შუმი, ნაფარეული, საფერავი, წითელი მშრალი ღვინო.

დახასიათება

ღვინო დამზადებულია ნაფარეულის მკაცრად კონტროლირებად მიკროზონაში მდებარე „შუმის“ კუთვნილ „დიდყურეს“ ვენახში მოწეული საფერავის ჯიშის ყურძნისაგან. ვენახი მდებარეობს მდინარე ალაზნის მარცხენა სანაპიროზე, ზღვის დონიდან 400მ. სიმაღლეზე. ღვინო არის მუქი ბროწეულისფერი, გამოხატული ჯიშური არომატით, როგორიცაა ალუბალი, შავი ქლიავი და კენკრა, ჰარმონიულად შერწყმული მუხის ტონებთან. ახასიათებს ხანგრძლივი დაბოლოება. ღვინო დავარგებულია ფრანგულ მუხის კასრებში. აქვს დაბალანსებული, ხავერდოვანი და სასიამოვნო გემო. სასურველია მიირთვათ +16-18°C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.