Shabo, Grand Cru, კაბერნე სოვინიონი, წითელი მშრალი, 2014 წ.

დახასიათება

Vaja Grand Cru Wine Grande Reserve - კაბერნე გრანდ რეზერვის ღვინო „ვაჟა გრანდ კრუ“ არის კომპანია „შაბოს“ დამფუძნებლის, ვაჟა იუკურიძის პირადი არჩევნის განსახიერება. დამზადებულია ფრანგული ჯიშის კაბერნე სოვინიონისგან, რომელიც მოკრეფილია ხელით უნიკალური შაბო ტერუარის საუკეთესო მიკრო ნაკვეთებიდან. ყურძენი გადის სამჯერ დახარისხებას, მხოლოდ საუკეთესო ხარისხის მარცვლების შესარჩევად. ეს არის ინტენსიური ლალისფერი შეფერილობის ღვინო, მწიფე ხილის მდიდარი არომატითა და მშვენივრად ინტეგრირებული მუხის ტონებით.

ბრენდის ისტორია

შაბოს ბრენდის ისტორია სათავეს იღებს 1822 წლიდან და დღესდღეობით წარმოადგენს ყველაზე ძველ მეღვინეობას ქალაქ ოდესაში, უკრაინაში. მეღვინეობის კულტურის განვითარება ოდესის რეგიონში სწორედ სოფელ შაბოში გადასახლებულმა შვეიცარიელებმა დაიწყეს. 2003 წლიდან შაბოს საწარმოს მფლობელი გახდა ქართული ფესვების მქონე ოჯახი და მათ მიერ ბრენდის განვითარება დღესაც გრძელდება. ამჟამად კომპანია შაბოს საკუთრებაშია 1200 ჰექტარი ვენახები, სადაც 20-ზე მეტი სახეობის ვაზის ჯიშია გაშენებული. შაბო აერთიანებს რამდენიმე ქარხანას: ღვინის, ცქრიალა ღვინის, ბრენდისა და არყის წარმოებისთვის. შაბო უკრაინაში ნომერ პირველი ალკოჰოლის მწარმოებელი ბრენდია და ამავდროულად 20-ზე მეტ ქვეყანაში გადის ექსპორტზე, მათ შორის საქართველოში. შაბოს დევიზი არის ხარისხი, რაც დასტურდება საერთაშორისო კონკურსებზე მიღებული უამრავი ჯილდოთი.