შაბო გრანდ რეზერვი, შარდონე & სოვინიონ ბლანი, თეთრი მშრალი ღვინო, 2015 წ.

დახასიათება

ეს თეთრი მშრალი ღვინო შარდონესა და სოვინიონ ბლანის ჯიშის ყურძნებისგანაა დამზადებული. გამოირჩევა ატმის, შავი მოცხარისა და ყვავილების არომატით, გემო კი დაბალანსებულია, სასიამოვნო სიცხარითა და გრძელვადიანი ფინიშით.

ბრენდის ისტორია

შაბოს ბრენდის ისტორია სათავეს იღებს 1822 წლიდან და დღესდღეობით წარმოადგენს ყველაზე ძველ მეღვინეობას ქალაქ ოდესაში, უკრაინაში. მეღვინეობის კულტურის განვითარება ოდესის რეგიონში სწორედ სოფელ შაბოში გადასახლებულმა შვეიცარიელებმა დაიწყეს. 2003 წლიდან შაბოს საწარმოს მფლობელი გახდა ქართული ფესვების მქონე ოჯახი და მათ მიერ ბრენდის განვითარება დღესაც გრძელდება. ამჟამად კომპანია შაბოს საკუთრებაშია 1200 ჰექტარი ვენახები, სადაც 20-ზე მეტი სახეობის ვაზის ჯიშია გაშენებული. შაბო აერთიანებს რამდენიმე ქარხანას: ღვინის, ცქრიალა ღვინის, ბრენდისა და არყის წარმოებისთვის. შაბო უკრაინაში ნომერ პირველი ალკოჰოლის მწარმოებელი ბრენდია და ამავდროულად 20-ზე მეტ ქვეყანაში გადის ექსპორტზე, მათ შორის საქართველოში. შაბოს დევიზი არის ხარისხი, რაც დასტურდება საერთაშორისო კონკურსებზე მიღებული უამრავი ჯილდოთი.