შუმი, ყვარელი, საფერავი, წითელი მშრალი ღვინო.

დახასიათება

ღვინო დამზადებულია საფერავის ჯიშის ყურძნისაგან, მოწეული კახეთში, ყვარლის მკაცრად კონტროლირებად მიკროზონაში, მდინარე ალაზნის მარცხენა სანაპიროზე ზღვის დონიდან 420მ. სიმაღლეზე გაშენებულ “შუმის" ვენახში „მადლიანი“. ღვინო მუქი ბროწეულისფერია, კარგად განვითარებული ბუკეტითა და სტრუქტურით. აქვს გამოხატული ჯიშური არომატი, მდიდარი შავი კენკრისა და სანელებლების ტონებით. მწიფე, ხავერდოვანი ტანინებით სავსე გემო და ხანგრძლივი, ინტენსიური დაბოლოება. სასურველია მიირთვათ: +16-18°C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.