როზვაქსი - Rozvaks 10მგ 28 ტაბლეტი

როზვაქსი 10 მგ აპკიანი გარსით დაფარული ტაბლეტი  

მხოლოდ პერორალური გამოყენებისთვის

·  აქტიური ნივთიერება:  ყოველი ტაბლეტი შეიცავს 10.4 მგ როზუვასტატინ კალციუმს, რომელიც არის 10 მგ როზუვასტატინის ეკვივალენტი.

·  შემავსებლები: მიკროკრისტალური ცელულოზა, ლაქტოზას მონოჰიდრატი (მიღებული მსხვილფეხა რქოსანი საქონლის რძიდან), ნატრიუმის კარბონატი უწყლო, კროსპოვიდონი, მაგნიუმის სტეარატი, OPADRY Amb Pink (პოლივინილის სპირტი, ტიტანის დიოქსიდი, ტალკი, ლეციტინი, რკინის ოქსიდი წითელი, რკინის ოქსიდი ყვითელი, ქსანტინის ცვილი).

ამ მედიკამენტის გამოყენების დაწყებამდე ყურადღებით წაიკითხეთ პაციენტის ინსტრუქცია, რადგან ის შეიცავს თქვენთვის მნიშვნელოვან ინფორმაციას. 

·   შეინახეთ ინსტრუქცია. შეიძლება დაგჭირდეთ მისი ხელახლა წაკითხვა. 

·   დამატებითი კითხვების შემთხვევაში მიმართეთ ექიმს ან ფარმაცევტს.

·   ეს მედიკამენტი დაგენიშნათ მხოლოდ თქვენ, არ გადასცეთ ის სხვა პირებს. 

·   როდესაც ამ მედიკამენტის გამოყენების დროს მიდიხართ ექიმთან ან საავადმყოფოში, აცნობეთ კლინიცისტს, რომ მას იღებთ. იხ. პუნქტი 4.

·   გთხოვთ მკაცრად დაიცავით ეს ინსტრუქციები. არ გამოიყენოთ რეკომენდებულზე მაღალი ან დაბალი დოზა.

რა არის ამ ინსტრუქციაში:

1.  რა არის როზვაქსი და რისთვის გამოიყენება? 

2.  რა უნდა იცოდეთ როზვაქსის გამოყენებამდე? 

3.  როგორ გამოიყენება როზვაქსი?

4.  როგორია შესაძლო გვერდითი ეფექტები?

5.  როგორ ინახება როზვაქსი?

6.  შეფუთვის შიგთავსი და სხვა ინფორმაცია

1.  რა არის როზვაქსი და რისთვის გამოიყენება? 

როზვაქსი 10 მგ აპკიანი გარსით დაფარული ტაბლეტები მიეკუთვნება მედიკამენტების ჯგუფს, რომელსაც ეწოდება „სტატინები“. 

როზვაქსის ტაბლეტები არის ვარდისფერი ფერის, წაგრძელებული, ორმხრივ ამოზნექილი, ორივე მხარეს ჩაჭრილი, აპკიანი გარსით დაფარული ტაბლეტები. ის ხელმისაწვდომია ბლისტერული შეფუთვის სახით, რომელიც შეიცავს 28 ტაბლეტს 

როზვაქსი დაგენიშნათ იმიტომ, რომ:

· გაქვთ  ქოლესტერინის მაღალი დონე. ეს ნიშნავს, რომ თქვენ ხართ გულის შეტევის ან ინსულტის რისკის ქვეშ. როზვაქსი გამოიყენება მოზრდილებში, მოზარდებში და 6 წელზე უფროსი ასაკის ბავშვებში ქოლესტერინის მაღალი დონის სამკურნალოდ.

· თქვენ გირჩიეს სტატინების მიღება (>ქოლესტროლის დამწევი მედიკამენტი), რადგან კვების რეჟიმის შეცვლა და მეტი ვარჯიში საკმარისი არ იყო ქოლესტერინის დონის დასარეგულირებლად. როზვაქსის მიღებისას თქვენ უნდა გააგრძელოთ ქოლესტერინის დასაქვეითებელი დიეტა და ვარჯიში. 

ან

· გაქვთ სხვა ფაქტორები, რომლებიც ზრდის გულის შეტევის, ინსულტის ან მასთან დაკავშირებული ჯანმრთელობის პრობლემების რისკს. 

გულის შეტევა, ინსულტი და სხვა პრობლემები შეიძლება გამოწვეული იყოს დაავადებით, რომელსაც ათეროსკლეროზი ეწოდება. ათეროსკლეროზი გამოწვეულია თქვენს არტერიებში ცხიმოვანი დეპოზიტების დაგროვებით.

რატომ არის მნიშვნელოვანი როზვაქსის მიღების გაგრძელება? 

როზვაქსი გამოიყენება სისხლში ცხიმოვანი ნივთიერებების - ლიპიდების და მათ შორის ყველაზე გავრცელებულის - ქოლესტერინის დონის დასარეგულირებლად.

სისხლში ქოლესტერინის სხვადასხვა სახეობაა ნაპოვნი. "ცუდი" ქოლესტერინი (LDL-C) და "კარგი" ქოლესტერინი (HDL-C).

· როზვაქსს შეუძლია შეამციროს "ცუდი"  და გაზარდოს "კარგი" ქოლესტერინის დონე.

· იგი ეხმარება თქვენს ორგანიზმს არ გამოიმუშაოს "ცუდი" ქოლესტერინი. ასევე აუმჯობესებს თქვენი ორგანიზმის უნარს გამოდევნოს სისხლიდან "ცუდი" ქოლესტერინი.

ადამიანების უმეტესობისთვის მაღალი ქოლესტერინი არ მოქმედებს თვითგრძნობაზე, რადგან ის არ იწვევს რაიმე სიმპტომებს. თუმცა, მკურნალობის გარეშე ცხიმოვანი დეპოზიტები შეიძლება დაგროვდეს თქვენი სისხლძარღვების კედლებში და გამოიწვიოს მათი შევიწროება.

ზოგჯერ შევიწროებული სისხლძარღვები შეიძლება დახშოს. თუ გულსა და თავის ტვინს არ მიეწოდება  სისხლი, შესაძლოა მიოკარდიუმის ინფარქტისა და თავის ტვინის ინსულტის განვითარება. ქოლესტერინის დონის დაქვეითებით, შეგიძლიათ შეამციროთ მიოკარდიუმის ინფარქტის, ინსულტის ან მასთან დაკავშირებული ჯანმრთელობის პრობლემების რისკი.

როზვაქსის მიღება უნდა გააგრძელოთ  მაშინაც კი, თუ თქვენი ქოლესტერინი სასურველ დონემდე დაქვეითდა. რადგან როზვაქსი ხელს უშლის თქვენი ქოლესტერინის დონის ხელახლა მატებას და ცხიმოვანი დეპოზიტების დაგროვებას. თუმცა, უნდა შეწყვიტოთ ექიმის მითითების ან ორსულობის შემთხვევაში. 

2.  რა უნდა იცოდეთ როზვაქსის გამოყენების დაწყებამდე? 

არ მიიღოთ როზვაქსი

თუ

· ოდესმე გქონიათ ალერგიული რეაქცია როზვაქსზე ან მის შემადგენელ რომელიმე ნივთიერებაზე.

· ხართ ორსულად ან ბავშვს ძუძუთი კვებავთ. თუ  როზვაქსის მიღებისას დაორსულდებით, დაუყოვნებლივ შეწყვიტეთ მისი მიღება და აცნობეთ ექიმს. ქალებმა, რომლებიც იღებენ როზვაქსს, თავიდან უნდა აიცილონ ორსულობა შესაბამისი კონტრაცეფციის გამოყენებით.

· გაქვთ ღვიძლის დაავადება

· გაქვთ თირკმელების მძიმე პრობლემები

· გაქვთ განმეორებითი ან დაუდგენელი მიზეზით გამოწვეული კუნთების ტკივილი

· თუ იღებთ წამლების: სოფოსბუვირი/ველპატასვირი/ვაოქსილაპრევირი (გამოიყენება ღვიძლის ვურუსული დაავადების, C ჰეპატიტის სამკურნალოდ) კომბინაციას

· იღებთ პრეპარატ ციკლოსპორინს (გამოიყენება, მაგალითად, ორგანოების გადანერგვის შემდეგ).

თუ რომელიმე ზემოაღნიშნული გეხებათ, ან ფიქრობთ, რომ გეხებათ, მიმართეთ ექიმს. 

გარდა ამისა, არ მიიღოთ როზვაქსი 40 მგ (მაქსიმალური დოზა) ქვემოთ ჩამოთვლილ შემთხვევებში:  

· თუ გაქვთ საშუალო ხარისხის თირკმელის პრობლემა (ეჭვის შემთხვევაში მიმართეთ ექიმს),

· თუ თქვენი ფარისებრი ჯირკვალი გამართულად არ მუშაობს.

· თუ გქონიათ რაიმე განმეორებითი ან დაუდგენელი მიზეზით გამოწვეული კუნთების ტკივილი, ინდივიდუალურ ან ოჯახური ანამნეზში აღინიშნება კუნთებთან დაკავშირებული პრობლემები ან კუნთებთან დაკავშირებული პრობლემა გამოვლინდა ქოლესტერინის დამაქვეითებელი სხვა მედიკამენტების მიღებისას.

· თუ რეგულარულად სვამთ დიდი რაოდენობით ალკოჰოლს.

· თუ თქვენ ხართ აზიური წარმოშობის (იაპონელი, ჩინელი, ფილიპინელი, ვიეტნამელი, კორეელი და ინდოელი).

· თუ თქვენ იღებთ ფიბრატებს (გემფიბროზილი, ფენოფიბრატი) ქოლესტერინის დონის დასაქვეითებლად.

თუ რომელიმე ზემოაღნიშნული გეხებათ (ან ეჭვობთ), გთხოვთ დაბრუნდეთ და ჰკითხოთ ექიმს. 

როზვაქსი გამოიყენეთ სიფრთხილით 

თუ

· გაქვთ თირკმელების პრობლემები

· გაქვთ ღვიძლთან დაკავშირებული პრობლემები

· გქონიათ განმეორებითი ან დაუდგენელი მიზეზით გამოწვეული კუნთების ტკივილი, ინდივიდუალურ ან ოჯახური ანამნეზში აღინიშნება კუნთებთან დაკავშირებული პრობლემები ან კუნთებთან დაკავშირებული პრობლემა გამოვლინდა ქოლესტერინის დამაქვეითებელი სხვა მედიკამენტების მიღებისას. დაუყოვნებლივ აცნობეთ ექიმს, თუ გაქვთ აუხსნელი კუნთების ტკივილი, განსაკუთრებით თუ თავს ცუდად გრძნობთ ან გაქვთ სიცხე. ასევე, აცნობეთ თქვენს ექიმს ან ფარმაცევტს, თუ მუდმივად გაქვთ კუნთების სისუსტე.

· თუ გაქვთ ან გქონდათ მიასთენია (დაავადება კუნთების ზოგადი სისუსტით, მათ შორის ზოგიერთ შემთხვევაში სუნთქვის დროს გამოყენებული კუნთები), ან თვალის მიასთენია (დაავადება, რომელიც იწვევს თვალის კუნთების სისუსტეს), რადგან სტატინებმა შეიძლება ზოგჯერ გააუარესოს მდგომარეობა ან გამოიწვიოს მიასთენიის გაჩენა. (იხილეთ ნაწილი 4).

· თუ როზვაქსის ან სხვა დაკავშირებული მედიკამენტების მიღების შემდეგ, როდესმე გქონდათ ძლიერი გამონაყარი კანზე ან კანის აქერცვლა, ბუშტუკები და/ან პირის ღრუს წყლულები 

· რეგულარულად სვამთ დიდი რაოდენობით ალკოჰოლს.

· თქვენი ფარისებრი ჯირკვალი გამართულად არ მუშაობს.

· თუ თქვენ იღებთ ფიბრატებს (გემფიბროზილი, ფენოფიბრატი) ქოლესტერინის დონის დასაქვეითებლად. გთხოვთ, ყურადღებით წაიკითხოთ ეს ინსტრუქცია, მაშინაც კი, თუ ადრე იღებდით მაღალი ქოლესტერინის სამკურნალო სხვა პრეპარატებს.

· თუ თქვენ იღებთ მედიკამენტებს, რომლებიც გამოიყენება აივ ინფექციის სამკურნალოდ, მაგ. რიტონავირი ლოპინავირი და/ან ატაზანავირი, იხილეთ „სხვა მედიკამენტები და როზვაქსი“.

· თუ თქვენ იღებთ ან  ბოლო 7 დღის განმავლობაში პერორალურად ან ინექციით მიღებული გაქვთ ფუზიდის მჟავა (ბაქტერიული ინფექციის სამკურნალო საშუალება). ფუზიდის მჟავისა და როზვაქსის კომბინაციამ შეიძლება გამოიწვიოს კუნთების სერიოზული პრობლემები (რაბდომიოლიზი), იხილეთ „სხვა მედიკამენტები და როზვაქსი“

· თუ 70 წელზე უფროსი ასაკის ხართ, თქვენმა ექიმმა უნდა შეარჩიოს როზვაქსის სათანადო საწყისი დოზა,

· თუ გაქვთ სუნთქვის მძიმე  უკმარისობა.

· თუ ხართ აზიური წარმოშობის (იაპონელი, ჩინელი, ფილიპინელი, ვიეტნამელი, კორეელი და ინდოელი), თქვენმა ექიმმა შეარჩიოს როზვაქსის სათანადო საწყისი დოზა.

თუ ზემოთ ჩამოთვლილიდან რომელიმე გეხებათ ან ფიქრობთ, რომ ეს გეხებათ, 

· არ გამოიყენოთ 40 მგ დოზა (მაქსიმალური დოზა). როსვქსის ნებისმიერი დოზის მიღებამდე მიმართეთ თქვენს ექიმს ან ფარმაცევტს.

როზვაქსით მკურნალობასთან დაკავშირებით, აღწერილია კანის სერიოზული რეაქციები, მათ შორის სტივენს-ჯონსონის სინდრომი და წამლის რეაქცია ეოზინოფილიით და სისტემური სიმპტომებით (DRESS). შეწყვიტეთ როზვაქსის მიღება და დაუყოვნებლივ მიმართეთ სამედიცინო დახმარებას, თუ შეამჩნევთ მე-4 ნაწილში აღწერილ რომელიმე სიმპტომს.

ზოგ შემთხვევაში სტატინები ზემოქმედებენ ღვიძლზე, რისი დადგენაც შესაძლებელია სისხლის მარტივი ანალიზით (ღვიძლის ფერმენტების დონის მატება). ამ მიზეზით, როზვაქსით მკურნალობის დაწყებამდე და მიღების დროს თქვენი ექიმი მოითხოვს ამ ანალიზის ჩატარებას (ღვიძლის ფუნქციის სინჯები).

სანამ ამ მედიკამენტს იღებთ, თქვენი ექიმი ყურადღებით გააკონტროლებს, გაქვთ თუ არა დიაბეტი ან  დიაბეტის განვითარების რისკი. დიაბეტის განვითარების რისკის ქვეშ ხართ, თუ გაქვთ სისხლში შაქრისა და ცხიმების მაღალი დონე, ჭარბი წონა და მაღალი წნევა.

ბავშვები და მოზარდები

· თუ პაციენტი 6 წელზე ნაკლები ასაკის ბავშვია: როზვაქსი არ გამოიყენება 6 წელზე უმცროსი ასაკის ბავშვებში. 

· თუ პაციენტი 18 წელზე ნაკლები ასაკისაა: როზვაქსი 40 მგ არ გამოიყენება 18 წლამდე ასაკის ბავშვებსა და მოზარდებში. 

სხვა მედიკამენტები და როზვაქსი

აცნობეთ თქვენს ექიმს ან ფარმაცევტს, თუ იღებთ, ახლახან იღებდით ან შესაძლოა მიიღოთ სხვა მედიკამენტები, რეცეპტის გარეშე გაცემულის ჩათვლით.

აცნობეთ ექიმს, თუ იღებთ რომელიმე ქვემოთ ჩამოთვლილ მედიკამენტს:

· ციკლოსპორინი (გამოიყენება მაგალითად, ორგანოების გადანერგვის შემდეგ),

· ვარფარინი, კლოპიდოგრელი ან ტიკაგრელოლი (ან ნებისმიერი სხვა პრეპარატი, რომელიც გამოიყენება სისხლის გასათხელებლად)

· ფიბრატები (გემფიბროზილი, ფენოფიბრატი) ან სხვა მედიკამენტი, რომელიც გამოიყენება ქოლესტერინის შესამცირებლად (როგორიცაა ეზეტიმიბი)

· საჭმლის მონელების დარღვევის მედიკამენტები  (გამოიყენება კუჭში მჟავას გასანეიტრალებლად),

· ერითრომიცინი (ანტიბიოტიკი), ფუზიდის მჟავა (ანტიბიოტიკი - გთხოვთ იხილეთ ქვემოთ და განყოფილებაში „გაფრთხილებები და სიფრთხილის ზომები),

· ორალური კონტრაცეპტივი (აბი),

· რეგორაფენიბი (გამოიყენება კიბოს მკურნალობისთვის)

· დაროლუტამიდი (გამოიყენება კიბოს მკურნალობისთვის)

· კაპმატინიბი (გამოიყენება კიბოს მკურნალობისთვის)

· ჰორმონჩამანაცვლებელი თერაპია,

· ფოსტამატინიბი (გამოიყენება თრომბოციტების დაბალი რაოდენობის სამკურნალოდ),

· ფებუქსოსტატი (გამოიყენება სისხლში შარდმჟავას მაღალი დონის სამკურნალოდ და პროფილაქტიკისთვის),

· ტერიფლუნომიდი (გამოიყენება გაფანტული სკლეროზის სამკურნალოდ),

· რომელიმე შემდეგი პრეპარატი, რომელიც გამოიყენება ვირუსული ინფექციების სამკურნალოდ, მათ შორის აივ ან C ჰეპატიტის ინფექციების სამკურნალოდ, ცალკე ან კომბინაციაში (იხილეთ „გაფრთხილებები და სიფრთხილის ზომები“): რიტონავირი, ლოპინავირი, ატაზანავირი, სოფოსბუვირი, ვოქსილაპრევირი, ომბიტასვირი, პარიტაპრევირი, დასაბუვირი, ველპატასვირი, გრაზოპრევირი, ელბასვირი, გლეკაპრევირი, პიბრენტასვირი.

ამ მედიკამენტების ეფექტი შეიძლება შეიცვალოს როზვაქსით ან მათ შეუძლიათ შეცვალონ როზვაქსის ეფექტი.

თუ თქვენ გჭირდებათ პერორალური ფუზიდის მჟავის მიღება ბაქტერიული ინფექციის სამკურნალოდ, მოგიწევთ დროებით შეწყვიტოთ ამ პრეპარატის გამოყენება. თქვენი ექიმი გეტყვით, როდის არის უსაფრთხო როზვაქსის მიღების განახლება. როზვაქსის ფუზიდის მჟავასთან ერთად მიღებამ იშვიათად შეიძლება გამოიწვიოს კუნთების სისუსტე, მგრძნობელობა ან ტკივილი (რაბდომიოლიზი). იხილეთ პარაგრაფი 4 მეტი ინფორმაცია რაბდომიოლიზის შესახებ.

ორსულობადა ძუძუთი კვება

არ მიიღოთ როზვაქსი

თუ ორსულად ხართ ან თუ ბავშვს ძუძუთი კვებავთ,. თუ როზვაქსის მიღებისას ხვდებით, რომ ორსულად ხართ, დაუყოვნებლივ შეწყვიტეთ მისი მიღება და აცნობეთ ექიმს. ქალები არ უნდა დაორსულდნენ როზვაქსის მიღებისას შესაბამისი კონტრაცეფციის გამოყენებით.

ამ მედიკამენტის გამოყენების დაწყებამდე რჩევა კითხეთ ექიმს ან ფარმაცევტს.

ავტომობილის მართვა და მექანიზმების გამოყენება

ადამიანების უმეტესობას შეუძლია მართოს მანქანა და  მექანიზმები როზვაქსის გამოყენებისას, რადგან ის არ იმოქმედებს მათ უნარზე. თუმცა, ზოგიერთი ადამიანი გრძნობს თავბრუსხვევას როზვაქსით მკურნალობის დროს. თუ თქვენ იგრძნობთ თავბრუსხვევას, გაიარეთ კონსულტაცია ექიმთან, სანამ ცდით ავტომობილის მართვას ან მექანიზმებთან მუშაობას.

როზვაქსი შეიცავს ლაქტოზას. 

თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ (ლაქტოზა ან რძის შაქარი), ამ პრეპარატის მიღებამდე გაესაუბრეთ მას. 

შემადგენლების სრული სიისათვის, გთხოვთ იხილოთ შეფუთვის შიგთავსი და სხვა ინფორმაცია. 

3.  როგორ გამოიყენება როზვაქსი?

მედიკამენტი ყოველთვის გამოიყენეთ ექიმის დანიშნულებით. ეჭვის შემთხვევაში მიმართეთ ექიმს ან ფარმაცევტს. 

ჩვეული დოზები მოზრდილებში

თუ იღებთ როზვაქსს მაღალი ქოლესტერინის  გამო

საწყისი დოზა

თქვენი მკურნალობა როზვაქსით უნდა დაიწყოს 5 მგ ან 10 მგ დოზით, მაშინაც კი, თუ ადრე მიიღეთ სხვა სტატინის უფრო მაღალი დოზა. საწყისი დოზის არჩევანი დამოკიდებული იქნება შემდეგზე:

· თქვენი ქოლესტერინი დონე

· ინფარქტის ან ინსულტის განვითარების რისკის დონე.

· გაქვთ თუ არა ისეთი ფაქტორი, რომელმაც შესაძლოა გაგხადოთ უფრო მგრძნობიარე შესაძლო გვერდითი ეფექტების მიმართ.

გთხოვთ, გადაამოწმოთ თქვენს ექიმთან, რომ როზვაქსის საწყისი დოზა საუკეთესოდ შეგეფერებოდეთ.

თქვენმა ექიმმა შეიძლება გადაწყვიტოს მოგცეთ ყველაზე დაბალი დოზა (5 მგ), თუ: 

· თქვენ ხართ აზიური წარმოშობის (იაპონელი, ჩინელი, ფილიპინელი, ვიეტნამელი, კორეელი და ინდოელი).

· ხართ 70 წელზე მეტი ასაკის

· გაქვთ თირკმლის ზომიერი პრობლემა

· თქვენ გაქვთ კუნთების ტკივილისა და ტკივილის რისკი (მიოპათია).

დოზის ზრდა და მაქსიმალური სადღეღამისო დოზა 

თქვენმა ექიმმა შეიძლება გადაწყვიტოს თქვენი დოზის გაზრდა. ეს ხდება იმიტომ, რომ მიიღოთ როზვაქსის ის რაოდენობა, რომელიც თქვენთვის შესაფერისია. თუ დაიწყეთ 5 მგ დოზით, ექიმმა შეიძლება გადაწყვიტოს ამ დოზის გაორმაგება 10 მგ-მდე, შემდეგ 20 მგ-მდე და საჭიროების შემთხვევაში 40 მგ-მდე. თუ დაიწყეთ 10 მგ-ით, ექიმმა შეიძლება გადაწყვიტოს გაორმაგდეს ეს 20 მგ-მდე და შემდეგ 40 მგ-მდე საჭიროების შემთხვევაში. ყოველი დოზის კორექტირებას შორის იქნება ოთხი კვირის ინტერვალი.

როზვაქსის მაქსიმალური სადღეღამისო დოზაა 40 მგ. ის განკუთვნილია მხოლოდ იმ პაციენტებისთვის, რომლებსაც აქვთ მაღალი ქოლესტერინი და აქვთ გულის შეტევის ან ინსულტის მაღალი რისკი, რომელთა ქოლესტერინის დონე არ არის საკმარისად დაქვეითებული 20 მგ-ით. 

თუ როზვაქსს იღებთ გულის შეტევის, ინსულტის ან მასთან დაკავშირებული ჯანმრთელობის პრობლემების რისკის შესამცირებლად:

რეკომენდებული დოზაა 20 მგ დღე-ღამეში. თუმცა, თქვენმა ექიმმა შეიძლება გადაწყვიტოს უფრო დაბალი დოზის გამოყენება, თუ თქვენ გაქვთ ზემოთ ჩამოთვლილი რომელიმე ფაქტორი.

გამოყენება 6-17 წლის ასაკის ბავშვებსა და მოზარდებში 

დოზის დიაპაზონი 6-დან 17 წლამდე ასაკის ბავშვებსა და მოზარდებში არის 5-დან 20 მგ-მდე დღე-ღამეში ერთხელ. ჩვეულებრივი საწყისი დოზაა 5 მგ დღე-ღამეში. თქვენმა ექიმმა შეიძლება თანდათან გაზარდოს თქვენი დოზა, რათა აღმოაჩინოს თქვენთვის შესაფერისი როზვაქსის რაოდენობა. როზვაქსის მაქსიმალური სადღეღამისო დოზაა 10 ან 20 მგ 6-დან 17 წლამდე ასაკის ბავშვებისთვის, თქვენი ძირითადი მდგომარეობის მიხედვით, რომელსაც მკურნალობთ. როზვაქსი 40 მგ ტაბლეტი ბავშვებში არ უნდა გამოიყენონ. 

მიღების გზა და მეთოდი: 

გადაყლაპეთ თითოეული ტაბლეტი მთლიანად წყლის დალევით.

როზვაქსი მიიღეთ დღე-ღამეში ერთხელ.

მისი მიღება შეგიძლიათ დღის ნებისმიერ დროს საკვებთან ერთად ან მის გარეშე.

შეეცადეთ როზვაქსის  ტაბლეტი მიიღოთ ყოველდღე ერთსა და იმავე დროს, რათა დაგეხმაროთ ამის დამახსოვრებაში. 

ქოლესტერინის რეგულარული შემოწმება

მნიშვნელოვანია ექიმთან ქოლესტერინის რეგულარული შემოწმება. ამრიგად, შეიძლება დარწმუნებული იყოთ, რომ თქვენმა ქოლესტერინის დონემ სასურველს მიაღწია და რჩება სწორ დონეზე.

თქვენმა ექიმმა შეიძლება გადაწყვიტოს თქვენი დოზის გაზრდა ისე, რომ მიიღოთ როზვაქსის თქვენთვის შესაფერისი რაოდენობა.

თუ მიიღეთ საჭიროზე მეტი როზვაქსი 

თუ იყენებთ იმაზე მეტ როზვაქსს, ვიდრე უნდა გამოიყენოთ, აცნობეთ ექიმს ან ფარმაცევტს.

როდესაც  ამ მედიკამენტის გამოყენებისას მიმართავთ ექიმს ან საავადმყოფოს, თქვენს კლინიცისტს უთხარით რომ მას იღებთ.  

თუ დაგავიწყდათ როზვაქსის მიღება

შემდეგი დოზა მიიღეთ დაგეგმილ დროს. 

გამოტოვებულის კომპენსაციისთვის არ მიიღოთ ორმაგი დოზა. 

თუ შეწვიტეთ როზვაქსით მკურნალობა 

გაესაუბრეთ ექიმს, თუ გსურთ შეწყვიტოთ როზვაქსის მიღება. თქვენი ქოლესტერინის დონე შეიძლება კვლავ გაიზარდოს, თუ შეწყვეტთ როზვაქსის მიღებას.

ამ პრეპარატის გამოყენებასთან დაკავშირებით დამატებითი კითხვების შემთხვევაში, დაუკავშირდით თქვემს ექიმს ან ფარმაცევტს. 

4. როგორია შესაძლო გვერდითი ეფექტები?

ყველა მედიკამენტის მსგავსად, როზვაქსმაც შეიძლება გამოიწვიოს გვერდითი მოვლენები მისი ინგრედიენტების მიმართ მგრძნობიარე პირებში.

მნიშვნელოვანია იცოდეთ რა შეიძლება იყოს ეს გვერდითი მოვლენები. ისინი ჩვეულებრივ მსუბუქია და ქრება მცირე ხნის შემდეგ.

თუ თქვენ გაქვთ რომელიმე შემდეგი, შეწყვიტეთ როზვაქსის მიღება და დაუყოვნებლივ აცნობეთ ექიმს ან მიმართეთ უახლოეს საავადმყოფოს გადაუდებელი დახმარების განყოფილებას:

· სუნთქვის გაძნელება სახის, ტუჩების, ენის და/ან ყელის შეშუპებით ან მის გარეშე.

· სახის, ტუჩების, ენის და/ან ყელის შეშუპება, რამაც შეიძლება გამოიწვიოს ყლაპვის გაძნელება.

· კანის ძლიერი ქავილი (ამობურცული კვანძებით) 

· მოწითალო ფერის, ბრტყელი,, სამიზნის მსგავსი ან წრიული ლაქები ტანზე, ხშირად ცენტრალური ბუშტუკებით, კანის აქერცვლა, პირის ღრუს, ყელის, ცხვირის, სასქესო ორგანოების და თვალების წყლულები. კანის ამ სერიოზულ გამონაყარს შეიძლება წინ უსწრებდეს ცხელება და გრიპის მსგავსი სიმპტომები (სტივენს-ჯონსონის სინდრომი).

· ფართოდ გავრცელებული გამონაყარი, სხეულის მაღალი ტემპერატურა და გადიდებული ლიმფური კვანძები (DRESS სინდრომი ან წამლის ჰიპერმგრძნობელობის სინდრომი).

ასევე, შეწყვიტეთ როზვაქსის მიღება და დაუყოვნებლივ მიმართეთ ექიმს: 

· თუ გაქვთ რაიმე უჩვეულო ტკივილები კუნთებში, რომელიც გაგრძელდება იმაზე მეტხანს, ვიდრე მოსალოდნელია. კუნთების სიმპტომები უფრო ხშირია ბავშვებში და მოზარდებში, ვიდრე მოზრდილებში. სხვა სტატინების მსგავსად, ადამიანთა ძალიან მცირე რაოდენობას განუვითარდა კუნთების უსიამოვნო ეფექტები. იშვიათად, ეს ხდება კუნთების პოტენციურად სიცოცხლისათვის საშიში დაზიანება, რომელიც ცნობილია როგორც რაბდომიოლიზი.

· თუ გაქვთ კუნთების დაზიანება (გაგლეჯვა)

· თუ გაქვთ წითელი მგლურას მსგავსი სიმპტომები (გამონაყარის, სახსრების პრობლემები და სისხლის უჯრედებში ცვლილებები).

ხშირი შესაძლო გვერდითი ეფექტები (შეიძლება აღინიშნოს 10-დან 1 პაციენტში განვითარებულ შემთხვევასა  და 100-დან 1 შემთხვევას შორის სიხშირით)  

· თავის ტკივილი, კუჭის ტკივილი, ყაბზობა, თავის ცუდად გრძნობა, კუნთების ტკივილი, სისუსტის შეგრძნება, თავბრუსხვევა

· შარდში ცილის რაოდენობის ზრდა (მხოლოდ როზვაქსი 40 მგ). ეს ჩვეულებრივ თავისთავად უბრუნდება ნორმას როზვაქსის მიღების შეწყვეტის გარეშე.

· დიაბეტი. ეს უფრო სავარაუდოა, თუ თქვენ გაქვთ სისხლში შაქრისა და ცხიმების მაღალი დონე,  ჭარბი წონა და  მაღალი წნევა.  ამ მედიკამენტის მიღებისას თქვენი ექიმი მოახდენს თქვენს მონიტორინგს. 

ნაკლებად ხშირი გვერდითი ეფექტები (შეიძლება აღინიშნოს 100-დან 1 პაციენტში განვითარებულ შემთხვევასა და 1 000-დან 1 შემთხვევას შორის სიხშირით) 

· გამონაყარი, ქავილი ან კანის სხვა რეაქციები.

· შარდში ცილის რაოდენობის ზრდა. ეს ჩვეულებრივ თავისთავად უბრუნდება ნორმალურ მდგომარეობას, როზვაქსის მიღების შეწყვეტის გარეშე (მხოლოდ როზვაქსი 5, 10 და 20 მგ). 

იშვიათი გვერდითი ეფექტები (შეიძლება აღინიშნოს 1 000-დან 1 პაციენტში განვითარებულ შემთხვევასა და 10 000-დან 1 შემთხვევას შორის სიხშირით):

· მძიმე ალერგიული რეაქცია – ნიშნებია სახის, ტუჩების, ენის და/ან ყელის შეშუპება, ყლაპვისა და სუნთქვის გაძნელება, კანის ძლიერი ქავილი (ამობურცული კვანძებით). თუ ფიქრობთ, რომ გაქვთ ალერგიული რეაქცია, შეწყვიტეთ როზვაქსის მიღება და დაუყოვნებლივ მიმართეთ სამედიცინო დახმარებას.

· კუნთების დაზიანება მოზრდილებში: სიფრთხილის მიზნით, შეწყვიტეთ როზვაქსის მიღება და დაუყოვნებლივ მიმართეთ ექიმს, თუ გაქვთ რაიმე უჩვეულო ტკივილები ან ტკივილები თქვენს კუნთებში, რომლებიც გაგრძელდება მოსალოდნელზე მეტხანს.

· მუცლის ძლიერი ტკივილი (პანკრეასის ანთება).

· სისხლში ღვიძლის ფერმენტების მატება.

· სისხლდენა ან სისხლჩაქცევა უფრო ადვილად, ვიდრე ნორმალურია სისხლში თრომბოციტების დაბალი დონის გამო.

· წითელი მგლურას დაავადების სინდრომი (გამონაყარის, სახსრების პრობლემების და სისხლის უჯრედებზე გავლენის ჩათვლით)

ძალიან იშვიათი გვერდითი ეფექტები (შეიძლება აღინიშნოს  10 000-დან 1 შემთხვევამდე სიხშირით

· სიყვითლე (კანისა და თვალების გაყვითლება), ჰეპატიტი (ღვიძლის ანთება), შარდში სისხლის კვალი, ფეხების და ხელების ნერვების დაზიანება (როგორიცაა დაბუჟება), სახსრების ტკივილი, მეხსიერების დაკარგვა, მკერდის გადიდება მამაკაცებში (გინეკომასტია)

უცნობი სიხშირით განვიტარებული გვერდითი ეფექტები შეიძლება მოიცავდეს:

· დიარეა (თხევადი განავალი), ხველა, ჰაერის უკმარისობა, შეშუპება (შეშუპება), ძილის დარღვევა, მათ შორის უძილობა და კოშმარები, სექსუალური სირთულეები, დეპრესია, სუნთქვის პრობლემები, მათ შორის მუდმივი ხველა და/ან ქოშინი ან ცხელება, მყესის დაზიანებადა კუნთების სისუსტე, რომელიც მუდმივია

· მიასთენია გრავისი (დაავადების გამომწვევი ზოგადი კუნთების სისუსტე, მათ შორის ზოგიერთ შემთხვევაში სუნთქვის დროს გამოყენებული კუნთები), თვალის მიასთენია (დაავადება, რომელიც იწვევს თვალის კუნთების სისუსტეს). მიმართეთ ექიმს, თუ გაქვთ სისუსტე ხელებსა და ფეხებში, რომელიც უარესდება აქტივობის პერიოდების, მხედველობის გაორმავების ან ქუთუთოების დახრის, ყლაპვის გაძნელების ან ქოშინის შემდეგ.

გვერდითი ეფექტების შეტყობინება

ნებისმიერი გვერდითი ეფექტის შემთხვევაში, რომელიც ჩამოთვლილია ან არ არის ჩამოთვლილი პაციენტის ინსტრუქციაში, მიმართეთ თქვენს ექიმს, ფარმაცევტს ან ექთანს.  გვერდითი ეფექტების შეტყობინებით თქვენ წვლილს შეიტანთ მედიკამენტის უსაფრთხოებასთან დაკავშირებით მეტი ინფორმაციის შეგროვებაში. 

5. როგორ ინახება როზვაქსი

როზვაქსი შეინახეთ შეფუთვაში, ბავშვებისთვის მიუწვდომელ ადგილას. 

გამოიყენეთ ვარგისიანობის ვადის შესაბამისად.

როზვაქსი არ გამოიყენოთ შეფუთვაზე მითითებული ვარგისიანობის ვადის გასვლის შემდეგ. 

ვადაგასული ან გამოუყენებელი მედიკამენტი არ გადააგდოთ საყოფაცხოვრებო ნაგავში! მოათავსეთ გარემოს დაცვისა და ურბანულის სამინისტროს მიერ შექმნილ შემგროვებელ სისტემაში.

როზვაქსი შეინახეთ ოთახის,  25°C-ზე დაბალ ტემპერატურაზე. ტენიანობისგან დასაცავად შეინახეთ ორიგინალ შეფუთვაში.

თუ თქვენ შეამჩნევთ დაზიანებას პროდუქტში და/ან შეფუთვაში, როზვაქსი არ გამოიყენოთ 

6. შეფუთვის შიგთავსი და სხვა ინფორმაცია

როზვაქსის აქტიური სუბსტანცია არის როზუვასტატინი.

როზვაქსის ტაბლეტები არის ვარდისფერი ფერის, წაგრძელებული, ორმხრივ ამოზნექილი, ორივე მხარეს ჩაჭრილი, აპკიანი გარსით დაფარული ტაბლეტები. ის ხელმისაწვდომია ბლისტერული შეფუთვის სახით, რომელიც შეიცავს 28 ტაბლეტს 

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით.