Reocon - რეოკონი 100 ტაბლეტი

რეოკონი

Reocon

ბიოლოგიურად აქტიური დანამატი

შემადგენლობა:

რეოკონის ერთი, ნაწლავში ხსნადი გარსით დაფარული, ტაბლეტი შეიცავს: პანკრეატინი – 175 მგ (ამილაზა 4200 F.I.P. ერთეული, ლიპაზა 5367 F.I.P. ერთეული, პროტეაზა 222 F.I.P. ერთეული), დიმეტიკონი – 25 მგ, ჰემიცელულაზა – 50 მგ, ხარის ნაღვლის ექსტრაქტი – 25 მგ. დამხმარე ნივთიერებები: ლაქტოზა, მიკროკრისტალური ცელულოზა, ნატრიუმის კროსკარმელოზა, პოვიდონი, სილიციუმის დიოქსიდი, ჰიდროქსიპროპილმეთილცელულოზას ფტალატი, დიაცეტილირებული მონოგლიცერიდი, საქაროზა, ჟელატინი, კალციუმის კარბონატი, ტიტანის ოქსიდი, კარნაუბის ცვილი.

მოქმედების მექანიზმი: 

პანკრეატინი – წარმოადგენს პანკრეასის ფერმენტს, რომელსაც გააჩნია ამილაზური, ლიპოლიზური და პროტეოლიზური აქტივობა. პანკრეატინის ამილაზა, ლიპაზა და პროტეაზა მონაწილეობენ ნახშირწყლების, ცხიმებისა და ცილების დაშლაში.

დიმეტიკონი – ცვლის ნაწლავებში არსებული აირების ბუშტუკების ზედაპირულ დაჭიმულობას, ახდენს მათ გაერთიანებას, რაც განაპირობებს აირების გამოთავისუფლებას.

ჰემიცელულაზა – ახდენს ცელულოზას ჰიდროლიზს, რომელსაც შეიცავს მცენარეთა უჯრედები.

ხარის ნაღვლის ექსტრაქტი (ნაღვლის მჟავები) – ააქტიურებს ფერმენტ ლიპაზას, ხელს უწყობს ცხიმების ემულგაციას და მნიშვნელოვან როლს თამაშობს მათ აბსორბციაში.

ჩვენებები:

 - საჭმლის მონელების ფუნქციის დაქვეითება

 - მუცლის შებერილობა (სიმპტომური თერაპიის სახით)

 - ქრონიკული პანკრეატიტის, ნაღვლის ბუშტისა და ღვიძლის დაავადებების დამხმარე თერაპია

 - ღეჭვის გართულებით გამოწვეული საჭმლის მონელების პრობლემები, რომელიც დაკავშირებულია ასაკთან და/ან კბილის პროთეზთან

 - მუცლის ღრუს ორგანოების მომზადება რადიოლოგიური გამოკვლევების წინ 

უკუჩვენება: 

მომატებული მგრძნობელობა რეოკონში შემავალი კომპონენტების მიმართ.

სიფრთხილის ზომები: 

დაუშვებელია Dანოტაციაში მითითებული დოზის გადაჭარბება, რეოკონის მიღების დაწყებიდან ორი კვირის შემდეგ დადებითი დინამიკის არარსებობის შემთხვევაში, მიმართეთ ექიმს ან ფარმაცევტს. ორსულობისა და ლაქტაციის პერიოდში რეოკონის გამოყენება უსაფრთხოა.

მიღების წესი და დოზირება: 

რეოკონი მიიღება 1 ან 2 ტაბლეტი კვების შემდეგ ან უშუალოდ კვების დროს. ტაბლეტი არ უნდა დაიღეჭოს.

გვერდითი მოვლენები: 

იშვიათად პირის ღრუს და ლოყის ლორწოვანი გარსის ანთება, გულისრევა, ღებინება, ტკივილი მუცლის არეში, მომატებული მგრძნობელობის რეაქციები.

ვარგისობა და შენახვის პირობები: 

რეოკონის ვარგისობის ვადა - 3 წელი. დაუშვებელია მისი მიღება ვარგისობის ვადის გასვლის შემდეგ! 

ინახება არაუმეტეს 25°C ტემპერატურაზე, ბავშვებისათვის მიუწვდომელ ადგილას.

გამოშვების ფორმა: 

ნაწლავში ხსნადი გარსით დაფარული ტაბლეტები, 30 ტაბლეტი ბლისტერებში; მეორადი შეფუთვა - მუყაოს კოლოფში.