ფორციპი

დასახელება - ფორციპი წვეთები თვალის/ყურის 0.3% 5მლ ფლაკონი #1
გამოყენების ჩვენებები
ოფთალმოლოგიაში
პრეპარატი განკუთვნილია რქოვანას წყლულების და თვალის და მისი დანამატების ზედაპირული ბაქტერიული ინფექციების სამკურნალოდ, რომლებიც გამოწვეულია ციპროფლოქსაცინისადმი მგრძნობიარე პათოგენებით მოზრდილებში, ხანდაზმული ასაკის პირებსა და 8 წელზე უფროსი ასაკის ბავშვებში.
ოტორინოლარინგოლოგიაში
პრეპარატი განკუთვნილია მწვავე გარე ოტიტების და შუა ყურის ანთებების სამკურნალოდ, რომელიც მიმდინარეობს სეკრეციით დაფის აპკის დაზიანების შედეგად, რაც გამოწვეულია ციპროფლოქსაცინისადმი მგრძნობიარე ბაქტერიული სახეობებით, მოზრდილებში, ხანდაზმული ასაკის პირებსა და 8 წელზე უფროსი ასაკის ბავშვებში.
გამოყენების წესი და დოზირება
ოფთალმოლოგიაში
დოზირება
მოზრდილები და ხანდაზმული ასაკის პირები:
• რქოვანას წყლული
ფორციპის წვეთები გამოყენებული უნდა იქნას ქვემოთ მითითებული ინტერვალებით, მათ შორის ღამით:
პირველ დღეს: 2 წვეთი დაზიანებული თვალის/თვალების კონიუნქტივალურ ტომარაში 15 წუთში ერთხელ პირველი 6 საათის განმავლობაში და შემდეგ დღე-ღამის განმავლობაში 2 წვეთი ყოველ 30 წუთში ერთხელ.
მეორე დღეს: 2 წვეთი დაზიანებული თვალის/თვალების კონიუნქტივალურ ტომარაში ყოველ საათში ერთხელ.
მესამე დღიდან მეთოთხმეტე დღემდე: 2 წვეთი დაზიანებული თვალის/თვალების კონიუნქტივალურ ტომარაში ყოველ 4 საათში ერთხელ.
საჭიროების შემთხვევაში მკურნალობის გაგრძელება შეიძლება 14 დღეზე მეტი ხნის განმავლობაში, მკურნალმა ექიმმა უნდა განსაზღვროს დოზირების რეჟიმი და მკურნალობის ხანგრძლივობა.
• თვალის და მისი დანამატების ზედაპირული ინფექციები
ჩვეულებრივი დოზა შეადგენს 1-2 წვეთს დაავადებული თვალის/თვალების კონიუნქტივალურ ტომარაში 4 ჯერ დღეში.
მძიმე ინფექციების დროს პირველი ორი დღის განმავლობაში დაავადებული თვალის/თვალების კონიუნქტივალურ ტომარაში აწვეთებენ 1-2 წვეთს ყოველ 2 საათში, შემდეგ გადადიან ჩვეულებრივ დოზაზე (1-2 წვეთი 4 ჯერ დღეში).
მკურნალობის ჩვეულებრივი ხანგრძლივობა შეადგენს 7-14 დღეს.