შატო მუხრანი, ქვევრი, წითელი მშრალი ღვინო, 2018 წ.

დახასიათება

მრავალათასწლიანი ქართული ტრადიციული მეღვინეობის მეთოდის კვალდაკვალ შატო მუხრანში ვცდილობთ, შევქმნათ ქართლის ქვევრის ღვინის ჩვენებური სტილი, რომელიც ხაზს უსვამს ჩვენივე მეღვინეობის ფილოსოფიას და ასახავს ქართული კულტურის გამორჩეულობას. ქვევრის ეს ღვინო, საფერავისა და კაბერნე სოვინიონის კომბინაციაა, რომელსაც მისი წარმოშობისა და ნამდვილი არომატების ხაზგასასმელად გავლილი აქვს ბუნებრივი დუღილი, 18 თვე დავარგებულია მუხის კასრში და გაუფილტრავადაა ჩამოსხმული. გამომშრალი მცენარეების, შავი ხილისა და სანელებლების რბილი და დელიკატური არომატების თანხვედრა. ხასიათდება დაბალანსებული სავსე სხეულითა და შესანიშნავი ტანინების სასიამოვნო ხაგრძლივი დაბოლოებებით.

ბრენდის ისტორია

გემოვნებისა და ტრადიციების კანონმდებელი, საერთაშორისო გამოფენა-დეგუსტაციების ლიდერი, იმპერატორთა და არისტოკრატთა წვეულებების მშვენება - "შატო მუხრანის" ღვინო, რომელიც XIX საუკუნეში უმაღლეს საფეხურზე აიყვანა ივანე მუხრანბატონმა, ყოველთვის ღირსეულ კონკურენციას უწევდა მსოფლიოს საუკეთესოდ აღიარებულ ღვინოებს. დღეს ამ ტრადიციის გამგრძელებელია კომპანია "შატო მუხრანი", რომლის მიერ წარმოებული უმაღლესი სტანდარტის ღვინოები უკვე ამშვენებს მსოფლიოს სხვადასხვა ქვეყნის პრესტიჟულ მაღაზიებსა და რესტორნებს. იდეალური ხარისხის ადგილობრივმა მოსავალმა, უახლესმა აღჭურვილობამ, უნიკალურმა მდებარეობამ და მაღალმა პროფესიონალიზმმა "შატო მუხრანს" ქართული ღვინის სახელის აღორძინების გარანტირებული შესაძლებლობა მიანიჭა მსოფლიო მასშტაბით. თუ ერთხელ მაინც მოინახულებთ "შატო მუხრანის" სასახლეს, ბაღს, უნიკალურ სარდაფებს, საჯინიბოს, წარმოებასა და ვენახებს, შეუდარებელი მუხრანული ღვინით ერთხელ მაინც შესვამთ სიცოცხლისა და სიყვარულის სადღეგრძელოს, ბუნებრივად გახდებით მომავალი მასპინძელი სხვა ქართველი თუ უცხოელი სტუმრებისთვის, რომლებსაც ბაგრატიონთა ისტორიის ლაბირენთებში არაჩვეულებრივ ქართულ ღვინოსთან ერთად დაუვიწყარი შთაბეჭდილებები ელოდებათ!