ქონდროსტეო ფორტე როლერი 50მლ გრანიო - Granion

ქონდროსტეო ფორტე როლერი 50მლ >გრანიო - Granion

11 ინგრედიენტის უნიკალური კომბინაცია სახრების კომფორტის და მოქნილობისთვის!

გრანიო ქონდროსტეო ფორტეს ინოვაციური ფორმულა სპეციალურად შეიქმნა სახსრებისა და კუნთების ტკივილის შესამცირებლად. პროდუქტი განკუთვნილია მხოლოდ გარეგანი გამოყენებისთვის, ამცირებს ანთებას, ტკივილს და კუნთების დაჭიმულობას, განსაკუთრებით ეფექტურია კონტრაქტურების, ღრძობა-დაჭიმულობის, სისხლჩაქცევების, სხვადასხვა ტრავმების დროს, რადგან მყისიერად ამცირებს ადგილობრივ ანთებას, ტკივილს და შეშუპებას, ინტენსიური გამაგრილებელი ეფექტი უზრუნველყოფს დისკომფორტის სწრაფ შემსუბუქებას.

· სწრაფად ამცირებს კუნთების და სახსრების ტკივილს

· აქვს ანთების საწინააღმდეგო მოქმედება

· აუმჯობესებს ადგილობრივ სისხლისმიმოქცევას

· როლერი - კომფორტულია და მოსახერხებელი გამოსაყენებლად  

· არ ტოვებს ცხიმიან კვალს კანზე

შავი მოცხარის ექსტრაქტი ძლიერი ბუნებრივი ანტიოქსიდანტია, რომელიც მდიდარია ფლავონოიდებით, ვიტამინებით, პოლიფენოლებით, C ვიტამინით და ანტოციანინებით, იცავს სისხლძარღვების კედლებს თავისუფალი რადიკალების ზემოქმედებისგან, ამაგრებს კაპილარებს და აუმჯობესებს მიკროცირკულაციას, ხელს უწყობს ორგანიზმიდან სითხის გამოდევნას, ამცირებს ანთებას და სახსრების შეშუპებას.

წითელ ბეგქონდარას აქვს ძლიერი ანტიბაქტერიული და ანტისეპტიკური მოქმედება, ადგილობრივად აუმჯობესებს  სისხლის მიმოქცევას, ამცირებს ანთებას და ტკივილს კუნთებსა და სახსრებში, ახდენს კუნთების მოდუნებას და დაჭიმულობის შემცირებას, ხელს უწყობს ლოკალური სისხლის ნაკადის აქტივაციას და ამით აჩქარებს ქსოვილების რეგენერაციას, ასევე ამშვიდებს კანს და ხელს უშლის ინფექციის განვითარებას მცირე ტრავმების ან გაღიზიანების შემთხვევაში.

გაულტერიას ეთერზეთი ხსნის დაჭიმულობის შეგრძნებას სახსრებში.

ეთანოლი, მენთოლი მოქმედებს ზედაპირულად, ქმნის სასიამოვნო გამაგრილებელ შეგრძნებას, ამცირებს დისკომფორტს.

ქაფური აძლიერებს ადგილობრივ სისხლის მიმოქცევას, ხელს უწყობს აქტიური ნივთიერებების უკეთ შეწოვას.

კაჯებუტი ბუნებრივი ტკივილგამაყუჩებელი და ანთების საწინააღმდეგო საშუალებაა, ამცირებს კუნთების დაჭიმულობას, სპაზმს და სახსრების ტკივილს, ხელს უწყობს სისხლის მიმოქცევის გაძლიერებას, განსაკუთრებით ეფექტურია ფიზიკური დატვირთვის, სპორტული ტრავმებისა და ოსტეოართრიტის დროს, კაჯებუტს გააჩნია ძლიერი ანტიბაქტერიული თვისებები, იცავს კანს გაღიზიანებისგან და ხელს უშლის ინფექციების გავრცელებას.

შვიტა ხელს უწყობს ხრტილის და ძვლის ქსოვილის რეგენერაციას, აქვს შარდმდენი და დეტოქსიკაციური მოქმედება, ამცირებს სახსრების შეშუპებას.

მწვანე თიხას აქვს ბუნებრივი ანთების საწინააღმდეგო და დეტოქსიკაციური მოქმედება, შთანთქავს ტოქსინებს და ანთებით მედიატორებს კანის ზედაპირზე, ამცირებს შეშუპებას, ტკივილს და კუნთების დაჭიმულობას, აუმჯობესებს სისხლის მიმოქცევას და ქსოვილების რეგენერაციას, აქვს დამამშვიდებელი და გამაგრილებელი მოქმედება, ხელს უწყობს კანის სისუფთავეს და აღდგენას ტრავმების შემდეგ.

ჩვენება

· ადგილობრივი ანთება (შეშუპება, ჰემატომები)

· კონტრაქტურები

· კუნთების დაჭიმულობა, წვა და ტკივილი

· მცირე ტრამვები

· სხვადასხვა ლოკალიზაციის ოსტეოართროზი  ( მუხლის, მენჯ-ბარძაყის , სხივ-მაჯის  და სხვ. სახსრების)

· იოგებისა და მყესების, ძვლების პოსტტრამვული პერიოდი

· სახსრებზე ჩატარებული ოპერაციის შემდგომი პერიოდი

· ინტენსიური ფიზიკური დატვირთვის პირები და სპორტსმენები

შემადგენლობა

ეთანოლი, მენთოლი, ქაფური, მწვანე თიხა, შვიტა, ჰარპაგოფიტუმი, შავი მოცხარი. ეთერზეთები: პიტნა, როზმარინი, კაჯებუტი (Cajuput- თეთრი ჩაის ხე), გაულტერია, წითელი ბეგქონდარა. 

გამოყენების წესი

გამოიყენება 7 წლიდან და მოზრდილებში. ქონდროსტეო ფორტე როლერი დაიტანეთ მტკივნეულ ადგილებზე წრიული მოზრაობით. გაიმეორეთ აპლიკაცია 2-3-ჯერ დღეში ადგილობრივი მასაჟით. შეინახეთ დახურულ მდგომარეობაში.  

გაფრთხილება: მოერიდეთ კონტაქტს თვალებთან და/ან ლორწოვან გარსებთან, არ წაისვათ ღია ჭრილობებზე , დაზიანებულ კანზე, არ გამოიყენოთ სახვევის ქვეშ, არ გამოიყენოთ სხვა კრემებთან, გელებთან ერთად. ანტიკოაგულანტების მიღების შემთხვევაში და ეპილეფსიით დაავადებულ პაციენტებში გამოყენებამდე გაიარეთ კონსულტაცია ექიმთან. თუ ტკივილი გაგრძელდა 5 დღეზე მეტი ხნის განმავლობაში, შეწყიტეთ გელის გამოყენება და მიმართეთ ექიმს. ალერგიული რეაქციის შემთხვევაში შეწყვიტეთ მიღება, გვერდითი მოვლენების შემთხვევაში მიმართეთ ექიმს. შეინახეთ დახურულ მდგომარეობაში მშრალ და სინათლისგან დაცულ ადგილას. არ გამოიყენება 7 წლამდე ასაკის ბავშვებში, ორსულობის და ლაქტაციის პერიოდში. 

შენახვის პირობები

შეინახეთ მშრალ და გრილ ადგილას.

გამოშვების ფორმა: ბურთულიანი ბოთლი 50 მლ. 

მწარმოებელი: ლაბორატორია გრანიო/ Granions Laboratoire. დამზადებულია საფრანგეთში.

ლაბორატორია გრანიო® - ლიდერი ოლიგოთერაპიაში

ფრანგული ფარმაცევტული კომპანია ლაბორატორია გრანიო® 75 წელზე მეტი ხნის განმავლობაში ქმნის და ავითარებს პრემიუმ ხაზის ინოვაციურ საკვებ დანამატებს, რომელიც მიზნად ისახავს ჯანმრთელობის ზოგადი მდგომარეობის შენარჩუნებას, გაუმჯობესებას, დაავადებების პროფილაქტიკას და მკურნალობას. კომპანიის სტრატეგიული საქმიანობა ეფუძნება ისეთ ძირითად ღირებულებებს, როგორიცაა სრულყოფილება, ხარისხი, გამჭვირვალობა და მომსახურების მაღალი სტანდარტი. კომპანიის კვლევითი და ტექნოლოგიური მიდგომა ორიენტირებულია მიკროელემენტების ზუსტ დოზირებაზე, მათ შორის ბიოქიმიურ ურთიერთქმედებებსა და შეწოვის მექანიზმებზე, რაც განაპირობებს მის წამყვან როლს ოლიგოთერაპიის მიმართულებით. 

ლაბორატორია გრანიო®, როგორც ოლიგოთერაპიისა და საკვები დანამატების წამყვანი ფრანგული ბრენდი, განსაკუთრებულ მნიშვნელობას ანიჭებს ზღვის კოლაგენის შემცველი პროდუქტების წარმოებას. ეს არჩევანი განპირობებულია ზღვის კოლაგენის უნიკალური ბიოქიმიური შემადგენლობითა და მრავალმხრივი სასარგებლო თვისებებით, რაც ხელს უწყობს თმა, კანი, ფრჩხილის, სახსრების და ძვლების ჯანმრთელობის შენარჩუნებას და გაუმჯობესებას.

გრანიოს პროდუქცია იწარმოება საერთაშორისო GMP (Good Manufacturing Practices) სტანდარტების სრული დაცვით, რაც განსაზღვრავს ბრენდის მაღალ სანდოობას,  უსაფრთხოებას და ეფექტურობას.