Satrapezo 10 Qvevri, რქაწითელი, თეთრი მშრალი ღვინო.

დახასიათება

Satrapezo 10 Qvevri გახლავთ თეთრი მშრალი ღვინო, რომელიც მზადდება 100%-ით ქართული ყურძნის ჯიშისგან - რქაწითელისგან. მას აქვს მსხლისა და ატმის მურაბის გამოხატული არომატი, რომელიც შეზავებულია დარიჩინის, ვარდის ფოთლის და შებრაწული ნუშის სურნელთან. ღვინო სრულსხეულიანია, გამოხატული მინერალური გემოთი, მსხლის და გარგარის ჩირის არომატით, შერწყმული ტკბილი სანელებლების, ვანილის და ქოქოსის კაკლის მსუბუქ ტონებთან. საბოლოოო დაგემოვნება ხანგრძლივი და ხავერდოვანია, რბილი და მწიფე ტანინების ფონზე.

ბრენდის ისტორია

კავკასიონისა და ცივ-გომბორის მთაგრეხილებს შორის, ალაზნის ზღაპრულ ველზე, მდებარეობს მეღვინეობის უძველესი რეგიონი – კახეთი, საკუთარი ენოლოგიური ტრადიციებით, ისტორიით, საქართველოში ყველაზე დიდი და მრავალფეროვანი მევენახეობის კონტროლირებადი ზონებითა და მაღალი ხარისხის ღვინის წარმოებისათვის იდეალური პირობებით. ალაზნის ველის ცენტრალურ ნაწილში მდებარეობს კახეთში სიდიდითა და მნიშვნელობით პირველი ქალაქი – თელავი. 1915 წელს სწორედ ამ ქალაქის მახლობლად, ჩრდილო-აღმოსავლეთით, დაარსდა თელავის ღვინის მარანი. საუკუნეზე მეტია, რაც ჩვენს მარანში ისტორია და ინოვაცია ერთმანეთთანაა გადაჯაჭვული. ვინარჩუნებთ რა კახეთის მეღვინეობის ტრადიციებისადმი ერთგულებას, ფეხს ვუწყობთ თანამედროვეობას და ჩვენს ისტორიულ გამოცდილებასთან მეღვინეობის უახლესი მეთოდების ადაპტაციით ვქმნით ღვინოებს, რომლებიც სიამოვნებას ანიჭებს ყველაზე დახვეწილი გემოვნების მქონე მომხმარებელს მსოფლიოს მრავალ ქვეყანაში. თელავის ღვინის მარანის ღვინოებში განსხეულებულია ქართული მეღვინეობა-მევენახეობის ინდივიდუალობა, მრავალსახეობა და ჩვენი მისწრაფება - საუკეთესოდ წარმოვაჩინოთ ადგილობრივი ყურძნის ჯიშების მრავლფეროვნების, კლიმატური პირობებისა და ნიადაგების გამორჩეული თანაფარდობა.