სანგი - Sangi 5მგ 30 ტაბლეტი

სანგი 

5 მგ აპკიანი გარსით დაფარული ტაბლეტები

მიიღება პერორალურად

• აქტიური ინგრედიენტი: თითოეული აპკიანი გარსით დაფარული ტაბლეტი შეიცავს 5 მგ ლინაგლიპტინს.

• შემავსებლები:  მანიტოლი, პრეჟელატინიზებული სახამებელი (სიმინდი), კოპოვიდონი, მაგნიუმის სტეარატი, ოპადრაი 02F240047 ვარდისფერი [ჰიდროქსიპროპილმეთილ ცელულოზა (E464), ტიტანის დიოქსიდი (E171), ტალკი (E553b), მაკროგოლი / PEG21 (E1521), რკინის წითელი ოქსიდი  E172)]

ამ პრეპარატის გამოყენების დაწყებამდე ყურადღებით წაიკითხეთ ეს ბროშურა,, რადგან ის შეიცავს თქვენთვის მნიშვნელოვან ინფორმაციას.

• შეინახეთ ეს ბროშურ, შეიძლება დაგჭირდეთ მოგვიანებით წაკითხვა.

• თუ თქვენ გაქვთ დამატებითი შეკითხვები, გთხოვთ, მიმართოთ თქვენს ექიმს ან ფარმაცევტს.

• ეს პრეპარატი გამოწერილია პირადად თქვენთვის, არ მისცეთ ის სხვებს.

• აცნობეთ თქვენს ექიმს, რომ იყენებთ ამ პრეპარატს, თუ ეწვიეთ ექიმს ან საავადმყოფოს მისი გამოყენების განმავლობაში.

• მკაცრად დაიცავით ამ ბროშურაშიი წარმოდგენილი ინსტრუქციები. ამ მედიკამენტისთვის არ გამოიყენოთ უფრო მაღალი ან დაბალი დოზა, ვიდრე რეკომენდებულია თქვენთვის/თქვენი შვილისთვის

რა არის მოცემული ამ ბროშურაში:
1.  რა არის სანგი და რისთვის გამოიყენება

2.  რა უნდა იცოდეთ სანგის მიღებამდე

3.  როგორ ინახება სანგი

4.  შესაძლო გვერდითი ეფექტები

5.   როგორ ინახება სანგი

საკითხებია მოცემული.

1.  რა არის სანგი და რისთვის გამოიყენება

სანგი შეიცავს აქტიურ ნივთიერებას სანგის, რომელიც მიეკუთვნება მედიკამენტების ჯგუფს სახელწოდებით „დიაბეტის საწინააღმდეგო ორალური საშუალებები“. ორალური ანტიდიაბეტური საშუალებები გამოიყენება სისხლში შაქრის მაღალი დონის სამკურნალოდ. ისინი მუშაობენ ორგანიზმისთვის სისხლში შაქრის დონის შემცირების დახმარებისთვის. 

სანგი გამოიყენება "მე-2 ტიპის დიაბეტის" დროს მოზრდილებში, თუ დაავადების ადეკვატურად კონტროლი შეუძლებელია ერთი პერორალური ანტიდიაბეტური მედიკამენტით (მეტფორმინი ან სულფონილშარდოვანა) ან მხოლოდ დიეტით და ვარჯიშით.  სანგი შეიძლება გამოყენებულ იქნას სხვა ანტიდიაბეტურ პრეპარატებთან ერთად, მაგ. მეტფორმინი, სულფონილშარდოვანას პრეპარატები (მაგ. გლიმეპირიდი, გლიპიზიდი), ემპაგლიფლოზინი ან ინსულინი.

მნიშვნელოვანია დაიცვათ ექიმის ან ექთნის მიერ მოცემული რჩევა დიეტისა და ვარჯიშის შესახებ.

სანგი არის ვარდისფერი, მრგვალი, ორმხრივამოზნექილი აპკიანი გარსით დაფარული ტაბლეტი, ამოტვიფრული "L" ერთ მხარეს და ნაბეჭდის გარეშე მეორე მხარეს.

სანგი ბაზარზე წარმოდგენილია ბლისტერულ შეფუთვაში, რომელიც შეიცავს 30 შემოგარსულ  ტაბლეტს. 

2.  რა უნდა იცოდეთ სანგის მიღებამდე

არ მიიღოთ სანგი
არ გამოიყენოთ სანგი თუ გაქვთ მომატებული მგრძნობელობა (ალერგია) ლინაგლიპტინის ან ამ პრეპარატის რომელიმე დამხმარე ნივთიერების მიმართ. დამხმარე ნივთიერებები მოცემულია ამ ჩანართის დასაწყისში.

სანგი ფრთხილად გამოიყენეთ შემდეგ სიტუაციებში:

თუ თქვენ:

• გაქვთ 1-ელი ტიპის დიაბეტი (თქვენი ორგანიზმი არ გამოიმუშავებს ინსულინს) ან დიაბეტური კეტოაციდოზი (დიაბეტის გართულება სისხლში შაქრის მაღალი შემცველობით, წონის სწრაფი დაკლებით, გულისრევით ან ღებინება). სანგი არ უნდა იქნას გამოყენებული ამ პირობების სამკურნალოდ.

• თუ იღებთ ანტიდიაბეტურ პრეპარატს, რომელიც ცნობილია როგორც „სულფონილშარდოვანა“ (მაგ. გლიმეპირიდი, გლიპიზიდი), თქვენმა ექიმმა შეიძლება მოისურვოს სულფონილშარდოვანას დოზის შემცირება სანგისთნ ერთად მიღებისას, რათა თავიდან აიცილოთ სისხლში შაქრის ძალიან დაქვეითება.

• გქონიათ ალერგიული რეაქციები სხვა მედიკამენტებზე, რომლებსაც იღებთ სისხლში შაქრის რაოდენობის გასაკონტროლებლად.

• გაქვთ ან გქონდათ პანკრეასის დაავადება.

თუ გაქვთ მწვავე პანკრეატიტის სიმპტომები, როგორიცაა მუდმივი, ძლიერი კუჭის ტკივილი (მუცლის ტკივილი), უნდა მიმართოთ ექიმს.

თუ აღგენიშნებათ კანის ბუშტუკები, ეს შეიძლება იყოს დაავადების ნიშანი, რომელსაც ეწოდება ბულოზური პემფიგოიდი. ექიმმა შეიძლება მოგთხოვოთ შეწყვიტოთ სანგი.

სახსრების ძლიერი ტკივილი განვითარდა DPP-4 ინჰიბიტორების პრეპარატების  გამოყენებისას, თუმცა არ იყო მოხსენებული სანგის გამოყენებისას. როდესაც თქვენ შეხვდებით ასეთ სიტუაციას, ექიმმა შეიძლება შეცვალოს თქვენი პრეპარატი.

კანის დიაბეტური დაზიანებები დიაბეტით დაავადებულთა საერთო დაავადებაა. ამ მიზეზით, ძალიან ფრთხილად უნდა დაიცვათ თქვენი ექიმის რეკომენდაციები კანისა და ფეხის მოვლის შესახებ.

თუ ეს გაფრთხილებები გეხებათ თქვენ, თუნდაც წარსულში გეხებოდათ ნებისმიერ დროს, გთხოვთ, მიმართოთ ექიმს.

სანგის გამოყენება საკვებთან და სასმელთან ერთად

სანგის მიღება შესაძლებელია საკვებთან ერთად ან მის გარეშე.

ორსულობა

ამ მედიკამენტის გამოყენებამდე მიმართეთ თქვენს ექიმს ან ფარმაცევტს.

თუ ორსულად ხართ, ფიქრობთ, რომ შეიძლება იყოთ ორსულად ან გეგმავთ დაორსულებას, გთხოვთ ამ პრეპარატის გამოყენებამდე აცნობოთ ექიმს.

უცნობია აქვს თუ არა სნგის რაიმე მავნე ზეგავლენა არ დაბადებულ ბავშვზე. ამიტომ, თუ ორსულად ხართ, უნდა მოერიდოთ სანგის გამოყენებას.

თუ მკურნალობის დროს მიხვდებით, რომ ორსულად ხართ, დაუყოვნებლივ მიმართეთ ექიმს ან ფარმაცევტს.

ძუძუთი კვება

უცნობია გადადის თუ არა სანგი დედის რძეში. თქვენმა ექიმმა უნდა გადაწყვიტოს, გააგრძელოს ძუძუთი კვება, შეწყვიტოს ან დაიწყოს სანგით თერაპია.

ამ მედიკამენტის გამოყენებამდე მიმართეთ თქვენს ექიმს ან ფარმაცევტს.

ავტომობილის მართვა და მექანიზმების გამოყენება
სანგის არ აქვს ან აქვს უმნიშვნელო გავლენა ავტომობილის მართვისა და მექანიზმების მართვის უნარზე.

სულფონილშარდოვანას და/ან ინსულინთან ერთად სანგის მიღებამ შეიძლება გამოიწვიოს სისხლში შაქრის ზედმეტად დაბალი დონე (ჰიპოგლიკემია), რამაც შეიძლება გავლენა მოახდინოს ავტომობილისა და მექანიზმების მართვის უნარზე ან მუშაობაზე უსაფრთხო ადგილის გარეშე. თუმცა, შეიძლება რეკომენდებული იყოს სისხლში გლუკოზის უფრო ხშირი ტესტირება ჰიპოგლიკემიის რისკის შესამცირებლად, განსაკუთრებით მაშინ, როდესაც სანგი კომბინირებულია სულფონილშარდოვანასთან და/ან ინსულინთან.

სხვა მედიკამენტები და სანგი
 
აცნობეთ ექიმს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები.

კერძოდ, უნდა აცნობოთ ექიმს, თუ იყენებთ პრეპარატებს, რომლებიც შეიცავს რომელიმე შემდეგ აქტიურ ნივთიერებას:

• კარბამაზეპინი, ფენობარბიტალი ან ფენიტოინი. ისინი შეიძლება გამოყენებულ იქნას კრუნჩხვების (გულყრის) ან ქრონიკული ტკივილის გასაკონტროლებლად.

• რიფამპიცინი. ეს არის ანტიბიოტიკი, რომელიც გამოიყენება ინფექციების სამკურნალოდ, როგორიცაა ტუბერკულოზი.

თუ ამჟამად იყენებთ ან ცოტა ხნის წინ იყენებდით რაიმე რეცეპტით ან ურეცეპტოდ გაცემულ მედიკამენტს, გთხოვთ აცნობოთ მათ შესახებ თქვენს ექიმს ან ფარმაცევტს.

3.  როგორ გამოიყენება სანგი

ყოველთვის მიიღეთ ეს პრეპარატი ზუსტად ისე, როგორც ექიმმა გითხრათ. თუ არ ხართ დარწმუნებული, მიმართეთ თქვენს ექიმს ან ფარმაცევტს.

სანგის რეკომენდებული დოზაა ერთი 5 მგ ტაბლეტი დღე-ღამეში ერთხელ. შეგიძლიათ ეს პრეპარატი მიიღთ უზმოზე ან საკვებთან ერთად.

ექიმმა შეიძლება  სანგი დაგინიშნოთ სხვა ორალურ ანტიდიაბეტურ პრეპარატთან ერთად. დაიმახსოვრეთ, რომ მიიღოთ ყველა მედიკამენტი თქვენი ჯანმრთელობისთვის საუკეთესო შედეგების მისაღწევად.

სხვადასხვა საკობრივი ჯგუფები:

გამოყენება ბავშვებში და მოზარდებში:

18 წლამდე ასაკის ბავშვებში და მოზარდებში სანგის გამოეყნება რეკომენდებული არ არის. 

გამოყენება ხანდაზმულებში:

ასაკზე დაფუძნებული დოზის კორექცია საჭირო არ არის.

განსაკუთრებული გამოყენების შემთხვევები:

თირკმლის უკმარისობა

თირკმლის უკმარისობით დაავადებულ პაციენტებში დოზის კორექცია საჭირო არ არის.

ღვიძლის უკმარისობა

ამ პაციენტებში კლინიკური გამოცდილება არ არსებობს.

თუ გაქვთ შთაბეჭდილება, რომ სანგის ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.

თუ მიიღეთ საჭიროზე მეტი სანგი
თუ მიიღეთ საჭიროზე მეტი სანგი, დაუყოვნებლივ მიმართეთ ექიმს ან ფარმაცევტს.

თუ დაგავიწყდათ სანგის მიღება
თუ დაგავიწყდათ სანგის დოზის მიღება, მიიღეთ იგი როგორც კი გაგახსენდებათ. თუმცა, თუ     

მოახლოებულია შემდეგი დოზის მიღების დრო, გამოტოვეთ გამოტოვებული დოზა.  

გამოტოვებულის  ასანაზღაურებლად არ მიიღოთ ორმაგი დოზა. არასოდეს მიიღოთ ორი დოზა იმავე დღეს.

თუ წყვეტთ სანგის გამოყენებას
არ შეწყვიტოთ სანგის მიღება ექიმთან წინასწარი კონსულტაციის გარეშე. თქვენი სისხლში შაქრის დონე შეიძლება გაიზარდოს, როდესაც შეწყვეტთ სანგის მიღებას.

თუ თქვენ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან ექთანს. 

4.  შესაძლო გვერდითი ეფექტები

ყველა მედიკამენტის მსგავსად, შეიძლება იყოს გვერდითი მოვლენები იმ ადამიანებში, რომლებიც მგრძნობიარეა სანგიში შემავალი ნივთიერებების მიმართ. თუმცა, ეს გვერდითი მოვლენები არ აღენიშნება ყველას, ვინც მას იყენებს.

თუ ჩამოთვლილთაგან რომელიმე მოხდა, შეწყვიტეთ სანგის გამოყენება და დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას

·კანკალი, ოფლიანობა, შფოთვა, მხედველობის დაბინდვა, ტუჩების კანკალი, სიფერმრკთალე, ქცევის ცვლილებები ან დაბნეულობა. ეს სიმპტომები ვლინდება სისხლში შაქრის დაბალი დონის (ჰიპოგლიკემიის) შემთხვევაში. ჰიპოგლიკემია არის გვერდითი მოვლენა, რომელიც აღინიშნება ლინაგლიპტინის მეტფორმინთან და სულფონილშარდოვანასთან ერთად გამოყენებისას. მისი სიხშირე განისაზღვრება, როგორც „ძალიან ხშირი“ (შეიძლება აღენიშნებოდეს 10-დან 1-ზე მეტ ადამიანს).

·ზოგიერთ პაციენტში განვითარდა მძიმე ალერგიული ეფექტები (მომატებული მგრძნობელობა; სიხშირე: ნაკლებად ხშირი, შეიძლება განვითარდეს 100-დან 1 ადამიანში) როდესაც ლინაგლიპტინი გამოიყენებოდა ცალკე ან სხვა პრეპარატებთან ერთად, რომლებიც გამოიყენება დიაბეტის სამკურნალოდ. ეს ალერგიული ეფექტები მოიცავს ხიხინს და ქოშინს (ბრონქული ჰიპერაქტიურობა; სიხშირე: უცნობია, ანუ არ შეიძლება შეფასდეს არსებული მონაცემებით). ზოგიერთ პაციენტში აღინიშნებოდა კანის გამონაყარი (სიხშირე: ნაკლებად ხშირი), ურტიკარია (ჭინჭრის ციება; სიხშირე: იშვიათი, შეიძლება აღენიშნებოდეს 1000-დან 1 ადამიანს) და სახის, ტუჩების, ენის და ყელის შეშუპება (ანგიონევროზული შეშუპება; სიხშირე: იშვიათი).

თუ თქვენ გაქვთ ერთ-ერთი ასეთი, ეს ნიშნავს, რომ თქვენ გაქვთ სერიოზული ალერგია სანგიზე. ამ შემთხვევაში, შეწყვიტეთ სანგის გამოყენება და დაუყოვნებლივ მიმართეთ ექიმს. შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია. თქვენმა ექიმმა შეიძლება მოგცეთ მედიკამენტი ამ ალერგიული ეფექტების სამკურნალოდ და შესაძლოა შეცვალოს პრეპარატი, რომელსაც თქვენი დიაბეტის სამკურნალოდ იყენებთ.

·პანკრეასის ანთება (პანკრეატიტი; სიხშირე: იშვიათი, რომელიც შეიძლება აღენიშნებოდეს 1000-დან 1 ადამიანს) დაფიქსირდა ზოგიერთ პაციენტში, როდესაც ლინაგლიპტინი გამოიყენებოდა ცალკე ან სხვა სამკურნალო საშუალებებთან ერთად დიაბეტის სამკურნალოდ. თუ შეამჩნევთ რომელიმე ქვემოთ ჩამოთვლილ სერიოზულ გვერდით მოვლენას, შეწყვიტეთ სანგის გამოყენება და დაუყოვნებლივ მიმართეთ ექიმს: თუ გაქვთ ძლიერი და მუდმივი მუცლის ტკივილი (კუჭის ირგვლივ), რომელიც გადაეცემა ზურგში, ასევე გულისრევა და ღებინება. ეს სიმპტომები შეიძლება ნიშნავს, რომ თქვენი პანკრეასი არის ანთებითი (პანკრეატიტი). 

ეს ყველაფერი ძალიან სერიოზული გვერდითი ეფექტებია.

აცნობეთ თქვენს ექიმს, თუ შენიშნავთ რომელიმე ქვემოთ ჩამოთვლილთაგანს:

შემდეგი გვერდითი მოვლენები განვითარდა ზოგიერთ პაციენტში, რომლებიც იღებდნენ ლინაგლიპტინს ცალკე ან სხვა პრეპარატებთან ერთად, რომლებიც გამოიყენება დიაბეტის სამკურნალოდ:

·ხშირი (10 პაციენტიდან 1-ზე ნაკლები, მაგრამ 100 პაციენტში 1-ზე მეტი)

- სისხლში ლიპაზას დონის მომატება

ნაკლებად ხშირი (ზემოქმედებს 100 პაციენტში 1-ზე ნაკლებზე, მაგრამ 1000-დან 1-ზე მეტ პაციენტზე):

- ცხვირის ან ყელის ანთება (ნაზოფარინგიტი),

- ხველა

- ყაბზობა (ინსულინის გამოყენებისას)

- სისხლში ამილაზას დონის მომატება

·იშვიათი (1000 პაციენტიდან 1-ზე ნაკლები, მაგრამ 10000-დან 1-ზე მეტი):

- ბუშტები კანზე (ბულოზური პემფიგოიდი)

5.  როგორ ინახება სანგი

სანგი შეინახეთ მის შეფუთვაში და ბავშვებისთვის მიუწვდომელ ადგილას.

გამოიყენეთ ვარგისიანობის ვადის შესაბამისად

სანგი არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

ვარგისიანობის ვადა არის მითითებული თვის ბოლო დღე.

შეინახეთ 25ºC-ზე დაბალ ტემპერატურაზე.

თუ შეამჩნევთ დეფექტს პროდუქტზე და/ან შეფუთვაზე, არ გამოიყენოთ სანგი. 

სანგი არ გადაყაროთ ქალაქის წყალში ან ნაგავში, რომელიც არ გამოგიყენებიათ, გარემოს დასაცავად. გთხოვთ მიმართოთ თქვენს ფარმაცევტს ამ კუთხით.

გაცემის წესი:

ფარმაცევტული პროდუქტის ჯგუფი -II , გაიცემა ფორმა №3 რეცეპტით