შუმი, ფიროსმანი, საფერავი, წითელი ნახევრადმშრალი ღვინო.

დახასიათება

ეს წითელი ნახევრადმშრალი ღვინო დამზადებულია საფერავის ჯიშის ყურძნისაგან, მოწეული კახეთში, გურჯაანის რაიონში, მდინარე ალაზნის მარჯვენა სანაპიროზე, ზღვის დონიდან 500 მეტრის სიმაღლეზე გაშენებული ვენახებიდან. ღვინო არის მუქი ბროწეულისფერი, მდიდარი ჯიშური არომატითა და ალუბლის ტონებით, ღვინო არის ხალასი და სრული, ხოლო ნარჩენი შაქარი აძლევს მას პიკანტურ სირბილეს და განუმეორებელ არომატს, სასურველია მიირთვათ +14-16°C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.