ფურო-დენკი 40 - Furo-Denk 100 ტაბლეტი

ფურო-დენკ 40
ტაბლეტები - პერორალურად მისაღები
მარყუჟოვანი შარდმდენი 
აქტიური ნივთიერება: ფუროსემიდი

გამოყენების ინსტრუქცია: ინფორმაცია მომხმარებლისთვის
მედიკამენტის მიღებამდე საჭიროა ინსტრუქციის სრულად ყურადღებით წაკითხვა, რადგან ის შეიცავს პაციენტისათვის მნიშვნელოვან ინფორმაციას.
­- საჭიროა ინსტრუქციის შენახვა, შესაძლოა წარმოიშვას მისი ხელახალი გაცნობის საჭიროება.
­- თუ წარმოიშვა დამატებითი შეკითხვები უნდა მიემართოს მკურნალ ექიმს ან ფარმაცევტს.
­- აღნიშნული მედიკამენტი განკუთვნილია მხოლოდ პაციენტისათვის, მისი გადაცემა არ შეიძლება სხვა პირზე, ის შეიძლება საზიანო იყოს მისი ჯანმრთელობისათვის მსგავსი სიმპტომების არსებობის შემთხვევაშიც კი.
­- თუ რომელიმე გვერდითი ეფექტი გამოვლინდება, უნდა მიემართოს მკურნალ ექიმს ან ფარმაცევტს. ეს ასევე ეხება, შესაძლო გვერდით ეფექტებს, რომელიც არ არის აღნიშნული გამოყენების ამ ინსტრუქციაში. იხილეთ პუნქტი 4.

რა არის აღნიშნული გამოყენების ამ ინსტრუქციაში:
1.    რა არის ფურო-დენკ 40 და რისთვის გამოიყენება
2.    რა არის გასათვალისწინებელი ფურო-დენკ 40-ის მიღებამდე
3.    ფურო-დენკის მიღების წესი
4.    შესაძლო გვერდითი ეფექტები
5.    ფურო-დენკ 40-ის შენახვის წესი
6.    შეფუთვის შემადგენლობა და სხვა ინფორმაცია

1.    რა არის ფურო-დენკ 40 და რისთვის გამოიყენება

ფურო-დენკი არის წყლის ტაბლეტები (>შარდმდენი)
ფურო-დენკ 40 გამოიყენება:
-    შეშუპება (სითხის შეკავება ქსოვილში), რომელიც დაკავშირებულია გულის უკმარისობასთან ან ღვიძლის დაავადებასთან;
-    თირკმელების დაავადებასთან დაკავშირებული შეშუპება (ნეფროზული სინდრომის შემთხვევაში [ცილების დაკარგვა, ლიპიდური დარღვევები, წყლის დაგროვება] უმნიშვნელოვანესია ძირითადი მდგომარეობის მკურნალობა);
-    ქსოვილში სითხის დაგროვება (დამწვრობასთან დაკავშირებული შეშუპება);
-    მაღალი არტერიული წნევა (არტერიული ჰიპერტენზია) 

2.    რა არის გასათვალისწინებელი ფურო-დენკ 40-ის მიღებამდე

ფურო-დენკ 40 არ მიიღება
-    ჰიპერმგრძნობელობა აქტიური ნივთიერების, სულფონამიდების (შესაძლოა ჯვარედინი ალერგია ფუროსემიდთან) ან რომელიმე დამხმარე ნივთიერების მიმართ, რომელიც ჩამოთვლილია პუნქტში 6). 
-    თირკმლის უკმარისობა ანურიით, რომელიც არ შეესაბამება ფურო-დენკ 40-ით თერაპიას. 
-    ღვიძლის უკმარისობა, რაც დაკავშირებულია ცნობიერების დაქვეითებასთან (კომა და ღვიძლის პრეკომა)
-    კალიუმის მწვავე უკმარისობა
-    ნატრიუმის მწვავე უკმარისობა
-    მცირე რაოდენობის სისხლის ცირკულაცია (ჰიპოვოლემია) ან ორგანიზმში სითხის დეფიციტი (დეჰიდრატაცია)
-    ლაქტაციის დროს (იხ. პუნქტი ორსულობა და ლაქტაცია)

გამოყენების სპეციალური გაფრთხილებები და სიფრთხილის ზომები 
ფურო-დენკ 40-ის მიღებამდე უნდა მიემართოს ექიმს ან ფარმაცევტს
-    ძალიან დაბალი არტერიული წნევის დროს
-    თუ პაციენტი ხანდაზმულია, ღებულობს სხვა მედიკამენტს, რომელმაც შესაძლებელია გამოიწვიოს არტერიული წნევის დაცემა, ან თუ პაციენტს აქვს სხვა სამედიცინო მდგომარეობა, რომელიც ზრდის არტერიული წნევის ვარდნის რისკს.
-    გამოხატული ან ლატენტური შაქრიანი დიაბეტი; საჭიროა სისხლში შაქრის დონის რეგულარული კონტროლი 
-    თუ პაციენტს აქვს პოდაგრა; აუცილებელია შრატში შარდმჟავას რეგულარული კონტროლი
-    თუ პაციენტს აქვს შარდის გამოყოფის დარღვევა (მაგ: პროსტატის ჯირკვლის გადიდება, ჰიდრონეფროზი, შარდსადინარის სტენოზის შემთხვევაში). 
-    შრატში ცილების რაოდენობის დარღვევა, მაგალითად, ნეფროზული სინდრომის შემთხვევაში (ცილების დაკარგვა, ლიპიდების მხრივ დარღვევები და წყლის შეკავება); საჭიროა დოზის ფრთხილი დარეგულირება
-    პროგრესირებადი თირკმელის ფუნქციის დარღვევა, დაკავშირებული ღვიძლის მძიმე დაავადებასთან, მაგ: ღვიძლის ციროზი (ჰეპატორენალური სინდრომი)
-    პაციენტები, რომლებსაც აქვთ სისხლის მიწოდების ცერებროვასკულარული კორონალური დარღვევა, ვინაიდან იმყოფებიან განსაკუთრებული საფრთხის ქვეშ არტერიული წნევის არასასურველი, ძლიერი ვარდნის გამო. 
პაციენტებში, რომლებსაც დარღვევები შარდის გამოყოფის მხრივ (მაგ: პროსტატის ჯირკვლის გადიდება), ფურო-დენკ 40 გამოიყენება მხოლოდ იმ შემთხვევაში, თუ შესაძლებელია უზრუნველყოფილი იყოს შარდის შეუფერხებლად გამოყოფა, ვინაიდან შარდის რაოდენობის უეცარმა მატებამ შეიძლება გამოიწვიოს საშარდები გზების ობსტრუქცია, ზედმეტად გაბერილი შარდის ბუშტით. 
ფურო-დენკ 40 იწვევს ნატრიუმისა და ქლორიდის და შესაბამისად, წყლის ექსკრეციის გაზრდას. ასევე სხვა ელექტროლიტების (განსაკუთრებით კალიუმის, კალციუმის და მაგნიუმის) ექსკრეციის გაზრდას. ვინაიდან, ფურო-დენკ 40-ით თერაპიის დროს ხშირად შეინიშნება სითხისა და ელექტროლიტების ბალანსის დარღვევა; აქედან გამომდინარე, სასურველია სისხლის ანალიზების რეგულარული მონიტორინგი. 
განსაკუთრებით, ფურო-დენკ 40-ით ხანგრძლივი მკურნალობის განმავლობაში, საჭიროა სისხლის ზოგიერთი მაჩვენებლის კონტროლი რეგულარულად, ძირითადად კალიუმის, ნატრიუმის, კალციუმის, ბიკარბონატის, კრეატინინის, შარდოვანას და შარდმჟავას, ასევე სისხლში შაქრის დონის შემოწმება. 
ელექტროლიტური დისბალანსის მაღალი რისკის ქვეშ მყოფი პაციენტები, განსაკუთრებული სიფრთხილით უნდა გაკონტროლდნენ, ისევე როგორც, ისინი, ვისაც აქვთ სითხის დიდი დანაკარგი (მაგ: ღებინების, დიარეის ან ძლიერი ოფლიანობის გამო). მკურნალობას საჭიროებს, მცირე რაოდენობით სისხლის ცირკულაცია, ან ორგანიზმში სითხის დეფიციტი, ისევე როგორც არსებითი ელექტროლიტური ან მჟავა-ტუტოვანი დისბალანსი. ამ შემთხვევაში, შეიძლება საჭირო გახდეს ფურო-დენკ 40-ით მკურნალობის დროებით შეწყვეტა. 
ელექტროლიტური დისბალანსის შესაძლო განვითარებაზე გავლენას ახდენს ძირითადი მდგომარეობა (მაგ: ღვიძლის ციროზი, გულის უკმარისობა), თანმხლები მედიკამენტები და დიეტა. 
შარდის გამოყოფის გაზრდით გამოწვეული წონის კლება არ უნდა აღემატებოდეს 1 კგ/დღეში, გამოყოფილი შარდის რაოდენობის მიუხედავად. 
ნეფროზული სინდრომის შემთხვევაში (იხ. ზემოთ), ექიმის მიერ დანიშნული დოზა განსაკუთრებული სიფრთხილით უნდა იქნას დაცული, წამლის არასასურველი რეაქციების უფრო ხშირად გამოვლენის საშიშროების გამო. 
არსებობს სისტემური მგლურას ერითემატოზის გამწვავების ან გააქტიურების შესაძლებლობა, დაავადება როდესაც იმუნური სისტემა “ებრძვის” საკუთარ ქსოვილს. 

ამ მედიკამენტის რისპერიდონთან კომბინირებული თერაპია:
რისპერიდონის პლაცებო კონტროლირებად კვლევებში, დემენციის მქონე ხანდაზმულ პაციენტებში, სიკვდილიანობის უფრო მაღალი სიხშირე დაფიქსირდა პაციენტებში, რომლებიც ერთდროულად მკურნალობდნენ ფუროსემიდით და რისპერიდონით,  იმ პაციენტებთან შედარებით, რომლებიც იღებენ მხოლოდ რისპერიდონს ან მხოლოდ ფუროსემიდს. აქედან გამომდინარე, სიფრთხილის ზომების მიღებაა საჭირო, და ამ კომბინაციის რისკი-სარგებელის თანაფარდობის შეფასება ან წყლის სხვა ძლიერმოქმედი ტაბლეტების მიღება უნდა შეფასდეს ექიმის მიერ.
უნდა გამოირიცხოს ორგანიზმში სითხის დაგროვება. 

ბავშვები
დღენაკლული ახალშობილები უნდა იმყოფებოდნენ განსაკუთრებული ყურადღების ქვეშ, ვინაიდან არსებობს თირკმლისმიერი კალციფიკაციის ან თირკმლის “კენჭები”; თირკმლის ფუნქციის მაჩვენებლების კონტროლი, თირკმლის ულტრასონოგრაფია.
დღენაკლულ ახალშობილებში, რომლებსაც აქვთ რესპირატორული დისტრესს სინდრომი, დიურეზული მკურ 
დღენაკლულ ახალშობილებში, რომლებსაც აქვთ სუთქვის მხრივ დარღვევები (რესპირატორული დისტრესს სინდრომი), დიურეზული მკურნალობა ფურო-დენკ 40-ით, სიცოცხლის პირველ რამდენიმე კვირაში, შეიძლება გაიზარდოს სისხლძარღვების მხრივ დარღვევების რისკი, რომელიც შიეძლება გადაიზარდოს ფილტვისმიერ სისხლის ცირკულაციის დარღვევებში ნაყოფის არსებობის განმავლობაში, დახურვის შეუძლებლობით (Bოტალლო მუდმივი სადინრის არტერიოზი)

სხვა მედიკამენტები და ფურო-დენკ 40
უნდა მიემართოს ექიმს ან ფარმაცევტს თუ პაციენტი ღებულობს, უახლოეს წარსულში ღებულობდა, ან შეიძლება მიიღოს სხვა რომელიმე მედიკამენტი
ქვემოთ ჩამოთვლილ მედიკამენტებთან ან მედიკამენტების ჯგუფებთან კომბინირებულმა თერაპიამ შეიძლება გავლენა მოახდინოს ფურო-დენკ 40-ის ეფექტზე
-    გლუკოკორტიკოიდების (“კორტიზონი”), კარბენოქსოლონის ან საფაღარათო საშუალებები, შეიძლება გამოიწვიოს კალიუმის დაკარგვა, ჰიპოკალიემიის გავითარების რისკით. 
-    ანთების საწინააღმდეგო ეფექტის მქონე საშუალებებს (არასტეროიდული ანთების საწინააღმდეგო მედიკამენტები, მაგ: ინდომეტაცინი და აცეტილსალიცინის მჟავა) შეუძლიათ შეამცირონ ფურო-დენკ 40-ის ეფექტი. არასტეროიდული ანთების საწინააღმდეგო საშუალებების და ფურო-დენკ 40-ის ერთდროულმა გამოყენებამ, შეიძლება გამოიწვიოს თირკმლის მწვავე უკმარისობა წინასწარ არსებული ჰიპოვოლემიის ან დეჰიდრატაციის შემთხვევაში. 
-    პრობენეციდმა (პოდაგრას სამკურნალო), მეთოტრექსატმა (რევმატიზმის სამკურნალო ან იმუნოსუპრესანტი) და სხვა საშუალებებმა, რომლებიც, ფუროსემიდის მსგავსად, გამოიყოფა თირკმელები საშუალებით, შეიძლება შეასუსტონ ფურო-დენკ 40-ის ეფექტი. 
-    გამოვლინდა ფურო-დენკ 40-ის ეფექტის დაქვეითება, ფენიტოინთან (კრუნჩხვის ან გარკვეული ტიპის ტკივილის სამკურნალო) კომბინირებული თერაპიის დროს.
-    ვინაიდან, სუკრალფატი (კუჭის მედიკამენტი) ამცირებს ფურო-დენკ 40-ის შეწოვას და ამით ამცირებს მის ეფექტს, ორივე მედიკამენტი არ უნდა იქნას მიღებული ერთმანეთისგან 2 საათის განმავლობაში. 
ქვემოთ ჩამოთვლილი მედიკამენტების ან მედიკამენტების ჯგუფების ეფექტზე შეიძლება გავლენა მოახდინოს ფურო-დენკ 40-ითან კომბინირებულმა თერაპიამ
-    თუ ზოგიერთი კარდიალური მედიკამენტი (გლიკოზიდები) ერთდროულად გამოიყენება, ფურო-დენკ 40-თან კომბინირებული თერაპიის შემთხვევაში შეიძლება განვითარდეს პალიუმის ან მაგნიუმის დეფიციტი, შეიძლება გაიზარდოს ამ კარდიალური მედიკამენტების მგრძნობელობა მიოკარდიუმისადმი. იზრდება არითმიების განვითარების რისკი (პარკუჭების არითმია, მათ შორის  ტორსადე დე პოინტის), თუ გამოიყენება ისეთ მედიკამენტებთან ერთად, რომელიც მოქმედებს ელექტროკარდიოგრამაზე (Qთ ინტერვალის გახანგრძლივებული სინდრომი) (როგორიც არის ტერფენადინი, ალერგიების სამკურნალო მედიკამენტი, არითმიის სამკურნალო მედიკამენტი [ანტიარითმიული კლასი I და III]), და არსებობს ელექტროლიტური დისბალანსი
-    სალიცილატების (ანალგეტიკები) მაღალი დოზების გვერდითი ეფექტები შეიძლება გაძლიერდეს ფურო-დენკ 40-თან ერთად გამოყენებისას. 
-    ფურო-დენკ 40-მა შეიძლება გააძლიეროს ანტიბიოტიკის ტოქსიკურობის ეფექტი, რომელიც მოქმედებს თირკმლების მხრივ (ნეფროტოქსიკური),  (მაგალითად ამინოგლიკოზიდები, ცეფალოსპორინები, პოლიმიქსინები). პაციენტებში, რომლებიც ერთდროულად მკურნალობენ ფურო-დენკ 40-ით და გარკვეული ცეფალოსპორინების მაღალი დოზებით, შეიძლება გაუუარესდეთ თირკმლის ფუნქცია. 
-    ამინოგლიკოზიდების (მაგ: კანამიცინი, გენტამიცინი, ტობრამიცინი) და სხვა მედიკამენტების ოტოტოქსიკური მოქმედება, რომლებმაც შეიძლება გამოიწვიონ სმენის დაქვეითება, შეიძლება გაძლიერდეს, ფურო-დენკ 40-თან კომბინირებული თერაპიის დროს. სმენის დაქვეითება შეიძლება იყოს ხანგრძლივი. ამიტომ, თავიდან უნდა იქნას აცილებული ზემოაღნიშნული მედიკამენტების ერთდროული მიღება. 
-    თუ ფურო-დენკ 40 გამოიყენება ცისპლატინთან (ავთვისებიანი დაავადებების სამკურნალოდ) ერთად, მოსალოდნელია სმენის პოტენციური დაქვეითება. ფურო-დენკ 40 მიიღება სიფრთხილით, ვინაიდან ცისპლატინის ნეფროტპქსიკური ეფექტი შეიძლება გაძლიერდეს.
-    ფურო-დენკ 40-ის და ლითიუმის (დეპრესიის ზოგიერთი ტიპის სამკურნალოდ) კომბინირებულმა თერაპიამ შეიძლება გააძლიეროს ლითიუმის კარდიოტოქსიკური და ნეიროტოქსიკური ეფექტი. ამიტომ, მიზანშეწონილია შრატში ლითიუმის დონის ფრთხილი მონიტორინგი პაციენტებში, რომლებიც იღებენ ორივე მედიკამენტს. 
-    ღოდესაც არტერიული წნევის დამაქვეიტებელი საშუალება ან შარდმდენი ან არტერიული წნევის პოტენციური ეფექტის მკონე მედიკამენტი მიირება ფურო-დენკ 40-თან ერთად, მოსალოდნელია არტერიული წნევის მკვეთრად დაცემა. არტერიული წნევის უკიდურესი ვარდნის შემთხვევაში, ზოგჯერ ვითარდება შოკი და თირკმლის ფუნქციის გაუარესება (ცალკეულ შემთხვევებში თირკმლის მწვავე უკმარისობა), აღინიშნა კომბინაციაში აგფ ინჰიბიტორებთან ან ანგიოტენზინ II რეცეპტორის ბლოკატორებთან ერთად, როდესაც ეს წამლები მიიღეს პირველად ან მიიღეს პირველად მაღალი დოზით. თუ შესაძლებელია, ფურო-დენკ 40-ით მკურნალობა დროებით უნდა შეწყდეს ან სულ მცირე დოზა უნდა შემცირდეს სამი დღით ადრე მკურნალობის დაწყებამდე ან აგფ ინჰიბიტორის ან ანგიოტენზინ II რეცეპტორის ბლოკატორის დოზის გაზრდამდე. 
-    ფურო-დენკ 40-ს შეუძლია შეამციროს პრობენეციდის, მეთოტრექსატის და სხვა პრეპარატების ექსკრეცია, რომლებიც ფუროსემიდის მსგავსად, გამოიყოფა თირკმელების საშუალებით. მაღალი დოზით მიღების შემთხვევაში, შეიძლება გამოიწვიოს შრატში აქტიური ნივთიერების დონის მომატება და შესაბამისად, გაზარდოს წამლის გვერდითი რეაქციების რისკი. 
-    თეოფილინის (ასთმის სამკურნალო საშუალება) ან კურარის მსგავსი კუნთების რელაქსანტების (კუნთის მომადუნებელი) ეფექტი შეიძლება გაძლიერდეს ფურო-დენკ 40-ის მიერ. 
-    სისხლში შაქრის დონის შემამცირებელი საშუალება (ანტი-დიაბეტური) ან ჰიპერტენზიული საშუალებების (პრესორული ამინები, როგორიცაა ეპინეფრინი, ნორეპინეფრინი) ეფექტი შეიძლება შესუსტდეს ფურო-დენკ 40-თან ერთად მიღებისას.
-    პაციენტები, რომლებიც მკურნალობენ რისპერიდონით, საჭიროა სიფრთხილის ზომების მიღება დსარგებელი-რისკის ტანაფარდობის შეფასება ექიმის მიერ ფურო-დენკ 40-თან ან სხვა შარდმდენებთან ერთად ან კომბინირებულად მიღების შემთხვევაში 
-    თიროიდული ჰორმონების (მაგალითად ლევოთიროქსინი) მაღალი დოზების  ფუროსემიდითან ერთროული მიღებამ შეიძლება გავლენა იქონიოს ფარისებრი ჯირკვლის ჰორმონების დონეზე. Aქედან გამომდინარე, საჭიროა, ფარისებრი ჯირკვლის ჰორმონის დონის მონიტორინგი პაციენტებში, რომლებიც ღებულობენ კომბინირებულ თერაპიას
სხვა ზემოქმედება
­    ციკლოსპორინ A-ს მიღება ფურო-დენკ 40-თან ერთად დაკავშირებულია სახსრების ანთების გამოვლენის მომატებულ რისკთან, პოდაგრას გამო, ფურასემიდით გამოწვეული სისხლში შარდმჟავას დონის მომატების და ციკლოსპორინით გამოწვეული შარდმჟავას თირკმლისმიერი გამოყოფით.
­    რენტგენოკონტრასტული საშუალებებით გამოწვეული თირკმლის დაზიანებს მაღალი რისკის მქონე პაციენტებში, რომლებიც ღებულობენ ფურო-დენკ 40-ს, რენტგენოკონტრასტული კვლევის შემდეგ თირკმლის დაზიანება გამოვლინდა უფრო ხშირად, ვიდრე იმ პაციენტებში, რომლებმაც კონტრასტულ კვლევამდე მიიღეს მხოლოდ ინტრავენური სითხე.
­    სითბოს შეგრძნება, ოფლიანობა, მოუსვენრობა, ღებინების შეგრძნება, არტერიული წნევის მომატება და გულის რითმის აჩქარება (ტაქიკარდია) შეიძლება გამოვლინდეს ინდივიდუალურ შემთხვევებში ფურო-დენკ 40-ის ინტრავენური მიღებიდან 24 საათის განმავლობაში ქლორალჰიდრატის მიღების შემდეგ. აქედან გამომდინარე, ფუროსემიდის და ქლორრალჰიდრათის კომბინირებული თერაპია თავიდან უნდა იქნას აცილებული.

ფურო-დენკ 40-ის მიღება სასმელთან და საჭმელთან ერთად
ფურო-დენკ 40-თან ერთად დიდი რაოდენობით ძირტკბილას მიღებამ შეიძლება გამოიწვიოს კალიუმის დანაკარგის გაზრდა

არასწორი გამოყენების ეფექტი დოპინგის მიზნებისთვის
ფურო-დენკ 40-ის მიღებამ შეიძლება ანტიდოპინგურ ანალიზებში აჩვენოს დადებითი შედეგი. ფურო-დენკ 40-ის არასწორი გამოყენება, როგორც დოპინგ-საშუალებამ, შეიძლება გამოიწვიოს სიცოცხლისთვის საშიში მდგომარეობა

ორსულობა და ლაქტაცია
თუ პაციენტი არის ორსულად ან ლაქტაციის პერიოდში, ფიქრობს რომ არის ორსულად, ან აპირებს დაფეხმძიმებას, ამ მედიკამენტის მიღებამდე უნდა მიემართოს ექიმს ან ფარმაცევტს
ორსულობა
ფურო-დენკ 40 არ მიიღება ორსულობის დროს, სანამ მკურნალი ექიმი არ ჩათვლის აბსოლუტურ აუცილებლობად, ვინაიდან აქტიური ნივთიერება ფუროსემიდე გადადის პლაცენტაში. 

ლაქტაცია
ფუროსემიდი გადადის დედის რძეში და აფერხებს ლაქტაციას. ლაქტაციის პერიოდში მყოფი ქალებისთვის არ არის რეკომენდებული ფურო-დენკ 40-ით მკურნალობის დროს. აუცილებლობის შემთხვევაში, დედამ უნდა შეწყვიტოს ლაქტაცია.

ავტომობილის და სხვა მანქანა-მოწყობილობების მართვა
სწორად გამოყენების შემთხვევაშიც კი, ამ მედიკამენტმა შეიძლება შეცვალოს რეაქციის უნარი იმდენად, რომ დააქვეითოს სატრანსპორტო საშუალების, მექანიზმების მართვის უნარი ან თავდაცვის საშუალებების გარეშე მუშაობის უნარი. ეს განსაკუთრებით ეხება მკურნალობის საწყის პერიოდს, დოზის გაზრდას და მედიკამენტის ცვლილებას, ასევე, ალკოჰოლთან კომბინაციას

ფურო-დენკ 40 შეიცავს ლაქტოზას
თუ პაციენტი ინფორმირებულია მკურნალი ექიმის მიერ, რომ აქვს რომელიმე შაქრის მიმართ აუტანლობა, ამ მედიკამენტის მიღებამდე უნდა მიემართოს მკურნალ ექიმს

ფურო-დენკ 40 შეიცალ ნატრიუმს
ეს მედიკამენტი თითოეულ ტაბლეტზე შეიცავს 1 მმოლზე ნაკლებ ნატრიუმს (23 მგ), შეიძლება ითქვას რომ “ნატრიუმისგან თავისუფალია”

3.    ფურო-დენკის მიღების წესი

ეს მედიკამენტი ყოველთვის მიიღება ექიმის ან ფარმაცევტის დანიშნულების ზუსტი დაცვით. უნდა მიემართოს ექიმს ან ფარმაცევტს თუ პაციენტი არ არის დარწმუნებული რაიმეში. 
ფოზოლოგია
დოზის განსაზღვრა ხდება ინდივიდუალურად, კერძოდ, თერაპიაზე პაციენტის რეაგირების შესაბამისად. სასურველი შედეგის მისაღწევად, ყოველთვის უნდა იქნას მიღებული საჭირო მინიმალური დოზა. 
რეკომენდებული დოზა შემდეგია:
გულის უკმარისობასთან ან ღვიძლის დაავადებასთან დაკავშირებული შეშუპება:
ჩვეულებრივ საწყისი დოზა მოზრდილებისთვის არის ფურო-დენკ 40-ის 1 ტაბლეტი (შეესაბამება 40 მგ ფუროსემიდს) ერთჯერადი დოზის სახით. თუ შარდმდენების ეფექტი არადამაკმაყოფილებელია, ერთჯერადი დოზა შეიძლება გაიზარდოს ფურო-დენკ 40-ის 2 ტაბლეტამდე (შეესაბამება 80 მგ ფუროსემიდს) 6 საათის შემდეგ. თუ შარდმდენის მოქმედების ისევ არაადეკვატურია, ფურო-დენკ 40-ის 4 დამატებითი ტაბლეტი (შეესაბამება 160 მგ ფუროსემიდს) შეიძლება დაინიშნოს 6 საათის შემდეგ. საჭიროების შემთხვევაში, 200 მგ-ზე მეტი ფუროსემიდის საწყისი დოზები შეიძლება დაინიშნოს ცალკეულ შემთხვევებში, ფრთხილი კლინიკური დაკვირვებით. 
ჩვეულებრივ, შემანარჩუნებელი დოზა არის ფურო-დენკ 40-ის 1-2 ტაბლეტი დღეში (შეესაბამება 40მგ – 80მგ ფუროსემიდს).
შარდის გამოყოფის გაზრდით გამოწვეული წონის კლება (დიურეზი) არ უნდა აღემატებოდეს 1 კგ/დღეში. 
თირკმელების დაავადებასთან დაკავშირებული შეშუპება:
მოზრდილებისთვის ჩვეულებრივ საწყისი დოზა არის ფურო-დენკ 40-ის 1 ტაბლეტი დილით (შეესაბამება 40 მგ ფუროსემიდს) ერთჯერადი დოზის სახით. თუ დიურეზული მოქმედება რადამაკმაყოფილებელია, ერთჯერადი დოზა შეიძლება გაიზარდოს ფურო-დენკ 40-ის 2 ტაბლეტამდე (შეესაბამება 80 მგ ფუროსემიდს) 6 საათის შემდეგ. თუ შარდის გამოყოფა კვლავ არასაკმარისია, ფურო-დენკ 40-ის 4 დამატებითი ტაბლეტი (შეესაბამება 160 მგ ფუროსემიდს) შეიძლება დაინიშნოს 6 საათის შემდეგ. საჭიროების შემთხვევაში, 200 მგ-ზე მეტი ფუროსემიდის საწყისი დოზები შეიძლება დაინიშნოს ცალკეულ შემთხვევებში, ფრთხილი კლინიკური მეთვალყურეობით. 
ჩვეულებრივ, შემანარჩუნებელი დოზა არის ფურო-დენკ 40-ის 1-2 ტაბლეტი დღეში (შეესაბამება 40მგ – 80მგ ფუროსემიდს).
შარდის გამოყოფის გაზრდით გამოწვეული წონის კლება არ უნდა აღემატებოდეს 1 კგ/დღეში. 
ნეფროზული სინდრომის შემთხვევაში, დოზირების რეჟიმი უნდა შეირჩეს სიფრთხილით, რადგან არსებობს წამლის გვერდითი რეაქციების გაზრდის საშიშროება. 
დამწვრობასთან დაკავშირებული შეშუპება:
დღიური და/ან ერთჯერადი დოზა შეიძლება მერყეობდეს ფურო-დენკ 40-ის 1-დან 2 ½ ტაბლეტამდე (შეესაბამება 40მგ – 100მგ ფუროსემიდს). გამონაკლის შემთხვევებში, როგორიცაა თირკმლის ფუნქციის დარღვევა, შეიძლება დაინიშნოს ფურო-დენკ 40-ის 6 ტაბლეტი (შეესაბამება 240მგ ფუროსემიდს). ვასკულარული სითხის დეფიციტი უნდა იყოს კომპენსირებული ფუროსემიდით მკურნალობის დაწყებამდე. 
გამოყენებამდე უნდა იყოს კომპენსირებული ინტრავასკულარული ჰიპოვოლემია. 
მაღალი არტერიული წნევა (არტერიული ჰიპერტენზია):
ჩვეულებრივ დღიური დოზა არის ფურო-დენკ 40-ის 1 ტაბლეტი (შეესაბამება 40 მგ   ფუროსემიდს) მონოთერაპია ან სხვა პრეპარატებთან ერთად. 
გამოყენება ბავშვებში: 
ფუროსემიდის ჩვეულებრივი დღიური დოზა პედიატრიულ პაციენტებში არის ფუროსემიდის 1 (2-მდე) მგ/კგ სხეულის მასაზე. თუმცა, არ უნდა აღემატებოდეს მაქსიმუმ 40 მგ ფუროსემიდს დღეში.

მიღების მეთოდი:
ტაბლეტები მიიღება უზმოზე და უნდა გადაიყლაპოს მთლიანად საკმარისი რაოდენობის სითხის მიყოლებით (მაგ: 1 ჭიქა წყალი). 
მკურნალობის ხანგრძლივობას გადაწყვეტს ექიმი. იგი დამოკიდებულია დაავადების ტიპზე და სიმძიმეზე. 

ფურო-დენკ 40-ის დოზის გადაჭარბება
თუ მოსალოდნელია ფურო-დენკ 40-ით დოზის დიდი ოდენობით გადაჭარბება, დაუყონებლივ უნდა ეცნობოს ექიმს. იგი გადაწყვეტსსაჭირო მისაღებ დოზებს, თუ აუცილებელია, დოზის გადაჭარბების სიმძიმის მიხედვით
მწვავე ან ქრონიკული დოზის გადაჭარბების კლინიკური სურათი დამოკიდებულია წყლისა და მარილების დაკარგვის გამოხატულობის ხარისხზე. დოზის გადაჭარბებამ შეიძლება გამოიწვიოს არტერიული წნევის ვარდნა და სისხლის მიმოქცევის დარღვევა მწოლიარე მდგომარობაიდან ადგომის დროს, ელექტროლიტური დისბალანსი (კალიუმის, ნატრიუმის და ქლორიდის დონის შემცირება) ან pH დონის მომატება შრატში (ალკალოზი). 
სითხის მნიშვნელოვანმა დაკარგვამ შეიძლება გამოიწვიოს ორგანიზმში სითხის დეფიციტ, ცირკულაციური კოლაფსი და სისხლის გასქელება (ჰემოკონცენტრაცია), თრომბოზისადმი მიდრეკილებით, რაც გამოწვეულია სისხლის ცირლულაციის მოცულობის შემცირებით. 
წყლისა და ელექტროლიტის სწრაფ შემცირებას შეიძლება მოჰყვეს გონებრივი გაფანტულობა. 

ფურო-დენკ 40-ის დოზის გამოტოვება
არ შეიძლება შემდეგში გაორმაგებული დოზის მიღება. მიჰყევით დოზირების ჩვეულ რეჟიმს

ფურო-დენკ 40-ით მკურნალობის შეწყვეტა
არ შეიძლება ფურო-დენკ 40-ით მკურნალობის შეწყვეტა მკურნალი ექიმის კონსულტაციის გარეშე, ვინაიდან მკურნალობამ შეიძლება არ მოიტანოს შესაბამისი სარგებელი.

4.    შესაძლო გვერდითი ეფექტები

ყველა სხვა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი ეფექტები, თუმცა იგი ყველას არ უვლინდება.
გვერდითი ეფექტების შესაფასებლად საფუძვლად გამოყენებული იქნა სიხშირის შემდეგი ტერმინები:
ძალიან ხშირად:    1-ზე მეტი შემთხვევა ყოველი 10 პაციენტიდან 
ხშირად:    1-10 შემთხვევა ყოველი 100 პაციენტიდან
არა ხშირად:    1-10 შემთხვევა ყოველი 1000 პაციენტიდან
იშვიათად:     1-10 შემთხვევა ყოველი 10,000 პაციენტიდან
ძალიან იშვიათად:    1-ზე ნაკლები შემთხვევა ყოველი 10,000 პაციენტიდან
უცნობი სიხშირით    Aრსებული მონაცემებით სიხშირე ვერ დადგინდა

სისხლისა და ლიმფური სისტემის მხრივ დარღვევები 
ხშირი: სისხლის შედედება (ჰემოკონცენტრაცია; გადაჭარბებული შარდვა).
არახშირი: სისხლის თრომბოციტების რაოდენობის შემცირება (თრომბოციტოპენია).
იშვიათი: სისხლის ზოგიერთი თეთრი უჯრედების რაოდენობის მომატება (ეოზინოფილია), სისხლის თეთრი უჯრედების რაოდენობის შემცირება (ლეიკოპენია)
ძალიან იშვიათი: ერითროციტების დესტრუქციის მომატება (ჰემოლიზური ანემია), ძვლის ტვინიში სისხლის ფორმულირების დარღვევით გამოწვეული ანემია (აპლასტიკური ანემია), ინფექციისადმი მიდრეკილებით და ზოგადი მწვავე სიმპტომებით გამოწვეული გარკვეული ლეიკოციტების რაოდენობის მწვავედ შემცირება (აგრანულოციტოზი). 
აგრანულოციტოზის ნიშნები შეიძლება მოიცავდეს ცხელებას შემცივნებით, ლორწოვანი გარსის წყლულებს და ყელის ტკივილს. 
იმუნური სისტემის მხრივ დარღვევები 
არახშირი: კანისა და ლორწოვანი გარსის ალერგიული რეაქციები (იხ. “კანის და კანქვეშა ქსოვილების მხრივ დარღვევები”). 
იშვიათი: ჰიპერმგრძნობელობის მწვავე რეაქციები, როგორიც არის ცირკულაციური კოლაფსი (ანაფილაქსიური შოკი). შოკის პირველი ნიშნები მოიცავს მწვავე სიწითლეს (გამონაყარს) ან ჭინჭრის ჭინჭრის ციება, მოუსვენრობა, თავის ტკივილი, ოფლიანობა, გულისრევა და კანის ცისფერი შეფერილობა  
უნცობი სიხშირით: სისტემური მგლურას ერითემატოზის (დაავადება, როდესაც იმუნური შისტემა “ებრძვის” ორგანიზმის ქსოვილს) გამწვავება ან გააქტიურება. 
მეტაბოლიზმი და კვების მხრივ დარღვევები (იხ. ნაწილი “განსაკუთრებული სიფრთხილით და სიფრთხილის ზომები”)
ძალიან ხშირი: ელექტროლიტური დისბალანსი (მათ შორის სიმპტომური), სითხის რაოდენობის შემცირება ორგანიზმში და ცირკულირებული სისხლის მოცულობის შემცირება (განსაკუთრებით ხანდაზმულ პაციენტებში), შრატში სისხლის გარკვეული ლიპიდების დონის მომატება (ტრიგლიცერიდები). 
ხშირი: სისხლში ნატრიუმის და ქლორიდის დონის შემცირება (ჰიპონატრიემია და ჰიპოქლორემია, განსაკუთრებით, თუ ნატრიუმის ქლორიდის არაადექვატური რაოდენობა იქნა მიღებული), კალიუმის დონის “გამოლევა” (ჰიპოკალემია, განსაკუთრებით, თუ მცირდება კალიუმის მიწოდება და/ან ერთდროულად იზრდება კალიუმის თირკმლისმიერი დანაკარგი მაგ: ღებინების და ქრონიკული დიარეის შემთხვევაში); შრატში მომატებული ქოლესტერინის დონე, მომატებული შრატში შარდმჟავის დონე, პოდაგრის შეტევები.

არახშირი: სისხლში გლუკოზის დონის მომატება (გლუკოზის ამტანობის დაქვეითება და ჰიპერგლიკემია). დიაბეტის მქონე პაციენტებს (მანიფესტური შაქრიანი დიაბეტი), შეიძლება გამოვლინდეს მეტაბოლური მდგომარეობის გაუარესება. Pირველად შესაძლოა გამოვლინდეს ლატენტური შაქრიანი დიაბეტი.
უცნობი სიხშირით: სისხლში კალციუმის დონის შემცირება (ჰიპოკალცემია), სისხლში მაგნიუმის დონის შემცირება (ჰიპომაგნიემია), სისხლში PH დონის მომატება (მეტაბოლური ალკალოზი), ფსევდო-ბარტერის სინდრომი (თირკმლის ფუნქციის დარღვევა, დაკავშირებული ფუროსემიდის არასათანადო და/ან ხანგრძლივ გამოყენებასთან, ხასიათდება მაგალითად სისხლში PH დონის მომატებით, მარილების დანაკარგით და დაბალი არტერილი წნევა). 
ჰიპონატრიემიის ხშირად გამოვლენილი სიმპტომები მოიცავს აპათიას, ფეხის სპაზმი, მადის დაკარგვა, სისუსტე, ძილიანობა, ღებინება და გონებრივი დაბნეულობა. 
კალიუმის დეფიციტი შეიძლება გამოვლინდეს ისეი ნიშნებით, როგორიცაა კუნთების სისუსტე, კიდურების პარესთეზია (მაგალითად ჩხვლეტის შეგრძნება, დაბუჟება ან წვის მტკივნეული შეგრძნება), დამბლა, ღებინება, ყაზბობა, გასტროინტენსტინალური ტრაქტის მომატებული შებერილობა, მომატებული შარდვა, პათოლოგური წყურვილის შეგრძნება დიდი რაოდენობით სითხის მიღებით და გულის არარეგულარული რითმი (კარდიალური იმპულსების ფორმირებისა და გადაცემის დარღვევა). კალიუმის მწვავე დაქვეითებამ შეიძლება გამოიწვიოს ნაწლავის დამბლა (ნაწლავის პარალიზური გაუვალობა) ან ცნობიერების დაქვეითება, რომელსაც შესაძლებელი გამოიწვიოს კომა. 
კალციუმის თირკლისმიერმა მომატებულმა ექსკრეციამ, შეიძლება გამოიწვიოს კალციუმის დეფიციტი. იშვიათ შემთხვევებში, აღნიშნულმა შეიძლება გამოიწვიოს ნეირომუსკალარული აღგზნებადობის მდგომარეობა (ტეტანია)
მაგნიუმის თირკლისმიერმა მომატებულმა დაკარგვამ, შეიძლება გამოიწვიოს მაგნიუმის დეფიციტი. იშვიათ შემთხვევებში გამოვლინდა ტეტანიის ან არითმიის გამოვლინება.
ნერვული სისტემის მხრივ დარღვევები 
ხშირი: ტვინის დაავადება (ღვიძლის ენცეფალოპათია) ღვიძლის ფუნქციის დარღვევის მქონე პაციენტებში (იხ. ნაწილი 4.3). 
იშვიათი: ჩხვლეტის შეგრძნება, დაბუჟება, კიდურებში წვის მტკივნეული შეგრძნება (პარესთეზიები).
უცნობი სიხშირით: თავბრუსხვევა, სისუსტე და გონების დაკარგვა (გამოწვეული სიმპტომური ჰიპოტენზიით), თავის ტკივილი. 
ყურისა და ლაბირინთის მხრივ დარღვევები
არახშირი: სმენის დაქვეითება, რაც ჩვეულებრივ შექცევადია, განსაკუთრებით თირკმლის უკმარისობის ან ჰიპოპროტეინემიის არსებობისას (მაგ: ნეფროზული სინდრომის დროს) და/ან თუ ძალიან სწრაფი IV ინექცია; სიყრუე (ზოგჯერ შეუქცევადია). 
იშვიათი: ტინიტუსი.
ვასკულარული დარღვევები
ძალიან ხშირი: დაბალი არტერიული წნევა, მათ შორის ცირკულაციური დარღვევები მწოლიარე მდგომარეობიდან ადგომისას (ინტრავენური ინფუზიის დროს) 
იშვიათი: სისხლძარღვების ანთება (ვასკულიტი). 
უცნობი სიხშირით: სისხლძარღვების დახშობა სისხლის კოლტებით (თრომბოზი, განსაკუთრებით ხანდაზმულ პაციენტებში). 
შარდის გადაჭარბებულმა გამოყოფამ შეიძლება გამოიწვიოს ჩივილები სისხლის მიმოქცევის მხრივ (მთავრდება სისხლის მიმოქცევის კოლაფსით), განსაკუთრებით ხანდაზმულებში და ბავშვებში. აღნიშნული განსაკუთრებით ვლინდება თავის ტკივილით, თავბრუსხვევით, მხედველობის დაქვეითებით, პირის სიმშრალითა და წყურვილით, არტერიული წნევის ვარდნით და ცირკულაციური დარღვევებით მწოლიარე მდგომარეობიდან ადგომისას. 
გასტროინტესტინალური დარღვევები
არახშირი: გულისრევა.
იშვიათი: ღებინება, დიარეა.
ძალიან იშვიათი: მწვავე პანკრეატიტი.
ჰეპატობილიარული დარღვევები
ძალიან იშვიათი: ნაღველის სტაგნაცია (ღვიძლშიდა ქოლესტაზი), ღვიძლის ზოგიერთი მაჩვენებლების დონის გაზრდა (ტრანსამინაზები). 
კანისა და კანქვეშა ქსოვილის მხრივ დარღვევები
არახშირი: ქავილი, ჭინჭრის ციება, გამონაყარი, კანის და ლორწოვანი გარსის რეაქციები სიწითლით, გამონაყარის და ბუშტუკების გამოვლენა (ბულოზური ეგზანთემა, მულტიფორმული ერითემა, პემფიგოიდი, ექსფოლიაციური დერმატიტი, პურპურა), სინათლის მიმართ მგრძნობელობა (ფოტომგრძნობელობა).
უცნობი სიხშირით: კანის და ლორწოვანი გარსის მწვავე რეაქციები, გამონაყარისთ და კანის აქერცვლით (სტივენს-ჯონსონის სინდრომი, ტოქსიკური ეპიდერმული ნეკროლიზი, მწვავე გენერალიზებული ეგზანთემატოზური პუსტულოზი [AGEP], [წამლისმიერი გამონაყარი ეოზინოფილიით და სისტემური სიმპტომებით]. 
ძვალ-კუნთოვანი და შემაერთებელი ქსოვილის მხრივ დარღვევები 
უცნობი სიხშირით: გამოვლინდა კუნთების მხრივ სერიოზული პრობლემები (რაბდომიოლიზი), ხშირად დაკავშირებული კალიუმის მწვავე დეფიციტთან (იხ. ”ფურო-დენკ 40-არ მიიღება”).  
თირკმელებისა და შარდის მხრივ დარღვევები 
ძალიან ხშირი: მომატებული შრატის კრეატინინი.
ხშირი: შარდის გამოყოფის მომატება.
იშვიათი: თირკმლის ანთება (ინტერსტიციული ნეფრიტი). 
უცნობი სიხშირით: შარდში ნატრიუმის, ქლორიდის დონის მომატება, სისხლის შარდოვანას დონის გაზრდა. შარდის დინების ობსტრუქციის ნიშნები (მაგ: პროსტატის ჯირკვლის გადიდება, ჰიდრონეფროზის, შარდსაწვეთის სტენოზის შემთხვევაში) და მეორეული გართულებებით შარდის შეკავებაც კი (იხ. “გაფრთხილებები და სიფრთხილის ზომები”), ნეფროკალცინოზი და/ან ნეფროლითიაზი დღენაკლულ ახალშობილებში, თირკმლის უკმარისობა (იხ. “სხვა მედიკამენტები და ფურო-დენკ 40”). 
თანდაყოლილი, ოჯახური და გენეტიკური დარღვევები
უცნობი სიხშირით: დღენაკლულ ახალშობილებში, დიურეზული მკურნალობა ფურო-დენკ 40-ით, სიცოცხლის პირველი კვირეების განმავლობაში, არტერიული სადინრის შეუხორცებლობის რისკის გაზრდა (Bოტალლო-ს მუდმივი არტერიული სადინრი).
ზოგადი დარღვევები და შეყვანის ადგილის მდგომარეობები
იშვიათი: ცხელება
თუ გვერდითი ეფექტი გამოვლინდება მოულოდნელად და განვითარდება სწრაფად, დაუყონებლივ უნდა მიემართოს ექიმს, ვინაიდან ზოგიერთი გვერდითი რეაქცია შეიძლება იყოს სიცოცხლისთვის საშიში ზოგიერთ გარმოებაშI. ექიმი გადაწყვეტს მისაღებ ზომებს და როდის უნდა გაგრძელდეს თერაპია
ჰიპერმგრძნობელობის რეაქციის პირველი ნიშნების გამოვლენის შემდეგ, ფურო-დენკ 40-აღარ მიიღება 

გვერდითი ეფექტების შესახებ შეტყობინება
თუ გამოვლინდა რომელიმე გვერდითი ეფექტი, უნდა მიემართოს მკურნალ ექიმს ან ფარმაცევტს. 
ეს ასევე ეხება ყველა შესაძლო გვერდით ეფექტსაც, რომელიც არ არის აღწერილი გამოყენების აღნიშნულ ინსტრუქციაში. 
გვერდითი ეფექტების შეტყობინებით პაციენტი დაგვეხმარება უფრო მეტი ინფორმაცია შეგროვდეს აღნიშნული პრეპარატის უსაფრთხოების შესახებ.

5.    ფურო-დენკ 40-ის შენახვის წესი

•    ეს მედიკამენტი ინახება ბავშვებისთვის მიუწვდომელ ადგილზე
•    მედიკამენტი არ გამოიყენება ვადის გასვლის შემდეგ, რომელიც მითითებულია შეფუთვაზე და ბლისტერზე “Exp”-ის შემდეგ. ვადა გულისხმობს მითითებული თვის ბოლო დღეს 
•    შენახვის ვადა: 3 წელი
•    ინახება 25C°-ზე დაბალ ტემპერატურაზე, მშრალ ადგილას
•    სინათლისგან დაცვის მიზნით ინახება ორიგინალ შეფუთვაში
არ შეიძლება რომელიმე მედიკამენტის გადაგდება სანაგვე ურნაში ან საკანალიზაციო წყალში. უნდა მიემართოს ფარმაცევტს, იმ მედიკამენტის განადგურებისათვის, რომელიც აღარ გამოიყენება. ეს ღონისძიება დაიცავს გარემოს

6.    შეფუთვის შემადგენლობა და სხვა ინფორმაცია

ფარმაკოლოგიური თვისებები:
ფარმაკოთერაპიული ჯგუფი: ძლიერი მოქმედების შარდმდენი
აქთ კოდი:C03CA01
ფუროსემიდი არის ძლიერმოქმედი, სწრაფად მოქმედი მარყუჟოვანი შარდმდენი. იგი თრგუნავს Na+/2CI-/K+  რეაბსორბციას ჰენლეს მარყუჟის აღმავალ ნაწილში ამ იონების ბლოკადის გზით. 
ფუროსემიდი უზრუნველყოფს რენინ-ანგიოტენზინ-ალდოსტერონის სისტემის დოზადამოკიდებულ სტიმულირებას. გულის უკმარისობისას ფუროსემიდი იწვევს გულის წინადარტვითვის მკვეთრად შემცირებას ვენების შიგთავსიანი სისხლძარღვების დილატილაციის ხარჯზე. სისხლძარღვების ეს ადრეული ეფექტი, როგორც ჩანს განპირობებულია პროსტაგლადინებით და და მისი ეფექტური რეალიზებისთვის საჭიროა თირკმლის ადექვატური ფუნქცია რენინ-ანგიოტენზინ-ალდოსტერონის სისტემას სინთეზის გააქტიურებით და პროსტაგლანდინების სრულყოფილი სინთეზით
ფუროსემიდს გააჩნია ანტიჰიპერტენზიული ეფექტი, ნატრიუმის ქლორიდის გაზრდილი ექსკრეციის და ვაზოკონსტრიქტორულ სტიმულებზე სისხლძარღვების გლუვკუნთიანი უჯრედების რეაქციულობის შემცირების, ასევე სისხლის მოცულობის შემცირებით.

ფარმაკოკინეტიკური თვისებები
ფუროსემიდის, პერორალური მიღების შემდეგ, 60-70% შეიწოვება კუჭ-ნაწლავის ტრაქტის მიერ. გულის ქრონიკული უკმარისობის და ნეფროზული სინდრომის მქონე პაციენტებში, შეწოვა შეიძლება შემცირდეს 30%-ზე ნაკლებ მნიშვნელობამდე ეფექტის დაწყება მოსალოდნელია, დაახლოებით, 30 წუთის შემდეგ. სისხლის პლაზმაში პიკური კონცენტრაცია მიიღწევა დაახლოებით 1 სთ-ის შემდეგ და დაახლ. 3.5 საათის შემდეგ ნელი გამოთავისუფლების კაფსულების შემთხვევაში.
ფუროსემიდის პლაზმის ცილებთან მიერთება შეადგენს დაახლ. 95%-ს და შეიძლება შემცირდეს 10%-მდე თირკმლის უკმარისობის შემთხვევაში. 
ფუროსემიდი მცირედად მეტაბოლიზდება (დაახლოებით 10%) მხოლოდ ღვიძლში და დიდი რაოდენობით უცვლელი სახით გამოიყოფა. ორი-მესამედი გამოიყოფა თირკმლისმიერი გზით, ხოლო ერთი-მესამედი გამოიყოფა ნაღველით და ფეკალიებით.
თირკმლის ნორმალური ფუნქციის შემთხვევაში ნახევარგამოყოფის პერიოდი დაახლოებით 1 საათს შეადგენს. თუმცა, თირკმელის ტერმინალური უკმარისობის მქონე პაციენტებში, ის შეიძლება გახანგრძლივდეს 24 საათამდე. 

ფურო-დენკ 40-ის შემადგენლობა: 
•    აქტიური ნივთიერებები არის ფუროსემიდი. თითოეული აპკიანი გარსით დაფარული ტაბლეტი შეიცავს 40მგ ფუროსემიდს.
•    სხვა ნივთიერებებია: ლაქტოზას მონოჰიდრატი, სიმინდის სახამებელი, მაგნიუმის სტრეარატი, კროსპოვიდონი, მიკროკრისტალური ცელულოზა, მაკროგოლი 6000, ცელულოზას ფხვნილი, კოლოიდური უწყლო სილიციუმი, ნატრიუმის კროსკამელოზა.

მიწოდების ზოგადი კლასიფიკაცია
სამედიცინო პროდუქტის გაცემის წესი არის სამედიცინო დანიშნულება

ფურო-დენკ 40-ის აღწერილობა და შეფუთვა:
ფურო-დენკ 40 არის თეთრიდან მოყვითალო-მოთეთრო ფერში გარდამავალი, შემოუგარსავი, მრგვალი ფორმის, ორმხრივ ამოზნექილი ტაბლეტი, ერთმხრივი გამყოფი ხაზით. 
ტაბლეტები შეიძლება გაიყოს თანაბარ დოზებად
ფურო-დენკ 40 ხელმისაწვდომია PVC/PVDC/ალუმინის ბლისტერებში
შეფუთვაში: 100 ტაბლეტი

ასევე, იხილეთ: >Furosemide - ფუროსემიდი 40მგ 20 ტაბლეტი