სინეკოდი - Sinecod წვეთები 20მლ
14.89
₾17.52
₾მახასიათებლები
აღწერა
სინეკოდი
(Sinecod)
სავაჭრო დასახელება: სინეკოდი/Sinecod
მოქმედი ნივთიერება (INN): ბუტამირატი
სამკურნალო ფორმა: შიგნით მისაღები წვეთები
შემადგენლობა
აქტიური ნივთიერება: ბუტამირატის ციტრატი - 5 მგ/მლ.
დამხმარე ნივთიერებები: სორბიტოლის ხსნარი 70% (მასა/მასა), გლიცერინი, ნატრიუმის საქარინი, ბენზოის მჟავა (E 210), ვანილინი, ეთანოლი 96% (მოც./მოც.), ნატრიუმის ჰიდროქსიდი 30% (მასა/მასა), გასუფთავებული წყალი.
აღწერილობა: გამჭვირვალე ხსნარი, უფერო, ვანილის არომატით, ტკბილი და ოდნავ მწარე.
ფარმაკოთერაპიული ჯგუფი: ხველის საწინააღმდეგო სხვა საშუალებები.
ათქ კოდი: R05DB13.
სინეკოდი სიროფირებული ფორმით იხილეთ აქ: >Sinecod - სინეკოდი სიროფი 100მლ
ფარმაკოლოგიური თვისებები
ფარმაკოდინამიკა
პრეპარატი სინეკოდის მოქმედი ნივთიერება ბუტამირატის ციტრატი არის ხველის საწინააღმდეგო საშუალება, რომელიც არც ქიმიურად, არც ფარმაკოლოგიურად არ მიეკუთვნება ოპიუმის ალკალოიდებს.
ითვლება, რომ სინეკოდი არის ცენტრალური მოქმედების ხველის საწინააღმდეგო საშუალება. მოქმედების ზუსტი მექანიზმი არ არის ცნობილი. ხველის საწინააღმდეგო მოქმედების გარდა, აღინიშნება სასუნთქი გზების წინააღმდეგობის შემცირების ტენდენცია, რაც გამოიხატება სპირომეტრიის მაჩვენებლების უმნიშვნელო მატებით.
ფარმაკოკინეტიკა
ფარმაკოკინეტიკა სრულად არ არის ცნობილი.
აბსორბცია.
არსებული მონაცემების საფუძველზე, ითვლება, რომ ბუტამირატის ეთერი ჰიდროლიზდება 2-ფენილერბომჟავამდე და დიეთილამინოეთოქსიეთანოლამდე, ასევე სწრაფად და მთლიანად შეიწოვება. ადამიანთან მიმართებაში სპირტოვანი მეტაბოლიტის შესახებ მონაცემები არ არსებობს. საკვების გავლენა შეწოვაზე არ არის შესწავლილი. 2-ფენილერბომჟავას და დიეთილამინოეთოქსიეთანოლის კონცენტრაციის ცვლილება ხდება მიღებული დოზის პროპორციულად 22,5-90 მგ-ის დიაპაზონში.
ბუტამირატის ციტრატი სწრაფად შეიწოვება პერორალური მიღების შემდეგ, სისხლში გაზომვადი კონცენტრაცია გამოვლენილია 22,5 მგ, 45 მგ, 67,5 მგ და 90 მგ დოზების მიღებიდან 5-დან 10 წუთში. მაქსიმალური პლაზმური კონცენტრაცია მიიღწევა 1 საათის განმავლობაში დოზირების ყველა დონისთვის, ამავე დროს 90 მგ პერორალური დოზის საშუალო მნიშვნელობა არის 16,058 ნგ/მლ. სისხლის პლაზმაში ძირითადი მეტაბოლიტის 2-ფენილერბომჟავას მაქსიმალური კონცენტრაცია მიიღწევა 1,5 საათის განმავლობაში, მაქსიმალური მნიშვნელობა დაფიქსირდა 90 მგ დოზის მიღების შემდეგ (3051,569 ნგ/მლ). დიეთილამინოეთოქსიეთანოლის საშუალო პლაზმური კონცენტრაცია მიიღწევა 0,67 საათის განმავლობაში; ყველაზე მაღალი მნიშვნელობა აღინიშნება 90 მგ დოზის მიღების შემდეგ (160,297 ნგ/მლ).
განაწილება
ბუტამირატს აქვს განაწილების დიდი მოცულობა 80,51-დან 112,339 ლ-მდე (კორექტირებული სხეულის მასაზე კგ-ში), ასევე პლაზმის ცილებთან შეკავშირების მაღალი ხარისხი. 2-ფენილერბომჟავას აქვს პლაზმის ცილებთან შეკავშირების მაღალი ხარისხი ყველა დოზებში (22,5-90 მგ) და საშუალოდ 89,28-91,55%-ს შადგენს. დიეთილამინოეთოქსიეთანოლს აქვს პლაზმის ცილებთან შეკავშირების უფრო დაბალი ხარისხი, საშუალო მნიშვნელობები მერყეობს 28,80-45,72%-ს შორის.
მეტაბოლიზმი
ბუტამირატის ჰიდროლიზი, რის შედეგადაც წარმოიქმნება 2-ფენილერბომჟავა და დიეთილამინოეთოქსიეთანოლი, ძალიან სწრაფად ხდება. კვლევის საფუძველზე, მიიჩნევა, რომ ორივე მეტაბოლიტს აქვს ხველის საწინააღმდეგო ეფექტი. 2-ფენილერბომჟავა გადის შემდგომ ნაწილობრივ მეტაბოლიზმს ჰიდროქსილირებით პარა-პოზიციაზე. უცნობია გადის თუ არა ბუტამირატი პლაცენტურ ბარიერს და გამოიყოფა თუ არა დედის რძეში.
გამოყოფა.
სამივე მეტაბოლიტი გამოიყოფა ძირითადად თირკმლებით; ღვიძლში კონიუგაციის შემდეგ, მჟავე რეაქციის მქონე მეტაბოლიტები მნიშვნელოვნად უკავშირდებიან გლუკურონის მჟავას. 2-ფენილერბომჟავას კონიუგატები განისაზღვრება შარდში მნიშვნელოვნად უფრო მაღალი კონცენტრაციით, ვიდრე სისხლის პლაზმაში. ბუტამირატი შარდში აღინიშნება 48 საათის განმავლობაში. ბუტამირატი, რომელიც გამოიყოფა შარდით 96-საათიანი სინჯის აღების პერიოდში, შეადგენს დაახლოებით 0.02, 0.02, 0.03 და 0.03% 22.5 მგ, 45 მგ, 67.5 მგ და 0.03 მგ შეყვანილი დოზებიდან, შესაბამისად. პროცენტულად, ბუტამირატი გამოიყოფა შარდით უფრო დიდი რაოდენობით დიეთილამინოეთოქსიეთანოლის ან კონიუგირებული 2-ფენილერბომჟავას სახით. 2-ფენილერბომჟავას, ბუტამირატის და დიეთილამინოეთოქსიეთანოლის გაზომილი ნახევარგამოყოფის პერიოდი არის შესაბამისად 23.26-24.42, 1.48-1.93 და 2.72-2.90 საათი.
კინეტიკა პაციენტების სპეციალურ ჯგუფებში. უცნობია ახდენს თუ არა გავლენას ბუტამირატის ფარმაკოკინეტიკურ პარამეტრებზე ღვიძლის ან თირკმლის ფუნქციის დარღვევა.
გამოყენების ჩვენებები
სხვადასხვა წარმოშობის ხველის სიმპტომური მკურნალობისთვის.
გამოყენების წესი და დოზები
მხოლოდ პერორალური გამოყენებისათვის.
შემდეგი მონაცემები დოზების შესახებ ეფუძნება გამოყენების გამოცდილებას. შესაბამისი კვლევების მონაცემები დოზების განსაზღვრის შესახებ არ არსებობს. ექიმის დანიშნულების გარეშე მკურნალობის მაქსიმალური ხანგრძლივობაა 1 კვირა (იხ. „სპეციალური მითითებები“).
უნდა იქნას გამოყენებული ეფექტის მისაღწევად საჭირო ყველაზე დაბალი დოზები და გამოყენების მინიმალური ხანგრძლივობა.
მცირეწლოვან ბავშვებში 2 თვიდან 1 წლამდე – 10 წვეთამდე 4-ჯერ დღეში;
1 წლიდან 3 წლამდე ასაკის ბავშვებში - 15 წვეთი 4-ჯერ დღეში;
3 წლიდან და მეტი ასაკის ბავშვებშია – 25 წვეთი 4-ჯერ დღეში.
პრეპარატის გამოყენება 2 წლამდე ასაკის ბავშვებში შესაძლებელია მხოლოდ ექიმის დანიშნულებით (იხ. „სპეციალური მითითებები“).
პრეპარატის 1 მლ = 20 წვეთს.
მიიღეთ ჭამის წინ.
წვეთები დამატკბობლების სახით შეიცავენ საქარინს და სორბიტოლს, რის გამოც მათი დანიშვნა შესაძლებელია შაქრიანი დიაბეტის მქონე პაციენტებში.
გვერდითი მოქმედება
პრეპარატის გამოყენებისას შეიძლება განვითარდეს შემდეგი გვერდითი ეფექტები:
ნერვული სისტემის მხრივ:
არც ისე ხშირად (0,1-1,0%): თავბრუსხვევა, ძილიანობა.
კუჭ-ნაწლავის ტრაქტის მხრივ:
არც ისე ხშირად (0,1-1,0%): გულისრევა, დიარეა.
კანის მხრივ:
იშვიათად (0,01-0,1%): გამონაყარი, ჭინჭრის ციება.
არასასურველი მოვლენის განვითარებისას, მათ შორის ისეთის, რომელიც არ არის მითითებული ამ ინსტრუქციაში, უნდა შეწყვიტოთ პრეპარატის გამოყენება და მიმართოთ ექიმს.
უკუჩვენებები
2 თვემდე ასაკის ბავშვები. მომატებული მგრძნობელობა პრეპარატის კომპონენტების მიმართ, ფრუქტოზას აუტანლობა (პრეპარატი შეიცავს სორბიტოლს, დამატკბობელს, რომლის მეტაბოლიზმის შედეგად წარმოიქმნება ფრუქტოზა). ამოსახველებელი საშუალების ერთდროული გამოყენება არარაციონალურია (იხ. „სპეციალური მითითებები“).
ურთიერთქმედება სხვა სამკურნალო საშუალებებთან
საჭიროა თავის არიდება ამოსახველებელი და მუკოლიზური საშუალებების ერთდროული გამოყენებისაგან (იხ. „სპეციალური მითითებები“).
ურთიერთქმედების სპეციალური კვლევები არ ჩატარებულა. ცენტრალურ ნერვულ სისტემაზე შესაძლო მოქმედების მექანიზმის გამო, არ არის გამორიცხული ცნს-ის დამთრგუნველი სხვა სამკურნალო საშუალებების, მათ შორის ეთანოლის შემცველი პრეპარატების, მოქმედების გაძლიერება.
სპეციალური მითითებები
ბუტამირატი აინჰიბირებს ხველის რეფლექსს, რის გამოც საჭიროა თავის არიდება ამოსახველებელი საშუალებების ერთდროული გამოყენებისაგან, რადგან ამან შეიძლება გამოიწვიოს სასუნთ გზებში ნახველის დაგროვება, რაც ზრდის ბრონქოსპაზმისა და სასუნთი გზების ინფექციების განვითარების რისკს. 2 წლამდე ასაკის ბავშვებში პრეპარატის გამოყენება შესაძლებელია მხოლოდ ექიმის დანიშნულებით.
თუ 7 დღის განმავლობაში მდგომარეობა არ უმჯობესდება ან სიმპტომები უარესდება ან/და აღინიშნება ცხელება, გამონაყარი ან მუდმივი თავის ტკივილი, საჭიროა ექიმთან მიმართვა სიმპტომების გამომწვევი ძირითადი მიზეზების დასადგენად.
შემადგენლობაში სორბიტოლის არსებობის გამო, წვეთები არ უნდა მიიღონ პაციენტებმა იშვიათი მემკვიდრეობითი დარღვევებით, რომლებიც დაკავშირებულია ფრუქტოზას აუტანლობასთან.
ეს სამკურნალო პროდუქტი შეიცავს ეთანოლს (2,81 მგ/მლ).
გამოიყენება ორსულობისა და ძუძუთი კვების დროს
ორსულობა. ცხოველებზე ჩატარებულ რეპროდუქციულ კვლევებში ნაყოფზე არასასურველი ზემოქმედება არ დაფიქსირებულა. ორსულ ქალებში კონტროლირებადი კვლევები არ ჩატარებულა. ამიტომ, სინეკოდი არ გამოიყენება ორსულობის დროს, უკიდურესად აუცილებელი შემთხვევების გარდა.
ლაქტაცია. დედის რძეში ბუტამირატის გამოყოფის შესახებ მონაცემების არარსებობის გამო, სინეკოდი არ უნდა იქნას გამოყენებული ლაქტაციის პერიოდში.
ზემოქმედება ავტომობილის მართვის ან მექანიზმების გამოყენების უნარზე. სამკურნალო საშუალებამ შეიძლება გამოიწვიოს დაღლილობა და გავლენა იქონიოს ავტომობილის ან მექანიზმების მართვის უნარზე.
ჭარბი დოზირება
პრეპარატის ჭარბი დოზით შემთხვევით გამოყენებისას შეიძლება განვითარდეს შემდეგი სიმპტომები: ძილიანობა, გულისრევა, წონასწორობის დაკარგვა, ღებინება, დიარეა, ჰიპოტენზია.
მკურნალობა: მკურნალობა ტარდება კლინიკური სიტუაციის მიხედვით. ნაჩვენებია ზოგადი შემანარჩუნებელი გადაუდებელი ზომების მიღება, დაკვირვება და საჭიროების შემთხვევაში ორგანიზმის სასიცოცხლო მნიშვნელობის ფუნქციების შენარჩუნება. სპეციალური ანტიდოტი არ არსებობს.
გამოშვების ფორმა
20 მლ მუქი შუშის ფლაკონში საწვეთურიანი დოზატორით და თავსახურით, რომელიც აღჭურვილია პირველი გახსნის კონტროლის სისტემით. ფლაკონი სამედიცინო გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
ინახება 30°C-ზე დაბალ ტემპერატურაზე. დაიცავით მაღალი ტემპერატურის ზემოქმედებისაგან.
ინახება ბავშვებისათვის მიუწვდომელ ადგილას.
ვარგისობის ვადა
3 წელი.
არ გამოიყენოთ შეფუთვაზე მითითებული ვარგისობის ვადის გასვლის შემდეგ.
აფთიაქიდან გაცემის წესი
ფარმაცევტული პროდუქტის ჯგუფი III, გაიცემა რეცეპტის გარეშე.