სინეკოდი წვეთები 20მლ. ფლაკონი

სინეკოდი

(Sinecod)

სავაჭრო დასახელება:სინეკოდი/Sinecod

საერთაშორისო არაპატენტირებული დასახელება ან ჯგუფური დასახელება : ბუტამირატის ციტრატი.

სამკურნალოფორმა : პერორალური წვეთები 0.5% ბავშვებისათვის.

შემადგენლობა:

1 მლ (20 წვეთის ეკვივალენტური) შეიცავს:

აქტიური ნივთიერება: ბუტამირატის ციტრატი - 5 მგ.

დამხმარე ნივთიერებები: სორბიტოლი, გლიცერინი, ნატრიუმის საქარინი, ბენზოის მჟავა E 210, ვანილინი, ეთანოლი 96%, ნატრიუმის ჰიდროქსიდი, გასუფთავებული წყალი.

იხილეთ ბლოგი:> რა არის სინეკოდი — ხველის საწინააღმდეგო საშუალებების მოკლე ისტორია

ფარმაკოთერაპიული ჯგუფი:ხველის საწინააღმდეგო სხვა საშუალებები.

ათქკოდი:R05DB13.

აღწერილობა:გამჭვირვალე ხსნარი, უფერო, ვანილის არომატით, ტკბილი და ოდნავ მწარე.

ფარმაკოლოგიური თვისებები

ფარმაკოდინამიკა:

პრეპარატი სინეკოდის მოქმედი ნივთიერება - ბუტამირატის ციტრატი არის ხველის საწინააღმდეგო არანარკოტიკული საშუალება.

ითვლება, რომ სინეკოდიარის ცენტრალური მოქმედების ხველის საწინააღმდეგო საშუალება.

ამავე დროს, მოქმედების ზუსტი მექანიზმი არ არის ცნობილი. ბუტამირატის ციტრატს აქვს არასპეციფიკური ანტიქოლინერგული და ბრონქოსპაზმოლიზური ეფექტები, რომლებიც სუნთქვის ფუნქციას უწყობს ხელს.სინეკოდი არ იწვევს შეჩვევას ან დამოკიდებულებას. ბუტამირატს აქვს თერაპიული მოქმედების ფართო დიაპაზონი, რის გამოც სინეკოდს, მაღალი დოზებითაც კი, კარგი ამტანობა ახასიათებს და ხველის მოსახსნელად გამოიყენება მოზრდილებსა და ბავშვებში.

ფარმაკოკინეტიკა:

არსებული მონაცემებით, პერორალური მიღებისას ბუტამირატის ციტრატი სწრაფად შეიწოვება და ჰიდროლიზდება 2-ფენილერბომჟავას და დიეთილამინოეტოქსიეთანოლის წარმოქმნით. შეწოვაზე საკვების გავლენა არ შესწავლილა. 22.5 მგ - 90 მგ დოზების ფარგლებში გამოყენებისას 2-ფენილერბომჟავას და დიეთილამინოეტოქსიეთანოლის ზემოქმედება სრულიად პროპორციულია.

სავარაუდოდ, ორივე მეტაბოლიტს აქვს ხველის საწინააღმდეგო აქტივობა.

2-ფენილერბომჟავა განიცდის შემდგომ მეტაბოლიზმს. უცნობია, გაივლის თუ არა ბუტიმირატის ციტრატი პლაცენტას ან გადადის თუ არა იგი დედის რძეში. ყველა მეტაბოლიტი ძირითადად თირკმლებით გამოიყოფა. არ არის ცნობილი მოქმედებენ თუ არა ღვიძლის ან თირკმლის ფუნქციის დარღვევები ბუტიმირატის ფარმაკოკინეტიკურ პარამეტრებზე.

გამოყენების ჩვენებები:

სხვადასხვა წარმოშობის მშრალი ხველის სიმპტომური მკურნალობისათვის.

უკუჩვენებები:

მომატებული მგრძნობელობა პრეპარატის კომპონენტების მიმართ. არ გამოიყენოთ სინეკოდი, თუ თქვენ გაქვთ ალერგია ბუტიმირატის ციტრატის ან ნებისმიერი სხვა ინგრედიენტის მიმართ.

გამოყენების წესი და დოზები:

მხოლოდ პერორალური გამოყენებისათვის.

2 წლამდე ასაკის ბავშვებში: მხოლოდ ექიმის დანიშნულებით (იხ. პუნქტი „განსაკუთრებული მითითებები“).

2 თვიდან 1 წლამდე ასაკის ბავშვებში – 10 წვეთი 4-ჯერ დღეში;

1 წლიდან 3 წლამდე – 15 წვეთი 4-ჯერ დღეში;

3 წელზე მეტი ასაკის ბავშვებში – 25 წვეთი 4-ჯერ დღეში.

სამედიცინო კონსულტაციის გარეშე გამოყენების მაქსიმალური ხანგრძლივობა: 7 დღე. გამოიყენება მინიმალური დოზა, რომელიც საკმარისია ეფექტის მისაღწევად მკურნალობის ყველაზე მოკლე პერიოდში.

გვერდითი ეფექტები:

ქვემოთ ჩამოთვლილი გვერდითი ეფექტები კლასიფიცირებულია განვითარების სიხშირის მიხედვით: ძალიან ხშირად (≥1/10); ხშირად(≥1/100-დან <1/10-მდე); არც ისე ხშირად (≥1/1 000-დან <1/100-მდე); იშვიათად (≥1/10 000-დან <1/1 000-მდე); ძალიან იშვიათად (<1/10 000) ან უცნობია (არსებული მონაცემებით სიხშირის დადგენა შეუძლებელია).

ორგანიზმის სისტემა	გვერდითი ეფექტები	სიხშირე
ნერვული სისტემა	ძილიანობა	იშვიათად
კუჭ-ნაწლავის ტრაქტი	დიარეა, გულისრევა	იშვიათად
კანი და კანქვეშა ქსოვილი	ჭინჭრის ციება	იშვიათად

განსაკუთრებული მითითებები:

ბუტამირატი აინჰიბირებს ხველის რეფლექსს, რის გამოც საჭიროა თავის არიდება ამოსახველებელი საშუალებების ერთდროული გამოყენებისაგან, რადგან ამან შეიძლება გამოიწვიოს სასუნთ გზებში ნახველის დაგროვება, რაც ზრდის ბრონქოსპაზმისა და სასუნთი გზების ინფექციების განვითარების რისკს (იხ.ურთიერთქმედება სხვა სამკურნალო საშუალებებთან).

თუ სიმპტომები უარესება ან მდგომარეობა არ უმჯობესდება 7 დღის განმავლობაში ან/და აღინიშნება ცხელება, გამონაყარი ან მუდმივი თავის ტკივილი, საჭიროა პაციენტს ჩაუტარდეს ძირითადი მიზეზის დამატებითი გამოკვლევა.

2 წლამდე ასაკის ბავშვებში პრეპარატი გამოიყენება მხოლოდ ექიმის დანიშნულებით.

ინახება ბავშვებისათვის მიუწვდომელ ადგილას.

5 წვეთი პრეპარატი შეიცავს 71 მგ სორბიტოლს, რომელიც ფრუქტოზას წყაროა. წვეთები არ უნდა გამოიყენონ ფრუქტოზას აუტანლობით გამოწვეული იშვიათი მემკვიდრეობითი დარღვევების მქონე პაციენტებმა.

მოცემული სამკურნალო საშუალება შეიცავს მცირე რაოდენობის ეთანოლს (ალკოჰოლს), ერთ დოზაში 100 მგ-ზე ნაკლებს.

მოცემული სამკურნალო საშუალება ერთ დოზაში შეიცავს 1 მმოლზე ნაკლებ ნატრიუმს (23 მგ), ეს ნიშნავს თითქმის „ნატრიუმის გარეშე“.

ორსულობა და ლაქტაცია:

ორსულობა.ორსულ ქალებში მონაცემები ამ პროდუქტის გამოყენების შესახებ შეზღუდულია. ორსულობის დროს ეს პროდუქტი გამოიყენება მხოლოდ ექიმის დანიშნულებით. პრეპარატი სინეკოდის გამოყენება ორსულობის პირველ სამ თვეში დაუშვებელია. ორსულობის დანარჩენი პერიოდის განმავლობაში სინეკოდი გამოიყენება მხოლოდ მაშინ, თუ ამ პრეპარატით მკურნალობა ძალიან მნიშვნელოვანია.

ლაქტაცია . არასაკმარისია მონაცემები იმის დასადგენად, რამდენად გადადის აქტიური ნივთიერება ან/და მისი მეტაბოლიტები დედის რძეში. ძუძუთი კვების დროს ეს პროდუქტი გამოიყენება მხოლოდ ექიმის დანიშნულებით. ლაქტაციის პერიოდში სამკურნალო საშუალება სინეკოდის უსაფრთხო გამოყენებისათვის აუცილებელია სარგებელი/რისკის სათანადო შეფასება.

ზემოქმედება ავტოსატრანსპორტო საშუალებების მართვისა და მექანიზმებთან მუშაობის უნარზე:

იშვიათ შემთხვევებში სამკურნალო საშუალება სინეკოდმა შეიძლება გამოიწვიოს ძილიანობა და გავლენა მოახდინოს იმ საქმიანობებზე, რომლებიც მოითხოვს ყურადღების მაღალ კონცენტრაციას და ფსიქომოტორული რეაქციების სისწრაფეს.

ჭარბი დოზირება:

ჭარბმა დოზირებამ შეიძლება გამოიწვიოს შემდეგი სიმპტომები:ძილიანობა, გულისრევა, თავბრუხვევა, ღებინება, დიარეა, ჰიპოტენზია.

მკურნალობა:ბუტიმირატის ციტრატით ჭარბი დოზირებისას სპეციალური მკურნალობა არ არსებობს. ჭარბი დოზირების შემთხვევაში, პაციენტს უნდა ჩაუტარდეს მკურნალობა შესაბამისი კონტროლით. შემდგომი მკურნალობა უნდა დაინიშნოს ამბულატორიულად ან ნაციონალური ტოქსიკოლოგიური ცენტრის არსებობისას, მისი რეკომენდაციების თანახმად.

ურთიერთქმედება სხვა სამკურნალო საშუალებებთან:

საჭიროა თავის არიდება ამოსახველებელი საშუალებების ერთდროული გამოყენებისაგან (ინფორმაცია იხილეთ პუნქტში „განსაკუთრებული მითითებები“).

გამოშვების ფორმა:

20 მლ მუქი ფერის შუშის ფლაკონში, რომელსაც აქვს წვეთოვანი დოზატორი და თავსახური პირველი გახსნის კონტროლის სისტემით. ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

ვარგისობის ვადა:

3 წელი. არ გამოიყენოთ შეფუთვაზე მითითებული ვარგისობის ვადის გასვლის შემდეგ.

შენახვის პირობები:

ინახება 30°C-ზე დაბალ ტემპერატურაზე, დაიცავით მაღალი ტემპერატურის ზემოქმედებისაგან.

ინახება ბავშვებისათვის მიუწვდომელ ადგილას.

გაცემის წესი:

ფარმაცევტული პროდუქტის ჯგუფი - III , გაიცემა რეცეპტის გარეშე