სნუპიკი - Snuppik წვეთები 0.01% 5მლ

სნუპიკი, 0,01% ცხვირის წვეთები

მოქმედი ნივთიერება: ოქსიმეტაზოლინი

ამ პრეპარატის გამოყენებამდე ბოლომდე წაიკითხეთ ფურცელ-ჩანართი, ვინაიდან მასში თქვენთვის მნიშვნელოვანი ინფორმაციაა.

- პრეპარატი ყოველთვის გამოიყენეთ ამ ფურცელ-ჩანართის ან მკურნალი ექიმის ან აფთიაქის თანამშრომლის რეკომენდაციების თანახმად.

- შეინახეთ ფურცელ-ჩანართი. შესაძლებელია მისი გადაკითხვა კიდევ დაგჭირდეთ.

- თუ თქვენ დაგჭირდათ დამატებითი მონაცემები ან რეკომენდაციები, მიმართეთ აფთიაქის თანამშრომელს.

- თუ გამოგივლინდათ რაიმე არასასურველი რეაქციები, მიმართეთ მკურნალ ექიმს ან აფთიაქის თანამშრომელს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის ისეთებზე, რომლებიც არ არის ჩამოთვლილი ფურცელ-ჩანართის მე-4 თავში.  

- თუ მდგომარეობა არ გაუმჯობესდა ან იგი გაუარესდა, 3 დღის შემდეგ უნდა მიმართოთ ექიმს.

ფურცელ-ჩანართის შინაარსი:

1. რას წარმოადგენს პრეპარატი სნუპიკი და რისთვის გამოიყენება

2. რა უნდა იცოდეთ პრეპარატი სნუპიკის გამოყენებამდე

3. პრეპარატი სნუპიკის გამოყენება

4. შესაძლო არასასურველი რეაქციები

5. პრეპარატი სნუპიკის შენახვა

6. შეფუთვის შიგთავსი და სხვა ინფორმაცია 

1. რას წარმოადგენს პრეპარატი სნუპიკი და რისთვის გამოიყენება

პრეპარატის შემადგენლობაში შემავალი ოქსიმეტაზოლინი ახდენს  სისხლძარღვების  შემავიწროვებელ  მოქმედებას, ამცირებს ცხვირის  ღრუს  ლორწოვანი  გარსის  შეშუპებას  და  გამონადენს  ცხვირიდან, აღადგენს  ცხვირით სუნთქვას. რეკომენდებული დოზებით  გამოყენებისას არ აღიზიანებს >ცხვირის ღრუს ლორწოვან გარსს. 

ოქსიმეტაზოლინი იწყებს მოქმედებას სწრაფად, რამდენიმე წუთის  განმავლობაში. პრეპარატის მოქმედების ხანგრძლივობა 12 საათამდეა.

გამოყენების ჩვენებები

პრეპარატი სნუპიკის გამოყენება ნაჩვენებია 0-დან 1 წლამდე ასაკის ბავშვებში შემდეგი ჩვენებებით:

-  მწვავე რესპირატორული დაავადებები რინიტის (სურდოს) მოვლენებით;

-  მწვავე ალერგიული რინიტი;

-  ვაზომოტორული რინიტის გამწვავება;

-  დრენაჟის აღსადგენად ცხვირის ღრუს პარანასალური სინუსების ანთების (სინუსიტი), ევსტაქიიტის, შუა ოტიტის დროს;

-  ცხვირის ღრუში დიაგნოსტიკური მანიპულაციების დაწყებამდე შეშუპების აღმოფხვრა.

თუ მდგომარეობა არ გაუმჯობესდა ან იგი გაუარესდა, 3 დღის შემდეგ უნდა მიმართოთ ექიმს.

2. რა უნდა იცოდეთ პრეპარატი სნუპიკის გამოყენებამდე

უკუჩვენებები

არ გამოიყენოთ პრეპარატი სნუპიკი:

- ალერგიისას ოქსიმეტაზოლინის ან პრეპარატის ნებისმიერი სხვა კომპონენტის მიმართ (ჩამოთვლილი ფურცელ-ჩანართის თავში 6.1). 

- ატროფიული რინიტისას;

- დახურულკუთხოვანი  გლაუკომისას;

- ქირურგიული ჩარევებისას თავის ტვინის  მკვრივ გარსზე (ანამნეზში);

- ტრანსსფენოიდული ჰიპოფიზექტომიის შემდგომი მდგომარეობისას;

- ცხვირის  წინაკარის კანისა და ლორწოვანი გარსის ანთებისას.

განსაკუთრებული მითითებები და სიფრთხილის ზომები:

პრეპარატი სნუპიკის გამოყენებამდე კონსულტაციისთვის მიმართეთ მკურნალ ექიმს ან აფთიაქის თანამშრომელს. აუცილებლად აცნობეთ ექიმს შემდეგი დაავადებების ან მდგომარეობების შესახებ:

- გულ-სისხლძარღვთა სისტემის დაავადებები (არტერიული ჰიპერტენზია, გულის იშემიური დაავადება, გულის ქრონიკული უკმარისობა, სტენოკარდია, გამოხატული ათეროსკლეროზი, ტაქიკარდია, არითმიები),

- ნახშირწყლების ცვლის დარღვევა  (შაქრიანი დიაბეტი),

- ფარისებრი ჯირკვლის ფუნქციის დარღვევები (ჰიპერთირეოზი),

- ფეოქრომოციტომა,

- თირკმლის ქრონიკული უკმარისობა,

- წინამდებარე ჯირკვლის ჰიპერპლაზია კლინიკური სიმპტომებით (შარდის შეკავება),

- მომატებული თვალშიდა წნევა,

- პორფირია,

- ორსულობა,

- ლაქტაცია.

აუცილებლად შეატყობინეთ მკურნალ ექიმს თუ (წინა 2 კვირის და მათი მოხსნიდან 2 კვირის განმავლობაში) იღებდით მონოამინოოქსიდაზას ინჰიბიტორებს, ტრიციკლურ ანტიდეპრესანტებს, ბრომოკრიპტინს, ასევე სხვა პრეპარატებს, რომლებსაც შეუძლიათ არტერიული წნევის აწევა. 

მოერიდეთ პრეპარატის თვალებში მოხვედრას.

ინფექციის გავრცელების პრევენციისთვის აუცილებელია პრეპარატის ინდივიდუალურად გამოყენება.

მოერიდეთ ხანგრძლივად გამოყენებას და ჭარბ დოზას.

ზღვის წყალი, რომელიც შედი სპრეპარატის შემადგენლობაში, ხელს უწყობს ცხვირის ლორწოვანი გარსის ნორმალური  ფიზიოლოგიური მდგომარეობის შენარჩუნებას მოციმციმე ეპითელიუმის ფუნქციის გაუმჯობესების  და  ლორწოვანი გარსის გობლეტის უჯრედებში ლორწოს გამომუშავების ნორმალიზების უნარის გამო.ზღვის წყალი ატენიანებს ცხვირის ღრუს ლორწოვან გარსს, რომელიც ხელს უშლის ოქსიმეტაზოლინის გამოყენებასთან დაკავშირებული სიმშრალის წარმოქმნას.

სხვა პრეპარატები და პრეპარატი ჰეპარინის მალამო

მკურნალ ექიმს ან აფთიაქის თანამშრომელს აცნობეთ რას იღებთ, ცოტახნის წინ იღებდით ან შეიძლება დაიწყოთ რაიმე სხვა პრეპარატების გამოყენება.

ეს განსაკუთრებით ეხება შემდეგ პრეპარატებს:

· მონოამინოოქსიდაზას ინჰიბიტორები - დეპრესიების ან ზოგიერთი შფითვითი აშლილობის სამკურნალო პრეპარატები (მ.შ. თერაპიის დაწყებამდე წინა 2 კვირის განმავლობაში და მათი მოხსნის შემდეგ 2 კვირის განმავლობაში),

· ტრიციკლური ანტიდეპრესანტები - დეპრესიების თერაპიისთვის გამოსაყენებელი პრეპარატები,

· ბრომოკრიპტინი - პროლაქტინის ჰორმონის გამომუშავების შემამცირებელი პრეპარატი,

· სისხლძარღვების შემავიწროვებელი სხვა პრეპარატები ან პრეპარატები, რომლებიც ხელს უწყობენ არტერიული წნევის აწევას,

· ადგილობრივი საანესთეზიო პრეპარატები - პრეპარატების, რომლებიც აქვეითებენ მგრძნობელობას ცხვირის ღრუში.

ორსულობა, ლაქტაცია და ფერტილობა

თუ ორსულად ხართ ან ბავშვი გყავთ ბუნებრივ კვებაზე, ფიქრობთ, რომ დაორსულდით, ან გეგმავთ ორსულობას, პრეპარატის გამოყენების დაწყებამდე კონსულტაციისთვის მიმართეთ მკურნალ ექიმს ან აფთიაქის თანამშრომელს.

ორსულობის ან ლაქტაციის პერიოდში პრეპარატი სნუპიკის გამოყენება შეიძლება მხოლოდ მკურნალ ექიმთან კონსულტაციის შემდეგ, როდესაც თქვენმა ექიმმა შეაფასა პრეპარატის გამოყენების სარგებელი და რისკი.  საჭიროა სიფრთხილე არტერიული ჰიპერტენზიის ან პლაცენტური სისლდინების შემცირების ნიშნების არსებობისას. პრეპარატის ხშირმა ან დიდი დოზებით ხანგრძლივმა გამოყენებამ შეიძლება გამოიწვიოს პლაცენტური სისხლდინების შემცირება.

სატრანსპორტო საშუალებების მართვა და მექანიზმებთან მუშაობა

ოქსიმეტაზოლინის შემცველი სურდოს საწინააღმდეგო საშუალებების რეკომენდებულზე მაღალი დოზებით ხანგრძლივი გამოყენების შემდეგ, არ შეიძლება  გამოირიცხოს ზოგადი  გავლენა გულ-სისხლძარღვთა სისტემასა და ცენტრალური ნერვული სისტემაზე. ამ შემთხვევებში რეკომენდებულია სიფრთხილის გამოჩენა სატრანსპორტო საშუალებების მართვისა და სხვა  პოტენციურად საშიში  საქმიანობების  დროს, რომლებიც საჭიროებენ ყურადღების მაღალ კონცენტრაციას  და  სწრაფ ფსიქომოტორულ  რეაქციებს.

3. პრეპარატი სნუპიკის გამოყენება

პრეპარატი ყოველთვის გამოიყენეთ ფურცელ-ჩანართის ან მკურნალი ექიმის ან აფთიაქის თანამშრომლის რეკომენდაციების სრული შესაბამისობით. ეჭვების გაჩენის შემთხვევაში რჩევისთვის მიმართეთ მკურნალ ექიმს, ან აფთიაქის თანამშრომელს, ან მედდას.

რეკომენდებული დოზა:

4 კვირამდე ასაკის ბავშვები -  1  წვეთი  0,01%  ხსნარი  თითოეულ  ნესტოში  2-3-ჯერ  დღეში.

მე-5 კვირიდან 1 წლამდე ბავშვები - 1-2 წვეთი 0,01% ხსნარი თითოეულ ნესტოში 2-3-ჯერ დღეში.

შეყვანის გზა და წესი

ინტრანაზალურად (ცხვირის ღრუში).

გამოყენებამდე გამოისუფთავეთ ცხვირის ღრუ. ფლაკონს მოხსენით დამცავი თავსახური (ნახ. 1), ფლაკონი გადაატრიალეთ ისე, რომ საწვეთურის თავი ქვემოთ იყოს მიმართული (ნახ. 2), საწვეთური მოათავსეთ ცხვირის ღრუში (ნახ. 3), 1 წვეთის შესაყვანად საწვეთურის რგოლს დააჭირეთ 1-ჯერ (ნახ. 4). პრეპარატის ჩაწვეთების დროს ბავშვს თავი გადაუწიეთ უკან (ნახ. 5).

ასევე დადასტურებულია შემდეგი პროცედურის ეფექტურობა: ასაკის მიხედვით 1-2  წვეთი 0,01% ხსნარი  დაიტანება  ბამბაზე და იწმინდება თითოეულ ნესტო.

თერაპიის ხანგრძლივობა

პრეპარატი გამოიყენება 3-დან 5 დღემდე. რეკომენდებული დოზით პრეპარატის გამოყენება  შეიძლება  არაუმეტეს 7 დღე.

პრეპარატის განმეორებითი კურსი შესაძლებელია მხოლოდ რამდენიმე დღის შემდეგ, რომელთა განმავლობაშიც  პრეპარატი არ გამოყენებოდა.

პრეპარატის ხშირი და ხანგრძლივი გამოყენებისას ცხვირის "შეგუბების" შეგრძნება შეიძლება ისევ გაჩნდეს ან გაუარესდეს. ამ შემთხვევაში მკურნალობა უნდა შეწყდეს და საჭიროა ექიმთან მიმართვა.

თუ პრეპარატი სნუპიკი საჭიროზე მეტი გამოიყენეთ

თუ პრეპარატი საჭიროზე მეტი (ჭარბი დოზა) გამოიყენეთ, შეძლებისდაგვარად სწრაფად შეატყობინეთ მკურნალ ექიმს ან აფთიაქის თანამშრომელს.

პრეპარატი სნუპიკის ჭარბ დოზაზე შეიძლება მიუთითებდეს შემდეგი სიმპტომები: შფოთვა, მოუსვენრობა, ჰალუცინაციები, კრუნჩხვები, სხეულის  ტემპერატურის აწევა ან დაწევა, ფსიქიკური აშლილობები, მოდუნება, ცენტრალური ნერვული სისტემის ფუნქციების დათრგუნვა, ძილიანობა, შესაძლებელია განვითარდეს კომა, თვალის გუგის შევიწროვება ან გაფართოება, ცხელება, ოფლიანობა, სიფერმკრთალე, ციანოზი (კანის სილურჯე), გულისცემის  შეგრძნება, ბრადიკარდია (გულის შეკუმშვების სიხშირის შემცირება), არითმია (გულის რითმის დარღვევა), გულის გაჩერება, არტერიული წნევის  მომატება, არტერიული წნევის დაწევა, გულისრევა, ღებინება, სუნთქვითი აშლილობები, ფილტვების შეშუპება, სუნთქვის გაჩერება.

ბავშვებში ჭარბი დოზა შეიძლება იყოს ისეთი სიმპტომების განვითარების მიზეზი, როგორებიც არის აგზნება, კრუნჩხვები, კომა, ბრადიკარდია (გულის შეკუმშვების სიხშირის შემცირება), სუნთქვის გაჩერება, ასევე არტერიული წნევის მომატება შესაძლო შემდგომში არტერიული წნევის დაწევით.

შემთვევით შიგნით მოხვედრისას ტარდება კუჭის ამორეცხვა და ინიშნება აქტივირებული ნახშირის  მიღება. 

ჭარბი დოზის დროს შეიძლება საჭირო გახდეს ექიმის მიერ რეკომენდებული სიმპტომური თერაპიის ჩატარება. მძიმე ჭარბი დოზის დროს შესაძლებელია ჰოსპიტალიზება.

პრეპარატის გამოყენების შესახებ შეკითხვების შემთხვევაში მიმართეთ მკურნალ ექიმს ან აფთიაქის თანამშრომელს.

4. შესაძლო არასასურველი რეაქციები

ყველა სამკურნალო პრეპარატის მსგავსად, ამ პრეპარატსაც შეუძლია არასასურველი რეაქციების გამოწვევა, თუმცა არა ყველასთან.

სერიოზული არასასურველი რაექციები

შეწყვიტეთ პრეპარატი სნუპიკის გამოყენება და დაუყოვნებლივ მიმართეთ სამედიცინო დახმარებას შემდეგი მოვლენებიდან ერთ-ერთის წარმოქმნის შემთხვევაში:

არახშირი - შეიძლება განუვითარდეს არაუმეტეს 1 ადამიანს 100-დან:

· სახის (ტუჩები, ქუთუთოები, ლოყები) და პირის ღრუს შეშუპება, შეიძლება გავრცელდეს ხორხზე, სუნთქვის გაძნელების, ხმის ჩახლეჩვის და ყეფვითი ხველის, სტვენითი სუნთქვის გამოწვევით (ანგიონევროზული შეშუპება),

· გამონაყარი კანზე წითელი ლაქების, კვანძების სახით მთელ სხეულზე (ეგზანთემა).

ძალიან იშვიათი - შეიძლება განუვითარდეს არაუმეტეს 1 ადამიანს 10000-დან:

· კუნთების უეცარი და უნებლიე შეკუმშვები (კრუნჩხვები),

· სუნთქვის გაჩერება (ჩვილებში).

სხვა შესაძლო არასასურველი რეაქციები

ხშირი - - შეიძლება განუვითარდეს არაუმეტეს 1 ადამიანს 10-დან:

· ცხვირის ღრუს ლორწოვანი გარსის წვა ან სიმშრალე, 

· ცემინება.

არახშირი - შეიძლება განუვითარდეს არაუმეტეს 1 ადამიანს 100-დან:

· ქავილი,

· ტაქიკარდია (გულის შეკუმშვების სიხშირის გაზრდა),

· ცხვირის "შეგუბების" შეგრძნება (რეაქციული ჰიპერემია),

· სისხლდენა ცხვირიდან.

იშვიათი - შეიძლება განუვითარდეს არაუმეტეს 1 ადამიანს 1000-დან:

· თავის ტკივილი,

· უძილობა,

· გულისცემის შეგრძნება.

ძალიან იშვიათი - შეიძლება განუვითარდეს არაუმეტეს 1 ადამიანს 10000-დან:

· დაღლილობა,

· ძილიანობა,

· შფოთვა,

· ჰალუცინაციები.

უცნობია - არსებული მონაცემებიდან გამომდინარე წარმოქმნის სიხშირის განსაზღვრა შეუძლებელია:

· დაღლილობა,

· ტაქიფილაქსია (ხანგრძლივი გამოყენების ან ჭარბი დოზის შედეგად),

· ღებინება,

· მხედველობის დარღვევა (თვალებში მოხვედრისას),

· დათრგუნვილობა,

· თავბრუსხვევა,

· ფორიაქის შეგრძნება,

· გაღიზიანებულობა,

· ძილის დარღვევა (ბავშვებში).

შეტყობინება არასასურველი რეაქციების შესახებ

თუ გამოგივლინდათ რაიმე არასასურველი რეაქციები, კონსულტაციისთვის მიმართეთ მკურნალ ექიმს ან აფთიაქის თანამშრომელს. მათ ასევე მიეკუთვნება ნებისმიერი არასასურველი რეაქცია, მიუთითებელი ფურცელ-ჩანართში. არასასურველი რეაქციების შესახებ შეტყობინებით, თქვენ გვეხმარებით მეტი ინფორმაციის მიღებაში პრეპარატის უსაფრთხოების შესახებ.

5. პრეპარატი სნუპიკის შენახვა

პრეპარატი შეინახეთ ბავშვისთვის მიუწვდომელ ადგილას ისე, რომ ბავშვმა ვერ შეძლოს მისი დანახვა.

არ გამოიყენოთ პრეპარატი მუყაოს შეფუთვაზე ან ფლაკონზე სიტყვების "ვარგისია --მდე" შემდეგ მითითებული ვარგისობის ვადის (შენახვის ვადის) გასვლის შემდეგ. 

ვარგისობის ვადის გასვლის ვადას წარმოადგენს თვის ბოლო დღე.

ინახება არაუმეტეს 25°C ტემპერატურაზე.

ფლაკონის გახსნის შემდეგ პრეპარატი გამოყენებული უნდა იქნას 12 თვის განმავლობაში.

პრეპარატი არ გადააგდოთ კანალიზაციაში. აფთიაქის თანამშრომელთან დააზუსტეთ როგორ მოახდინოთ არასაჭირო პრეპარატის უტილიზება (განადგურება). ეს ზომები დაგვეხმარება გარემოს დაცვაში.

6. შეფუთვის შიგთავსი და სხვა ინფორმაცია 

პრეპარატი სნუპიკი შეიცავს

მოქმედი ნივთიერება არის ოქსიმეტაზოლინი.

1 მლ ხსნარი შეიცავს 0,10 მგ ოქსიმეტაზოლინს (ჰიდროქლორიდის სახით).

სხვა ინგრედიენტებს (დამხმარე ნივთიერებებს) წარმოადგენს ზღვის წყალი, ლიმონმჟავას მონოჰიდრატი, ნატრიუმის ციტრატის დიჰიდრატი, გლიცეროლი 85%, საინექციო წყალი.

პრეპარატი სნუპიკის გარეგნულობა და შეფუთვის შიგთავსი

ცხვირის წვეთები.

გამჭვირვალე უფერო ხსნარი.

5 მლ პრეპარატი მაღალი სიმკვრივის  პოლიეთილენის (მსპე) თეთრ გაუმჭვირვალე პოლიმერულ ფლაკონში თეთრი გაუმჭვირვალე ტუმბოს  მადოზირებელი  მოწყობილობით  და  დამცავი თავსახურით.

1  ფლაკონი  მურცელ-ჩანართთან ერთად მუყაოს შეფუთვაში.

გაცემის წესი: 

ფარმაცევტული პროდუქტის ჯგუფი - III ჯგუფი, გაიცემა რეცეპტის გარეშე

ასევე, იხილეთ: >Burunach - ბურუნაჩი ცხვირის წვეთები 0.01% 5მლ