შუმი, ილერკო, საფერავი, წითელი მშრალი ღვინო.

დახასიათება

წითელი მშრალი ღვინო - დამზადებული 100%-ით საფერავის ჯიშის ყურძნისგან, კულტივირებული მუკუზნის მკაცრადკონტროლირებად მიკროზონაში, შუმის კუთვნილ ვენახში „ილერკო“. ხარისხის გასაუმჯობესებლად ვენახს უტარდება მწვანე რთველის მეთოდი. დუღილი მიმდინარეობს ველურ საფუარზე, შემდეგ კი ღვინო განაგრძნობს დავარგებას 7 თვის განმავლობაში ფრანგული მუხის კასრებში. ბოთლებში ჩამოსხმის შემდეგ ღვინო კიდევ 1 წელი განაგრძობს დაძველებას ბოთლებში. ღვინო არის ინტენსიური ლალისფერი, მდიდარი და გამოკვეთილი ბუკეტით. ღვინოში მკვეთრად იგრძნობა სანელებლებისა და კვამლის არომატი, კარგად შერწყმული ჯიშურ, შავი მოცხარის, შავი პილპილისა და მწიფე ალუბლის არომატებს. გემოდაბალანსებულია, მდიდარი და ხავერდოვანი ტანინებით, ცოცხალი მჟავიანობითა და ძლიერი ექსტრაქტით, ხანგრძლივი და ჰარმონიული დაბოლოებით.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.