TaiCold - ტაიქოლდიმაქსი ლიმონი 12 პაკეტი

შემადგენლობა:

20 გ-იანი 1 პაკეტი შეიცავს:

აქტიური ნივთიერებები: პარაცეტამოლი 500მგ, ქლორფენირამინის მალეატი 4მგ, ფენილეფრინის ჰიდროქლორიდი 10მგ. ასევე დამხმარე ნივთიერებებს: ნატრიუმის ბენზოატს, როგორც კონსერვანტს, შაქრის ფხვნილს და რაფინირებულ შაქარს, როგორც დამატკბობელს, ლიმონის არომატიზატორს, როგორც გემოს მიმცემ აგენტს და ყვითელ ქინოლონს, როგორც ფერის მიმცემ აგენტს.

ფარმაცევტული ფორმა:

 ფხვნილი პერორალური ხსნარისათვის.

ფარმაკოლოგიური თვისებები:

ფარმაკოდინამიკური თვისებები:

ფარმაკოთერაპიული ჯგუფი: ანალგეზიური საშუალებები, ანილიდები

ათქკოდი: N02BE51

ტაიქოლდი მაქსისპარაცეტამოლის, ქლორფენირამინის მალეატისა და ფენილეფრინის ჰიდროქლორიდის შემცველობის გამო, გააჩნია ტკივილგამაყუჩებელი, სიცხის დამწევი, ანტიჰისტამინური და შეგუბების საწინააღმდეგო მოქმედება.

პარაცეტამოლი:

პარაცეტამოლს გააჩნია ტკივილგამაყუჩებელი და სიცხის დამწევი მოქმედება, რომელიც, როგორც ვარაუდობენ, ძირითადად ცენტრალურ ნერვულ სისტემაში პროსტაგლანდინების სინთეზის დათრგუნვით არის  განპირობებული.

ფენილეფრინისჰიდროქლორიდი

ფენილეფრინი არის სიმპათომიმეტური პოსტსინაფსური α1-ადრენერგული რეცეპტორის აგონისტი, რომელიც ხასიათდება დაბალი აფინიტეტით კარდიოსელექტიურ ბეტა-რეცეპტორებთან და გააჩნია მინიმალური სტიმულაციური მოქმედება ცენტრალურ ნერვულ სისტემაზე. ის წარმოადგენს შეგუბების შესამსუბუქებელ აღიარებულ საშუალებას და სისხლძარღვების შევიწროვების საშუალებით ამცირებს ზედა სასუნთქი გზებისა და ცხვირის შეშუპებას.  

ქლორფენირამინისმალეატი

ქლორფენირამინის მალეატი არის ჰისტამინის H1 რეცეპტორის ძლიერი ანტაგონისტი.

ანტიჰისტამინური პრეპარატები   Н1-ჰისტამინური რეცეპტორების კონკურენტული, შექცევადი ბლოკადის გზით, ახდენენ ქსოვილებზე ჰისტამინის მოქმედების შემცირებას და გაუვნებელყოფას. ქლორფენირამინს ასევე გააჩნია  ანტიქოლინერგული მოქმედება.

ანტიჰისტამინები ხელს უშლის ჰისტამინის, პროსტაგლანდინებისა და ლეიკოტრინების გამოთავისუფლებას და ანთებითი მედიატორების მიგრაციას.  ქლორფენირამინის მოქმედება ითვალისწინებს ჰისტამინით გლუვი კუნთების სპაზმის დათრგუნვას, კაპილარების განვლადობასა და  შეშუპებას, შესაბამისად ამსუბუქებს შეშუპებას და ამცირებს ბუშტუკებს ისეთი ჰიპერმგრძნობელობის რეაქციების დროს, როგორიცაა ალერგია და ანაფილაქსია.

ფარმაკოკინეტიკური თვისებები:

პარაცეტამოლი

პარაცეტამოლი სწრაფად და სრულად აბსორბირდება კუჭ-ნაწლავის ტრაქტიდან, ძირითადად წვრილი ნაწლავიდან. მაქსიმალური კონცენტრაცია პლაზმაში აღინიშნება ორალური მიღებიდან  15-20 წუთის შემდეგ. სისტემური შეღწევადობა ექვემდებარება ღვიძლში პირველადი-გავლის მეტაბოლიზმს და მერყეობს დოზის მიხედვით 70%- 90%-ს შორის. პრეპარატი სწრაფად და რეგულარულად მიეწოდება სხეულის უმეტეს ქსოვილებს. პლაზმის ნახევრად დაშლის (T1/2)  პერიოდი შეადგენს 2 საათს.  ძირითადი მეტაბოლიტებია გლუკურონიდი და სულფატის კონიუგატები (>80%), რომლებიც გამოიყოფა შარდთან ერთად.

ფენილეფრინისჰიდროქლორიდი

ფენილეფრინი შეიწოვება კუჭ-ნაწლავის ტრაქტიდან, თუმცა ორალურად მიღებისას  ბიოშეღწევადობა დაბალია, ღვიძლში პირველადი-გავლისას მეტაბოლიზმის გამო. ორალურად მიღებისას იგი ინარჩუნებს ცხვირის შეგუბების მომხსნელ მოქმედებას, პრეპარატი გადადის სისტემური სისხლიდან ცხვირის ლორწოვანი გარსის სისხლძარღვებში. ცხვირში შეგუბების მოსახსნელად,  ფენილეფრინის ორალური მიღება ჩვეულებრივ, 4-6 საათიანი ინტერვალით უნდა მოხდეს.  

ქლორფენირამინისმალეატი 

ორალური მიღების შემდეგ, ქლორფენამინი ადვილად შეიწოვება კუჭ-ნაწლავის ტრაქტიდან. ეფექტი ვლინდება 30 წუთის განმავლობაში, მაქსიმუმს აღწევს 1-2 საათში  და გრძელდება 4-6 საათის განმავლობაში. პლაზმიდან ნახევრად გამოყოფის პერიოდი  12-15 საათს შეადგენს.

პრეპარატი მნიშვნელოვანი ხარისხით უკავშირდება პლაზმის ცილებს.  პრეპარატი მნიშვნელოვან ინაქტივაციას განიცდის ღვიძლში და გამოიყოფა შარდით მეტაბოლიტების სახით. ქლორფენამინი მეტაბოლიზდება მონოდესმეთილისა და დიდესმეთილის წარმოებულებამდე. პერორალური დოზის დაახლოებით 22% გამოიყოფა უცვლელი სახით შარდთან. განავალში აღმოჩენილია მხოლოდ უმნიშვნელო რაოდენობა.

ჩვენებები:

ტაიქოლდ მაქსი  ნაჩვენებია გრიპის, ციებ-ცხელების, კანკალისა და სიცხით მიმდინარე გაციების სიმპტომების შესამსუბუქებლად, რომელიც მოიცავს: თავის ტკივილს, ყელის ტკივილს, ტკივილს, ცხვირის გაჭედვას, სინუსიტს და მასთან დაკავშირებულ ტკივილს, ასევე  ცხვირის მწვავე კატარულ ანთებას.

უკუჩვენებები:

-          ჰიპერმგრძნობელობა პარაცეტამოლის, ქლორფენირამინის მალეატის, ფენილეფრინის ჰიდროქლორიდის ან ნებისმიერი სხვა შემადგენელი კომპონენტის მიმართ;

-          გულის მძიმე კორონარული დაავადება და გულსისხლძარღვოვანი დარღვევები;

-          ჰიპერტენზია;

-          ჰიპერთირეოზი;

-          უკუნაჩვენებია იმ პაციენტებში, რომლებიც ამჟამად ღებულობენ ან ორი კვირის განმავლობაში შეწყვიტეს მონოამინოქსიდაზას ინჰიბიტორებით მკურნალობა (იხილეთ პუნქტი „სამკურნალწამლო ურთიერთქმედება“).

-          სხვა სიმპათომიმეტური შეშუპების საწინააღმდეგო პრეპარატების თანმხლები გამოყენება.

-          არ გამოიყენება გადიდებული პროსტატის მქონე პაციენტებში.

პაციენტები ჰიპერტენზიით ან პაციენტები, რომლებიც ღებულობენ ან უკანასკნელი ორი კვირის განმავლობაში ღებულობდნენ მონოამინოქსიდაზას (მაო-ს) ინჰიბიტორებს, ტრიციკლურ ანტიდეპრესანტებს ან ბეტა-ბლოკერებს (იხილეთ „სამკურნალწამლო ურთიერთქმედება“).

გაფრთხილებები / უსაფრთხოების ზომები:

პარაცეტამოლიდაფენილეფრინი

პრეპარატი სიფრთხილით გამოიყენება რეინოს ფენომენის ან შაქრიანი დიაბეტის მქონე პაციენტებში.

სიფრთხილის ზომების დაცვა რეკომენდებულია პარაცეტამოლის დანიშვნისას თირკმლის ან ღვიძლის ფუნქციის დარღვევების მქონე პაციენტებში. ჭარბი დოზირების საშიშროება უფრო მაღალია ღვიძლის არა-ციროზული ალკოჰოლური  დაავადების მქონე პირებში.

პაციენტებს ურჩევენ, ერთდროულად არ მიიღონ სხვა პარაცეტამოლის შემცველი ან გაციების, გრიპის ან შეგუბების საწინააღმდეგო პრეპარატები.

ჭარბი დოზირების შემთხვევაში მიმართეთ სასწრაფო სამედიცინო დახმარებას, მაშინაც კი, თუ თავს კარგად გრძნობთ, ღვიძლის დაყოვნებული მძიმე დაზიანების რისკის გამო (იხილეთ „ჭარბი დოზირება“).

ფენილეფრინი სიფრთხილით გამოიყენება დახურულ-კუთხოვანი გლაუკომის მქონე პაციენტებში.

პრეპარატის გამოყენება არ შეიძლება ორსულობის დროს, თუ არ იქნება რეკომენდებული ექიმის მიერ.

პრეპარატის გამოყენება თავიდან უნდა იქნას აცილებული ძუძუთი კვების დროს, თუ არ იქნება რეკომენდებული ექიმის მიერ.

ასპარტამის შემცველობის გამო, აღნიშნული პრეპარატის მიღება არ შეიძლება ფენილკეტონურიის მქონე პაციენტებში.

პაციენტებმა გალაქტოზას აუტანლობის იშვიათი მემკვიდრეობითი დარღვევებით, ლაქტაზას საერთო დეფიციტით ან გლუკოზა-გალაქტოზას მალაბსორბციით, აღნიშნული სამკურნალო პრეპარატი არ უნდა მიიღონ.

ქლორფენირამინისმალეატი

ქლორფენირამინი სიფრთხილით გამოიყენება ანტიქოლინერგული ეფექტების მქონე სხვა პრეპარატებთან ერთად ეპილეფსიის, მომატებული თვალშიდა წნევის (გლაუკომის ჩათვლით), პროსტატის ჰიპერტროფიის დროს; მძიმე ჰიპერტენზიის ან გულსისხლძარღვოვანი დაავადების დროს; ბრონქიტის, ბრონქოექტაზიის ან ასთმის დროს; ღვიძლის დარღვევების დროს; თირკმლის დარღვევების დროს. ბავშვებში და ხანდაზმულებში უფრო მოსალოდნელია ნევროლოგიური ანტიქოლინერგული ეფექტები და პარადოქსული აღგზნება (მაგალითად, მომატებული ენერგია, მოუსვენრობა, ნერვოზულობა).

ქლორფენირამინის ანტიქოლინერგულმა თვისებებმა ზოგიერთ პაციენტში შეიძლება გამოიწვიოს ძილიანობა, თავბრუ, დაბინდული მხედველობა და ფსიქომოტორული დარღვევები, რაც მნიშვნელოვან ზეგავლენას ახდენს ავტომობილის მართვისა და მანქანა-დანადგარებთან მუშაობის უნარზე.

ალკოჰოლის ეფექტი შეიძლება გაიზარდოს და შესაბამისად, თანმხლებ გამოყენებას უნდა მოვერიდოთ.

არ შეიძლება ანტიჰისტამინის შემცველ სხვა პრეპარატებთან ერთად გამოყენება, ხველისა და გაციების საწინააღმდეგო პრეპარატების ჩათვლით.

პაციენტებმა გალაქტოზას აუტანლობის, ლაპ ლაქტაზას დეფიციტის ან გლუკოზა-გალაქტოზას მალაბსორბციის იშვიათი მემკვიდრეობითი დაავადებებით, აღნიშნული პრეპარატი არ უნდა მიიღონ.

პრეპარატი ინახება ბავშვებისათვის მიუწვდომელ ადგილას.

ნატრიუმი

აღნიშნული სამკურნალო პრეპარატის 1 დოზა შეიცავს 450 მგ ნატრიუმის ბიკარბონატს, 45 მგ უწყლო ნატრიუმის კარბონატს  და 10 მგ ნატრიუმის ბენზოატს (ნატრიუმის საერთო რაოდენობა: 144.336 მგ), რაც გასათვალისწინებელია ნატრიუმის კონტროლირებულ დიეტაზე მყოფი პაციენტების შემთხვევაში.  

საქაროზა

პაციენტებმა ფრუქტოზას აუტანლობის, გლუკოზა-გალაქტოზას მალაბსორბციის ან საქაროზა-იზომალტაზას უკმარისობის იშვიათი მემკვიდრეობითი დარღვევებით აღნიშნული პრეპარატი არ უნდა მიიღონ.

ფერტილობა, ორსულობა და ლაქტაცია:

ორსულობა

პრეპარატის გამოყენება არ შეიძლება ორსულობის დროს, ექიმის რეკომენდაციის გარეშე.

აღნიშნული სამკურნალო საშუალების უსაფრთხოება ორსულობისა და ლაქტაციის დროს არ არის დადგენილი, თუმცა პირველი ტრიმესტრის დროს, ფენილეფრინის ექსპოზიციასა და ნაყოფის პათოლოგიებს შორის შესაძლო კავშირის გათვალისწინებით, ორსულობის დროს პრეპარატის გამოყენება თავიდან უნდა იქნას აცილებული. გარდა ამისა, ვინაიდან ფენილეფრინს შეუძლია პლაცენტის პერფუზიის შემცირება, პრეპარატის გამოყენება არ შეიძლება პრეეკლამპსიის ანამნეზის მქონე პაციენტებში.  

ორსულ ქალებში ჩატარებულმა ეპიდემიოლოგიურმა კვლევებმა აჩვენა, რომ რეკომენდებულ დოზებში გამოყენებისას, პარაცეტამოლს მავნე ზემოქმედება არ გააჩნია.  

ორსულ ქალებში ქლორფენირამინის მალეატის გამოყენების ადეკვატური მონაცემები არ არსებობს. ადამიანებისათვის პოტენციური რისკი უცნობია. მესამე ტრიმესტრის დროს გამოყენებამ შეიძლება გამოიწვიოს რეაქციები ახალშობილებსა თუ დღენაკლულ ბავშვებში. არ გამოიყენება ორსულობის დროს, თუ ექიმი ამას საჭიროდ არ ჩათვლის.

ლაქტაცია

ექიმის რეკომენდაციის გარეშე პარაცეტამოლისა და ფენილეფრინის მიღებისაგან თავი უნდა შეიკავოთ ლაქტაციის დროს.  ლაქტაციის დროს ფენილეფრინის გამოყენების შესახებ არსებული ინფორმაცია შეზღუდულია.

პარაცეტამოლი გამოიყოფა დედის რძეში, თუმცა არა კლინიკურად მნიშვნელოვანი რაოდენობით. არსებული, გამოქვეყნებული მონაცემების თანახმად, ძუძუთი კვება არ არის უკუნაჩვენები.

ქლორფენამინის მალეატსა და სხვა ანტიჰისტამინებს შეუძლიათ ლაქტაციის დათრგუნვა და შესაძლებელია მათი გამოყოფა დედის რძეში.

პრეპარატი არ გამოიყენება ლაქტაციის დროს, გარდა იმ შემთხვევებისა, როდესაც ექიმი მიიღებს გადაწყვეტილებას პრეპარატის დანიშვნის აუცილებლობის შესახებ.  

ფერტილობა

ფერტილობაზე პარაცეტამოლისა და ფენილეფრინის ზეგავლენის შესახებ მონაცემები არ არის.

ზემოქმედება ავტომობილის მართვისა და მანქანა-დანადგარებთან მუშაობის უნარზე:

თავბრუსხვევის განვითარების შემთხვევაში, რეკომენდებულია ავტომობილის მართვისა ან მანქანა-დანადგარებთან მუშაობისგან თავის შეკავება.

ქლორფენამინის ანტიქოლინერგულმა თვისებებმა შეიძლება გამოიწვიოს ძილიანობა, თავბრუსხვევა, დაბინდული მხედველობა და ფსიქომოტორული დარღვევები, რამაც შესაძლოა სერიოზულად გააუარესოს  პაციენტის ავტომობილის მართვისა და მანქანა-დანადგარებთან მუშაობის უნარი.

გვერდითი ეფექტები / არასასურველი მოვლენები:

ზოგადად, ტაიქოლდი მაქსი  კარგი ამტანობით ხასიათდება.

პარაცეტამოლი და ფენილეფრინი

პარაცეტამოლთან და ფენილეფრინის ჰიდროქლორიდთან დაკავშირებული გვერდითი მოვლენები წარმოდგენილია შემდეგი ცხრილით დალაგებული ორგანოთა სისტემებისა და სიხშირის მიხედვით. სიხშირე განისაზღვრება, როგორც: ძალიან ხშირი (≥1/10); ხშირი (≥1/100 და <1/10); არახშირი (≥1/1000 და <1/100), იშვიათი (≥1/10,000 და <1/1000); ძალიან იშვიათი (<1/10000); უცნობია (არსებული მონაცემებით შეფასება შეუძლებელია). სიხშირის თითოეულ ჯგუფში, გვერდითი მოვლენები წარმოდგენილია სიმძიმის კლების მიხედვით.

ორგანოთა სისტემის კლასი	სიხშირე	გვერდითი მოვლენები
სისხლისა და ლიმფური სისტემის დარღვევები	უცნობია	თრომბოციტოპენია, ლეიკოპენია, პანციტოპენია, ნეიტროპენია, აგრანულოციტოზი1
იმუნური სისტემის დარღვევები	უცნობია	ჰიპერმგრძნობელობა
კუჭ-ნაწლავის დარღვევები	უცნობია	დისკომფორტი მუცელში, გულისრევა, პირღებინება
კანისა და კანქვეშა ქსოვილის დარღვევები	ძალიან იშვიათი	აღინიშნება კანის მძიმე რეაქციების შემთხვევები
	უცნობია	კანზე გამონაყარი
თირკმლისა და საშარდე გზების დარღვევები	უცნობია	შარდის შეკავება2

შერჩეული გვერდითი მოვლენების აღწერილობა

¹ ფიქსირდება სისხლის დისკრაზიის შემთხვევები, თრომბოციტოპენიის, ლეიკოპენიის, პანციტოპენიის, ნეიტროპენიისა და აგრანულოციტოზის ჩათვლით, თუმცა მათი მიზეზობრივი კავშირი პარაცეტამოლთან დადგენილი არ არის.

² განსაკუთრებით მამაკაცებში.

ქლორფენირამინის მალეატი

გვერდითი მოვლენების სიხშირის სპეციფიკური შეფასება ურეცეპტოდ გაცემული პრეპარატებისათვის არსებითად ძნელია (განსაკუთრებით რიცხობრივი მონაცემები). გვერდითი მოვლენები, რომლებიც აღინიშნებოდა კლინიკურ კვლევებში და იყო ხშირი (თავს იჩენდა პაციენტების 1%-დან <10%-ში) ან ძალიან ხშირი (თავს იჩენდა პაციენტების ≥10%-ში) მოცემულია ქვემოთ MedDRA ორგანოთა სისტემის კლასის მიხედვით. პოსტმარკეტინგული პრაქტიკის დროს გამოვლენილი სხვა გვერდითი რეაქციების სიხშირე უცნობია.

სისხლისა და ლიმფური სისტემის დარღვევები:

უცნობია: ჰემოლიზური ანემია, სისხლის დისკრაზია.

იმუნური სისტემის დარღვევები:

უცნობია: ალერგიული რეაქცია, ანგიონევროზული შეშუპება, ანაფილაქსიური რეაქციები.

მეტაბოლიზმისა და კვების დარღვევები:

უცნობია: ანორექსია

ფსიქიატრიული დარღვევები:

უცნობია: ცნობიერების არევა*, აღგზნება*, გაღიზიანება*, კოშმარები*, დეპრესია

ნერვული სისტემის დარღვევები*:

ძალიან ხშირი: სედაცია, ძილიანობა

ხშირი: ყურადღების დარღვევა, კოორდინაციის დარღვევა, თავბრუსხვევა, თავის ტკივილი

თვალის დარღვევები:

ხშირი: მხედველობის დაბინდვა

ყურისა და ლაბირინთის დარღვევები:

უცნობია: ყურებში ხმაური

გულის დარღვევები:

უცნობია: გულის ფრიალი, ტაქიკარდია, არითმიები

სისხლძარღვოვანი დარღვევები:

უცნობია: ჰიპოტენზია

რესპირატორული, გულ-მკერდისა და შუასაყარის დარღვევები:

უცნობია: ბრონქული სეკრეტის გასქელება

კუჭ-ნაწლავის დარღვევები:

ხშირი: გულისრევა, პირის სიმშრალე

უცნობია: ღებინება, მუცლის ტკივილი, დიარეა, დისპეფსია

ჰეპატობილიარული დარღვევები:

უცნობია: ჰეპატიტი, სიყვითლე

კანისა და კანქვეშა ქსოვილის დარღვევები:

უცნობია: ექსფოლიაციური დერმატიტი, გამონაყარი, ჭინჭრის ციება, ფოტომგრძნობელობა

ჩონჩხ-კუნთოვანი და შემაერთებელი ქსოვილის დარღვევები:

უცნობია: კუნთების სპაზმი, კუნთების სისუსტე

თირკმლისა და საშარდე გზების დარღვევები:

უცნობია: შარდის შეკავება

ზოგადი დარღვევები და მოვლენები შეყვანის ადგილზე:

ხშირი: სისუსტე

უცნობია: მოჭერის შეგრძნება გულ-მკერდში

* ბავშვებსა და ხანდაზმულებში უფრო მოსალოდნელია ნევროლოგიური ანტიქოლინერგული ეფექტებისა და პარადოქსული აგზნების განვითარება (მაგალითად, მომატებული ენერგია, მოუსვენრობა, ნერვოზულობა).

გვერდითი მოვლენის განვითარების შემთხვევაში, კონსულტაციისათვის მიმართეთ თქვენს ექიმს.

სამკურნალწამლო ურთიერთქმედება:

პარაცეტამოლი

პარაცეტამოლის შეწოვის სიჩქარე შეიძლება გაიზარდოს მეტოკლოპრამიდით ან დომპერიდონით და შეწოვა შემცირდეს კოლესტირამინით.

ვარფარინისა და სხვა კუმარინების ანტიკოაგულაციური ეფექტი შეიძლება გაძლიერდეს პარაცეტამოლის ხანგრძლივი, რეგულარული, ყოველდღიური გამოყენებით სისხლდენების მომატებული რისკით, იშვიათად მიღებულ დოზებს მნიშვნელოვანი ეფექტი არ აქვს.

ფენილეფრინისჰიდროქლორიდი

ფენილეფრინი სათანადო სიფრთხილით გამოიყენება შემდეგ პრეპარატებთან კომბინაციაში, რადგან შეიძლება აღინიშნოს ურთიერთქმედება.

მონოამინ ოქსიდაზას ინჰიბიტორები (მოკლობემიდის ჩათვლით)	ჰიპერტენზიული ურთიერთქმედებები აღინიშნება სიმპათომიმეტურ ამინებს შორის, როგორიცაა ფენილეფრინი და მონოამინოქსიდაზას ინჰიბიტორები (იხილეთ „უკუჩვენებები“).
სიმპათომიმეტური ამინები	ფენილეფრინის თანმხლებმა გამოყენებამ სხვა სიმპათომიმეტურ ამინებთან  ერთად შეიძლება გაზარდოს გულსისხლძარღვოვანი გვერდითი მოვლენების განვითარების რისკი.
ბეტა-ბლოკერები და სხვა ანტიჰიპერტენზიული საშუალებები (მაგალითად, დებრისოქვინი, გუანეტიდინი, რესერპინი, მეთილდოპა)	ფენილეფრინმა შეიძლება შეამციროს ბეტა-მაბლოკირებელი პრეპარატებისა და ანტიჰიპერტენზიული საშუალებების ეფექტიანობა. ჰიპერტენზიისა და სხვა გულსისხლძარღვოვანი გვერდითი მოვლენების განვითარების რისკი შეიძლება გაიზარდოს (იხილეთ „უკუჩვენებები“).
ტრიციკლური ანტიდეპრესანტები (მაგალითად, ამიტრიპტილინი)	ფენილეფრინთან შეიძლება გაიზარდოს გულსისხლძარღვოვანი გვერდითი მოვლენების განვითარების რისკი (იხილეთ „უკუჩვენებები“).
დიგოქსინი და საგულე გლიკოზიდები	ფენილეფრინის თანმხლებმა გამოყენებამ შეიძლება გაზარდოს არარეგულარული გულისცემისა და გულის შეტევების რისკი.

სიფრთხილეა რეკომენდებული პარაცეტამოლისა და ფლუკლოქსაცილინის ერთდროულად გამოყენებისას. პარაცეტამოლი პოტენციურად ზრდის მეტაბოლური აციდოზის რისკს მაღალი ანიონური გახლეჩვით ფლუკლოქსაცილინთან ერთად კომბინაციაში.

იმატინიბი ზრდის ჰეპატოტოქსიურობის რისკს პარაცეტამოლის მიღებისას. სიფრთხილეა რეკომენდებული მათი ერთდროულად გამოყენებისას. ითვლება, რომ პარაცეტამოლი ზრდის მეტჰემოგლობინემიის რისკს ადგილობრივად პრილოკაინის მიღებისას. რეკომენდებულია სიფრთხილე ან ერთობლივი გამოყენების თავიდან აცილება.

ქლორფენირამინისმალეატი

ქლორფენირამინისა და ჰიპნოზური ან ანქსიოლიზური საშუალებების თანმხლებმა გამოყენებამ შეიძლება გაზარდოს სედაციური ეფექტები, შესაბამისად აღნიშნულ პრეპარატებთან ერთად ქლორფენირამინის გამოყენების წინ საჭიროა ექიმთან კონსულტაცია.

ქლორფენირამინი აინჰიბირებს ფენიტოინის მეტაბოლიზმს და შეიძლება გამოიწვიოს ფენიტოინის ტოქსიურობა.

ქლორფენირამინის ანტიქოლინერგული ეფექტები ძლიერდება მაო-ს ინჰიბიტორებით (იხილეთ „უკუჩვენებები“).

დოზირება და მიღების წესი:

მიღების წესი

პაკეტის შიგთავსი მოათავსეთ ჭიქაში.

ჭიქის 2/3 შეავსეთ ცხელი წყლით.

მოურიეთ ხსნარს.

მთლიანად დალიეთ მიღებული ხსნარი.

რეკომენდებული დოზა და დოზირების სქემა

მოზრდილები (ხანდაზმულებისჩათვლით) და 12 წლის და უფროსი ასაკის ბავშვები:

ტაიქოლდი მაქსი მიიღება პერორალურად, ქვემოთ აღწერილი წესის მიხედვით:

ერთი პაკეტის შიგთავსი იხსნება 160 მლ ცხელ წყალში (დაახლოებით ერთი სტანდარტული ზომის ჭიქა) და მიიღება დაუყოვნებლივ ლოდინის გარეშე. მომდევნო დოზის მიღება შესაძლებელია 6 საათის შემდეგ. რეკომენდებული მაქსიმალური დღიური დოზა არის 4 პაკეტი.

ერთი პაკეტის შიგთავსი მთლიანად ჩაყარეთ ჭიქაში.

ჭიქის 2/3 შეავსეთ ცხელი წყლით.

მოურიეთ ხსნარს ერთხელ ან ორჯერ.

მთლიანად დალიეთ ხსნარი.

პაციენტებში, რომლებიც ალკოჰოლს ღებულობენ, ჰეპატოტოქსიკურობის განვითარების რისკის გამო, პარაცეტამოლის საერთო დღიური დოზა არ უნდა აღემატებოდეს 2 გრამს.

ექიმთან კონსულტაციის გარეშე არ შეიძლება პრეპარატის 7 დღეზე მეტი ხანგრძლივობით მიღება.

ბავშვები

პრეპარატი არ გამოიყენება 12 წლამდე ასაკის ბავშვებში, თუ არ არსებობს ექიმის რეკომენდაცია.

ჭარბი დოზირება:

პარაცეტამოლი

მოზრდილებში, რომლებიც ღებულობენ 10 გრ ან მეტ პარაცეტამოლს, შესაძლებელია აღინიშნოს ღვიძლის დაზიანება. 5 გრ ან მეტი პარაცეტამოლის მიღებამ შეიძლება გამოიწვიოს ღვიძლის დაზიანება, თუ პაციენტს აქვს რისკ-ფაქტორები (იხილეთ ქვემოთ).

რისკ-ფაქტორები

თუ პაციენტი,

ა. ხანგრძლივად იღებს კარბამაზეპინს, ფენობარბიტონს, ფენიტოინს, პრიმიდონს, რიფამპიცინს, კრაზანას პრეპარატებს ან სხვა პრეპარატებს, რომლებიც ასტიმულირებენ ღვიძლის ფერმენტებს.

ან

ბ. რეგულარულად მოიხმარს ეთანოლს რეკომენდებულზე ჭარბი რაოდენობით.

ან

გ. მოსალოდნელია გლუტათიონის დეფიციტი, მაგალითად, კვების დარღვევები, კისტოზური ფიბროზი, აივ ინფექცია, შიმშილი, კახექსია.

სიმპტომები

პარაცეტამოლის ჭარბი დოზირების სიმპტომები პირველი 24 საათის განმავლობაში არის სიფერმკრთალე, გულისრევა, პირღებინება, უმადობა და მუცლის ტკივილი. ღვიძლის დაზიანება შეიძლება გამოვლინდეს მიღებიდან 12-48 საათში. შეიძლება განვითარდეს გლუკოზის მეტაბოლიზმის დარღვევები და მეტაბოლური აციდოზი. მძიმე მოწამვლის შემთხვევაში, ღვიძლის უკმარისობამ შეიძლება გამოიწვიოს პროგრესირება ენცეფალოპათიის, სისხლდენების, ჰიპოგლიკემიის, თავის ტვინის შეშუპებისა და სიკვდილის განვითარებით. თირკმლის მწვავე უკმარისობა მწვავე მილაკოვანი ნეკროზით, გამოხატული წელის ტკივილით, ჰემატურიითა და პროტეინურიით, შეიძლება განვითარდეს ღვიძლის მძიმე დაზიანების გარეშეც. აღწერილია გულის არითმიებისა და პანკრეატიტის განვითარების შემთხვევები.

მკურნალობა

პარაცეტამოლით ჭარბი დოზირების შემთხვევაში აუცილებელია სასწრაფო მკურნალობა. მნიშვნელოვანი ადრეული სიმპტომების არარსებობის მიუხედავად, საჭიროა პაციენტის სასწრაფოდ გაგზავნა საავადმყოფოში გადაუდებელი სამედიცინო დახმარების მისაღებად. სიმპტომები შეიძლება შემოიფარგლოს გულისრევით ან ღებინებით და შეიძლება არ გამოხატავდეს ჭარბი დოზირების სიმძიმეს ან ორგანოთა დაზიანების საშიშროებას. მკურნალობა უნდა წარიმართოს მკურნალობის დადგენილი გაიდლაინების შესაბამისად, იხილეთ BNF ჭარბი დოზირების პუნქტი.

აქტივირებული ნახშირით მკურნალობის შესაძლებლობა განიხილება იმ შემთხვევაში, თუ ჭარბი დოზა მიღებულ იქნა 1 საათის განმავლობაში. პარაცეტამოლის პლაზმური კონცენტრაციები უნდა  შეფასდეს პრეპარატის მიღებიდან 4 საათის შემდეგ ან მოგვიანებით (ადრე გაზომილი კონცენტრაციები სარწმუნო არ არის). N-აცეტილცისტეინით მკურნალობა შეიძლება პარაცეტამოლის მიღებიდან 24 საათის განმავლობაში, თუმცა მაქსიმალური დამცავი ეფექტი მიიღწევა პრეპარატის მიღებიდან 8 საათის განმავლობაში. ანტიდოტის ეფექტიანობა მკვეთრად კლებულობს აღნიშნული დროის შემდეგ. საჭიროების შემთხვევაში, პაციენტს აძლევენ ინტრავენურ N-აცეტილცისტეინს, დოზირების დადგენილ სქემასთან ერთად. იმ შემთხვევაში, თუ ღებინება პრობლემას არ წარმოადგენს, პერორალური მეთიონინი შეიძლება ხელსაყრელი ალტერნატივა იყოს დისტანციური ადგილებისათვის, საავადმყოფოს ფარგლებს გარეთ. ღვიძლის მძიმე დისფუნქციის მქონე პაციენტების მკურნალობა, ჭარბი დოზის მიღებიდან არაუმეტეს 24 სთ-ის შემდეგ, უნდა გადაწყდეს NPIS ან ჰეპატოლოგიის განყოფილებაში.

ფენილეფრინის ჰიდროქლორიდი

სიმპტომებიდანიშნები

ფენილეფრინის ჭარბი დოზირების მწვავე ნიშნები მოიცავს ჰემოდინამიკურ ცვლილებებსა და გულსისხლძარღვოვან კოლაფსს სუნთქვის დათრგუნვით, კრუნჩხვებითა და არითმიებით. თუმცა, პარაცეტამოლისა და ფენილეფრინის ჰიდროქლორიდის კომბინაციის უფრო მცირე რაოდენობა საკმარისი იქნება პარაცეტამოლთან დაკავშირებული ღვიძლის ტოქსიკურობის განვითარებისათვის, ვიდრე ფენილეფრინთან დაკავშირებული მძიმე ტოქსიკურობის გამოსაწვევად. მკურნალობა მოიცავს სიმპტომურ და დამხმარე ზომებს. ჰიპერტენზიული ეფექტების მკურნალობა შეიძლება ინტრავენური ალფა-რეცეპტორის მაბლოკირებელი საშუალებებით.

ფენილეფრინის ჭარბმა დოზირებამ შეიძლება გამოიწვიოს: ნერვული აგზნება, თავის ტკივილი, თავბრუსხვევა, უძილობა, მომატებული არტერიული წნევა, გულისრევა, ღებინება, რეფლექს ბრადიკარდია, მიდრიაზი, მწვავე დახურულ-კუთხოვანი გლაუკომა (განვითარება უფრო მოსალოდნელია დახურულ-კუთხოვანი გლაუკომის მქონე პაციენტებში), ტაქიკარდია, გულის ფრიალი, ალერგიული რეაქციები (მაგალითად, გამონაყარი, ჭინჭრის ციება, ალერგიული დერმატიტი), დიზურია, შარდის შეკავება (უფრო მოსალოდნელია შარდის ბუშტის გასასვლელის ობსტრუქციის, პროსტატის ჰიპერტროფიის მქონე პაციენტებში).

დამატებითი სიმპტომები შეიძლება იყოს ჰიპერტენზია და შესაძლოა რეფლექსური ბრადიკარდია. მძიმე შემთხვევების დროს აღინიშნება ცნობიერების არევა, ჰალუცინაციები, კრუნჩხვები და არითმიები. თუმცა, ფენილეფრინის მძიმე ტოქსიურობის განვითარებისათვის საჭირო რაოდენობა უფრო მეტი უნდა იყოს, ვიდრე პარაცეტამოლთან დაკავშირებული ტოქსიურობის გამოსაწვევად საჭირო რაოდენობისა. 

მკურნალობა

მკურნალობა უნდა იყოს კლინიკურად შესაბამისი. მძიმე ჰიპერტენზია საჭიროებს მკურნალობას ალფა-მაბლოკირებელი პრეპარატებით, როგორიცაა ფენტოლამინი.

ქლორფენირამინის მალეატი

სიმპტომები და ნიშნები

ქლორფენირამინის სავარაუდო ლეტალური დოზა არის 25-50 მგ/კგ სხეულის წონაზე. შეიძლება აღინიშნოს შემდეგი სიმპტომები და ნიშნები: სედაცია, ცნს-ის პარადოქსული აგზნება, ტოქსიური ფსიქოზი, აპნოე, კრუნჩხვები, ანტიქოლინერგული ეფექტები, დისტონიური რეაქციები და გულსისხლძარღვოვანი კოლაფსი არითმიების ჩათვლით.

მკურნალობა

მიიღება სიმპტომატური და დამხმარე ზომები გულის, სუნთქვის, თირკმელებისა და ღვიძლის ფუნქციების, და სითხისა და ელექტროლიტების ბალანსის გათვალისწინებით.

იმ შემთხვევაში, თუ ჭარბი დოზის მიღება პერორალური გზით მოხდა, საფიქრებელია აქტივირებული ნახშირით მკურნალობა, იმ პირობით, თუ მიღების უკუჩვენება არ არსებობს და ჭარბი დოზის მიღებიდან არ არის გასული დიდი დრო (მკურნალობა ყველაზე ეფექტიანია მიღებიდან 1 საათის განმავლობაში).

აუცილებელია ჰიპოტენზიისა და არითმიების მკურნალობა; ცნს-ის კრუნჩხვების მკურნალობა შეიძლება ინტრავენური დიაზეპამით. მძიმე შემთხვევებში შეიძლება ჰემოპერფუზიის გამოყენება.

შენახვის პირობები

პრეპარატი ინახება არა უმეტეს 25^°C ტემპერატურის პირობებში, თავის შეფუთვაში.

პრეპარატი ინახება ბავშვებისათვის მიუწვდომელ ადგილას.

შეფუთვა

6 ან 12 პაკეტი კოლოფში

ვარგისობის ვადა           

3 წელი

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

ლიცენზიის მფლობელი:          NOBEL ILAÇ SANAYİİ ve TİCARET A.Ş.  სტამბოლი / თურქეთი

მწარმოებელი:                          NOBEL ILAÇ SANAYİİ ve TİCARET A.Ş.  დუზჯე / თურქეთი

სავაჭრო ნიშნის მფლობელი:     GM Pharmaceuticals LTD

თბილისი / საქართველო