ქლეარზალი BAC 30მლ შუშის ქლიბ

გამოყენების ინსტრუქცია 

ქლეარზალ BAC / ClearZal BAC

ადგილობრივი ანტიმიკრობული ხსნარი ინფიცირებული უბნების სამკურნალოდ.

•  ფრჩხილის სამკურნალო ერთადერთი საშუალება, რომელიც კლავს სამივე ტიპის მიკრობს, სოკოების, ბაქტერიების და ვირუსების 99,9%-ს, რომლებმაც შეიძლება გამოიწვიოს ფრჩხილის ინფექცია და ისეთი გართულებები, როგორიცაა ონიქომიკოზი ან პარონიქია.

ქლეარზალ BAC-ი სწრაფად უმიზნებს და კლავს სოკოსა და ბაქტერიას, რის შედეგადაც უკვე იზრდება ჯანმრთელი ფრჩხილი.

•  უფრო ეფექტურია, ვიდრე მხოლოდ სოკოს საწინააღმდეგო ყველა სხვა აქტუალური პროდუქტი, რამდენადაც ფრჩხილის ინფექციების 50%-მდე შეიძლება გამოწვეული იყოს ბაქტერიებითა და ვირუსებით.

•  აქვს მოხმარების უნიკალური სისტემა ჰიგიენურ საწვეთის გამოყენებით, განსხვავებით კალმის ან ფუნჯისგან, რომელიც აქრობს ლორწოს და რამაც შეიძლება გამოიწვიოს უხეში დაბინძურებაც კი!

•  თითოეულ ქლეარზალ BAC-ის პაკეტს მოყვება პრემიუმ კლასის ფრჩხილის ქლიბი, რომელიც საჭიროების შემთხვევაში გეხმარებათ ფრჩხილის დაზიანებული ქსოვილის მოცილებაში, რაც აჩქარებს მკურნალობას და საშუალებას იძლევა მოხდეს ქლეარზალ BAC-ის სრული პენეტრაცია დაზიანებულ უბანში.

•  შეიცავს ალოე ვერას, რომელსაც გააჩნია დამარბილებელი ეფექტი, ხელს უწყობს ფრჩხილის გარშემო დაზიანებული კანის აღდგენას, გაჯანსაღებას და ფრჩხილის სწრაფ ზრდას.

•  არ შეიცავს არანაირ ლაქებს, აგრესიულ მჟავებს, ზეთებს ან ალკოჰოლს.

•  არომატების და პარაბენების გარეშე.

სავაჭრო დასახელება:

ქლეარზალ BAC – ClearZal BAC

საერთაშორისო არაპატენტირებული დასახელება:

ბენზალკონიუმის ქლორიდი (0.1 % w/v).

შემადგენლობა:

ბენზალკონიუმის ქლორიდი, ალოე.

აღწრილობა: 

უსუნო, თეთრი ფერის სითხე შუშის ქლიბთან ერთად.

ფარმაკოთერაპიული ჯგუფი: 

პრეპარატი ანტიბაქტერიული, ანტივირუსული და ანტიფუნგალური მოქმედებით.

ფარმაკოლოგიური თვისებები:

-  ადგილობრივი გამოყენების  სოკოს საწინააღმდეგო საშუალება, რომელსაც დამატებით გააჩნია ანტი-ვირუსული და ანტიბაქტერიული მოქმედება. 0.1% იანი კონცენტრაციით  ქლეარზალ BAC-ი ახდენს ფუნგიციდურ მოქმედებას დერმატოფიტების, ობისა და ზოგიერთი დიმორფული სოკოების მიმართ.

-  ქლეარზალ BAC-ი სოკოებში სტეროლის სინთეზს არღვევს ადრეულ სტადიებში. ამას მივყავართ ერგოსტეროლის დეფიციტსა და სკვალენის უჯრედის შიგნით დაგროვებამდე, რაც იწვევს სოკოს უჯრედის სიკვდილს.

-  ბენზალკონიუმის ქლორიდი არის ფართო სპექტრის ანტიბიოტიკი, რომელიც 99,9% ით ანადგურებს ადგილობრივად ბაქტერიებს და ვირუსებს. აქვს კარგად გამოხატული ბაქტერიოციდული, ვირუციდული და ანტიფუნგალური მოქმედება. აქტიურია როგორც გრამ (+)  ასევე  გრამ (-) შტამების მიმართ.

-  ქლეარზალ BAC-ი არ ახდენს გავლებას ადამიანში ციტოქრომ P 450 ფერმენტულ სისტემაზე შესაბამისად არ მოქმედებს ჰორმონების ან სხვა სამკურნალო პრეპარატების მეტაბოლიზმზე.

ქლეარზალ BAC-ი დამატებით შეიცავს ალოეს, რომელსაც გააჩნია დამარბილებელი ეფექტი, რომელიც ხელს უწყობს დაზიანებული კანის აღდგენას  და ფრჩხილის სწრაფ ზრდას.

ფამაკოკინეტიკა: 

პრეპარატს აქვს ადგილობრივი მოქმედება, არ ხვდება სისტემურ მიმოქცევაში.

ჩვენება:  

ონიქომიკოზი.

უკუჩვენება:

- მომატებული მგრძნობელობა პრეპარატში შემავალი კომპონენტების მიმართ.

- 6 წლამდე ასაკი.

გვერდითი მოქმედება:

იშვიათ შემთხვევებში შესაძლებელია გამოვლინდეს სიწითლე და ქავილი. აღნიშნული სიმპტომების გამოვლენისას უნდა შეწყდეს პრეპარატის გამოყენება.

გამოყენების წესი და დოზირება:

გამოიყენება დღეში ორჯერ მთელი ფრჩხილის გარშემო და ფრჩხილის თავისუფალი კიდის ქვეშ ინფექციის კერამდე. პრეპარატის გამოყენებამდე აუცილებელია დაზიანებული მონაკვეთის გასუფთავება ქლიბით, დაბანა და გაშრობა.

დასაშვებია რეგულარული გამოყენებისთვის, ინფექციის გაჩენის ან განმეორების თავიდან ასაცილებლად.

მკურნალობის ხანგრძლივობა:

4-8 კვირა, დაავადების სირთულიდან გამომდინარე.

თერაპია განისაზღვრება ფრჩხილის ზრდით.

სიფრთხილის ზომები:

არ შეიძლება პრეპარატის მოხვედრა პირის, ცხვირის, თვალის მიდამოებში.

პროდუქტის ფორმა:

30 მლ (0.1 % w/v) გარეგანი გამოყენების ხსნარი, მოთავსებულია მუყაოს კოლოფში მინის ქლიბთან და პაციენტის ინფორმაციასთან ერთად.

აფთიაქიდან გაცემის პირობები:

გაიცემა ურეცეპტოდ.

შენახვის  პირობები: 

ინახება ბავშვებისათვის  მიუწვდომელ ადგილას, არა უმეტეს 25⁰C.

შენახვის ვადა:

მითითებულია კოლოფზე და ეხება გაუხსნელ პროდუქტს ორიგინალ შეფუთვაში, რომელიც ინახება სათანადო პირობების მიხედვით.

მწარმოებელი კომპანია:

DiaDerm-ის ლაბორატორია აშშ.

სავაჭრო ლიცენზიის მფლობელი:

ZEON Healthcare LID - ირლანდია.