა, ჰალუცინაციები, აგზნება, შფოთვა და გაღიზიანება.

ბავშვებში ძალიან იშვიათად აღინიშნა აღგზნება, კრუნჩხვები, ოფლიანობა, ატაქსია, ტრემორი და ღებინება ბენზიდამინის ისეთი დოზის პერორალურად მიღების შემდეგ, რომელიც დაახლოებით 100-ჯერ აღემატება 3 მგ საწუწნი ტაბლეტების დოზას.

დოზის მწვავე გადაჭარბების შემთხვევაში შესაძლებელია მხოლოდ სიმპტომური მკურნალობა. პაციენტები უნდა იმყოფებოდნენ საგულდაგულო დაკვირვების ქვეშ და უნდა ჩატარდეს დამხმარე მკურნალობა. საჭიროა სათანადო ჰიდრატაციის შენარჩუნება, რომ არ მოხდეს  დეჰიდრატაცია.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

ურთიერთქმედების კვლევები არ ჩატარებულა.

განსაკუთრებული გაფრთხილებები და სიფრთხილის ზომები გამოყენებისას

პროდუქციის გამოყენებამ - განსაკუთრებით ხანგრძლივად - შეიძლება გამოიწვიოს სენსიბილიზაცია. ასეთ შემთხვევაში პაციენტმა უნდა შეწყვიტოს მკურნალობა და მიმართოს ექიმს შესაბამისი თერაპიის დასაწყებად.

პაციენტთა უმცირესობაში ოროფარინგეალური წყლული შეიძლება იყოს უფრო სერიოზული დაავადების პროცესების ნიშანი. პაციენტებმა, რომელთა სიმპტომები უარესდება ან არ უმჯობესდება 3 დღეზე მეტი ხნის განმავლობაში, უნდა მიმართონ რჩევისთვის ექიმს ან სტომატოლოგს.

ბენზიდამინის გამოყენება არ არის მიზანშეწონილი აცეტილსალიცილის მჟავას ან სხვა ანთების საწინააღმდეგო არასტეროიდული პრეპარატების (ასაპ) მიმართ ჰიპერმგრძნობელობის მქონე პაციენტებში.

ტანტუმ ვერდეს პირის ღრუს სავლები ხსნარი სიფრთხილით გამოიყენება პაციენტებში, რომლებსაც ანამნეზში აქვთ ბრონქული ასთმის ეპიზოდები, რადგან ასეთ პაციენტებში შესაძლოა აღინიშნოს ბრონქოსპაზმი.

დამხმარე ნივთიერებები:

ტანტუმ ვერდე შეიცავს პარაჰიდროქსიბენზოატს, რომელმაც შეიძლება გამოიწვიოს ალერგიული რეაქციები (გვიანი რეაქციების ჩათვლით).

ტანტუმ ვერდეს პირის ღრუს სავლები ხსნარი შეიცავს პიტნის არომატიზატორს,  რომელიც თავის მხრივ შეიცავს ბენზილის სპირტს, ცინამილის სპირტს, ციტრალს, ციტრონელოლს, ევგენოლს, გერანიოლს, იზოევგენოლს, ლინალოოლს და D-ლიმონენს. 

ბენზილის სპირტმა, ცინამილის სპირტმა, ციტრალმა, ციტრონელოლმა, ევგენოლმა, გერანიოლმა, იზოევგენოლმა, ლინალოოლმა და D-ლიმონენმა შეიძლება გამოიწვიონ ალერგიული რეაქციები.

ზეგავლენა ტრანსპორტის მართვისა და მექანიზმების გამოყენების უნარზე

ტანტუმ ვერდე არ ახდენს ზეგავლენას ან უმნიშვნელოდ მოქმედებს ტრანსპორტის მართვის და მექანიზმების გამოყენების უნარზე.

ფერტილობა, ორსულობა და ლაქტაცია

არ არსებობს მონაცემები ორსულ და მეძუძურ ქალებში ბენზიდამინის გამოყენების შესახებ. დედის რძეში გამოყოფა არ არის შესწავლილი.

ცხოველებში ჩატარებული კვლევები არასაკმარისია ორსულობაზე და ლაქტაციაზე ზემოქმედების თვალსაზრისით. შესაბამისად, შეუძლებელია ადამიანებისთვის პოტენციური რისკის შეფასება.

ტანტუმ ვერდე არ გამოიყენება ორსულობისა და ძუძუთი კვების პერიოდში.

წამლის ფორმა

- 120 მლ ხსნარი უფერო გამჭვირვალე მინის ბოთლში, დახურულია პოლიეთილენის ხრახნიანი თავსახურით, რომელიც დალუქულია პოლიეთილენის რგოლით.

- თან ახლავს პოლიპროპილენის ჭიქა, გრადუირებული 15 და 30 მლ-სთვის.

- ბოთლი საზომ ჭიქასთან და სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

ვარგისობის ვადა: 4 წელი

არ გამოიყენოთ ვარგისობის ვადის გასვლის შემდეგ!

შენახვის პირობები:

სამკურნალო საშუალება არ საჭიროებს შენახვის სპეციალურ პირობებს.

შეინახეთ ბავშვებისთვის მიუწვდომელ ადგილას!

გაცემის წესი:                      

ფარმაცევტული პროდუქტის ჯგუფი III, გაიცემა რეცეპტის გარეშე.