პირველწყარო

ანოტაცია

"„პირველწყაროს" წაკითხვა მეგობარმა შემომთავაზა, რაკი არქიტექტორი ვარ. წიგნი ერთი ამოსუნთქვით წავიკითხე, დიდი შთაბეჭდილებებით და განცდებით. აქამდე აინ რენდის სახელი გაგონილიც არ მქონდა. მერე აღმოჩნდა, რომ მრავალი ათწლეულია, ეს ნაწარმოები მსოფლიო ბესტსელერად რჩება. ძალიან მომეწონა. თუმცა ვერ გავბედავდი, ამ წიგნის წაკითხვა ყველასთვის მერჩია. ზოგს ალბათ გული დაწყდება, რომ თავისი ცხოვრება ისე არ განვლო, როგორც უნდოდა, ზოგი კი შეიძლება ამ წიგნის წაკითხვის შემდეგ ისეთ მწვერვალებს შეეჭიდოს, რომელსაც ან მიაღწევს, ან ვერა. ყოველ შემთხვევაში, აუცილებლად გაგიჩნდება სურვილი, გახდე უფრო მეტი, ვიდრე ხარ, ყოველდღიურობაზე ამაღლდე. შენი (არა საზოგადოების) ფასეულობები განსაზღვრო. წიგნი თვითგამოხატვის, შენების, შექმნის დაუოკებელ ვნებაზეა, პიროვნებაზე, რომელიც უკომპრომისოა სიყვარულშიც და საქმეშიც. სინამდვილეში, ასეთი ადამიანები არიან პროგრესის „პირველწყარო"" - დიმიტრი მოსულიშვილი.