შუმი, წინანდალი, სეპაჟი, თეთრი მშრალი ღვინო, 2020 წ.

დახასიათება

შუმის წინანდალი - თეთრი მშღალი ღვინო - დამზადებულია რქაწითელისა და მწვანეს ჯიშის ყურძნისაგან. მოწეულია კახეთში, წინანდლის მკაცრად კონტროლირებად მიკროზონაში, ვენახი მდებარეობს მდინარე ალაზნის მარჯვენა სანაპიროზე, ზღვის დონიდან 560 მ. სიმაღლეზე გაშენებულ “შუმის“ კუთვნილ, უმდიდრესი ნიადაგური შემცველობის მქონე "ვარდის მიწების” ვენახიდან. ღვინო არის ღია მომწვანო-მოყვითალო ფერის, მკვეთრად გამოხატული ციტრუსის ტონებით, ჰარმონიულად შერწყმული ტროპიკული ხილის არომატთან. სასურველია მიირთვათ +8-10 °C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.