შატო მუხრანი, ქინძმარაული, წითელი ნახევრადტკბილი ღვინო, 2021 წ.

დახასიათება

საფერავი არის ქართული ენდემური ჯიში, რომელსაც აქვს ყველა ის მახასიათებელი, რომლითაც იგი უტოლდება მსოფლიოს ყველა წამყვან წითელ ჯიშს. მაყვლისა და მწიფე ალუბლის არომატები შერწყმულია პილპილის პიკანტურ ტონთან. ინტენსიური ჯიშური გემო დამშვენებულია ხავერდოვანი ტანინური კომპლექსით, სხეულის მთლიანობით და ჰარმონიულობით. ღვინო რეკომენდებულია, მიირთვათ შემწვარ ხორცთან, მსუბუქ დესერტებთან და ხილთან.

ბრენდის ისტორია

გემოვნებისა და ტრადიციების კანონმდებელი, საერთაშორისო გამოფენა-დეგუსტაციების ლიდერი, იმპერატორთა და არისტოკრატთა წვეულებების მშვენება - "შატო მუხრანის" ღვინო, რომელიც XIX საუკუნეში უმაღლეს საფეხურზე აიყვანა ივანე მუხრანბატონმა, ყოველთვის ღირსეულ კონკურენციას უწევდა მსოფლიოს საუკეთესოდ აღიარებულ ღვინოებს. დღეს ამ ტრადიციის გამგრძელებელია კომპანია "შატო მუხრანი", რომლის მიერ წარმოებული უმაღლესი სტანდარტის ღვინოები უკვე ამშვენებს მსოფლიოს სხვადასხვა ქვეყნის პრესტიჟულ მაღაზიებსა და რესტორნებს. იდეალური ხარისხის ადგილობრივმა მოსავალმა, უახლესმა აღჭურვილობამ, უნიკალურმა მდებარეობამ და მაღალმა პროფესიონალიზმმა "შატო მუხრანს" ქართული ღვინის სახელის აღორძინების გარანტირებული შესაძლებლობა მიანიჭა მსოფლიო მასშტაბით. თუ ერთხელ მაინც მოინახულებთ "შატო მუხრანის" სასახლეს, ბაღს, უნიკალურ სარდაფებს, საჯინიბოს, წარმოებასა და ვენახებს, შეუდარებელი მუხრანული ღვინით ერთხელ მაინც შესვამთ სიცოცხლისა და სიყვარულის სადღეგრძელოს, ბუნებრივად გახდებით მომავალი მასპინძელი სხვა ქართველი თუ უცხოელი სტუმრებისთვის, რომლებსაც ბაგრატიონთა ისტორიის ლაბირენთებში არაჩვეულებრივ ქართულ ღვინოსთან ერთად დაუვიწყარი შთაბეჭდილებები ელოდებათ!