პრინცი იოანე ბაგრატიონი, 7, სეპაჟი, თეთრი მშრალი ღვინო, 2018 წ.

დახასიათება

ღვინო 7, თეთრი მშრალი. ამ სეპაჟში მონაწილეობს 6 ენდემური ქართული და 1 ფრანგული ყურძნის ჯიში: კახეთის რეგიონში მოყვანილი ხიხვი, ქისი, რქაწითელი და მწვანე, იმერეთის რეგიონში მოყვანილი კრახუნა და ცოლიკოური, და ყვარლის ზონაში მოწეული შარდონე. ღვინო არის წკრიალა ჩალისფერი, აქვს გამოხატული ციტრუსის, კერძოდ, მანდარინის არომატი, ასევე იგრძნობა კოწახურის და პურის ქერქის არომატები. არის სავსე, დაბალანსებული, საკმაოდ სხეულიანი ღვინო, ხალისიანი მჟავიანობით და დასამახსოვრებელი გემოთიი. უხდება ქათმის კერძებსა და სალათებს. რეკომენდებულია მიირთვათ 10-12 გრადუს ტემპერატურაზე. შენახვის ტემპერატურა 5-20 გრადუსი.

რთველი ოქტომბრის დასაწყისში დაიგეგმა, რათა ყველა ყურძნის ჯიშის მოსავლის აღების ეტაპი ერთმანეთს დამთხვეოდა. რთველი იმერეთში დილაადრიან დაიწყო და მოსავალი დანიშნულების ადგილას, კახეთში გაიგზავნა, ხოლო კახეთის რეგიონში შესრულდა საღამოს რთველი. ყურძენი ხელით იყო დაკრეფილი და საგულდაგულოდ შერჩეული.

ბრენდის ისტორია

საქართველოს ბაგრატიონთა სამეფო საგვარეულო ერთ-ერთი უძველესი სამეფო დინასტიაა მსოფლიოში. ოჯახს ასევე დიდი ისტორია აქვს ქართული ღვინის ინდუსტრიაში, სადაც მათ გადამწყვეტი როლი შეასრულეს. პრინცი იოანე დაიბადა და გაიზარდა ემიგრაციაში მადრიდში. 2014 წელს სამშობლოში. საქართველო მისი გატაცებაა და მეღვინეობა ამ ვნების ერთ-ერთ მთავარ არხად იქცა. „განსხვავებულობით, სიმშვიდითა და წარმომავლობით, ჩვენი ღვინოები სიმბოლოა მემკვიდრეობის სიყვარულსა და ჩვენი წმინდა ტრადიციების პატივისცემაზე“.