პრობიოქსინი - Probioxin 30 კაფსულა

PROBIOCSIN
პრობიოქსინი

შემადგენლობა:

1 კაფსულა შეიცავს:
Saccharomyces boulardii ,Bifidobacterium bifidum, Lactobacillus acidophilus, Lactobacillus casei, Lactobacillus plantarum, Lactobacillus rhamnosus, Bifidobacterium  breve , Streptococcus thermophilus, Bifidobacterium longum.

საერთო რაოდენობით 4 X 109 ბაქტერია.

ფარმაკოთერაპიული ჯგუფი:
პრობიოტიკი, ნაწლავური მიკროფლორის აღმდგენი, ანტიდიარეული საშუალება.

ფარმაკოლოგიური მოქმედება:

პრობიოტიკი ნაწლავის ნორმალური მიკროფლორის შესანარჩუნებლად. 

პრობიოქსინი ახდენს ნაწლავური მიკროფლორის ნორმალიზებას: ინარჩუნებს და არეგულირებს ნაწლავური მიკროფლორის ფიზიოლოგიურ წონასწორობას (მიკრობიოცენოზი) და უზრუნველყოფს მის ნორმალურ ფუნქციონირებას. პრობიოქსინის თერაპიულ ეფექტს განსაზღვრავს ცოცხალი ბიფიდო  და ლაქტობაქტერიები, რომელთაც გააჩნიათ ანტაგონისტური მოქმედება ნაწლავში არსებული პათოგენური და პირობით პათოგენური მიკროორგანიზმების მიმართ. პრობიოქსინის შემადგენლობაში შემავალი რძემჟავა ბაქტერიები ახდენენ რძემჟავის და მცირე რაოდენობით ძმარმჟავის და პროპილენმჟავის პროდუცირებას. ნაწლავში წარმოქმნილი მჟავა გარემო არახელსაყრელ პირობებს ქმნის პათოგენური და პირობით პათოგენური მიკროორგანიზმების განვითარებისათვის. რძემჟავა ბაქტერიები მონაწილეობენ მონოსაქარიდების შეწოვაში, ნაღვლის მჟავების მეტაბოლიზმში, ახდენენ ნაწლავის კედლის ეპითელიუმის უჯრედების მემბრანების სტაბილიზირებას, არეგულირებენ ელექტროლიტების შეწოვას და ვიტამინების სინთეზს (ვიტამინები B1, B2, B6, B12, K, E, PP, ასკორბინის მჟავა, ბიოტინი), ქმნიან ხელსაყრელ პირობებს რკინის, კალციუმის და ვიტამინ D-ს შეწოვისათვის.

პრობიოქსინში შემავალი Saccharomyces boulardii წარმოადგენს არაპათოგენურ საფუარის სოკოს. იგი ავლენს ანტიტოქსიურ და ანტისეკრეტორულ მოქმედებას, რაც გამოიხატება განსაკუთრებით Clostridium difficil-ის ტოქსინებზე   დამშლელი პროტეაზების გამომუშავების გზით და ენტეროციტებში ცამფ - ის  წარმოქმნის დათრგუნვით. იგი წვრილ ნაწლავებში ზრდის დისაქარიდაზების აქტივობას და აუმჯობესებს შეწოვის პროცესებს კედლისმიერი შეწოვის აღდგენისა და ნაწლავის ლორწოვანი გარსის ტროფიკის გაუმჯობესების გზით. ზრდის ადგილობრივ იმუნიტეტს IgA-ს და სხვა იმუნოგლობულინების სეკრეტორული კომპონენტების სინთეზის მომატების გზით. Saccharomyces boulardii  ეფექტურად გამოიყენება ანტიბიოტიკებთან   ერთად კომბინაციაში.  ავლენს მდგრადობას კუჭის მჟავე გარემოსადმი, ნაწლავში მოხვედრისას სწრაფად მრავლდება და აღწევს მაღალ კონცენტრაციას, რაც ნარჩუნდება 24 საათის განმავლობაში. Saccharomyces boulardii არ აღწევს სისტემურ სისხლის მიმოქცევაში და მეზენტერალურ ლიმფურ კვანძებში. მნიშვნელოვანია, რომ იგი არ ახდენს კოლონიზაციას და პრეპარატის მიღებიდან 3-5 დღის შემდეგ ბუნებრივი გზით გამოიყოფა. პრობიოქსინის გამოყენება აუმჯობესებს ცილების მონელებას, ბიფიდობაქტერიების ფოსფოპროტეინფოსფატაზა მონაწილეობს რძის კაზეინის მეტაბოლიზმში. ნორმალური ნაწლავური მიკროფლორის ფიზიოლოგიური წონასწორობის და ფუნქციონირების დარღვევა შესაძლოა გამოიწვიოს სხვადასხვა ფაქტორებმა : ზოგიერთი სამკურნალო საშუალების მიღება (ანტიბიოტიკები, საფაღარათო საშუალებები) , არაბალანსირებული კვება, დიდი რაოდენობით საწარმოო მეთოდით დამზადებული და კალორიული პროდუქტების მიღება, სტრესი, დაძაბულობა, სიგარეტის მოწევა, ალკოჰოლის ჭარბად გამოყენება, სხვადასხვა ნივთიერებით ინტოქსიკაცია. ყველაფერ ამას შესაძლოა თან სდევდეს ნაწლავური მიკროფლორის ფიზიოლოგიური წონასწორობის დარღვევა.

ჩვენებები:

· ნაწლავური დისბიოზი ( ნაწლავური დისბაქტერიოზი), მათ შორის ანტიბიოტიკების,სულფანილამიდების და სხვა ქიმიოთერაპიული საშუალებების მიღების შედეგად განვითარებული;

· სხვადასხვა ეტიოლოგიის ქრონიკული კოლიტი, მათ შორის არასპეციფიური წყლულოვანი კოლიტი და კრონის დაავადება;

· გადატანილი მწვავე ნაწლავური ინფექციები;

· ქრონიკული ენტეროკოლიტი;

· გაღიზიანებული ნაწლავის სინდრომი;

· მოგზაურთა დიარეა, მწვავე დიარეა;

· შეკრულობა, მეტეორიზმი;

· პირის ღრუს და ნაწლავების მიკოზები;

· ატოპიური დაავადებები (ატოპიური დერმატიტი, ნეიროდერმატიტი, ალერგიული რინოკონიუქტივიტი);

· ალერგიული პროცესები (მათ შორის ალიმენტარული ალერგია), ალერგოზები;

· კანის ქრონიკული ანთებითი დაავადებები (ფურუნკულოზი, ფერიმჭამელა);

მიღების წესი და დოზირება:

 მოზრდილები :1 კაფსულა 2 – 3 -ჯერ დღეში ჭამის დროს.
 ბავშვები 6 წლის ასაკიდან და ზევით:  1 კაფსულა 2-ჯერ დღეში ჭამის დროს.
 ბავშვები 2  დან 6 წლამდე :1 კაფსულა  1-2-ჯერ დღეში ჭამის დროს .

მკურნალობის ხანგრძლივობა 1-3 კვირა.

უკუჩვენება: ჰიპერმგრძნობელობა პრობიოქსინის შემადგენლობაში შემავალი კომპონენტების მიმართ.

გვერდითი ეფექტები: შესაძლოა ინდივიდუალური აუტანლობის რეაქციები.

გამოყენება ორსულობისა და ლაქტაციის პერიოდში: პრეპარატის გამოყენება შესაძლებელია ორსულობის და ლაქტაციის პერიოდში.

გამოშვების ფორმა: პრობიოქსინი №30. 30 კაფსულა მაღალი ხარისხის, ჰერმეტულად დახურულ ფლაკონში , ფურცელჩანართთან ერთად მუყაოს კოლოფში.

შენახვის ვადა: მითითებულია შეფუთვაზე და ფლაკონზე. არ გამოიყენოთ შენახვის ვადის ამოწურვის შემდეგ.

შენახვის პირობები: შეინახეთ სინათლისგან დაცულ, ბავშვებისათვის მიუწვდომელ ადგილას. არა უმეტეს  +25 ° C  ტემპერატურაზე.

აფთიაქიდან გაცემის პირობა: გაიცემა რეცეპტის გარეშე.

ასევე, იხილეთ: >ლაუკერი - Lauker 20 კაფსულა