შენიანი, საფერავი, წითელი მშრალი ღვინო, 2020 წ.
33.00
₾მახასიათებლები
სპეციფიკაციები
აღწერა
დახასიათება
ვაჟა გეთიაშვილის საფერავს კვალიფიციური მეღვინის გამოცდილებისა და საოჯახო ტრადიციების ჰარმონიული შერწყმა გამოარჩევს. მის შექმნაში პროფესიონალის სიზუსტე ისტორიული მეხსიერებასთან და ალღოსთანაა შეწყვილებული. ცნობილი მევენახე-მეღვინისთვის მეცნიერებასა და ტრადიციას შორის მხოლოდ პირობითი ზღვარია. მისივე სიტყვებით რომ ვთქვათ, ცნობილმა ქართველმა მევენახე-მეღვინეებმა ინფორმაცია უცნობი გლეხებისგან მოაგროვეს და სამეცნიერო ლიტერატურად აქციეს. ამიტომ კლასიკური ქართული ღვინო ტრადიციული ღვინოა და თქვენც სწორედ ასეთი, კლასიკური საფერავი გაქვთ ხელში, რომელიც თქვენამდე ნატურალური მევენახეობისა და მეღვინეობის წესების დაცვით მოვიდა, ვენახის დარგვიდან ამ წუთამდე.
ბრენდის ისტორია
ვაჟა გეთიაშვილმა მეღვინეობის თითქმის ნახევარსაუკუნოვანი გამოცდილება თავიდანვე ორი ხაზით განავითარა - ინდუსტრიული და საოჯახო. მასობრივი ღვინოების წარმოების პარალელურად, თავიდანვე ორიენტირებული იყო მონოკულტურებში გაბნეული იშვიათი კახური ჯიშების მოძიებაზე და მათგან ტრადიციული, სახელობითი ღვინოების დამზადებაზე. ბოლოს საერთოდ უარი თქვა ქარხნულ ღვინოზე და 2011 წელს საავტორო რქაწითელი ჩამოასხა. ასე შეიქმნა ერთ-ერთი პირველი საოჯახო მარანი გარე კახეთში, რომელმაც ბუნებრივი ღვინის ბოთლში ჩამოსხმა დაიწყო. მიუხედავად იმისა, რომ დღეს ვაჟა გეთიაშვილის მარანში 10-ზე მეტი იშვიათი ჯიშის ყურძენი იწურება, ვაჟა გეთიაშვილის ხელწერა და სული ყველაზე მეტად ამ ღვინოშია. მის საქმეს დღეს მეუღლე და შვილები აგრძელებენ, ვაჟას ღვინოებს კი უკვე ბევრ ქვეყანაში იცნობენ.