ქინძმარაული მარანი, რქაწითელი, თეთრი მშრალი ღვინო, 2019 წ.

დახასიათება

რქაწითელი ერთ-ერთი ყველაზე გავრცელებული ყურძნის ჯიშია, რომლითაც ქარვისფერი, თეთრი მშრალი, ქვევრის ღვინოს დაყენება შეიძლება. ქინძმარაული მარნის კლასიკური ღვინო 100% რქაწითელისგანაა დამზადებული და ამ ყურძნის ჯიშის პოტენციალს საუკეთესოდ გამოხატავს. სასმელი ღია ჩალისფერი შეფერილობისაა, აქვს ხილის, ყვავილების, ანანასის არომატი და ენერგიული, მაღალმჟავიანი გემო, რომელსაც, ინტენსიურობის მიუხედავად, სასიამოვნოდ რბილი დასრულება აქვს. ღვინის დასაგემოვლებლად 12-14 გრადუსი იდეალური ტემპერატურაა.

ბრენდის ისტორია

კომპანია „ქინძმარაულის მარანი“ დაარსდა 2001 წელს. კომპანიის თანამედროვე საწარმო უახლესი ტექნიკით არის აღჭურვილი.

როგორც ცნობილია, საქართველოში ადგილობრივი ვაზის 500-მდე აბორიგენული ჯიში არსებობდა, აქედან 423 „ქინძმარაულის მარანის“ მიერ მოძიებულია და ქარხნის მიმდებარე ტერიტორიაზე არსებულ საკოლექციო ვენახშია გაშენებული. ვენახები და საწარმო საქართველოს ისტორიული კუთხის- კახეთის შუაგულში მდებარეობს. ეს კუთხე მდიდარი და მრავალფეროვანი მევენახეობის კულტურით გამოირჩევა, რაც განპირობებულია უნიკალური კლიმატური პირობებითა და ლანდშაფტით.

ეს გამორჩეული ადგილმდებარეობა „ქინძმარაულის მარანს“ საშუალებას აძლევს კახური ყურძნის ჯიშებისგან და მეღვინეობის ტრადიციების გამოყენებით აწარმოოს ღვინის ოცამდე სახეობა, ამავდროულად, კომპანია აწარმოებს ორი სახეობის, ქართულ ტრადიციულ სპირტიან სასმელს - ჭაჭას.