ქინძმარაული მარანი, კრახუნა ქვევრი, თეთრი მშრალი ღვინო, 2019 წ.

დახასიათება

კრახუნა იმერული ვაზის ჯიშია, რომლისგანაც სხეულიანი, მსუყე, ძლიერი ღვინო დგება. სასმელში იდეალურადაა დაბალანსებული ძლიერი ხასიათი და სიმსუბუქე. ღვინოს მწიფე ყვითელი ხილის, მცენარეული არომატი და მაღალმჟავიანი, გამჭოლი გემო აქვს. კრახუნას დაძველების კარგი პოტენციალი აქვს, რის შემდეგადაც სასმელი გაცილებით ღრმა და საინტერესო ხდება. კრახუნას დასაგემოვნებლად იდეალური ტემპერატურა 14-16 გრადუსია.

ბრენდის ისტორია

კომპანია „ქინძმარაულის მარანი“ დაარსდა 2001 წელს. კომპანიის თანამედროვე საწარმო უახლესი ტექნიკით არის აღჭურვილი.

როგორც ცნობილია, საქართველოში ადგილობრივი ვაზის 500-მდე აბორიგენული ჯიში არსებობდა, აქედან 423 „ქინძმარაულის მარანის“ მიერ მოძიებულია და ქარხნის მიმდებარე ტერიტორიაზე არსებულ საკოლექციო ვენახშია გაშენებული. ვენახები და საწარმო საქართველოს ისტორიული კუთხის- კახეთის შუაგულში მდებარეობს. ეს კუთხე მდიდარი და მრავალფეროვანი მევენახეობის კულტურით გამოირჩევა, რაც განპირობებულია უნიკალური კლიმატური პირობებითა და ლანდშაფტით.

ეს გამორჩეული ადგილმდებარეობა „ქინძმარაულის მარანს“ საშუალებას აძლევს კახური ყურძნის ჯიშებისგან და მეღვინეობის ტრადიციების გამოყენებით აწარმოოს ღვინის ოცამდე სახეობა, ამავდროულად, კომპანია აწარმოებს ორი სახეობის, ქართულ ტრადიციულ სპირტიან სასმელს - ჭაჭას.