Surol - სუროლი 500მგ 100 ტაბლეტი

სუროლი
SUROL
500 მგ აპკიანი გარსით დაფარული ტაბლეტები
მიიღება პერორალურად.
• აქტიური ნივთიერება: თითო ტაბლეტი შეიცავს 500 მგ ურსოდეოქსიქოლის მჟავას აქტიური ნივთიერების სახით.
• დამხმარე ნივთიერება(ები):მიკროკრისტალური ცელულოზა, პოლივინილპიროლიდონი, პრეჟელატინიზებული სიმინდის სახამებელი, კოლოიდური უწყლო სილიციუმი, ნატრიუმის სტეარილფუმარატი, ჰიდროქსიპროპილმეთილცელულოზა, პოლიეთილენგლიკოლი, ტიტანის დიოქსიდი.

მოცემულიპრეპარატის მიღების დაწყებამდე წაიკითხეთ წინამდებარე გამოყენების ინსტრუქცია, რადგან ის შეიცავს თქვენთვის მნიშვნელოვან ინფორმაციას.
• შეინახეთ მოცემული ინსტრუქცია. შეიძლება მოგვიანებით დაგჭირდეთ მისი გადაკითხვა.
• დამატებითი კითხვების შემთხვევაში დაუკავშირდით თქვენს ექიმს ან ფარმაცევტს.
• მოცემული პრეპარატი გამოწერილია თქვენთვის, არ გადასცეთ ის სხვა პირებს.
• ექიმთან ან საავადმყოფოში ვიზიტისას აცნობეთ თქვენს ექიმს, რომ იღებთ მოცემულ პრეპარატს.
• ზუსტად დაიცავით მითითებები. არ მიიღოთ პრეპარატის დანიშნულზე უფრო მაღალი ან დაბალი დოზები.

გამოყენებისინსტრუქციის ჩანართი:
1. სუროლის აღწერა და გამოყენება
2. რა უნდა გაითვალისწინოთ სუროლის გამოყენებამდე
3. სუროლის გამოყენების წესი
4. შესაძლო გვერდითი მოქმედება
5. სუროლის შენახვა

სათაურები ჩართულია.
1. სუროლის აღწერა და გამოყენება
ურსოდეოქსიქოლის მჟავა, სუროლის® აქტიური ნივთიერება, წარმოადგენს ბუნებრივ ნაღვლის მჟავას, რომელიც მცირე რაოდენობით გვხვდება ადამიანის ნაღველში.

სუროლი გამოიყენება ნაღვლის ბუშტში 15 მმ-ზე ნაკლები დიამეტრის ქოლესტერინული კენჭების დასაშლელად, რომლებიც არ ისახება რენტგენით, პაციენტებში ნაღვლის ბუშტის ფუნქციონირების შენარჩუნების შემთხვევაში, და ნაღვლის რეფლუქსით გამოწვეული გასტრიტის (საყლაპავის ანთება, გამოწვეული ნაღვლის მჟავის რეფლუქსით) სამკურნალოდ, ასევე პირველადი ბილიარული ციროზის (პბც; ნაღვლის სადინრების ანთებით გამოწვეული ღვიძლის ციროზი) სიმპტომური მკურნალობისთვის ღვიძლის დეკომპენსირებული ციროზის არ არსებობისას (ღვიძლის სერიოზული დაავადება, როდესაც ღვიძლის არსებული ქსოვილები ვერ ახდენს ღვიძლის დაქვეითებული ფუნქციის კომპენსირებას).
2. რა უნდა გაითვალისწინოთ სუროლის® გამოყენებამდე
არ გამოიყენოთ სუროლი:
თუ
თქვენ გაქვთ ჰიპერმგრძნობელობა ურსოდეოქსიქოლის მჟავის ან სუროლის® ნებისმიერი კომპონენტის მიმართ,
თქვენ აღგენიშნებათ ნაღვლის სადინრების ან ბილიარული ტრაქტის ანთების მოულოდნელად განვითარების საწყისი ნიშნები,
თუ თქვენ გაქვთ ბილიარული ტრაქტის ობსტრუქცია (ზოგადად ნაღვლის სადინრების ან ნაღვლის სადინრის არხის ობსტრუქცია).

არ მიიღოთ ტაბლეტები, თუ ფიქრობთ, რომ თქვენ გეხებათ რომელიმე ზემოაღნიშნული მდგომარეობა. რჩევისთვისმიმართეთ თქვენს ექიმს.

სიფრთხილის დაცვაა საჭირო სუროლის გამოყენებისას:
თუ,
• თქვენი ნაღვლის ბუშტი არ ისახება რენტგენით,
• თქვენ გაქვთ ნაღვლის კენჭების კალციფიკაცია,
• თქვენ გაქვთ ნაღვლის ბუშტის კუმშვადობის დარღვევა,
• თქვენ ხშირად აღგენიშნებათ ბილიარული კოლიკა (სპაზმური ტკივილი მუცლის ზედა ნაწილში).

დამატებითი ინფორმაცია:
სუროლი® გამოიყენება ექიმის დაკვირვებით.

მკურნალობის დაწყებიდან პირველ სამ თვეში ღვიძლის ფუნქციური ანალიზები უნდა ჩატარდეს 4 კვირიანი ინტერვალით, შემდეგ – ყოველ 3 თვეში ერთხელ.

სუროლი® არ არის შესაფერისი 47 კგ-მდე წონის პაციენტებში გამოსაყენებლად.

თუ აღნიშნული გაფრთხილებები თქვენ გეხებოდათ ცხოვრების ნებისმიერ ეტაპზე, კონსულტაციისთვის მიმართეთ თქვენს ექიმს.

სუროლის გამოყენება საკვებთან და სასმელთან ერთად
ცნობილი არ არის სუროლის მოქმედება საკვებისა და სასმელის მიღებაზე.

ორსულობა
მოცემული პრეპარატის მიღებამდე კონსულტაცია გაიარეთ თქვენს ექიმთან ან ფარმაცევტთან.
ქალებში ორსულობის პირველ ტრიმესტრში პრეპარატის გამოყენების საკმარისი მონაცემები არ არის.

არ მიიღოთ ურსოდეოქსიქოლის მჟავა ორსულობის პერიოდში, თუ ექიმი არ მიიღებს გადაწყვეტილებას ამის აუცილებლობის შესახებ.

მკურნალობის პერიოდში დაორსულების შემთხვევაში დაუყოვნებლივ მიმართეთ თქვენს ექიმს ან ფარმაცევტს.

ლაქტაცია
მოცემული პრეპარატის მიღებამდე კონსულტაცია გაიარეთ თქვენს ექიმთან ან ფარმაცევტთან.

ურსოდეოქსიქოლის მჟავა არ გამოიყენება ძუძუთი კვების პერიოდში, რადგან ცნობილი არ არის გამოიყოფა თუ არა ის დედის რძეში. სუროლით მკურნალობის აუცილებლობის შემთხვევაში, უნდა შეწყვიტოთ ძუძუთი კვება.

ზემოქმედება სატრანსპორტო საშუალებების მართვისა და მექანიზმებთან მუშაობის უნარზე
სუროლის გვერდითი მოქმედება სატრანსპორტო საშუალებების მართვისა და მექანიზმებთან მუშაობის უნარზე არ არის აღნიშნული.

კომბინირებული გამოყენება სხვა სამკურნალო საშუალებებთან
გარკვეულ პრეპარატებთან კომბინირებული გამოიყენების შემთხვევაში შეიძლება აღინიშნოს განსხვავებული ეფექტები.

შუროლის მიღებისას შემდეგი პრეპარატების ეფექტი შეიძლება შემცირდეს:
- ქოლესტირამინი და ქოლესტიპოლი (ლიპიდების დამაქვეითებელი საშუალებები) ან ალუმინის ჰიდროქსიდის ან/და სმექტიტის (ალუმინის ოქსიდი) შემცველი ანტაციდები (კუჭის მჟავას შემაკავშირებელი პრეპარატები). თუ საჭიროა ამ პრეპარატებიდან ერთ-ერთის მიღება, მათი მიღება საჭიროა სუროლის® მიღებამდე სულ მცირე 2 საათით ადრე ან მიღებიდან 2 საათის შემდეგ.
- ციპროფლოქსაცინი და დაფსონი (ანტიბიოტიკი), ნიტრენდიპინი (სისხლის მაღალი წნევის სამკურნალოდ) და სხვა პრეპარატები, რომლებიც მეტაბოლიზდება იგივე გზით. თუ ექიმი ჩათვლის აღნიშნულის საჭიროებას, მან უნდა დაარეგულიროსამ პრეპარატების დოზირება.

სუროლის მიღებისას შემდეგი პრეპარატების ეფექტი მცირდება:
- ციკლოსპორინი (პრეპარატი, რომელიც აქვეითებს იმუნური სისტემის აქტივობას). თუ თქვენ გიტარდებათ მკურნალობა ციკლოსპორინით, ექიმმა უნდა შეამოწმოს სისხლში ციკლოსპორინის კონცენტრაციები, და საჭიროების შემთხვევაში, დააკორექტიროს ციკლოსპორინის დოზა.

თუ თქვენ იღებთ ან ახლო წარსულში იღებდით ექიმის მიერ დანიშნულ ან ურეცეპტოდ გაცემულ ნებისმიერ პრეპარატს, აცნობეთ თქვენს ექიმს ან ფარმაცევტს აღნიშნულის შესახებ.

3. სუროლის გამოყენების წესი
სათანადო გამოყენების ინსტრუქცია და დოზა/მიღების სიხშირე:
ყოველთვის გამოიყენეთ სუროლი® თქვენი ექიმის მითითებების შესაბამისად. პრეპარატის გამოყენებასთან დაკავშირებით რაიმე ეჭვის შემთხვევაში კონსულტაციისთვის მიმართეთ თქვენს ექიმს.

მოზრდილები:
ნაღვლის ბუშტში ქოლესტერინული კენჭების დაშლა:
დოზირება
2 კაფსულა 60 კგ-მდე წონის შემთხვევშის, ეკვივალენტის სახით, დღეში

10 მგ დოზა სხეულის მასის კგ-ზე,
3 კაფსულა 61-80 კგ-ზე
4 კაფსულა 81-100 კგ-ზე
5 კაფსულა 100 კგ-ზე მეტი

ტაბლეტები მიიღება დაუღეჭევად მცირე რაოდენობის სითხესთან ერთად ძილის წინ. ტაბლეტები მიიღება რეგულარულად.

სუროლის მკურნალობის ხანგრძლივობა
ნაღვლის ბუშტში ქოლესტერინული კენჭების დაშლისთვის ჩვეულებრივ საჭიროა მკურნალობა 6-24 თვიანი კურსით. თუ არ აღინიშნება კენჭების ზომის შემცირება მკურნალობის 12 თვიანი კურსის შემდეგ, მკურნალობა უნდა შეწყვიტოთ.

ყოველ6 თვეში თქვენმა ექიმმა უნდა შეამოწმოს მკურნალობის შედეგი. ყოველ კონტროლზე უნდა შემოწმდეს კენჭების კალციფიკაცია და შედარებულ იქნას წინა შედეგებთან, საჭიროა მკურნალობის შეწყვეტა კალციფიკაციის არსებობის შემთხვევაში.

ნაღვლის რეფლუქსით გამოწვეული გასტრიტის მკურნალობა:
თითო კაფსულა მიიღება დაღეჭვამდე მცირე რაოდენობის სითხესთან ერთად, ყოველ ღამე ძილის წინ.

მკურნალობის ხანგრძლივობა

მკურნალობის რეკომენდებული ხანგრძლივობა შეადგენს 10-14 დღეს, მკურნალობის ხანგრძლივობის შესახებ გადაწყვეტილებას მიიღებს ექიმი პაციენტის კლინიკური სურათის მიხედვით.

პირველადი ბილიარული ციროზის სიმპტომური მკურნალობა (ნაღვლის სადინრების ანთებით გამოწვეული ღვიძლის ციროზი):
მკურნალობის პირველი სამი თვის განმავლობაში სუროლის®კაფსულები მიიღება დღის განმავლობაში განაწილებული დოზებით. ღვიძლის ფუნქციის გაუმჯობესების შემდეგ საერთო დღიური დოზა მიიღება ერთხელ დღეში საღამოს.

სხეულის წონა (კგ) (VA) სადღეღამისო დოზა (მგ/სხეულის მასის კგ-ზე) ტაბლეტები
პირველი 3 თვე შემდეგ
დილით შუადღეს საღამოს საღამოს
1ხ1 დღე-ღამეში
47-62 12-16 1 1 1 3
63-78 13-16 1 1 2 4
79-93 13-16 1 2 2 5
94-109 14-16 2 2 2 6
110-ზე მეტი 2 2 3 7

რეკომენდებული არ არის 47 კგ-ზე ნაკლების წონის პირებისთვის.

ტაბლეტები მიიღება დაუღეჭევად მცირე რაოდენობის სითხესთან ერთად. მნიშვნელოვანია პრეპარატის რეგულარულად მიღება.

მკურნალობის ხანგრძლივობა

პირველადი ბილიარული ციროზის მკურნალობისას სუროლის® გამოყენების ხანგრძლივობა შეზღუდული არ არის.

პირველადი ბილიარული ციროზის მკურნალობისას დაავადების სიმპტომები (როგორიცაა ქავილი) შეიძლება იშვიათ შემთხვევებში გამწვავდეს მკურნალობის დასაწყისში. ეს იშვიათად აღინიშნება. თუ აღნიშნული განვითარდა,სუროლით მკურნალობა გაგრძელდება მცირე სადღეღამისო დოზებით, და სადღეღამისო დოზები გაიზრდება ცხრილში მითითებული რეკომენდებული დოზების მიღწევამდე.

მიღების წესი
მიიღება პერორალურად.

სხვადასხვა ასაკობრივი ჯგუფები:
გამოყენება ბავშვებში:
სუროლის გამოყენებასთან დაკავშირებით ასაკობრივი შეზღუდვა არ არის. სუროლის გამოყენება დამოკიდებულია პაციენტის სხეულის მასაზე და მდგომარეობაზე.

გამოყენება ხანდაზმულ პაციენტებში:
სუროლის გამოყენებასთან დაკავშირებით ასაკობრივი შეზღუდვა არ არის. სუროლის® გამოყენება დამოკიდებულია პაციენტის სხეულის მასაზე და მდგომარეობაზე.

სპეციალური ჯგუფები; ღვიძლის უკმარისობა:
იხილეთ რეკომენდაციები დოზირებასთან დაკავშირებით პირველადი ბილიარული ციროზის სიმპტომური მკურნალობის შემთხვევაში (ნაღვლის სადინრების ანთებით გამოწვეული ღვიძლის ციროზი) პარაგრაფში ~სათანადო გამოყენების ინსტრუქცია და დოზა/მიღების სიხშირე~.

თირკმლის უკმარისობა:
სპეციალური მიღების წესი არ არის.

თუ ფიქრობთ, რომ სუროლის ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.
თუ თქვენ მიიღეთ სუროლის საჭიროზე მეტი ტაბლეტი
სუროლის საჭიროზე მეტი ტაბლეტების მიღების შემთხვევაში მიმართეთ ექიმს ან ფარმაცევტს.

დოზის გადაჭარბების შემთხვევაში შეიძლება განვითარდეს დიარეა. დიარეის შენარჩუნების შემთხვევაში აცნობეთ თქვენს ექიმს, რადგან საჭიროა დოზის შემცირება.

დიარეის გაუარესების შემთხვევაში დარწმუნდით, რომ მიიღეთ საკმარისი სითხე,წყალ-ელექტროლიტური ბალანსის აღდგენის მიზნით.

თუ დაგავიწყდათ სუროლის მიღება
არ მიიღოთ ორმაგი დოზა გამოტოვებულის საკომპენსაციოდ.

გააგრძელეთ მკურნალობა ჩვეულებრივი დოზით.

შესაძლო ეფექტებისუროლით®მკურნალობის შეწყვეტის შემთხვევაში
დაუკავშირდით თქვენს ექიმს, თუ თქვენ შეწყვიტეთ სუროლით მკურნალობა ან თუ გეგმავთ მის უფრო ადრე შეწყვეტას.

4. შესაძლო გვერდითი მოქმედება
როგორც ყველა სამკურნალო საშუალებას, მოცემულ პრეპარატსაც შეიძლება ჰქონდეს გვერდითი მოქმედება სუროლის® შემადგენელი კომპონენტების მიმართ მგრძნობელობის მქონე პირებში.

გვერდითი მოქმედება კუჭ-ნაწლავის ტრაქტის მხრივ:
ხშირი(100-დან 1-ზე მეტი ადამიანი და 10-ზე ნაკლები ადამიანი): კლინიკურ კვლევებში ურსოდეოქსიქოლის მჟავით მკურნალობის პერიოდში აღინიშნა განავლის დარბილება და დიარეა.

ძალიან იშვიათი (10000-დან 1-ზე ნაკლები ადამიანი): პირველადი ბილიარული ციროზის მკურნალობის პერიოდში განვითარდა მძიმე ტკივილი მუცლის ზედა მარჯვენა არეში.

ჰეპატაბილიარული დარღვევები:
ძალიან იშვიათი (10000-დან 1-ზე ნაკლები ადამიანი): ურსოდეოქსიქოლის მჟავით მკურნალობის პერიოდში შეიძლება აღინიშნოს ნაღვლის ბუშტში კენჭების კალციფიკაცია.

პირველადი ბილიარული ციროზის საწყის ეტაპზე მკურნალობის პერიოდში აღინიშნა ღვიძლის ციროზის დეკომპენსაცია, რაც ნაწილობრივ მცირდება მკურნალობის შეწყვეტის შემდეგ.

ჰიპერმგრძნობელობის რეაქციები:
ძალიან იშვიათად (10000-დან 1-ზე ნაკლები ადამიანი): შეიძლება განვითარდეს ჭინჭრის ციება (თივის ცხელება).

მიმართეთ თქვენს ექიმს ან ფარმაცევტს, თუ აღგენიშნებათ ნებისმიერი გვერდითი მოქმედება, რომელიც არ არის აღწერილი მოცემულ გამოყენების ინსტრუქციაში.

5. სუროლის®შენახვა
შეინახეთ სუროლი ბავშვებისათვის მიუწვდომელ ადგილზე, ორიგინალ შეფუთვაში.

შეინახეთ არაუმეტეს 25ºC ოთახის ტემპერატურაზე.

გამოიყენეთ ვარგისობის ვადების დაცვით.

არ გამოიყენოთ სუროლი შეფუთვაზე მითითებული ვარგისობის ვადის გასვლის შემდეგ.

გაცემის წესი:
ფარმაცევტული პროდუქტის ჯგუფი III ჯგუფი, გაიცემა რეცეპტის გარეშე

სავაჭრო ლიცენზიის მფლობელი
Helba İlaç İç ve Dış Sanayi Ticaret Anonim Şirketi
ჯამლიკ მაჰალეში პამუკ სკ.
A ბლოკი, ბ. Nო:12-16/17
უმრანიე-სტამბოლი/თურქეთი
ტელ: + 90 216 365 41 47
ფაქსი: + 90 216 365 41 48
ელ-ფოსტა: [email protected]

მწარმოებელი:
MERKEZ LABORATORY PHARMACEUTICAL AND TRADE Co.
Tashdelen, Sirri Chelik Bulvari,
Aycha Sokak No:6 Chekmekoy – Istanbul/ Turkey
ტელ.: +90 216 4844166
ფაქსი: +90 216 4844191
ელ-ფოსტა: [email protected]