ფსორიაზის გელი - Psoriasis Gel 50მლ

 CANNASEN® ფსორიაზის გელი      

გამოყენების ინსტრუქცია

1. გახსენით ფსორიაზის გელი

2. წაისვით და შეიზილეთ გელი დაუზიანებელ კანზე

3. ნაზად მოიშორეთ გელის ნაწილი, რომელიც კანზე დარჩა  გელის დატანიდან 1 საათის შემდეგ.

CANNASEN® ფსორიაზის გელის გამოყენებამდე გთხოვთ,  ყურადღებით გაეცანოთ ინსტრუქციას

CANNASEN®  ფსორიაზის გელი რეგისტრირებული სამედიცინო დანიშნულების საქონელია. ეფექტურობა და უსაფრთხოება შემოწმებულია ევროპული დირექტივის მიხედვით სამედიცინო დანიშნულების საქონლის  შესახებ (2017/745).

რა არის CANNASEN® ფსორიაზის გელი და როგორ მოქმედებს?

ფსორიაზის გელი შექმნილია, როგორც დამხმარე საშუალება, >ფსორიაზის   სიმპტომების შესამსუბუქებლად. გელში შემავალი მკვდარი ზღვის მარილი პასუხისმგებელია პროდუქტის სასურველ ეფექტზე, ხელს უწყობს მკვდარი უჯრედების მოცილებას, ამცირებს კანის აქერცვლას და სიმშრალით გამოწვეულ სიწითლეს. გამოყენებისას გელი ქმნის ოსმოსურ ეფექტს და ხელს უწყობს ტენიანობის შენარჩუნებას. გელში არსებული მარილის ხსნარი იზიდავს და აკავებს წყლის მოლეკულებს. ეთანოლის/წყლის ნარევი უზრუნველყოფს  გაგრილების ეფექტს. გარდა ამისა, ფსორიაზის გელი დამატებით შეიცავს კანის მოვლის ინგრედიენტებს, რომლებიც აუმჯობესებენ კანის დატენიანებას და ხელს უშლიან ახალი ქერცლების წარმოქმნას.

გამოყენების მიზანი

პროდუქტი განკუთვნილია ფსორიაზის სიმპტომების, სიმშრალის, სიწითლის და კანის აქერცვლის(ქერქების) შესამსუბუქებლად.

გამოყენების უპირატესობები

ფსორიაზის გელი გამოიყენება, როგორც დამხმარე საშუალება  ფსორიაზის ადგილობრივი მკურნალობისთვის.  ამცირებს ფსორიაზის ზოგად სიმპტომებს, როგორიცაა კანის სიმშრალე და სიწითლე,  ახალი ქერცლების წარმოქმნისკენ მიდრეკილება. უზრუნველყოფს დატენიანებას და ჰიდრატაციას.

გამოყენება

წაისვით გელის საჭირო რაოდენობა  ერთ ან ორჯერ დღეში კანის დაზიანებულ უბანზე. შეიზილეთ დაუზიანებელ კანზე და ერთი საათის შემდეგ ნაზად მოიშორეთ გელის ნარჩენები, რომელსაც არ შეიწოვს კანი. გაიწმინდეთ და დაატენიანეთ კანი გელის გამოყენების  შემდეგ. პროდუქტი განკუთვნილია დროებითი გამოყენებისთვის.

შემადგენლობა

აქტიური ინგრედიენტები: 15% მკვდარი ზღვის მარილი, 15 % ეთანოლი

დამხმარე ნივთიერებები: წყალი, პოლიგლიცერილ-4 კაპრატი, ნატრიუმის სტეაროილ გლუტამატი, პანთენოლი, ტოკოფეროლის აცეტატი, ჰიდროქსილეთილცელულოზა, კანაბიდიოლი (CBD), იზოპროპილის მირისტატი, რეტინილ პალმიტატი, ალოე ბარბადენსის ფოთოლი.

კონსერვანტებისა და საღებავების გარეშე. ფსორიაზის გელი შეიცავს ალკოჰოლს.

გამოშვების ფორმა და შემცველობა

ორიგინალური შეფუთვა 50 მლ გელი.

იხილეთ ბლოგი: >რა არის ფსორიაზი და როგორ ვლინდება

სიფრთხილის ზომები

● მხოლოდ ადგილობრივი გამოყენებისთვის. არ მიიღოთ გელი პერორალურად

● მოერიდეთ კონტაქტს თვალებთან

● შეინახეთ პატარა ბავშვებისა და შინაური ცხოველებისთვის მიუწვდომელ ადგილას.

● არ არის რეკომენდებული  პროდუქტის გამოყენება 14 წლამდე ასაკის ბავშვებში, ექიმთან კონსულტაციის გარეშე.

● ორსულობისა და ძუძუთი კვების დროს,  გამოიყენეთ მხოლოდ ექიმთან კონსულტაციის შემდეგ.

● არ გამოიყენოთ ეს პროდუქტი დაზიანებულ ან ტრავმირებულ კანზე.

● დაიბანეთ ხელები გამოყენების შემდეგ.

● თუ მკურნალობის დაწყებიდან 2-3 დღის შემდეგ გაუმჯობესება არ შეინიშნება ან სიმპტომები მნიშვნელოვნად გაუარესდა, მიმართეთ ექიმს.

მედიკამენტებთან ურთიერთქმედება

ურთიერთქმედების თავიდან ასაცილებლად, გამოიყენეთ მედიკამენტები ორი საათის ინტერვალით ან მიმართეთ ექიმს.

გვერდითი ეფექტები

ინსტრუქციის მიხედვით გამოყენებისას გვერდითი მოვლენები არ დაფიქსირებულა.

უკუჩვენებები

არ გამოიყენოთ რომელიმე ინგრედიენტის მიმართ ჰიპერმგრძნობელობის (ალერგიის) შემთხვევაში.

შენახვის პირობები

· ინახება გრილ (10°C-დან 25°C-მდე) და სინათლისგან დაცულ ადგილას.

· გამოყენების შემდეგ შეინახეთ ტუბი მჭიდროდ დახურულ მდგომარეობაში.

· ფსორიაზის გელის გამოყენება შესაძლებელია გახსნიდან 6 თვის განმავლობაში.  

· პროდუქტი არ უნდა იქნას გამოყენებული, მუყაოს კოლოფზე მონიშნული ,, ვარგისიანობის ვადის" ამოწურვის შემდეგ.

· შემადგენლობიდან გამომდინარე, გარკვეული დროის შემდეგ, გელმა შეიძლება მიიღოს ოდნავ ვარდისფერი ელფერი. ეს არ იმოქმედებს პროდუქტის ხარისხზე.

განკარგვა

პროდუქტის გადაგდება შესაძლებელია საყოფაცხოვრებო ნარჩენებთან ერთად.

ინციდენტის შეტყობინება: თუ ეს პროდუქტი დაკავშირებულია სერიოზულ ინციდენტთან (პაციენტის, მომხმარებლის ან სხვა პირის გარდაცვალება; პაციენტის, მომხმარებლის ან სხვა პირის ჯანმრთელობის მდგომარეობის დროებითი ან ქრონიკული გაუარესება; საზოგადოებრივი ჯანმრთელობისთვის შექმნილი სერიოზული რისკი), ეს ინციდენტი უნდა ეცნობოს მწარმოებელს და სახელმწიფო კომპეტენტურ ორგანოებს.