შვილიშვილი

ანოტაცია

1964 წლის ზაფხულში, აღმოსავლეთ ბერლინში გამართულ ახალგაზრდულ შეკრებაზე, რომელშიც ორად გაყოფილი ქალაქის ორივე ნაწილიდან მონაწილეობენ სტუდენტები, აღმოსავლეთ ბერლინელ ბირგიტსა და დასავლეთ ბერლინელ კასპარს ერთმანეთი შეუყვარდებათ. კასპარი ბირგიტს ყალბი საბუთებით დასავლეთ გერმანიაში გაქცევაში ეხმარება. მხოლოდ ბირგიტის ბუნდოვანებით მოცული სიკვდილის შემდეგ აღმოაჩენს უკვე სამოცდაათს მიტანებული კასპარი, რა საიდუმლოს ინახავდა მისი ცოლი, რა იყო ფასი, რო- მელიც მან სიყვარულისა და თავისუფლებისთვის გადაიხადა – ბირგიტს გდრ-ში რამდენიმე თვის ქალიშვილი დაუტოვებია. კასპარი ქალიშვილის ძებნას იწყებს; ძებნა კი წარსულში მოგზაურობად, ორად გახლეჩილი გერმანიის ძველ და ახალ ჭრილობებთან, აღმოსავლეთისა და დასავლეთის გაუცხოებისა და დაახლოების სიძნელეებთან შეხვედრად ექცევა. მის ცხოვრებაში უეცრად ჩნდება შვილიშვილი – თოთხმეტი წლის ზიგრუნი, რომელიც სრულიად სხვა, უცხო სამყაროში ცხოვრობს. კასპარი მოთმინებით ცდილობს გოგონას გაგებასა და მის გათავისუფლებას ყველაფერ უცხოსადმი მტრულად განწყობილი, მისთვის გაუგებარი მსოფლმხედველობისგან. თანამედროვეობის ერთ-ერთი ყველაზე ცნობილი და წარმატებული გერმანელი მწერლის, ბერნჰარდ შლინკის 2021 წელს დაწერილი „შვილიშვილი“ ავტორის მესამე რომანია „წამკითხველისა“ და „ოლგას“ შემდეგ, რომელსაც გამომცემლობა „ინტელექტი“ გამოსცემს.
 

ბერნჰარდ შლინკი

ბერჰნარდ შლინკი დაიბადა 1944 წლის 6 ივლის. Bethel-ში (გერმანია) გერმანელი მამის ედმუნდ შლინკის და შვეიცარიელი დედის ოჯახში.მისი მშობლები თეოლოგიას სწავლობდნენ მოგივნაბეით მამამ ნაცისტების გამო თეოლოგიის პროფესორის ადგილი დაკარგა,ამიტომ შემდგომში ის პასტორი გახდა.ორი წლიდან ბერჰნარდი აღსაზრდელად ჰეიდელბერგში გაუშვეს.ის სამართალს დასავლეთ ბერლინის თავისუფალ უნივერსიტეტში სწავლობდა.სწავლა 1968 წელს დაამთავრა. 1988 წელს შლინკი გახდა ფედერალური სახელმწიფოს საკონსტიტუციო სასამართლოს მოსამართლე ჩრდილოეთ რაინ-ვესტფალიაში. 1992 წელს კი საჯარო სამართალის და ფილოსოფიის პროფესორი გახდა ჰუმბოლდტის უნივერსიტეტში(ბერლინი,გერმანია). 2006 წელს ბერჰნარდი პროფესორობიდან გადადგა. შლინკი სამართალს ჰაიდელბერგსა და თავისუფალ უნივერისტეტში სწავლობდა.ის ბონის და იოჰან ვოლფგანგ გოეთეს უნივერსიტეტში პროფესორი იყო.მისი კარიერა,როგორც მწერლის რამდენიმე დეტექტიური რომანით დაიწყო.ერთ-ერთმა დეტექტივმა 1989 წელს მოიგო the Glauser-ის პრიზი. 1995 წელს ბერჰნარდ შლინკმა გამოუშვა რომანი სახელწოდებით “მკითხველი” (The Reader). წიგნის მოქმედება სამ ამბავზეა დაფუძნებული, ყოველი მათგანი მოხუცებული მიხაელ ბერგის მეხსიერებაში ცოცხლობს. პირველი ნაწილი 1950-ან წლებში ომის შემდეგ გერმანიაში ვითარდება, პროვინციურ ქალაქში, რომლის დასახელებაც არ არის ნახსენები(სავარაუდოდ ჰეიდელბერგში). მეორე ნაწილში –10 წლის შემდეგ – ამბავი ბერლინში ხდება, სადაც მიხაელი იურისპრუდენციას სწავლობდა. ხოლო ისტორიის დასკვნითი მესამე ნაწილი 1980 წელს ვითარდება. რომანი ერთ თინეიჯერ ბიჭზეა რომელსაც სასიყვარულო ისტორია აქვს გაბმული 21 წლით უფროს ქალთან.მოგვიანებით გაფრთხილების გარეშე ქალი უჩინარდება.მაიკლი ხდება სტუდენტი და სწავლობს იურესპრუდენციას.10 წლის შემდეგ ბიჭი მას ისევ ხვდება ოღონდ ამჯერად სასამართლოში.ის ომისდროინდელი დანაშაულების დამკვირვებელის სტატუსით იმყოფება სასამართლოზე. წიგნი გამოსვლისთანავე ბესტსელერი გახდა გერმანიასა და ამერიკის შეერთბულ შტატებში და 39 ენაზე ითარგმნა.ეს იყო პირველი გერმანული წიგნი რომელიც ამერიკაში ბესტსელერი გახდა. 1997 წელს წიგნმა მოიგო the Hans Fallada-ს პრიზი,გერმანული ლიტერატურული პრემია და the Prix Laure Bataillon-პრიზი. 1999 წელს გაზეთ “Die Welt”-ისგან მას მიენიჭა “Welt – Literaturpreis”-პრიზი. 2000 წელს შლინკმა გამოუშვა ახალი მოთხრობების კრებული რომელსაც “სიყვარულის ფრენები”უწოდა.